مشكله اخوي مع زوجته >><<

[ثقتي بصمتي]

صديق زوجي كان بينهوبين زوجته مشاكل وراحت لاهلها وحاول يرجعها وعيت وعندوا اهلها وعنده منها ولد وبنتتزوج الشهور اللي راح بعدكم اسبوع رجعت الزوجه الاولى بس بعد فوات الاوان بعدماصار لها ضره رجعت من غير حتى شروط

 

[دلوعةزوجي]

نصيحتي لها اتقي الله بزوجك تراه شاريك لا ترفسين النعمه برجولك

 

[الزوجة الصابرة]

لاحول ولاقوة الاباللة

 

[بروق الامل]

السلام عليكم أخي الكريم اولا زوجتك كم عمرها ثانيا كان زواجكم على حب ثالثا اهلها كانو موافقين وزوجتك من طبعها الدلع وكيف حالة اهلها المادية ثم الأستخارة في امرك هذامن ثم النظر الى ما سوقك اليه قلبك هل انت تحبها بصدق وإخلاص ام من اجل كلام الناس فلان تزوج وطلق بسرعة حكم عقلك ولا تتسرع نصيحة من اخت في الله

 

[رازيا]

نصيحتي لها اتقي الله بزوجك تراه شاريك لا ترفسين النعمه برجولك

نفس كلامي

 

[بروق الامل]

:37:مرحبا ذابحني عناده مساء الخيييييرات انا مثلك اميرة جديدة ودي اتعلم كيف اتواصل مع الأميرات وهل هناك مجال للدردشة:7:

 

[بروق الامل]

مرحباالزوجة الصابرة من فضلك سؤال بسيط ما سبب تسميتك بهذا الأسم

 

[رازيا]

:37:مرحبا ذابحني عناده مساء الخيييييرات انا مثلك اميرة جديدة ودي اتعلم كيف اتواصل مع الأميرات وهل هناك مجال للدردشة:7:

عزيزتي روحي قسم الزوج والزواج هناك فيه دردشة للمتزوجات ودردشة للمطلقات
فيه عندك اسفل الصفحة الانتقال السريع افتحي عليه وروحي قسم الزوج والزواج

 

[ذابحني عناده]

الاخت بروق الام
هذا الاجوبه على اسئلتك لاخوي

انا عمري 29 وزوجتي 23 او 22
نعم زواجنا تم على حب حيث اني خاطبها من 2 ونص
زوجتي تقدري تقولي مدلعه ماقد سوت شي في بيت ابوها
الاوضاع الماديه متقاربه مع اهلها ويمكن هما زايدين حبتين

بالنسبه اني لرغبتي ايوه ابغاها واحبها لاكن الي صار خلاني اراجع حساباتي هل راح تستمر زوجتي على هذا الشكل

 

[مستعصمة]

اختي انا احس انه في ضغط كبير على البنت لانها كل مرة يحكي معها تقله بردلك خبر هذا يعني انها ما تاخذ قرارها بنفسها الواضح في ضغط من اهلها عليها:30: خلي يسألها بينه وبينها اذا اهلها بضغطو عليها وشو الاسباب بس هي كمان زودتها وهو معطيها وجه زيادة لا يراضيها ما دام انه مو غلطان يتركها اما اذا ظلت تروح على اهلها بكل شغلة يوقفها عند حدها والظاهر لي والله اعلم انه اهلها ما بدهم اخوكي لو بدهم كانو تمسكوا فيه بس عم بنفروه والله الموفق:dunno:

 

[جوجولانا]

ترددها دليل حبها له بس خايفه تطلع من شور اهلها والله اعلم
الله يسخرهم لبعض

 

[عذبه الخاطر]

بسم الله الرحمن الرحيم
بصراحه تأثرت بقصه أخوك
وتعاطفت معه لاكن هو أخطأ بخطأ كبير
أنا كنت مثل زوجه أخوك بالضبط تزوجت بدري ولاأعرف أميز بين الصح والغلط يعني كلمه تجيبني وتوديني لاكن فيه شي للأسف أخوك مالاحظه على زوجته
بأقولك شغله أنا كنت مثل مره أخوك أزعل كثير وزوجي كان يسوي لي مثل مايسوي أخوك لزوجته لاكن مايبين في عيني وماكان يدري بسبب زعلي
زبده الموضوع أن زوجه أخوك حساسه وأخوك مالاحظ هذا الشي
وماتعودت على جو الزواج
وتوها صغيره وغيركذا تزوجت واحد جريء راعي ضحك وسعه صدر وفرفوش وهي طول الوقت ساكته
تدرين ليش تسكت لأن يمكن أخوك يمزح معها بمزح في نظره هو مزح عادي لاكن بالنسبه لزوجته مزح ثقيل وكثره زعلها سببه أنه يمكن أخوك يحرجها بكلامه أويذب عليها كلمه بالنسبه له مضحكه وهي بالنسبه لها جارحه
وأخوك بنفسه أعترف بانه يوم أبوها تكلم عليه أخوك بدال مايمسك نفسه سبهم وسب شرف بنتهم والبنت أنجرحت والشي اللي أخوك مالاحظه أنها مجروحه وأبوها قال أنه كان يختبره
البنت مهما قدم لها زوجها من حب وهي في داخلها جرح مستحيل ترضخ له لأنها في سن صغير وكرامتها فوق كل شي
أنا صار معي مثلها زوجي يمزح وينكت والكل حاسدني عليه لاكن للأسف كان مزحه على حساب كرامتي لأن المزح إذا زاد ينقلب جد
وأخوك بدل مايكحلها أعماها
لأنه جاب طاري الطلاق
لها أكثرمن مره
بأمكانه يتفاهم معها بعده طرق مولازم الكلام في طرق كثيره الإيميل الهدايا
أي شي
مشكله أهل زوجته أنهم سمعو سب أخوك لعائلتهم فشي طبيعي
أنهم يعصبون ولايفكرون يرجعون له زوجته لأنهم أخذو موقف من أخوك يعني إذا بدايه الزواج يسبهم فكيف بيصير نهايته
البنت زعلانه وأنا عن تجربه أقولها قولي لأخوك يتذكر المواقف اللي تخلي زوجته تزعل
في أيام الملكه وفي بدايه الزواج
البنت حساسه وأنا مجربه موقفها
ودها ترجع لاكنها مجروحه الكلام اللي قاله أخوك فيها كبير حتى وأن كان لحظه غضب
قدرو انها صغيره هي الأن تمر بحاله زعزعه أفكار
وخايفه وودها تكلمه لاكن الكرامه مسيطره والدليل أنها أرسلت له كلام حلو ويوم أتصل أخوك ردت بنرفزه لأنها مقهوره
واخوك عادي عنده
هي تبيه يعتذر
ياأخو ذابحني عناده
البنت حساسه وأنت بمزحك أحرجتها ماتعودت عليك ولاعلى اهلك وانت بمدحك لها قدام أهلك تحرجها أسأل مجربه والله أنها ماتعودت عليكم يعني لماتجتمعون أنت وأهلك وزوجتك
هي تنحرج من نظراتهم لها لأنها عروس
وتتضايق من أهتمامهم الزايد
لأن معروفين الحريم يدققون حتى على نظافه رجلها
وشافتك جرىء وتسبب لها حرج
لأنها ماتعودت على هالجرأه فصارت تتهرب لبيت أهلها لأنها ماترتاح تحس بتوتر ماتعودت على النظام الجديد وماتعودت على وجود رجل بحياتها وهي متعلقه بأمها أسأل مجربه أنا تزوجت وأنا بسنها صار لي 3سنوات متزوجه وحياتي أنقلبت جحيم لأني تماديت بتطنيشي لأني كنت أجهل والحين زوجي تغير طبعه معي صار ينظر لي بنظره حقد لأني أستهنت بمشاعره
اللي أبيك تفهمه أنها صغيره وماتعودت على المسؤليه فشي طبيعي أنها تهرب من المشاكل وتلجأ لأهلها
المشكله نفسيه
أنصحك تقرأ كتاب في غرفه النوم
وكتاب رومنسيات زوجيه
هويجي كتابين واحد مخصص للزوجات والثاني للأزواج
خذ اللي مخصص للزوجات وحط معه كتاب اسمه زوجتي أنني في إنتظار ورده
وكتاب تصافينا
ورح لمحل هدايا وغلف الكتب مع بعض
ومر بيت أهل زوجتك وسلمه احد من أهلها وقل لهم عطوها فلانه
ولاتنسى الرساله تكون بظرف
أكتب فيها رساله إعتذار
وأنصحك بهذي الرساله
أعتذر أن كان في يوم قسيت
والعذرأن كان صديت أوجفيت
فانت حد السيف لامني اعتزيت
وأنتي أغلا شخص في عمري لقيت
ثم أكتب تحتها أنتظر ردك برساله لاكن قبل كل شي أتمنى تقرين هالكتب
وبعدها مالك عذر
وأتركها فتره تفكر وتقرأ الكتب
وبعد أسبوع اوأثنين أتصل عشان تعرف ردها
لاكن خلك رومنسي بالكلام معها
لأنها صغيره وشكلها خايفه منك
أعتذر على الإطاله لاكن تحمست لأن قصتها مثل قصتي
لاكن أنا بتوصل للطلاق لأن صبر زوجي نفذ
وأتمنى أني أفدتكم
الله يألف بين قلب ثنين متزاعلين تقبلو تحياتي:
عذبه الخاطر
وطمنينا ياقلبي عن اللي بيصير مع أخوك


​

 

[جوجولانا]

عذبه الخاطر الله لايفرق بينك وبين زوجك والله عورتي قلبي الله يجمعكم على خير
وياليت اصحاب الموضوع يتعضون ان في الطلاق خساره للطرفين

 

[عذبه الخاطر]

وبما أن أخوك اكبر منها يكبر عقله هي مراهقه وماتعرف الصح من الخطأ ولأنه أعقل فلازم يتصرف بتعقل ماله داعي سالفه الطلاق مهما كان توهم معاريس والبنت مازالت خايفه ومجروحه وبسالفه الطلاق جرحها أكثر
أحكم عقلك قبل لايفوت الفوت ومثل مايقولون أن أقرب الطريق لقلب المرأه الرومنسيه خلك رومنسي معها وبلاش طلاق سو اللي وصيتك عليه وبس
وأن مانفع رح لشيخ من الإصلاح الأسري وخله يكلم أبوها ويتفاهم معه والشيخ بيقنعه​

 

[عذبه الخاطر]

أنا كاتن يكرر لي موضوع الطلاق ألين اليوم
واهله منجنين على أخلاقي لاكن المشكله صارت حسد حسدوني عليه وحسدوه علي فصار يبي فراقي بأي طريقه ويقول غصب عني​

 

[عذبه الخاطر]

الله يعين بس هذا وأنا توني عمري 21سنه وماكملت 3سنوات من الزواج
الله يستر من الجاي​

 

[جوجولانا]

الله لايفرقكم ياعذبه الخاطر وعليك بالرقيه حبيبتي وان شاء الله تبشرينا لرجوعك لزوجك وبما انك الحين عرفتي غلطك تداركي الوضع وصلحي من عيوبك وياجعله مايشوف غيرك يارب
اكره شي في حياتي اشوف نهايه حب تكون فرررراق

 

[عذبه الخاطر]

كرهني لني أستهنت بمشاعره لاكن من بدايه الزواج وهو مومقتنع فيني وقدرت أكسبه بشقاوتي لاكن تجريحه لي وتكرار الطلاق جرحني جرح لايمكن أنساه وصاراللي صار الرجال الحين عايفني الله يعين​

 

[جوجولانا]

الله يهدي النفوس يارب

 

[احاسيس ورده]

المساله مو مساله دفعه الجامعه او فاتوره ماتقدر تكلمه
احس اهي من البدايه بايعه اخوكي
وشكله مره طيب يستاهل احد احسن منها تقددر هذا الشي

اش يعنى لمن سدد جوالها اتصالت وتقول اشتاقت لبيتها وانو وحشها
يقولها اجيكي ترجعين تقول لا

بعد فتره تقوله ها بتدفع الجامعه يعنى اهى تزوجت عشان تاخذ ماتعطي ؟؟؟

او يمكن احد من اهلها يضغط عليها او شي
عشان في كلمها تناقض تكلمه وانها تبغا بيتها وحشها بس اجي اخذك لا ؟؟لليش طيب لا اش المطلوب ؟؟

بس اخوكي صبر صبر كثير ولا قالت اش المطلوب

عندى سوال لكم اهم مومنكم يعنى مو نفس طبقتكم ؟؟؟

يمكن شايفينكم انتم اقل منهم

وليش موقف اهلها كذا يعنى يبغون بينتهم تطلق ؟؟

لزم امك تروح تكلم امها تشوف اش في .

والله يكتب لخوكي ولكي ولجميع المسلمين الخير

اسفه على الاطاله ​