ماراح ارتاح بهالدنيا الا لما اخونه

[ورود جورية]

الخيانه حبيبتي ليست علاج
بالعكس انتي كذا رح تزيدين همك هم
وتدخلين في معصيه وغضب من الله على اساس ايش ؟؟ ولمين لزوجك الي ماخاف الله؟؟
انتي استمري بالدعاء والاستغفار لعل الله يبدل همك وحزنك فرحا وسعاده

 

[المحترمه]

يارب في هذا اليوم المبارك وفي هذه الليالي المباركه فرج عن اختي الغاليه كربتها وارزقها بمنك وكرمك يالله وارزقها بكل ماتتمنى وارزقها حبك ولذة مناجاتك ياكريم
اللهم امييييييييييييين

 

[مشكلتي حساسه]

المحترمه
يزاج الله خير على هالدعوه وياج بعد
ومااقول الله يصلح ا الحال
ويفريها الله علي ياررررررررررررررررررب

 

[شقاوهـ بحلاوهـ]

اذا خنتي مابترتاحين

واذا درهـ عنك زوجك بطلقك يعني انتي مابتستفيدين شي غير تغضبين ربك وتنهين حياتك الزوجيه


لا تبينينله انك ضعيفه

اذا قالك بطلقك ...قوليله طلقني مو ماخذه منك غير الهم

اهو بيحس انك مو مهتمه منه كذا يمكن مايقولك اشويشوي لمن يهون

وحاولي تبينيله انك مومهتمه منه

اتنى انه ربي يفرجلك كربتك

 

[سراب$]

عاملية حبيبتى بماء يرضي الله فقط.. ولاتفكري في الانتقام فتخسري اجرصبرك عند الله..يعني بري ذمتك امام الله ,,والله يعينك وقويكي ..............اختك المحبه سراب$

 

[سما الجنة]

السلام عليكم

اختي ربي يعينك ويفرج همك

سبب اذلاله لك هو معرفته لنقطة ضعفك .. لتنهي هذي المهزله منك والاذلال .. قولي له بكل قوة

ربي الي خلقني ما ينساني .. طلق اشوف اريح لي من هالعيشه ... >>> تهديد بس ولتلغي لوي الذراع الي يمارسه معاك

الزوج يحب الامتلاك هو يقول لك كذا تهديد بس ... انهي هذا الامر

بعدين دائما كوني بصوره جميله لابسه احسن ملابسك ومتزينه .... وتحرشي فيه نغزه .. تدلعي عليه... جهزي له قعدات رومنسيه ... ضحكي سالفي ... سوي اي شي علشانك انتي مو علشانه لان هذا ينفعك ويغير حالتك النفسيه

غيري فكرت انك تكرهينه .. قولي انا احسن منه وما راح اعامله مثل ما يعاملني واحبه من اجل الله .. لانه زوجي

المعامله اللينه والحسنه تذوب الصخر .. ما راح يتغير من اول شي ... وراح يصدك وتتعبين لكن لا تيأسين استمري
وراح يتغير ويحب قعداتك ...وبيرجع حبك له وحبه له ...

صدقيني اختي ربي ما يضيع تعب عبده ..ولانك مخلصه راح يكافيك ربي >>> لا يغير الله ما بقوم حتى يغيروا ما بي انفسهم

وكرري ( ياودود ) هذا اسم الله العظيم يبعث الموده في قلبك وقلب زوجك

وربي يسهل امرك

 

[رومنسيات قمر]

ربي يهديج ريفرج همج
ويهدي ريلج

 

[رنداا]

الله يهديك ويسخر لك زوجك

 

[sosh]

لاحول ولاقوة الا بالله 000لماذا ياخيه تخسرين رضى الله من اجل الشيطان000

هل زوجك يملك النفع والضر؟؟؟ومن هو هذا الرجل الذي حاولتي الانتحار من اجله ؟؟؟

ومن هو هذا الرجل الذي ستخونين الله لاجله؟؟؟

للاسف الشديد انتي حصرتي دنياك وحياتك وجعلتيه لهذا الرجل000

انظري الى نفسك ستجدين الله من عليك بنعم كثيره لاتعد ولاتحصى نعمة العقل وانظري للمعاقين ذهنيا كيف حرموا منها 000نعمة البصر انظري للكفيف والاعمى كيف حرم منها 00انظري للاصم والابكم 000انظري لحل بعض النساء والرجال الذين كانو في اتم الصحه والعافيه000 وتعرضو لحوادث سيارت يأكلون ويتنفسون من الاجهزه بل البعض منهم اصيب بشلل 000لايعرف انه
احد الحدث الاكبر من غائط حتى يشم رائحته (اكرمكم الله)بل اصبح يرتدي الحفائض000

اذهبي لاماكن النساء في المستشفيات الاتي يتعاطون جرعة الكيماوي 00لمرض السرطان 000والله انهن بنات في عمر الزهور يأنون من الالم من حرقة هذة الجرعه000رأيتهن بنفسي000


وانتي تحاولين الانتحار من اجل رجل لايملك لك نفع ولايدفع عنك الضر 000 وهل سئلتي نفسك انك لو انتحرتي الى اين ستذهبين ؟؟؟الا تعلمين عقوبة المنتحر 000عقوبته النار مخلد فيها

انتي ماتحملتي تصرفات زوجك 000هل تتحملين النار؟؟؟ اين عقلك000

مافكرتي ولولحظه واحده لماذا لم تموتين؟؟ ولماذا الله اعطاك عمر حتى هذه اللحظه؟؟

لان الله اعطاك فرصه للتوبه والرجوع لله 000منهذا اليأس والضعف في ايمانك000

احذري ان تفرطين في ذلك بعصيان الله من الانتحار الى الخيانه من اجل اشباع رغبه لاتتعدى دقائق

الم تفكرين في عقوبة الزاني لماذا يرجم حتى الموت اذا كان محصن لانه اقدم على شهوه مدة 5دقائق جرته للزنا عذاب في الدنيا والاخره شهوه خمس دقائق000شوفي مصيره00

ياحبيبتي استهدي بالله واتقيه يجعل لك مخرج000

هل جربتي قيام الليل والانطراح بين يدي الله والله ياختي انها لذه عظيمه فيها من انشراح الصدر الشيئ الكثير 000ابكي عند ربك اشكي حالك والله لن يتخلى عنك اذا صدقتي معه

اقرئي القران 000تدبري معانيه عنطريق كتب التفسير 000اقرئي قصص الانبياء شوفي اليلاء

شوفي نوح مع ابنه 000قصة يوسف 000قصة موسى 000مريم بنت عمران 000قصة حادثة الافك وظلم عائشه وكيف عاشت ابتلاء الظلم في عرضها000


اكثري من الاستغفار 000الصدقه الان اعلنيها توبه نصوح وتقربي لله بالاعمال الصالحه في هذه الايام المباركه التي اجتمع فيها صلاة وزكاة وصيام وحج وذكر000لديك فرصه الان قبل ان يقبض ملك الموت روحك000

اشغلي نفسك بطاعة ربي 000وبالاعمال الخيريه000ومع عيالك واهلك وصديقاتك اخرجي من قوقعة زوجك00التي سجنتي نفسك فيها وان شاء الله ستجدين النتيجه لكن بشرط اصدقي مع الله اصدقي مع الله اصدقي مع الله000

كلام عين العقل وما يعلا عليه ~ سلمت اناملك, كفيتي ووفتي:icon30:

 

[همة1]

اختي في الله شلي فكرة الخيانه نهائيا من بالج ..وتذكري اذا خسرت الحياة الحلوة اللحين اذا لا سمح الله خنتي وما تبت راح تخسرين الاخرة بعد ..حبيبت الله سبحانه وتعالى قال في محكم كتابه ((وجعل بينكم مودة ورحمة )) يعني المودة والحب بيد الله سبحانه الجأي له واستغفريه واكثري من الدعاء وان كان مكتوب لك حياه حلوة راح تعيشينها معاه ..وكلي الله سبحانه وتذكري شي واحد (من ترك شيئا لله عوضه الله خيرا منه ) ..اتمنى لج من كل قلبي ان يصلح زوجك وييسر امرك ويبعدك ويبعد بنات المسلمين عن الحرام اللهم اااامين .

 

[عهود الرياض]

من ترك للة شيء وعوضة خير منة لانسين ياختي ربك اول ولاهو مراح ينفعك بشي وللة يصبرك يارب

 

[مغريه]

الله يفرج همج ان شاء الله بس شيلي فكرة الخيانه من راسج لانج راح تضرين نفسج قبل ما تضرينه وفكري بربج وبنفسج واستغفري وراجعي على معاملتج معاه

 

[اخلاص معلمه]

الله يكون في عونك زوجه اسير الله يفرج همك

 

[االنعومة]

علييييييييييييييييييييييك بالدعاء الله يفرج همك وييسر أمرك

 

[حرم الطيار]

ربي يهون عليج حبيبتي
بس الغالية شيلي فكرة الخيانة مب عشانه
عشااااااااااااانج انتي وكرامتج......
......وكل مشكلة لها حل ان شاء الله

 

[الريم 2008]

(ومن يتق الله يجعل له مخرجا)

 

[أنوثة طفلة]

حبيبتي




اللي راح راح


عليك من اللي قدام



انتي تقولين ماراح تتطلقين

يعني بتعيشين مع رجلج

وهذا الافضل


انج تكسبينه

طيب بتعيشن على هالحال الى متى ؟؟؟


ماودك تتغيرين وتغيرينه



خليه يحس انك تغيرتي عشان يتغير .....


في الوقت اللي بيجي في بيتك

لاتقعدين في المطبخ
تجهزي وتزيني والبسي احلى ماعندك
وتعطري واستقبليه ...


استغفري ,, ادعي الله انه يبعده عن بنات الحرام ويسخره لك ..



فكري بعقلك

بعيد عن العاطفة والشهوة



انتبهي هذي حياتك معه هو لحاله
فخليه هو لك لحالك بذكاءك ودهاء المرأة المعروف


يعني وش بتستفيدين لو خنتيه ....
ماشي شهوة وعاطفة اشبعتيها


طيب ...
الدين ,, كرامتك وين راحو ؟؟


اقري المواضيع اللي تتكلم عن تحسين طباع الزوجه للزوج


لانه متى ماتحسنت طباعك صدقيييييييييييني هو بيتغير
ماراح اقوللك من اول شهر بيتغير
لاااا



يبيلللللللله صبر


والحياة كذا ياحبيتي


وحدة تقول ان طباع زوجي ماتغيرت الا بعد 9 سنوات ..
تخيلي !!


وهذي هي اسعد وحدة وتحسفت انها مافهمت وش زوجها يحتاج


في رجاجيل


يحتاج الكلام الحلو
بعضهم يبي الاحترام

بعضهم يبي وحده راعية بيت
ووالثاني يبيها تملا عينه في اهتمامها بجسدها وجمالها

ورجال يبي وحدة دلوعة

وبعضهم يبونها غامضة

وش رايك تصيرين له كل هذا ؟؟
عشان يصير لك اللي تبين




اصبرييييي

لاتستعجلين

انتي اقري مواضيع الاخت كاندي في قسم الزوج والزواج بالذات الحملة اللي سوتها طوق الالماسة





صدقيني


ماراح يتغيييييييييير
الا



اذا
انتي تغيرتي



ولا وش اللي بيغيرها

وروتينه واحد
.. والحياة عنده نمطها واحد


ما اقولك سوي ليالي رومنسية كل يوم

لا الرجال مو هذا الشي الوحيد اللي يحتاجها

الرجال يبي وحده تسمعه
تعامله كصديقة
تفهمه
تعرف له متى يصير زعلان

متضايق ..

تسأله
ها حبيبي واضح انك مضايق

بجيب لك كاس ليمون تروق ...
تجيه تعطيه الكاس وتمسح على راسه
وتجلس بجنبه لحد مايخلص الكاس
ها ماودك تريح صدرك وتفضفض لي ؟
ان قال كان بها اذا ما قال براحته




وحده تقول

كنا في مشاكل دايمه

مستمرة

ماتنتهي

ققرت تحط حد لها المشاكل

روقت نفسها

فكرت انها لو تعصب مع رجلها راح تزيد المسألة وتعقدها


صارت كل ما ضاق رجلها عليها حتى لو الخطا منه
باست راسه وقالت ماعليه الجايات احسن
او تقول
لاتضيق صدرك الدنيا ماتستاهل تعصيبتك ..
اي شي يحسسه انه ماتحب المشاكل


بعدها باسبوعين

صار يقول لها انتي متغيرة بقوة

وتغير بعدها هو

وارتاحت من المشاكل

وش رايك الحين ؟؟

الله يفرج لك يارب

 

[norahmed]

حبيبتي لو انتي انسانه مؤمنه عمرك ماتفكري بهالشي
وبعدين اشلون تنتحرين مشان رجال لا جا ولا راح خلي يولي ... والله ياقلبي انا جنت اعاني ويمكن في حريم يعانون اكثر منا
صدقيني يا قلبي ماحصلت راحتي الا بعد مادعيت ربي وصلحت حالي معاه..

وشيلي فكرة الإنتحار هذي من راسج ترا بتخسري فيها دنياج واخرتج وزي مانتي عايشه هالعيشه ومو طايقتها بتعيشي في جهنم
ازفت منها .. وبعدين احمدي ربك هذا التعب كله دليل حب ربك لك لأن ربي مايبتلي حد الا اذا كان يحبه...

انتي صلي وادعي ربك يهديه ويصلحه وبنفس الوقت صلحي من حالك وشفي طريقة معاملتك معاه وغيريها للأحسن
ترا انا كنت اظن اني اعامله احسن معامله وهو يجرحني لين ماتأكدت ان اساسا الغلط مني .. وصلحت حاجات كثير بحياتي

والبه بعد الله المنتدى هذا فيه مواضيع بتفيدج بس خصصي وقت له وادعي ربك يوان شاءلله حالك بيتصلح وتأكدي
دامك واثقه ان الله معك حياتك بتكون احسن حياه.. بس توكلي على الله وتأكدي انه اساسا مايستاهل دمعه تنزل من عيونك
ولا يستاهل انك تضيعي شرفك لأنه اساسا مايستاهل ... انتي عيشي حياتك مثل ماهو عايش وزي ماهو مطنشك طنشيه
يوم كلمك كلميه ولو ماكلمك خلي يولي خلي حياتك هي الأهم من كل شي

وربي يكتب لك الخير وين ماكان ويهديكي

 

[ريحانه المدينه]

اتقي الله في نفسك ثم في زوجك

 

[ريمان1981]

صوني نفسك عشان ربك
ووكلي أمرك لله سبحانه
وهو بيتكفل بك

لانك اذا خنتي ربك قبل زوجك
راح تنذلين اكثر من كيذا
وراح تعيشين الحرمان مضبوط
بعد ماتصحين من لذة الانبهار..

فكري بعقل مو بإندفاع
واشكي همك لربك واسجدي وابكي واخشعي
واستغفري وربي بيفرج همك ويفتحها عليك من اوسع ابوابه ..

ربي يهدي بالك ويحميك
من النفس الأماره بالسوء ..,

راي من راي الاخت اختاااااااااااري ربج ورضاه