مشكله اخوي مع زوجته >><<

[عابرة في الحياة]

بالنسبة لردك ليه .. انا قريت المشكلة كاملة وفهمتها كمان ..

انا ( مستقبلي ) اهم عندي من امي وابوي شايف كيف ..

يعني ايش بالك اذا كان زوجي !!

بعدين انتوا لساتكم توكم متزوجين .. يعني ما اتوقع امداك تحبها او امداها تحبك

.. وعن سالفة الثياب ,, كان انته قبل تودي لها ثيابها توضح لها موقفك ..

مو تجي توديها بعدين تقول قلت ممكن ما عندك ثياب !!!

لو انا منها اقول بس تصريفه واتحدى انه يقول حرام ما عندي ثياب .. !!!!

بالنسبة لرسوم الجامعه .. ممكن تكون مستعجله ....؟

ولو من جد مصلحه ما كان قالتها لك من البدايه كذا بوجهك .. كان قعدت

تلف وتدور وحبيبي ومن ذا الكلام .. ! بعدين ما فيه مصلحه ما مصلحه

بين زوجين .. انت ولي امرها ولها حق تصرف عليها مثل ما لك حق تروح تجيبها من بيت اهلها ,.!


انت اصلا لو جد جد كانت مشكله بنظرك كان جبتها مع شعرها ,, ما قعدت تترجا ابوها والا غيره ...

انت اذا تبيها تعرف انك تبيها او لا .. اعطيها كلمتين بعظمها ,, ترجعين والا ورقتك تجيك

وشوف اذا دق عليك تبيك .. واذا طنشت ما تبيك

( وعذراً اذا كلامي بالبداية ما عجبك )
تحياتي^^

 

[قطـــــريه]

صراحة نرفزني أخوج .. اولا قلنا توها عروس ومن حقها تدلع لكن مو كذا ؟ انا ما أحرض اخوج على مرته لكن لازم هو يعرف انه لازم يمنع زوجته من المبيت ومافي شي اسمه امرج وهي تقول لا مب على كيفها معليش .. وبعدين وشو مودي لها ملابسها ؟؟؟ والله محد جبرها تروح وتقعد من نفسها وراسها من غير اي احترام لخوج وزود كذا ودالها ملابس ؟ من رايي يطنشها ولا يرد على مكالماتها ولا في الماسنجر ويمسك نفسه ولا يقعد يقولها بترجعين ولا لا .. تبين الطلاق ولا لا .. تبين وتبين وتبين ؟؟ هي عارفه ان اخوج ماراح يطلق وقاعدة هي واهلها يلعبون عليه ليش بالله ؟؟ والله عيب ولا فيها سنع .. من رايي ينتظر اخوج ولا يعبرهم لاهي ولا اهلهم لمن يدق حد من صوبها يبون يتفاهمون رد عليهم انا جيت كثير اللي يبي يتفاهم معاي يجي عندي او شوفوا لكم طرف محايد وله قدر ونتفاهم عنده .. وخلك حازم مو تتهاون في الموضوع ترى انت الريال مو هي ولازم يعرفون انك انت الريال وان اللي صار مو ذاك السبب الكبير ولا يستاهل وتشرط بيات بيت اهلها مافي ابدا وخلك حازم في هالموضوع وممكن تتنازل عن هالشرط بعد كم سنه لمن تشوف انها صارت مره سنعه .. ودفعه الجامعة معليش لا تدفعها لها الحين خلها هي لمن تعرف منهو المسؤول عنها ادفعها لها بس نصيحة مو هالسنه خلها الفصل الجاي تكون قد تسنعت .. ومو كل شي يقولها ان شاء الله .. براحتج .. او يسكت .. واكررررر انا ما احرض اخوج على مرته انا ابيه يعلمها انه هو الريال وبعد سنه او سنتين يقدر يتعامل معاها بطريقه نفس ماهو يحب بس هالفترة لازم يشد عليها مو يكون قاسي بس يكون شديد شوي وحازم لمن يقولها بمرج يعني بمرج تطلعين ان قالت لا قالها قعدي بيت هلج وهم يجيبونج ولا يروح لها ويخليها هي ترد بروحها ..
انا اشوف السبب والموضوع ما يستاهل الطلاق ابدا ولا اايد الطلاق اصلا لان السبب تافه .. الغلط كله في أخوج .. واسفه اقوله كذا لو هي شافت اخوج حازم ومش لين ومتسامح ويعدي لها اغلاطها ماتمادت ..

 

[الشتاء الدافئ]

انا من رأيي زوجتك تحتاج لقرصة اذن قويه شوي عشان تسلك معك باقي حياتها
واذا بتسمع رأيي اقطع اي تواصل معها تماما لاتتصل ..لاترسل ..لاتكلم ابوها ..
لاتروح لهم ..اقطع عنها المصروف لانها ناشز ..واتركها على هذا الحال اذا بتصبر 3اشهر على الاقل..
تعرف وش بيصير بتشوف بعينها اهلها وهم عايشين حياتها ومطنشين مشكلتها
وهي تحترق من داخل وبتعرف انها ممكن تفرط في حياتها وسعادتها عشانهم وهم مافكروا فيها
واتركها الى ان تتصل هي عليك او تطير باول مسج منك
وبعدها غير من اسلوبك معها لانك متهاون في حقوقك بصراحه
متزوجها وتاركها عند اهلها وهذا غلط حدد لها يوم في الاسبوع تروح لاهلها وترجع في نفس اليوم
وانتبه لو لاقدر الله فكرت تتزوج لاتتزوج طالبه ابداا
البنات العاقلات اللي ملوا من اهاليهم وش كثرهم في البيوت
تزوج وحده قريبه من سنك ولو اكبر بسنه او سنتين ..
والله استغرب من شباب هاليومين يتزوجون بنات صغار
عاد بنات هالجيل حدث ولاحرج اللي عمرها عشرين كانها ام عشر سنين ..
لاتنسى صلاة الاستخاره وماانصحك ترسلها رابط الموضوع بتشوف نفسها عليك اكثر من كذا ..
الله يكتب لك الخير والتوفيق

 

[اوفر]

انامن رايي انها لو قرات الموضوع بتحس بضعفه اكثر وراح تتفرعن اكثر

يبغا لها قرصة اذن

شلوووون هذا شغل اخوك

 

[ذابحني عناده]

اخت عابره هذا رد اخوي لك

اخت عابره صراحه ماقدرت اقرا باقي تعليقك وصلت للسطر الثاني ووقفت وكتبت هذا التعليق

الدنيا هذه فانيه مهما سوينا فيها ماراح ناخذ شي معانا منها والي شايفه انه مستقبلها اهم من امها وابوها مع العلم انه رضاء الله من رضاء الوالدين وسبب رئيسي لدخول الجنه

صراحه ما ادري ايش اقلك الا الله يهديك ممكن لانك صغيره في السن ..

قال تعالى:

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيراً

[الإسراء:24،23].

ما اظن دراستك اهم منهم ؟؟!!

 

[محبة مكة]

خلي يطول لا يسال عنها
ممكن تعقل

 

[انتظر لقياك]

اللهم لك الحمد بس تفضلين الدراسه على امك وابوك بايعتهم انتي ولا من الشارع جايه
ماكانههم تعبوا عليك صح ولا كبروك وربوك مخك هذا يبيله فورمات فرمتيه زين بس وابلعي
لسانك فوق كذا
نرجع لموضوعنا تبي الجد صعبه 2 ونص مخطوبين واكيد كنتوا تتواصلون مع بعض
حرام تضيع بسرعه في 7 شهور وماتزوجتوا الا وانتوا عارفين بعض وحابين بعضكم
ماتهون العشره بسرعه ولهدرجه وبلاخص انكم تعرفون بعض من قبل الزواج
اكتب رساله لها بالجوال كلمه ورد غطاها قولها تهون عليك هالعشره بهالسهوله ..؟
وشوف ان شاء الله ترد عليك ان ماردت الله يعوضك خير ان شاء الله بس لاتستعجل الصبر زينه الحياه وهي حكمه
وممكن تكون خيره لك ولها وحافظوا على الاذكار ماودي انه يتكرر نفس اللي حصلي واشوفه واسكت
والله لايفرق بينكم

 

[حياتي مآسي]

بعدين استغرب من البنات اللي يقولو طلق وشوف غيرها ومدري ايش
دحين لو كانت بنت اللي عرضت مشكلتها وقالت بلاوي عن زوجها
زاني .. شارب خمر .. شاااذ .. حرااامي .. الخ
كنتو نصحتوها تستني وصبر وتحتسب وانواع النصايح اللي لا تسمن ولا تغني من جوع
وانه الطلاق ااااااخر حل
بس لما جاء رجال وعرض مشكلته ( ومشكلته بسيطه وفي مجاااال كبير تنحل )
وفي سوء تفااهم ويبغاله شويه تفكير وحل
على طول قلتو طلقها وفي مليون غيرها
اللي عايشه في نكد تنصحوها تكمل تعيش فيه
واللي في احتمال بسيط انه تعيش متهنيه تنصحوها بالانسحااب
من جد عدو المراة المره نفسها


يسلم فمك

 

[انتظر لقياك]

لالايطول بالعكس يكون وراها لانه لو طول هي بعد تعاند
بتقول في نفسها اللي ماجا للحين اكيد مايبيني وبايعني
فيكلمها لاخر مره بغت ترجع حياها الله
شوفي انا طول ماكنت بيت اهلي على مشاكل صارت بيننا ماجا بنسفه وطلب رجوعي
ودخل اهله ودخل مرت اخوه ووكلموا اخوي وامه كلمت امي يعني ماجا من نفسه
حطيت ببالي مايبيني وفعلا اصريت على الطلاق لما طلق لكن في الاخير ايش
هو ندم لكن كان يريد الطلاق لانه في فارق السن بيني وبينه وهو مازال يحبني وانا تقريبا نفس الشعور
بس كل مشاكلنا وسببها انه صابني مس وفيها عين قويه لانه يوم كنت عنده دايمم مشاكل وصلت للضرب
وهذا اللي خلاني ماسكت حرام ضاعت كل حياتي بسبب عيون الناس والحين هو تزوج ومرتاح لكنه يحبني للحين وانا تندمت بعد ماربي شفاني من المس شفتي كيف الدنيا صغيره وبسرعه تتغير صح هذا شي ربي كاتبه لي لكن الاسباب لابد منها

 

[دانة الشام]

أختي العزيزة ,,قولي لأخوك أن زوجته لم تنضج بعد وهذا ليس عيبا الأيام كفيلة بأن تؤدبها وتعلّمها معنى الزواج وقدسية الارتباط,,والمدة التي عاشاها مع بعضهم بعضا قليلة جدا فلم يتسنى لهم التأقلم مع طباع بعضهم ولم يحدث بينهم ذلك الانجذاب والتعلق مهما كانت الاسباب,,والبعيد عن العين بعيد عن القلب فالخلاف مستمر من حوالي 5 أسابيع أضيفي على ذلك أنهم من البداية حصل بينهم نوع من الشقاق والتطاول بالكلام عليها وعلى والدها وهذا على مايبدو ترك شرخا في علاقتهما ويبدو أنها لم تسامح أخاكي,,يبدو أنها صغيرة ومدللة وليست قادرة على اتخاذ قراراتها وممكن تكون من النوع السهل الانقياد فهي متأثرة بردة فعل أهلها ويبدو أنه لايوجد من حولها شخص ينصحها ويرشدها للطريق الصحيح..ولكن الطلاق آآآآآآآآخر الحلول ولاأعتقد أنهم استنفذوا كل الحلول ,,وكثيرا من الناس في بداية حياتهم الزوجية حدثت بينهم مشاكل وخلافات وساءت أوضاعهم أكثر بتدخل أطراف خارجية للأسف,,المهم الآن أن يفكر أخاك بأنه يريد ارجاعها لبيته ويركز على هذا الحل فلايفكر لابطلاق ولاغيره,,ليفكر بشخص من عائلتها يتقي الله وعنده حكمة وتعقل كأن يكون عمها أو خالها أو أي شخص موثوق مشهود له بالصلاح ويأخذ منهم موعد عن طريقة ويشتري لها هدية محببة لقلبها وكذلك هدية لأهلها<<تهادوا تحابوا>>ويلتقي بوالدها ويشرح له رغبته الصادقة بأن يعيد زوجته لبيته وأن ماحدث هو سوء تفاهم تفاقم بوسوسة الشيطان ويبين له أنه شاريها ومتمسك بها لأنه بنت عائلة محترمة <<ادفع بالتي هي أحسن فإذا الذي بينك وبينه عدواه كأنه ولي حميم>>ثم اترك الحديث للشخص الذي وثقت به ليتكلم ويهدّي النفوس ليصلح مابينكم ويعيد المياه لمجاريها,,ثم ليطلب من والدها أن يلتقي بزوجته ويطيّب خاطرها بكلام جميل ويعطيها الهدية ولايفتح معها أي موضوع قديم ,,ثم يطلب منها أن تتهيأ ليمر لاصطحابها في ساعة معينة,,وإن رضت خير وبركة وبذلك أخوكي يكون كسبها واستمال قلبها بالكلمة الطيبة والهدية الحلوة ولم يترك للشيطان باب ليدخل منه فهو بنهاية الرجل المتعقل الذي يفكر بالعقل أما المرأة عاطفية متهورة أحيانا لاتحسن التصرف في بداية حياتها الزوجية,,يجب أن يتريث ولايطلق الاحكام عليها بهذه السرعة وليبرر لها تصرفاتها لأنها لم تنضج بعد وليعطي نفسه ويعطيها فرصة ليتقربوا ويفهموا بعضهم بعضا,,ولاأفضل من الاستخارة والدعاء,,وربي يخترلهم الخيييير.

أنا لازلت مصرة على نصيحتي لأخوكي,,الزواج ميثاق غليظ المفروض مانتسرع بالانفصال والمطلوب من الرجل التروي والحكمة ,,ممكن البنت تكون دلوعة وغير مقدرة للمسؤولية ولكن يجب أن تعطى فرصة ,,أخوكي خطبها سنتين يعني أكيد في بينهم مودة ومحبة وذكريات حلوة تستاهل أن يسامحها ويتفهمها أكثر ,,وربي يختار لهما الخير..

 

[ذابحني عناده]

اخر الاخبار :

اخويه الجنوبي الله يهديه ويصلحه راح السوق اليوم وارسل رساله على زوجته يقلها فيها انا ذلحين في السوق وجاي على بالي اشتري لك هديه وش نفسك فيه حتى لو كنتي تبي الطلاق اعتبريها هديه طلاق او هديه فراق او سميها بايت مسمى طبعا انا جالس انقل من جواله

المهم الاخت ماردت عليه ولا برساله ولا بشي بالله وش رايكم فيها ودي اخنقها

 

[اوفر]

انا من رايي تخنقين اخوك

ايييييييييش هذاااااا

ماالومها في اللي تسويه فيه

واللي بتسويه فيه اكثر

 

[جنون حلم]

مااستفزني اكثر من الموضوع الا الردود نفسها
والله انا زوجي ماعمره سوالي كذا .. تحمد ربها وين بتلاقي واحد مثله .. انت وشلون صابر عليها
زوجتك مدلعه .. طلقها والبنات على قفى من يشيل < تعشقون الاهانه انتوا ؟!!!!!
سبحان الله الرسول قال قل خيرا والا فاصمت .. وبصراحة الرد الوحيد اللي عجبني هو رد بيرو العمودي يسلم فمك ياشيخه كفيتي ووفيتي "ردها في صفحة 8"
لو سمحتوا اللي قاعدين تمدحون الزوج على اي اساس ؟!
ومو عارفين ان الجنوبي مغرور واذا احد مدحه انغر ,, طيب وبعد مدحكم هذا كيف راح يتعامل مع زوجته؟!
هل راح يكون تفكيره ذلحين مثل تفكيره قبل يطرح المشكله ,, وهل يكب الناس على وجوههم الا حصائد السنتهم .. الاستشاريين اللي يحطونهم لحل المشاكل الزوجيه يكون ماخذين دورات واستشارات واول شي يعتمدون عليه سماااااااااااع الطرفين احنا لين ذلحين ماسمعنا وش هو راي الزوجه يمكن تكون مظلومه مثل عذبة الخاطر؟!!!

معليش ياصاحبة الموضوع اذا حابه تنقلين ردي الجزء اللي فوق لا تقرينه له لانه موجه لبنات المنتدى بس

بالنسبه لاخوك يااخي الكريم ليش الزواج كان نصف الدين ؟!! عشانه سهل والا حلو والا ايش بالضبط
وليش ربي وضع الطلاق بيد الرجل؟!! للفشخره او ايش بالضبط
وليش ربي حط نصيبك لهذي الزوجه بالذات؟!!
الا تعلم ان ربي ذكر الطلاق في القران اضعافا مضاعفه عن الزواج وقد ذكر بانه الطلاق ابغض الحلال
من الاعجاز العلمي في القران اثبت ان الزواج التقليدي هو الزواج الانجح سبحان الله لان الله هو من يقدر لهذين الزوجين الارتباط دون تدخل بينهما

انت قلت زوجتي ساكته تبي تعرف ايش السبب؟!! ,, انا متاكده انها عانت من حرمان في مرحلة من مراحل عمرها هي تحتاااج وركزي على كلمة تحتاج ياصاحبة الموضوع اذا قريتي لاخوك الموضوع تحتاج لرجل يحتويها فزوجتك تخفي ورائها شخصيه رائعه لكنها مطموسه

ربي قدرك لها لانك الافضل لها وهي الافضل لك .. وداااااائما ما يؤكد الخبراء ان اول 3 سنوات والبعض الاخر قال 5 سنوات هي الاخطر اذا تجاوزها الزوجان فهما قد قطعا نصف الطريق ,,, وانت توك بالبدايه
دعواتي القلبيه لكما بالتوفيق

 

[جوجولانا]

ياااااااويل حالي
وماردت؟؟ ولاارسلت؟
اروح انتحر مثلا وترتاح؟؟؟؟؟؟؟ياربي وش هالبنت ؟؟؟؟دقيقه بنتحر وارجع.....
قولي لها والله ماتلاقين مثل هاالالماسه
وربي اخوك جوهره مافي منه ...
تكفين مافي مثل اخوك عيناات ابي واحد مثله احطه في البيت
تكفين ارسلي لي عينه اشتريها والله بكنوز الدنيا
ربي يحميه ويعطيه ليرضيه

 

[ندى 5]

اغلب البنات بداية الزواج مايكونوا فاهمين الحياة الزوجية والدليل انه من اول مشكلة راحت بيت اهلها وهي عروس لان في بالها انها تبي يراضيها بطريقة رومانسية هدية مثلا يروحون مطعم تعتقد الحياة كلها انه لازم يراضيها بطريقة رومانسية لان اغلب البنات يتفرجون مسلسلات ويشوفون بلاوي ويمكن تحكي لاحد عقله صغير ويعطيها نصيحة خاطئه لكن اشوف ان اخوك يتروى ويروح لبيت اهلها ومعاه الوالد ويجتمع معاها هي ووالدها ويتفاهمون بهدوء

 

[دانة الشام]

اخر الاخبار :

اخويه الجنوبي الله يهديه ويصلحه راح السوق اليوم وارسل رساله على زوجته يقلها فيها انا ذلحين في السوق وجاي على بالي اشتري لك هديه وش نفسك فيه حتى لو كنتي تبي الطلاق اعتبريها هديه طلاق او هديه فراق او سميها بايت مسمى طبعا انا جالس انقل من جواله

المهم الاخت ماردت عليه ولا برساله ولا بشي بالله وش رايكم فيها ودي اخنقها

لاتستغربي ممكن أخوكي يكون لها في قلبه مكانه,,خليكي واسطة خير,,أما عن عدم ردها فالله أعلم!!الانسان المفروض يتريث قبل اطلاق أحكامه على الناس,,ادعي الله يهدي النفوس ويصلح الحال وربي يختار الخير لهم..

 

[جنون حلم]

اخوك تهور .. خليه ينشغل عنها كم يوم بعدين يفكر بحل .. لانه لين ذلحين تحت ضغط وقاعد يردد سيرة الطلاق على الطالعه والنازله ,, وهذا الشي محرم شرعا ومن حقوق الزوجه عدم تهديدها بالطلاق نهائيا ,, الله يهدي نفوسهم خليه يغير جو كم يوم وبعدها راح يلقى الحل المناسب والافضل يستخير ويستشير الخبراء

 

[جوجولانا]

ياجنون حلم كلنا نمر بمشاكل بس عمر ازواجنا ماحاولو يراضون بهالطريقه
يعني يكفيه بس ان جالس يدلع ويحاول يرضيها لا وبعد يبي يرسل لها هديه
واالجنوبين مو مغرورين بالعكس الشمالين هم المغرورين

 

[جنون حلم]

جوجولانا حاسبي على كلامك فالرجل متزوج وكلامك هذا قد يغيره على زوجته ,, الله يهديهم لبعض

 

[ندى 5]

وانا اؤيد كلام الاخت جنون حلم