متزوجة واحب شخص اخر...ساعدوني

[امراة مقهورة]

حسيت بهجوم شديد على الاخت
تتعاملون معاها وكانها تستحق الرجم او الموت
ونتناسى ان السبب هو اهمال الزوج والذى حاولت الاخت بشتى الطرق استعادته
زوج مستهتر ومهمل وخاين
مش مشكلة ده راجل
اما لو الست اخطئت مرة وتحدثت مجرد حديث مع رجل اخر اصبحت تستحق الموت والرجم
انا لا ادافع عن موقفها او تصرفها ولكن التمس لها العذر
لو راجل بيظلم اهل بيته حس فى يوم ان النيجة هتكون ترك مكان للشيطان ما كان اهمل ولا اظلم
لكن هقول ايه غير حسبنا الله ونعم الوكيل في الرجالة اللى بتهمل وتظلم

 

[مشتاااقه]

قلبي

دخل بينكم الشيطان تعوذي منه واذكري ربك
واستغفريه
وخلي صلتك بربك اقوى عشان تنسينه

الله يهديك ويصلح لك زوجك

 

[جراده شياكه]

الله يصلح حالك وحال زوجك يارب

 

[كلي احزان]

مشالله اللي كلمتيه في النت ومكلم ألف غيرج قبل صار أطيب واحد في العالم وألف بنت تتمناه والرجل المثالي !!!

ياختي خلي منج هذي الخرابيط وحافضي على بيتج وعيالج أفضل لج

واذا استمريتي في هذي الحاله صدقيني انتي اللي بتخسرين اذا زوجج اكتشف الأمر وبيطلقج بس هو رجال ماعليه عيب اذا غازل

استري على نفسج الله يستر عليج وخلي خرابيط وكلام الحب اللي فارس احلامج يقوله لج أحسن لأنه كذاب نفس ألف غيره من شباب الشات

شلون ترضين على نفسج

الله يستر عليج بس

 

[كلي احزان]

لا تخلون اهمال الزوج او قسوته عذر عشان تغازلون او تسوون الغلط

يا بنات اصحو شوي

 

[نزف]

نفس السناريو
الي راح ضحيته بناااااااااااااااااااااااات كانن بريئات
وانخربت بيوت وتشتت اسر
اختي توبي لرب العالمين
شهر رمضان على الابواب
والله غفور رحيم
توبي قبل ان يدركك هادم اللذات
واتركي عنك هالوهم الشيطاني
واتركي ذيب الشات هذا الي بيتسبببببببببببببببببببببببببببببببببببب في فضحيتك بين اهلك وعيالك
احفظي كرامتي
واستغفري ربك
وارجعي
واصبري

 

[راعية دين]

السلام عليكم أول شي انا حبيت أرد على (طيف الروح) وأقول ان الحرمه عبارة عن شرف إذا سوت شي الكل يتهمها صح انا الرجل بعد حرام الي يسوي بس أسمه رجل لو شو ما سوى محد يمسك عليه شي بس الحرمة شوووووووووووووووووووووووو؟

والحين حبيت اعلق على الموضوع شوفي حبيبتي نفس مالريال دخل يشتكي عن حرمتة أكيد ريلج دخل يشتكي عليج وكلم كم وحدة أنتي عرفتي عن ريلج وما رمتي أتسوين شي لكن لو هو عرف عنج أقل شي ضرب وبيطلقج بتقولين كيف بيعرف يوم بيشوفج متغيرة عليه بيراقبج وشوفي ردت فعل ريلج وأهلج وأخوانج كلهم عقب مايبونج فردي لبيتج ورمضان ياي اله يهديج أدعيله هذاك لعااااااااااااااااااااااااب نفس ما ريلج لعاب

 

[Wardoneeta]

لا تخلون اهمال الزوج او قسوته عذر عشان تغازلون او تسوون الغلط

يا بنات اصحو شوي

استري على نفسك قبل لاتنفضحين ومايفيدج بعد شي غير الفضايح
والله لو كل زوجه زوجها هملها او خاين كان 90% من المتزوجات خوانات
الله يستر علينا
اتعوذي من الابليس واتركي عنج هل خرابيط الي راح تخرب بيتج وبيت غيرج
والي كاعدة تشجعها وتحط اللوم على زوجها لاتشجعوها هذا غلط بغلط والله مايقبلها
الله يهديج:sly:

 

[سهر الليالي]

تعوذي من الشيطان وفكري اختي بعيالج وبيتج واطلبي من الله انه يغفر لج اختي الغالية لا تصلحين غلط بغلط اكبر منه

 

[Wardoneeta]

امركم غريب يالحريم
اذا الزوج خان قلتوا اصبرن
واذا حنا خنا قلتوا استغفر الله
ليش مو حنا مخلوقات نبي من يحبنا ويحسسنا بانوثتنا
والا حنا عبيد محتاجات للكرف والعنا
لاوالله من حقنا نحب وننحب اذا لطرف الاخر صاادق معانا ليش مانحب والا لازم نجلس مدفونات بالحيا نرتجي كلمه او همسه من الزوج
والله انا اقول الوحده تعيش حياتها دام العمر قدامها ومو شرط انها رااح تهمل عيالها بالعكس راح تنتعش وتهتم بعيالها ويصير لها نفس
مو كل معصبه وحزينه ووجها العشريني كأنه بالاربعين

استغفري ربج
انتي كاعدة تشجعين المتزوجات وخاصة الي مو مرتاحه مع زوجها بالخيانه
نسيتي زعل وغضب ربج نسيتي اولادج هم فرحت حياتج
شنو حالي اذا خنت زوجي وحبيت وانحبيت وحسسني واحد ثاني بانوثتي وبعدها انفضحت
فكري شوي قبل لاتكتبين هل رد
الله يهديج

 

[solaf-mn]

لاحول ولاقوه الابالله الله يهديك انا اقول مو علشانه علشان عيالك وهلك مايستاهلون الفضيحه .........اكيد انك محتاجه الحب والعنايه وهالرجال قدر بطريقته يوصلك لكن من ترك شيئا لله فاالله بيعوضك بداله وادعى يارب حببنى فى الايمان وابعدنى عن الفسوق والحرام واهتمى بنفسك وباولادك او روحى لهلك واقعدى عندهم فتره لحد ماتنسين اللى صار وصيرى قويه ضد الشيطان والله يهدى زوجك..............

 

[جودي@]

نسمع ونسلم والله يبعدنا عن الحرام مهما كانت الاسباب مايحقلك تسوين كذا المراه اهم شئ سمعتها وشرفها اذا راحت السمعه فتكون المراه اشبه بالزباله

 

[دانة_بوظبي]

لين متى بيتم حبيب القلب ع التلفوون ؟؟؟؟؟؟؟؟؟؟ هو متزوج وانتي متزوجه .. كيف بتصلحوون غلطتكم .. بخياانااتكم لشريك حياتكم ؟؟؟؟
مثل ما انتي متأثره من ريلج اللي يرمس غيرج ... فكرتي فزوجة الرياال اللي تكلمينه ؟؟ كيف تنظر لوحده اتكلم ريلهـا ..؟؟ اكييد انهاا رخيصه لانها رضت اتكلم رياال متزوج ..؟؟ وبالحراام ....؟؟؟

واي حب ترمسين عنه ؟... مجرد نقص من قبل ريلج حصلتيه عند رياال غريب .. والشيطاان يزينه لج كحب ..

ما اقوول غيــر الله يهديييج .. وهدي ريلج .. اللي وصلج لهالدرب المظلم .. ويهدي كل شخص يعييش قصه شراات قصتكم ..

 

[عطار]

لاحول ولا قوة الا بالله اشغلي وقتك بذكر

 

[عطار]

لاحول ولا قوة الا بالله اشغلي وقتك بذكر الله وين صديقاتك واخواتك واهلك تتكلمين معهم تدورين
رجل وتخونين بيتك اعوذ با لله والله يفرج همك

 

[رانيا شعبان]

انتي ياحبيبتي ما بتحبي الشاب ده انتي بتحبي الصفات اللي فيه وانتي مش شايفاها في جوزك

انتبهي على روحك وسيطري على مسار مشاعرك واتجاه لا يجرفك لطريق غلط وانتي عارفة وبتناشدي النصح قبل لا تغلطي يعني انك عارفة نفسك ماشية غلط

طالما انك عاقلة ياحبيبتي ربنا يكمل لك عقلك واتحكمي بتصرفاتك واجائي لله الواحد الاحد اللي بياخد بايدك ويبعدك عن طريق الشيطان اللي بيرسم لك ويزين لك اللي انتي محرومة منه

حاولي مع جوزك بطرق تانية ربنا يهدي لصلاح حاله

انتي ست متجوزة وعندك عيال وليكي زوج وفي عشرة وحب وود ماتبيعي كل حاجة من اجل نزوة الشاب ده ما من وراه رجاء ولا هيسيب زوجته عشانك مهما كان مش مرتاح

كل اللي انتي فيه من تعب نفسيتك لا تضعفي ولا تنخذلي الحياة يام حلوة وايام مرة ماحدش عاش حياته بالطول والعرض بعادة ولا واحد عاش حياته بتعاسة طول عمره

ومافيش انسان كامل زي ما جوزك فيه صفات انتي مابتحبيهاش لو تركزي هتلاقي فيه صفات جميلة


ماتنظري لنصف الكاس الفارغ انما تذكري في نص مليان

لا تركزي على عيوب جوزك وتكرهيه ركزي على الجميل الي فيه وحبيه هو اولى بمشاعرك واستر لك وربنا بيبارك لك فجوزك

التزمي واتقي الله يجعل لك مخرج


ربنا يهديكي

 

[العنود 19]

لوكل وحده زوجها طنشها وقصر معها سوت سواتك
كان مابقى احد بالدنيا ماخاااان
خافي ربك انت متزوجه وعندك اولاااااااااااد
والشي الحرام اللي تسوينه يجري بدمهم ترى
انتبهي
وهذا اللي تكلمينه لعاااااااااااااب صدقيني بياخذ اللي يبيه وبيرميك
اقري قصص عن هذه السوالف علشان تاخذي عبره من نهايتهم
يعطونك الكلام الحلو واللي زي العسل علشان غرضهم
لو اكتشف زوجك وش راح تسوين ؟؟؟؟
راح تخسرين من جميع النواحي
زوجك اكيد راح يطلقك
واللي تكلمينه لاتحلمي انه يتزوجك
بترجعين بيت اهلك والكل بيذمك ولا احد بيوثق فيك

فكري بعقلك ووازني المساله عدل
ترى السالفه مو لعبه اللي تسوينه شي خطييير

الله يهديك

 

[عاشقة تعبانة]

لا تعليق

بس انتي تستاهلين الرجم

الي اتخون زوحها تقدر اتخون عشر

اتمنى انه الله يهديج

انتي معرسه يعني ماله داعي اتحبين حد غير ريلج

انا امي حياااتي كلها معانااا ولا فكرت اتحب

بنت عمي ريلها اخس رياال ويكلم كل البناات لكن حافظت على شرفها

وقالت لو ريلي جي مايسوي شراته وتدعي ربها وتستغفر ...

اتقول ها بلاء من الله ...لكن ماراحت اتكلم علان وفلان

والله لو انتي اختي ماقلت انج مسكينه..وكنت بذبحج ولو كنت انا الريال

جااان ما حبيتج وبقول الي اتخون ريلها اكيد بتخوني يوم بقصر

ترى الانسان لو تعب في حيااته مايسوي الغلط

انصحج اتوبين والله انا اهزبج لاني احبج في الله واخاف عليج

ترى الشباب لو كان اطيب انساااان وانا عرف انه طيب بس لو عرف عنج انج معرسه بيقولج اجلبي ويهج

ولو ماقال ترى هو بيستانس بسواالفج معاااه ..

دخيلج هديه انتي اتخربين بيت ثاااااني لو حرمته مقصره خلصه يتزووج اذا يبغي يفرج عن عمره

الله يسامحج ويسامح زووجج ويسامح الي اتكلمينه والله يهديكم جميعا يارب

اختي بنت الهيئة طولي بالك شوي يعني ايش هلرد صح هي غلطانة بس هي تعرف غلطها واجت تسئلنا مافي داعي للتجريح الله يخليكي ايش رجم صح غلطانة بس اللي يعترف بذنبه وبتقرب من ربه حتى ربه يغفرله مايصير نحنا نحاكم البشر خالق البشر يحاكمهم

 

[نايس هواوي]

انا حاسه فيك خصوصا اذا ضنيتي ان روحك وروحه واحده
بس يااختي انا انصحك وانصح نفسي قبلك هذا الطريق اخره الندم
وماراح ترتاحين ابدا مع عذاب ضميرك ناظري عيون صغارك هل يستاهلون ان امهم خاينه
لا يااختي باعدي بين فترات مكالماته ولاتفتحين ايميلك انا والله حزينه لحالك والله ياخذ بيدك ويهدينا ويهديك
بالنسبه للي قالت انك تستحقي الرجم بقول متى صرتي مفتيه؟يااختي حرام عليك هي لم تزني حتى تقولي هالكلام (الزنا الصريح)والي قالت خلينا نحب وننحب كلامك صحيح بس مو بعلاقات محرمه انا ابحث فعلا عن الحب بس اذا مالقيته عند زوجي ابحث عنه عند اهلي صديقاتي اولادي وليس برجل اخر

 

[قلوووووب]

اضم كلامي وتعليقي لأخواتي اللي سبقوني
الله يكون في عونك ويفرج همك وينور دربك
ويستر عليك وعلى بنات المسلمين
تقبلي مروري
قلوووووووووووووووووبة