متزوجة واحب شخص اخر...ساعدوني

[أحاسيس منسيه]

والله ياحياتي زوجي مثل زوجك لكن الفرق انه يتحمل المسئوليه
مشاعر والسوالف هذي عنده مالها داعي ...وأنا مثلك مو مقصره معاه بشي
لكن ياقلبي مارحت وحبيت غيره وأعصي ربي وأهلي علشانه,,,
مع إني لو بغيت راح أقدر وأدري اني راح أسمع كل اللي أبيه بس تفكرين ان هالانسان اللي تكلمينه
فعلا مثل ماتفكرين ؟؟؟!!!!
لا ياحياتي ,,,,هذا الشيطان هو اللي محليه ومزينه بعينك,,,
تعوذي من الشيطان وتوبي لله..انتي مسئوله عن أفعالك وراح تحاسبين عن كل حرف كان بينكم بالحرام...
اذا ماتبتي,,,,
وصدقيني لو إنه انسان جيد ما كلمك أساسا,,ةهذا أكبر دليل ان حتى هو مايتحمل المسئوليه.عارفه ليش؟؟؟!!
لأنه لو يتحملها كان ماكلمك..وتحمل مسئولية خواته ومحارمه لأن كل اللي يعمله معاك ...راح ينعمل لمحارمه..
(دقة بدقه ولو زدت لزاد السقه)...
فلاحول ولا قوة الا بالله....الله يهديك ويصلحك...
انتبهي لاتضيعين دينك وآخرتك علشان زوجك,,,

 

[برآءة]

لااااااااااااااااا تلومونها ...
ذنب زوجهآ جآء فيها..
وكلناااااااااا نعرف كما تدين تدآن ومن دق باب الناس دقوا بابه..
زوجهآ عاكس وربي ابتلاه وصارت زوجته مثله..
وهذا حآآآآآآآآآآآل الدنيآ...وهالشي غصب عنها...افهموووووووا..
والله يهديك ويهدي زوجك..

 

[Oofaa]

الله يهديك انت وزوجك واستغفري من ذنب.......

 

[مشتاقه للماضي]

اسمعي نصيحتي انتي صح غلطتي في فتره كنتي محتاجه احد يسمعج وانتي ارتحتي له على طووووول شوفي صح اصابع يدج مو نفس بعض والريايل يختلفون بس انتي اللي جالسه تخونين زوجك ترى مايستهل اتضيعين نفسك علشانه وتعصين ربج انا مااالومج انا وحده حااااااااااولت اني اسلي نفسي واشغل حياتي عشان اتخف المشاكل بيني وبينه بس الحمدالله الواحد يفكر صح وانتي انسانه عاااااااقل استغلي وقتج برضااا ربج والاهتمام بعيالج وكثر الدق يفك اللحام حاولي مع رجلج بدل المره الف صدقيني لاتقولين مستحيل مصيره يعقل لان كثر الكلام بوعيه لاتيأسين والله يوفكم يارب

 

[نور الشمس 1]

غاليتي الطريقة اللي حليتي فيها مشكلتج اكبر خطا

يعني الواحد مايداوي الجرح بسكين

اتقربي من ربج وادعي انه يهدي زوجج

واكثري من الاستغفار

وافهمي ريلج عدل

والذياب في كل مكان

انتبهي منهم

وربي يسترعليج

 

[شوكلاين]

اختي
الي تسوينه حرااااااااااام وحتى لوغلط زوجك ماتصيرين مثله وتغلطين مافي خوف من الله وترا الله يحبك وساتر عليك علشان تتوبين فلا تتأخرين وتنفضحين قدام زوجك واهله واهلك واولادك وتندمين وقت ما ينفع الندم . وبعدين اش نهايه العلاقة ذي يعني اش في بالك بيتزوجك ؟؟؟؟؟ مع ان هذا من المستحيل بس لنفرض وزوجته بتتزوجين عليها ؟ ولا بتطلقينها ؟؟؟؟؟؟؟؟؟ وعيالك بتقطينهم وبتحرمينهم منك واش يدريك انه صادق في كلامه يمكن مألف السالفه كلها عشان يستجديك وتتعاطفين معاه وتكلمينه ويتسلى عليك!!!!!
الله عطاك عيال واذا فقدت الزوجة العاطفه من زوجها فالأمومة كافيه تشبع ما عندها من فراغ عاطفي واعملي صداقات مع الجيران .. استعيدي الصداقات القديمه .... احفظي القران . طوري ذاتك . اشتركي في الاعمال التطوعية الخيرية . في اشياء كثيره تسوينها تشبع الفراغ العاطفي وتنسيك وتلهيك عن الغلط ....... اتمنى الله ينسيك هذا الذيب البشري ويصرف قلبك عنه قبل لا احد يدري عنك........

 

[اعشق الجمال]

سبحآن آللهٌ يوم آلحرمه تناظر غير زوجهآاا تقومون عليهآاا حرب ​

والزوج لو يشووف غير زوجته تقلون آصبري وحاولي تسعدينه بي طريقه ​

كلام بنت الهيئه غريب مررررررررررررررررررررررررررررررررررررررررررررره​

نسيتي انووو خير الخطائين التوابين نسيتي انه باب التوبه مفتوحه ياختي آنصحيهآااا​

بلاش تتهجمي عليهآاااا​

وانتي ياختي روح الريح ​

تعوذي من الشيطان وصلي ركعتين التوبه وبعدهااا فكررري الي تسويه صح او غلط ​

مقدره ضرفك والله لقيتي الى معطيك الحب والاهتمام الى ماشفتيه من زوجك بس ​

صدقيني هذووولااا ذئاب انترنت ولاتثقين بيهم اكثير حاولي تدخلي مواقع دينيه وهنا خلي وقتك كلووو​

معنا بمنتداناااا هنااا ومسنجرك قفليه نهائيااا وجوالك غيريه منشان ترتاحي مره وحده وكل ماتذكرتيه ​

ادعي ربك قوووولي اللهم ابعد حبه من قلبي وابعده عن عقلي وحببني في زوجي وحبب زوجي فيني ​

وادعي ادعيه اكثيره صدقيني لو تستغفرين وتدعين بتتغير حياتك ​

كل ماحسيتي آنووبدك تكلميه آدخلي هنآ وكلمينآ بالنيابه عنوووو ​

ربي يصلح حالك​

:clap::clap::clap::clap::clap:كلامك كلو صح قولتي الى فى قلبي

 

[نونا98]

لا حول ولا قوة إلا بالله
طريق المرأة المسلمة العفة ولا طريق لها غيره
أسأل الله أن يبعد عنك وعنا الحرام ويسترنا في الدنيا والآخرة
اللهم آمين

 

[ام عفراء1]

اختي

انا اللي اشوف ان هدا مو حب بس افتقادك لعطق الراجل و الزوج خلاكي تدورين عليه فمكان تاني و اما لقيتيه تخيلتي انو هدا هو الرجل المتالي

شوفي حبيبتي

انتي لازم تجلسي مع زوجك جلسة صراحة و تخبريه بافتقادك للاحساس بالامان و الحب و الاعتمام و المسؤولية من جهتو

خبريه انو يعيق الحياة بينكم و كمان فضفضي لو بكل مشاكلك و حاولي ماتعصبي عليه بل تكلميه بهدوءللتوصلو لحل

و ربنا يسر لك امرك و يبعدك عن الحرام و يبعد عن ولاد الحرام ووسوسة الشيطان و يهدي زوجك يارب

 

[((حنين القلب))]

أكبر خطأ ما تفعلينه أختاه

الجأي إلى الله و توبي إليه و استغفري

و اعلمي أن باب التوبة مفتوح دائما

فلا تترددي

و تذكري دوما ما رد فعل أهلك أولا

أطفالك عندما يكبرون ثانيا

لا تستمري في ما تفعلينه

فنهاية هذا الطريق واضحة كوضوح الشمس

امرأة لا أحد يحبها و لا أحد يحترمها د

حتى أطفالها يتمنون أنها لم تكن أمهم

توبي أختاه

توبي الآن