مشكله اخوي مع زوجته >><<

[عاشقة البحرzhd]

الله يفرج هم اخوك وييسر امره ..
ابغض الحلال عند الله الطلاق .. يحاول معها بالحسنى وفكرة انه يروح لبيت اهلها مع احد كبير من العايلة حل مناسب ويتفاهمووون على كل شيء وماهي اسباب رفض اهلها لرجوعها بيت زوجها ..واذا صار ورجعت لازم يفهمها ان البيوت اسرار ومهما صار ماتروح تقول لأهلها لان الازواج ينسوا بس الاهل مستحيل ينسوا وثانيا شيء هذي سريه بين الزوج والزوجته ..
شكل البنت دلوعه في بيت اهلها عشان كذا وماله رائي محدد بس حتى ولو يحاول هو عقلها ويفهمها وش يعني حياة زوجيه مو يوم ويومين عمر ..

الله يهدي زوجته له ويسخرها له ويحنن قلوبهم ويسعدهم يارب ويوفق مابينهم

 

[ذابحني عناده]

اخوي قرى الردود كلها وهذا رده عن طريقي لانه كان راح يسجل بس قلت له انه هذا منتاء نسائي

(( اشكركم من اعماق قلبي لردودكم المشجعه واهتمامكم وهذا يدل على نفسكم الطيبه ورغبتكم الصادقه في الاصلاح .
ودي اوضح بعض النقاط لبعض الاخوات الي ردو على موضوعي انا انسان احس اني اذا اهتيت بالشخص راح يهتم فيه واذا صارحته وكنت صادق معاه راح يصارحني ويكون صادق معي وبالعكس لاكن الي واجته مع زوجتي شي يختلف وبعدين عرفت انه في شي اسمه جنوبي وشمالي والي قريته من الاخت جوجولانا اني طلعت جنوبي مع اني مني عارف وش معناته لاكن الي واضح انه الجنوبي مرغوب فيه

انا انسان اعناني مع زوجتي بعد الاهتمام مع اني ما انكر لها اني قد شفت محاولات منها وكنت اشجعها وامدحها قدام اهلي وقدام الناس لاكن في المقابل هي انسانه منطويه على نفسها يعني اشوفها تمسك الجوال وماشاء الله الكلام مايوقف واذا جات عندي سبحان الله تقول لسانها تركته في الغرفه الثانيه ولما تبي شي تقدر تتكلم ..
والشي الثاني اني حاس معاها بالفراغ العاطفي يعني حتى لو كانت تحبني المفروض اسمع منها كلمه حلو على الاقل تقول تدلع اسمي لاكن لا جالسه تناديني باسمي كاني في عملي وواحد من الموظفين جالسه يناديني وش الفرق بينها وبينه ..

انا انسان اخلط المزح بالجد يعني لما ابغ اشرح شي اضيف بعض الفكاهه بلموضوع خحتى المستمع يقدر يتقبله من دون ملل او كلل لاكن هي ماتتقبل هذا الاسلوب

مره من المرات قلت لها نكته وماضحتك استغربت قلت يمكن النكته بايخه اتصلت على واحد من الشباب وقلت لها نفسك النكته واللله جلس يضحك وكان بيموت وثاني يوم يوم شافني في العمل جلس يضحك سالته ايش فيك قال تذكرت النكته !!!!

صارت ليه مشاكل مع اهلها واكبر مشكله اني مره ابوها كذب عليه في موضوع يخص زوجتي ووقتها والله اني كنت امر في اسواء حاله في حياتي وابغ احد افرغ فيه غضبي جات في ابوها يوم قلي الكذبه وكانت تمس كرامتي وشرفي من دون الدخول في الموضوع المهم مابقيت كلمه وصخه الا قلتها وسبيته وسبيت بنته ومسست شرفه وشرف بنته يعني كلام والله اني استحي يوم افتكره وبعد هذه المشكله رحت لابوها ثاني يوم وسالته عن الي قاله ليه هل هو صادق وقال ليه لا بس حبيت اشوف انت تثق في بنتي والله وقتها ياني كرهت كل شي من بعد كلامه هذا المهم اعتذرت له واعتذر ليه لاكن من بعدها كسبت عداوه اهلها وصار اهلها كل ماصارت مشكله بيني وبين زوجتي يقولو لها تطلقي وش تبغين فيه مو هو الي قال فيكي وقال فيكي وينسون انه ابوها الي كان السبب في الكلام الي سمعه وقلت لابوها من دق الباب سمع الجواب

مشكلتي ذلحين حرمتي انسانه غريبه ماترد على رسائلي ولا اتصالي ولا شي ابغ اعرف كيف اجبرها ترد عليه كيف اثير غيرتها او اثير نفسها بحيث انها تخاف الي تربت عليه واخليها تععلمني لاني ما ودي اخرب بيتي الموضوع ماهو موضوع رسوم جامعه والا مصروف انا فاك لها حساب في البنك احول لها كل شهر مصروفها يعني ماهي فارقه معي الفلوس
انا في نظي الفلوس تروح وتجي لاكن لارحت انا وش عاد يردني والا لو طلقتها وش عاد يردها وقتها ماعاد يفيد الندم

اتمنى من الاخوات مساعدتي في طلبي كيف اجعل زوجتي تخالف مبدائيه وترد عليه او تبلغيني بقرارها ؟؟؟؟؟؟؟؟؟؟؟؟
بخصوص اني اروح لابوها مافي فايده ابوها بيقول القرار في يدها اكثر من مره قال ليه هذا الكلام

 

[جوجولانا]

اسمحيلي اقولك زوجه اخوووك عميااااااااااااااااااااء
ابالمختصر المفيد البنات على قفا من يشيل
وانا ضد ان الانسان يضيع عمره على انسان ماهو مهتم فيه ولاحتى حاسب له حسااب
الانسان يعيش مره بالعمر وكل شخص وده يلاقي شريك حياه يعاونه على مصايب الدنيا مو يكون هو والزمن عليه
شكلك اخوك مسكين حاول بشتى الطرق بس هي شماليه وعيب الشمالين انهم يفكروا اذا انحبوا خلالالالالاص مايقدر الواحد يستغنى عنهم يعني تكون عندهم ثقه زايد بانفسهم وغرور في ذاتهم
يابنت الناس قول لي لاخوك ياما انك تصبر على وحده ماتعرف ايش مصيرك معاها ويضيع عمرك
او انك تتوكل على الله ويتزوج غيرها وهي يخليها معلقه الين تعرف انها باعت انسان لاخر لحظه كان مشتريها
متابعه

 

[جوجولانا]

لي عوده للموضوع غدا ان شاء الله
وان شاء الله تفرحينا انهم رجعوا لبعض

 

[فجرا جديد]

نفس الكلام اللي قلتله في الرد السابقه اقوله الحين

خلي اخوك يروح مع احد كبير من اهله وكبير من اهلها

وبالنسبه انو يقول ابوها الراي عندها يجيبها ويقولها ليش جالسه عند اهلك وتقول الاسباب ويقولها يا ترجعين معاي الحين او اطلقك الحين ومافي افكر وارد لا ترد في نفس الوقت

بكذا ترتاح بعد الزياره يا تاخذ زوجتك او تطلقها وتشوف نصيبك مع وحده ثانيه وياكثر بنات الحلال

 

[مشتاااقه]

المفروض دفعت لها رسوم الجامعه قبل لان يمكن من النوع اللي ماعنده صبر
ولاتحب تبدي عليها احد

وهو رجال يقدر يسيطر على الوضع
والطلاق ابد مو حل لازم هو يروووووووووح يكلم ابوها مو ينتظر ابوها يكلمه
ويتفااااااهم معه على كل شي من صغير الى كبير
والله يصلحهم​

 

[انتهت رغبتي]

اخوي الله يكون بعونك
ولو كتب الله لكم الفراق هي من ستخسرك وستكون خسارتها اليمه واكبر من خسارتك لها
استخير ربك وسيسرلك الخير اينما كان
والله انسان مثلك نادر وجوده لكن اينما ذهبت هناك اناس مايقدرو النعمه!!ولله في خلقه شؤون​

 

[بيعجبني ستايلي]

الاستخااااااااااااااااااارة افضل حل للموضوع ...

 

[بيعجبني ستايلي]

متابعة،،

 

[رازيا]

يا رجال شو بدك فيها خلص استخير في امر بقائك معها والف وحدة تتمناك بس لا تطلق ممكن تخطب او تطلع اشاعة عنك انك راح تخطب وشوف ردة فعلها

 

[صغيره بالعمر]

والله وانا اقرا كاني اقر عن مرت اخوووي بعض المواقف

انا اقول يطلقها ويروح ياخذ غيرها الف بنت موجوده تتمن الزواج

ونفس الوضع مو عارفها وش تبي ونفسيه ومزاجيه الله يعنيا عليها

اخوي يقول بيطلق ويغير رايه مثل اخوك ضايع

وانا والله لو مكان اخوي ولا اخوك طلقتها ورحت خذت وحده ثانيه تريحني

الواحد يتزوج يرتاح مو يشقى
وبس

 

[دانة الشام]

أختي العزيزة ,,قولي لأخوك أن زوجته لم تنضج بعد وهذا ليس عيبا الأيام كفيلة بأن تؤدبها وتعلّمها معنى الزواج وقدسية الارتباط,,والمدة التي عاشاها مع بعضهم بعضا قليلة جدا فلم يتسنى لهم التأقلم مع طباع بعضهم ولم يحدث بينهم ذلك الانجذاب والتعلق مهما كانت الاسباب,,والبعيد عن العين بعيد عن القلب فالخلاف مستمر من حوالي 5 أسابيع أضيفي على ذلك أنهم من البداية حصل بينهم نوع من الشقاق والتطاول بالكلام عليها وعلى والدها وهذا على مايبدو ترك شرخا في علاقتهما ويبدو أنها لم تسامح أخاكي,,يبدو أنها صغيرة ومدللة وليست قادرة على اتخاذ قراراتها وممكن تكون من النوع السهل الانقياد فهي متأثرة بردة فعل أهلها ويبدو أنه لايوجد من حولها شخص ينصحها ويرشدها للطريق الصحيح..ولكن الطلاق آآآآآآآآخر الحلول ولاأعتقد أنهم استنفذوا كل الحلول ,,وكثيرا من الناس في بداية حياتهم الزوجية حدثت بينهم مشاكل وخلافات وساءت أوضاعهم أكثر بتدخل أطراف خارجية للأسف,,المهم الآن أن يفكر أخاك بأنه يريد ارجاعها لبيته ويركز على هذا الحل فلايفكر لابطلاق ولاغيره,,ليفكر بشخص من عائلتها يتقي الله وعنده حكمة وتعقل كأن يكون عمها أو خالها أو أي شخص موثوق مشهود له بالصلاح ويأخذ منهم موعد عن طريقة ويشتري لها هدية محببة لقلبها وكذلك هدية لأهلها<<تهادوا تحابوا>>ويلتقي بوالدها ويشرح له رغبته الصادقة بأن يعيد زوجته لبيته وأن ماحدث هو سوء تفاهم تفاقم بوسوسة الشيطان ويبين له أنه شاريها ومتمسك بها لأنه بنت عائلة محترمة <<ادفع بالتي هي أحسن فإذا الذي بينك وبينه عدواه كأنه ولي حميم>>ثم اترك الحديث للشخص الذي وثقت به ليتكلم ويهدّي النفوس ليصلح مابينكم ويعيد المياه لمجاريها,,ثم ليطلب من والدها أن يلتقي بزوجته ويطيّب خاطرها بكلام جميل ويعطيها الهدية ولايفتح معها أي موضوع قديم ,,ثم يطلب منها أن تتهيأ ليمر لاصطحابها في ساعة معينة,,وإن رضت خير وبركة وبذلك أخوكي يكون كسبها واستمال قلبها بالكلمة الطيبة والهدية الحلوة ولم يترك للشيطان باب ليدخل منه فهو بنهاية الرجل المتعقل الذي يفكر بالعقل أما المرأة عاطفية متهورة أحيانا لاتحسن التصرف في بداية حياتها الزوجية,,يجب أن يتريث ولايطلق الاحكام عليها بهذه السرعة وليبرر لها تصرفاتها لأنها لم تنضج بعد وليعطي نفسه ويعطيها فرصة ليتقربوا ويفهموا بعضهم بعضا,,ولاأفضل من الاستخارة والدعاء,,وربي يخترلهم الخيييير.

 

[shroofh]

الله يفرج همه

طيب انتي حاولتي تكليميها يمكن انتي ترد عليكي

او اتصلوا من رقم غريب

واذا مافاد يمكن اهلها غيروا رقمها

وقولي لاخوك بعض البنات المجتمع اللي حوولها يرسم لها انو لو اعطت الرجال وجه بيركب عليها

ولعد يصير لها احترامها فيوصونها لا تتكلمي معااه عشاان مايعرف اللي بقلبك ولا يكتشف نقطة ضعفك

اذا عندك ساالفه دقي ع احد وسولفي حااولي انتي وامك ترووحي عندهم وتخلوه يكلمها عن طريقكم

او تسمعواا راايها اذاا سمعتوا راايها وكانت تبي الانفصااال خلااص الله يستر عليها ويعووض اخوووك

اما اذا كان ردها تبي ترجع بس لها شرووووط فانتم شوفوا

اساااس المشكله كره الاهل لزوج فيكبروا فينظرها اي شي يسويه ويبدوا يقاارنوا لين مايخلوها تحس انها مظلوومه

مارح يرتااحوا الا لما تنفصل بنتهم عن اخوووك

فخلي اخووك يطلق بس بعد مايبذل جهده عشاان يحس انه ابرا ذمته

والله يكتب اللي فيه الخير

 

[ملووووكة]

صراحه قهرتني زوجة اخوج، يعني اخوج ماخلى شي ما سواه بعد اشتبي اكثر حضرتها
انا من رايي انه يروح مع الوالد و امام المسجد اللي دايما يروحونه او شخص تعرفونه انه داعيه او مصلح ويقابلون ابوها وتكون هي موجوده عشان تسمع الكلام بنفسها..
يا إما ترجع في خلال مهله يحددها اخوج او تفضل في بيت ابوها معلقه و هو يشوف حياته ويتزوج بوحده ثانيه.. وافضل ان المهله تكون قصيرة على الاقل اسبوع ولا يفكر يتصل عليها او يبعث لها مسجات خل يحقرها لحد مايخلص الاسبوع وبعدها اذا ما صار شي.. الامام يكلم ابوها ويقول له ان المده اللي اتفقوا عليها خلصت والرجال كان واضح معاهم وصريح ومحد يقدر يلومه على اللي راح يسويه
بس خل يعطيهم انطباع ان طلاق ماراح يطلق، وان شالله تنفع الخطه
و اذا البنت فعلا بايعه اخوج...هي راح تطلب الطلاق من نفسها وخل ينطر لين يجيه بلاغ من المحكمه بالطلاق، عشان لو طلق يقدر يرجع المهر والشبكه لان هم اللي طلبوا و هو كان باقي عليها وعشان الكل يعرف انه كان متمسك فيها لاخر لحظه وعطاها اكثر من فرصه. والله يهديها ان شالله

والله كأني اشوف حياة اخوي قدامي.. لكن هو بعد عشرة 10 سنين جايه مرته تقول مايدلعني
وهو والله يشهد انه كان مسويها يا دهينه لا تنكتين، شكله اخوي جنوبي وهي شماليه..والمصيبه ان بينهم عيال..بس شيقول الواحد
الله يرزقه باللي احسن منها ويعوضه خير وهي الله يهديها ويصلح بالها..بعد كل اللي سوته ماقدر ادعي عليها لاني كنت اعتبرها مثل اختي واكثر.

 

[دلوعةزوجي]

حبيبتي الموضوع ماعاده ترجع اول لا هذا اهانة كرامة رجل
المطلوب من اخوك يأخذ ابوك وواحد من اهلها عااااااااقل ياعمها ياخالها ويروحون لبيت زوجته
ويجلسون معاها ومع ابوها ويكشفون جميع المستور ويبان من الظالم ومن المظلوم
ومن رايي الخاص انها لاتصلح كزوجه
اقسم لك بالله اني ابكي يوم اروح لاهلي يومين احب بيتي لدرجة الجنون
واموت بجمعات اهلي
بس بيتي بالمقام الاول
اخوك لازم يقف وقفة رجل ويبعد العاطفه من طريقه ويسوي اللي قلت لك عليه او يطنشها الى ان تطلب منه هي بنفسها
لاحظت اخوك يسألها كثير ليش ماتتصليت وليه واتسألين
هذا الاسلوب يزيدها عناد ونفور صدقيني
المرأة مننا تحب زوج قاسي ولين وعزة جلال الله لو زوجي يسوي حركات اخوك اني ما احبه ولا اقدر اعيش معاه لانه مو قادر يمسك العصا بالنص
اسفة على الاطاله بس اكره دلع البنات الماصخ​

 

[غدا نلقى الآحبة]

شوفي يااختي اذا بدكم ترتاحوا ,, والحق يقال على اخوك الالتزام :

اولا : بالاستخارة ,, الدعااء ,, قراءة سورة البقرة ,, الاستغفاار ..الصلاة بالمسجد ,, مايتركهم ابداااااا ..

ثانيا : المسلمون على شروطهم ,, اهل زوجته اشترطوا دراسة زوجته وتكفله
بمصاريفها وهو وافق فلا يحق له ان يخلي اهلها يلتزمون بمصروفها ..

وان كان متضايق وظروفه ماتسمح يدبر ,,
مايقول روحي لاهلك خليهم يدفعوا !!!

ربما تقولين هو كان لايقصد ومن غضبه قال لها ذلك ,, ولكن ,, زوجته واهلها مابيعرفوا ماتخفيه الصدور هذا اولا و ثانيا لو كلامه صحيح لما خلاهم يتكفلوا بمصاريف الدراسة وطنش على ذلك ..


ثالثا : اخوك ملول لانه يفكر بالطلاق ولايفكر بالاسباب والحلول والاكثر من ذلك هو يظن انه عمل الي عليه وان زوجته هي مقصرة ومخطئة ,,

وهذا خطأ ,, لازم يضع في باله انه من الطبيعي ان تحصل اخطاء ومشاكل في بداية الحياة الزوجيه وتبدأ تخف تدريجيا مع الايام والعشرة وزيادة الوعي ..

لو على ذلك كنتي ماشفتي زوج استمر مع زوجته .. المشاكل تحصل اكثر من ذلك وكل الناس وخاصة الزوجات قليلات خبرة ,,الزوج باسلوبه ومعتركات الحياة تعلم الزوجة ..

ودائما المشاكل
يكون سببها من الطرفين و لكن هو من يحتوي هذه المشاكل لانه
رجال عاقل وواعي اكثر من زوجته وخصوصا ان كانت صغيرة وغير واعية ,, وكمان لاينسى انها جديدة عهد على الزواج والخبرة بأمور الزوج ولسه ماتعلقت فيه وتعلقها الاكبر وولاؤها لاهلها الذين عاشت معم سنين فطبيعي فعلها

اصبر عليها حتى تتعلق فيك,,
ومعاملتك والايام كفيلة بذلك ,, فالان تزرع ومع الايام تحصد لاتستعجل الحصاد والثمر ..


رابعا:
الاهل عاملهم باحترااااااااااااااام ورسمية
مهما غلطوا عليك واعتبر ابوها بمنزلة ابوك فمعاملتك تنعكس على معاملتهم وان كسبتهم كسبت زوجتك واصلحوها لك بل ربما في يوم من الايام ان حصلت مشكلة بينكم ربما يقفوا معك ضدها ..

احتسب الاجر وتذكر ان الكلمة الطيبة صدقة وان اقرب الناس منزلة من الرسول صلى الله عليه وسلم احسنهم اخلاقا ..

اخيرا :
الان هو ان تأتي بحكما من اهلها وحكما من اهلك ان تريدا اصلاحا يوفق الله بينكما ,, والامور التي تريدها منك زوجتك واضحة لبيها لها واتفقوا
فالحق حق وانت الان مسؤول عنها فبين لهم انك ملزوم بها وحدك دون غيرك وانك على الشرط ولست مطنش او مماطل وحاول بسرعة تدبير المصاريف واعفاء اهلها من ذلك فمن الشهامة والمروءة ذلك وخاصة انهم اشترطوا عليك ووافقت ,,

ان شاءالله تنصلح الاحوال ..

 

[غدا نلقى الآحبة]

وشيء اخر اضيفه ,,

بالنسبة لتعامله مع زوجته ان رجعت لازم يكون واضح وحازم في امور وسهل في امور اخرى فمثلا الامور المحرمة والامورالتي تمس رجولته فهذه عليها خط احمر لازم الزوجة ماتتجاوزه وعليها احترامه وتقديره وطاعته ,,

اما بباقي الامور الصغيرة والعادية فيمشي ويعدي ..

يعني هو يعطيها حقوقها وهي تعطيه حقوقه وان قصر احد خلي المصارحة الهادئة بينهم ..

 

[ذابحني عناده]

اخت غدا نلقى الاحبه

اهل زوجه اخوي ما اشترطو انها تكمل الجامعه بالعكس اخوي الي قلهم انا ابغاها تكمل جامعتها واذا ربي رزقها بوظيفه ماعنده مانع المهم مايكون فيها اختلاط

بس حبيت اوضح هذه النقطه لكم

 

[روز الغامدي]

قولي لخوك يا خذا شخص من اقارب البنت عمها او خالها ويخذ من اقاربة شخص كبير ويروحو ا عندهم



ويقول اذا تبغي الطلاق انا بطلق بشرط يرجع المهر كامل اذا تبغي ترجع اللة يحيها ويطلع اللي في قلبة اهم شي ياخذ معة ناس كبار الله يوفقة وامكن خيرة لة وطمنينا

 

[jana ahmed]

حبيبتي
اهي كل ماشافت اخوك متمسك فيه راح تدلع وتدلل اكثر !
هي اذ تحبه جد وتبيه مااتسمع لكلام اهلها ولاتخليهم حتى يعبون راسها
زوجها جنتها ونارها اهي واضح انه مااتبيه هذي اول شيء
ثاني شيء من قريت رد اخوك يعني حتى وهي معه عندهم فراغ عاطفي وهذا سبب قوي لنهايه الحياه الزوجيه وغيرها حتى لو كان اخوك يحبها ويدللها
طيب يحاول مره اخيره معها يروح للبيت اهلها ومجبوره هي تطلع لعنده ويحطون النقاط عالحروف تبيني ياابنت الحلال اولا؟
لان مو منطق تدق عليه وقت مااتحتاج لدفع رسوم الجامعه ؟؟
تدور مصلحتها البنت