مشكله اخوي مع زوجته >><<

[jana ahmed]

طيب ليه مااترد عليه ؟
مجبورة هي عليه ؟
طيب ليه ماااتروحين انتي وامك وتفهميها وتتفاهمون معها ؟
الحياة الزوجيه موسهله ومسؤوليه لكن الشاطر يعرف لها ولازم الحياة فيها امواج وعواصف ومد وجزر حلاوة وحب وموده

 

[m!ss dream]

حبيبتي الاصول معروفه واهلها مكبرين السالفه لانه ماراح عندهم وكلم ابوها شخصيا وقاله على سالفة الزعل وتفاهم معه بالحسنى مو بصياح ومشاكل هي اكيد من حرتها من اخوك عشانه مادفع للجامعه قعدت تشكي لاهلها واهلها اكيد بيصدقوها لكن لازم هو يوضح الموضوع بهدوء بلا محاكم بلا هم
زوجة اخوك لسى صغيره وجاهله فالحياه ولو للقت اخوك حكيم وعرف يحكمها بتمشي معه بس هو تارك لها الحبل تروح عند اهلها وترجع متى ماودها واذا طلبت منه يتسلف عشانها ويراضيها الين اخذتها عاده وفكرت انه مستحيل يتخلى عنها وبيجلس يدللها
لازم اخوك يتفاهم مع ابوها واذا كان بينهم نصيب ورجعت يغير اسلوبه معها
والله يصلح الشان

 

[كــبرياء أنثى]

صادقه الاخت جوجولانا في كلامها من بيضحي بفلوسه ووقته عشان دراسة زوجته ؟؟انا كنت ادرس في معهد ولا عمر زوجي دفع لي ريال واحد كله من عندي اجمعه من مصروفي البسيط ،
واللحين اكمل جامعه والله العظيم اني انا اللي ادفع رسومها من عندي مع اني مو موظفه بس اجمع من مصروفي .
صح احيان انقهر انه مايساعدني واحيان اقدر ضروفه بس في الاخير اقول يالله في الاخير دراستي لي انا مو له .

 

[رازيا]

اخي الكريم :
أولاً: يقول الله سبحانه وتعالى (وعاشروهن بالمعروف فإن كرهتموهن فعسى أن تكرهوا شيئاً ويجعل الله فيه خيرا كثيرا) أتمنى منك أخي أن تتأمل هذه الآية قليلا، وتقف عند معانيها وتنزلها على واقع حياتك الزوجية، فتنظر إلى إيجابيات زوجتك والنعم التي أنت فيها.
وتحمد الله على كل حال وتتذكر أنك مأجور على كل صعوبات تواجهها في حياتك إذا احتسبت الأجر في ذلك، وصدقني أخي أنك ستجد حسناتك مضاعفة في سبيل هذا الأمر وهذا ما يبحث عنه الإنسان في هذه الحياة.
ثانيا: عليك أن تتيقن بأن أغلب البيوت وتكاد تكون كلها لا تخلو من مشكلات وذلك لطبيعة الحياة الزوجية وتواجد الزوجين مع بعضهما مدة طويلة مع اختلاف طريقة تفكيرهما.
ثالثا: إذا عرفت كيف تفكر زوجتك؛ فإن هذا سيسهل عليك التعامل معها.
فالمرأة تفكر بعاطفتها أكثر من تفكيرها بعقلها؛ وعليه فإني أوصيك بإشباع عاطفتها وذلك بشتى الطرق الكثيرة ومنها:
1 - إخبارها بأنك تحبها دائماً والمبالغة في مدحها حتى تصل لمرحلة الثقة في حبك لها.
2 - حاول أن يلامس جسدك جسدها وذلك في الأوقات التي تراها مناسبة، حتى تشعر بقربك منها.
وكذلك احرص على أن تحضن زوجتك باستمرار وتقرب منها عند أي مشكلة تحصل لأنها تشعر بأنك ربما لا تحبها بسبب هذه المشكلة (مهما صغرت) فاحرص، نعم احرص ثم احرص على الاحتضان.
3 - حاول تحقيق طلباتها قدر استطاعتك وبما تراه مناسباً.
وتذكر دائما أن المرأة لا يمكن أن تحب غير زوجها لأنها أحادية العاطفة، فزوجتك تحبك كثيرا مهما قالت وفعلت لكنها تنتظر منك أن تصل الجسر الذي انقطع بين قلبك وقلبها وذلك بإشباعها عاطفياً.
ربعاً: ذكرت من مشكلاتك في بداية حياتك أن زوجتك متعلقة بأهلها كثيراً، وهذا ربما يكون طبيعياً بحكم أنها عاشت معهم سنوات طويلة وبعض النساء لا تتأقلم سريعاً مع الحياة الزوجية فكان عليك أن تأخذها بروية وهدوء ويكون إبعادها عنهم بالتدريج.
وصدقني إذا تمكنت من إشباع عاطفة زوجتك سيتحقق لك كل ما تريد، وستحرج منك زوجتك عندما تطلب منها طلباً ولا تنفذه وهنا تكون قمة التفاهم.
وأذكرك بأن تحرص كذلك على الحوار والمصارحة في حياتك الزوجية بشروطها وآدابها الموجودة في الكتب.
وأخيراً لا تظن أني أقصد بكلامي السابق أن تكون ضعيفاً وتقودك المرأة. لا أبداً؛ فهذا خلاف الفطرة حتى المرأة تحب أن ترى قوامة زوجها عليها.
وبناء على ذلك فإنك إذا أحسنت إلى زوجتك واعتنيت بها؛ ولم تقصر عليها ثم أخطأت هي فهنا لابد من المحاسبة والله أرشدنا إلى التدرج بالعقوبة.
فيبدأ الزوج بالموعظة فيبين لها عظم حق الزوج وأنه أعظم حقاً حتى من والديها؛ فإن لم تجد نفعاً فينتقل لعلاج الهجر في المضاجع ويفضل أن تكون في بيتك. فلا تذهب إلى أهلها وأنت هاجرها إلا إذا رأيت أن المصلحة بالهجر تتحقق هناك أكثر ولا تطول مدة الهجر والعلاج الثالث ألا وهو الضرب غير المبرح.
وذكر أهل العلم له مثالاً وهو الضرب بعود الأراك(المسواك). فإذا عملت بهذه الإرشادات السابقة فإن حياتك ستتغير للأفضل بإذن الله.
وارجو منك ان تقوي شخصيتك قليلا رايتك انسان متسامح جدا وتتعامل قليلا معها بجدية
واخيرا اليك همسه في الاذن عن المرأه العنيده
العناد صفة موجودة في الرجل والمرأة لكنه أكثر وضوحاً عند المرأة فهو السلاح الوحيد الذي تدافع به عن نفسها أما
م قوة الرجل واستبداده بالرأي أحياناً ولأنها مخلوق ضعيف لا يقوى على الصراع " الخشن " تلجأ إلى الرفض السلبي لما تراه لا يتوافق مع أسلوبها ومشاعرها فيترجمه الزوج على أنه عناد وتبدأ المشاكل وعناد الزوجة وتصلب رأيها مشكلة يعاني منها بعض الأزواج مما يدفع بالحياة الزوجية في كثير من الأحيان إلى طريق شائك تُرى لماذا تلجأ بعض الزوجات إلى العناد هل تستمد منه قوتها أم هو تجسيد لضعفها ودلالها .
أولاً بتجنب الأسباب المؤدية للعناد ، وإذا كان العناد طبعا فيها فليصبر , الزوج ويحاول قدر المستطاع تجنب مواطن النزاع حتى تتخلص من هذه الصفة ولتقليص العناد وتذويبه لدى الزوجة أحب أنصح كل زوج بالآتي :
أولاً : يمنح الزوجة مزيدا من الحب والاهتمام والتقدير والاحترام.
ثانياً : يتصرف بذكاء وهدوء عند عناد الزوجة ويحاول امتصاص غضبها .
ثالثاً : أن يؤجل موضوع النقاش إلى وقت مناسب يسهل فيه إقناعها إذا كانت مخطئة.
رابعاً :التعود على أسلوب الحوار واحترام الرأي الآخر ونسيان المواقف السلبية السابقة والتعامل بروح التسامح.
خامساً :على الزوجين ألا يظهرا خلافهما أمام الأبناء أو الأقارب أو الأهل مما قد يزيد من حدة التوتر والخلاف.

 

[جوجولانا]

اها شهد شاهد من اهله شفتي الاخت كبرياء انثى ايش كتبت
يعني قولي لها اتمسك بخوك بيدينها وارجولها ترى قله من الرجال المضحيه وان شاء الله تفهم قبل فوات الاوان

 

[نضوج أنثى]

بصراحه الوضع غريب احد يتمنى لبنته الطلاق ومن لا شئ اذا من الاول مايبونها تتزوج او يبون رجال على كيفهم تفصيل يخلوا بنتهم عندهم المفروض اخوك يكون حازم ومايسمح لأحد يتدخل بحياتهم البنت مسكينه مالها ذنب الذنب كله ذنب اهلها والله بيدمروا بنتهم بأسلوبهم انا والله ماابيه يطلقها ولا يتركها لكن الرجال يتزوج يبغى استقرار وحب وأسره مو كل كل يوم والثاني في بيت اهلها وزعلانه من لا شئ لا يسكت على هالوضع خليه يروح يتفاهم مع اهلها ويشوف وش النهايه اذا اصروا على الطلاق يطلب منهم يرجعون له كل شي لانه هي اللي تبي ويطلقها ويروح يشوف غيرها ويشوف حياته وخليه يستخير اولا واخيرا معليش انا مره متنرفزه من الأسلوب والله الواحد يدور لبنته الستر واخوك ماشاءالله عليه واضح انه رجال وتعامله راقي واخلاق ومحترم وش تبي اكثر الله يستر علينا وعلى بنات المسلمين ويهديه للي فيه الخير والصلاح له

 

[بنان اخت وجدان]

هذا كله دلع بنات
يسمعها كلمتين حلوه وهديه بسيطه ويدفع الرسوم وتصير حياتهم زي العسل
هو لازم يشوف طلباتها لانه هو المسؤل عنها
وهي يحاول اذا رجعت عنده مايدللها كثير ولا يشد عليها
وربي يرزقنا وياهم السعاده يارب

 

[أمـيره]

انسخي ردي لأاخوك

( انصحك بالصبر اولا و اخيرا , صدقني في بداية ارتباطكم محتاجين وقت عشان تفهمون لبعض وتفهمون شخصياتكم وطبايعكم وبحكم انك الطرف الأقوى " الرجل " يعني الامور بيدك زوجتك امبين انها تبيك وتحبك بس يمكن اهلها مأثرين عليها هذا غير انها توها مالها بامور الزواج اصبر عليها انا لمن ارتبطت ياما سويت الهوايل وكل متزوجه تعترف بهالشئ نصير حساسين ولانعرف نتعامل مع الرجال بس لمن تصير فيه عشره ومحبه وموده تحلو الحياه ...فيه نقطه الفتت انتباهي , لمن تخليها تختار بينك وبين دراستها تراها ماتدري انك احرص منها على دراستها وانك بس تبيها تختارك بالكلام وتقولك كلمتين حلوات ,,, غلطت يااخوي بتخييّرك لها كبرت المسأله , وفي شغله ثانيه لمن ترسل اغراضها وش درى اهلها انك شايل هم نقص اغراضها والله هذي لمن اي زوج يسويها ماله الا تفسير واحد انك بــــايع ,,, الله يهديك ويهديها كلم ابوها واطلب زيارتهم وحط النقاط على الحروف وبيّن انك شاريها وتخاف الله فيها )

 

[جوجولانا]

كلام الاخت رزايا عين العقل
بس تعرفي يارزايا وين المشكله؟؟؟؟؟؟؟
لما الانسان ماينوي التغير من الداخل (ان الله لايغير مافي قوم حتى يغيروا مافي انفسهم)
زوجه اخوك يبغالها فقط نيه التغير والله راح يكون بعونها
قولي لها تجلس مع نفسها شوي وتفكر بحالها بعد الطلاق ايش راح تكسب وايش راح تخسر
تفكر لو تطلقت هل راح تلاقي زوج مثل زوجها ؟؟؟؟؟؟
هل راح تلاقي زوج جالس يضحي باحلى سنوات عمره وهي السنوات الاولى للزواج وبعده متمسك فيها وجالس يدور حل؟؟
هل راح تلاقي زوج جالس يضحي بعمره ووقته وفلوسه علشانها؟؟
هل راح تلاقي زوج جالس ياكل بنفسه وجالس يحاول يرسل او يتصل وهي ولاهامها؟؟
هل راح تلاقي زوج عند قدره على الصبر على جفا زوجته وعدم اهتمامها فيه؟
هل راح تلاقي زوج جالس يحرم نفسه من المتعه الجسديه وهو توه معرس بس لانه يحبها ومتحمل عشانها؟؟(عذرا على الجراه)
قولي لها همسه باذنها اللي ماتقدر تتعامل مع زوجها عمرها ماراح تعرف تتعامل مع الف رجل غيره
قولي لها اعقلي وفكري واترك عنك الدلع انتي الحين زوجه ومسؤله ولك حقوق وواجبات وعليك حقوق وواجبات
وخليها تقرا في هالمنتدى عن نجاح نسااااء تحملوا اصعب من اللي هي واهمه نفسها بعدم تحمله
لي عوده

 

[حلا شرقي]

ماعندها سالفه في وحده عندها زوج بهالمواصفات تفرط فيه بهالسهوله الله يهديها انشالله وأنا رأيي يعطيها فرصه اخيره انها ترجع للبيت واذا رفضت فانتو سويتو اللي عليكم يتزوج عليها وساعتها بتحس بالنعمه اللي كانت فيها وبتتندم على اللي سوته

 

[جوجولانا]

اخت اميره اختلف معاك باخر نقطه هو لما ارسل لها ملابس وضح لها انه حزنان عليها لان ماعندها ملابس
يعني موقصده بايع وصدقيني الرجل لمايبيع يعرف ان اغلى ماعند الحرمه ملابسها واغراضها وبيعاندها وماراح يرسل شي يقول ارميهم زباله ولاتشوفينهم بعيونك شغله عناد وكره في زوجته

 

[فجرا جديد]

اختي الغاليه مافي حل غير انو ياخذ معاه شخص كبير ابوه او اي احد ثاني ويكلم خالها او عمها ويجمعون عند ابوها

ويقول اش عنده ويعرف هم اش عندهم والكبار اللي معاه شهود عليه وعليها وكمان يصلحون اذا كان السبب من ابوها
وما يخرج من عند ابوها الا وزوجته معاه او مطلق لان هذا مو حل انو متزوج بالاسم بس

واذا رجعت لازم يكون حازم معاها ويشد شوي وممنوع النوم عند اهلها تبغى تسهر براحتها لكن تنام في بيتها

واذا زعلت لايوديها لاهلها خليها تجلس في بيتها او اهلها ياخذونها لانه لو وداها بيسير الحق عليه وبيقولون هو جابه لكن لو اهلها شالوها بيكون لصالحه انهم هم شالوا زوجته من بيته بدون اذنه

ولازم لا غلطت يعاقبها بس بالحسنى يحرمها من الخروج والتمشيه والمطاعم وما يكلمها لين تبطلع الدلع وتعرف انها زوجه ومسؤله عن بيت وزوج

والله يهدي سرهم ويصلحهم لبعض

 

[جود الزمن]

طيب ليه اخوكي مايلعن الشيطان ويدفع لها رسوم الجامعه

واضح ان مشاكلهم مادية

وهي تبغ تحس بلامان النفسي والوظيفي معه

وواضح انها تعاني من ضغوطات عائلية من الاهل..

خليه يزورهم البيت مو شرط يقابلها

لا يتكلم مع رجال مع ابوها او اخوانها اذا كانو كبار ومتزوجين وفاهمين الحياة

ويتفاهم معهم باللتي هي احسن,,,ويشيل من راسه فكرة الطلاق,,المشاكل ملح الحياة والواحد يتعلم

من اخطاءه..وقبل كذا الصلح خير

ــــــــــــــــ

تقبلي مروري

 

[بلسم شافي]

زوجة اخووووك تريد شخص حازم إذا كانت هي ماتدري تبيه او لا مين يدري
وبعدين الرجال شكله شاريها وباقي عليها
إلي تسويه لعب اطفال يرسل لها رساله مضمونها إذا كانت تبيه ترجع وبيتها وزوجها في إنتظارها وإذا لا ورقتك توصلك ويحدد لها مده معينه والطلاق الحين قبل لايجي اطفال تنظلم بينهم

 

[راجية المغفره]

مدلعها واااااجد
احسم الامر وللاسف هي الخسرانه
بامكانك تصبر عليها وترجعها بشرووط وانك انت تغير نفسك وتكون اكثر حزما موتدلع لي فيها

 

[انثى تعشق رجل]

مفروض يروح لبيت اهلها ومعه احد كبير من اهله
ابوه واعمامه
ويجلس مع ابوها واعمامها ويشوفو ايش القصة وليش مايبو البنت ترجع
ومن هالكلام
واذا في سوء تفاهم راح يبان
واذا مافي اسباب وجيههة يروح اخوك للمحكمة ويطالب برجوع مهره
خير حضرتها كل شوي رايحة لبيت اهلها وتاركة الرجال ولا تبي يصرف عليها بعد
واخوك يحق له يطالب بفلوسه هو ماتزوجها علشان تجلس عند اهلها وهو يدفع مهر وعرس ومصروف
وجامعة وبسسس ​

 

[شاي بالحبك]

ضروري يقول لها اخوك ويوصي عليها
البيوت اسرار وإي مشكله تحصل لاتطلعها لااهلها
ويحلفهاعلى المصحف انها ماتقول لااهلها على كل صغيره وكبيره
ويسوي نفسه زعلان منها انها تجيب سيرته عند اهلها
وخليه قبل يحاول يجرب الحلول اللي اعطوكم البنات
ويروح لهم مع الوالد ويحاول فيهم
واذا مانفع مره مره مره
طلعوا إشاعه انه خطب بنت وقريب الملكه
وشوفوا كيف تجيه طيرااان
اكثرالحريم كذا إذا سمعت ان زوجها بيتزوج
رجعت من دون شروط ..ترمي بكلام اهلها عرض الحائط
بس لاعاد يرد عليها خليه يجلس فتره اقل شي شهر مايرد ابدآ
انا شماليه وحاسه ان هذا الشئ بينفع
​

 

[جوجولانا]

شاي الحبك الضاهر مانتبهتي انه جنوبي يعني مايقدر يظل شهر مايتصل
احنا الجنوبيين كذا بسرعه نخق
بس والله المفروض يعطيها شهر اشكل علشان تعرف انها انحرمت من الدلع
(بنات مايجون الا بالعين الحمرا)

 

[ذابحني عناده]

اخت جوجولانا

ترى جالسه ارد عليكي بناء على كلام اخوي يعني هو يقول قولي كذا واكتبي كذا

واعجبه كلامك لاكن المشكله مين الي يفهم حرمته من الي يعلمها ترى اذا ماودها لبيت اهلها ابوها بيجي وياخذها فالافضل له انه يوديها ويفك نفسه من وجع الراس

تعب وهو يقلها لاتسوي كذا اسالي عني حسسيني اني زوجك ابغ ارتاح معك عشان اقدر اريحك وتزبط معه يومين والا اسبوع وبعدها تتغير وترجع لطبعها الاول والا انها تكذب عليها وهذه سبب اغلب المشاكل بينهم الكذب وعدم تقدير الزوج

اهلها مو راضي يعلمنها انها غلطانه وهذا الكلام هي قالتها لاخوي تقول اهلي مايقول ليه انتي غلطانه بالعكس يقولو وش تبغين فيه تطلقي منها يعني اهلها على قولهم يعبو راسها

عرفتي ذلحين المشكله وين

 

[جوجولانا]

لا اسمحيلي ابوها مايقدر ياخذها وزوجها مانعها تتطلع
بعدين لو هي جلست بعد كل مشكله سبحان الله الامور تنحل والله حتى بابتسامه او حتى نظره اوحتى حظنه الزوجين يقدرون يحلون مشاكلهم من غير تدخل احد من الاهل لازم اخوك يتعلم انه هو القائد في البيت هو اللي كلمته تمشي
ماتطلعين يعني ماتطلعين والله حتى لو يحبسها في البيت ومن امه يقدر يدخل في امورهم بس اسمحيلي اخوووك مدلعها موووووت
اما سالفه كذبها وعدم تقدير الزوج هاذا بحد ذاته يبغاله ملف لحاله ومايتفع اصلا نكتب وننصح وهي ماعندها نيه التغيير
متابعه