كيف يحب شخصية زوجته الشمالي الشرقي ؟

[...ليووونه.....]

المواصفات كلها تنطبق على زوجي 100%
حبيت اعرف ايش البس اللي يعجبه ويثيره لانه جدا مايتكلم مع اني كم مره قولتله ماتحب البسلك لبس معين رد عليه
ماشاءالله لبسك كله حلو حتى والله بطلت البس له قمصان مافرق الوضع عنده
وابي اسال يحب الاحتفلات والاجواء الرومانسيه والمفاجات
ومن تجارب البنات فهمت انه يحب المبادره والجرأه طيب لما هو مايطلب ولايتكلم في اي شي بالعلاقه اكون اجرى منه صعبه احس احيانا انه يبيني بس مايجيني نفسي افهمه بهالناحيه

 

[...ليووونه.....]

ارجوكم لاتطنشوني

 

[...ليووونه.....]

بلييييييييييييز ردو عليى

 

[...ليووونه.....]

ماتوقعتكم تطنشوني شكرا

 

[رد قلبي!]

[quote=تاج الاحزان;1317227]يحبها مثيره هادئه واثقه من نفسها يعشق الجمال والشعر الناعم يريدها ان تبادر في العلاقه(( لا للاسف احسه يكش ويهرب وهذي الصفة الوحيدة اللي ماخذها من الجنوبيين ولا يحب قمصان النوم العارية)) يحب اهتمامها بأولادها جــــــــــدا كريم جـــــــــــــــداويحب البحر؟؟؟؟؟؟؟؟ والسفر يجلس في البيت كــــــــــــــان :shutup: كثير قليل الكلام ما يعرف يعبر عن مشاعره معاااانااااتي :shutup:اذا خطيتي لا تتأسفين له ابدا شقي مثل الاطفال يعني يحب المزح والضحك ويكره التكشيره يحب الشعر الاسود(( يلمحلي بس اعاند واحب اغير بالذات الاحمر وهو يكره الصبغات والالوان!!!)) يحبك نحيفه واهم شي لما يعرف ان الكل يمدحونك يستانس ما يحب يرسل رسايل صحييييييييييح لا تعاندينه يحب يكون صاحب الراي يحب المدح واضح ولازم تشكرينه على كل شي ينتبهلك اذا اهتميتي ابمشاعره لا تكثرين معاه في الكلام ولا تلصقين فيه طول الوقت ملول ......هذا اللي بسويه........... تعبت بكره اكمل[/quote]

اتفق معااااااااااااش باغلب اللي قلتيه............:icon30:

 

[الشاطوحه]

عزيزاتي الشمالي الشرقي من صفاته انه بصباص ويحب الخيانه تلفته المراه المثيره ويحبها صغيره في السن يعني طالبه توها يخاف من تقدم السن يهتم بنفسه ويدلعها ويحب المدح في الصغيره والكبيرة يميل لابنائها البنات ويخاف عليهم قاسي على الولد ويحبه قوي الشخصيه يحب الاهانه وتصغير الشان سواء للزوجه او الاولاد حبه من غير حدودممكن في لحظه يحسسك انك ملكه وفي ثانيه ينزلك القاع ويمشي عليك مايعتذر ابدا يوم يحب غيرك ينكد عليكى عيشتك

 

[ديمة ربيع]

سبحان الله كأنكم معي في البيت أأأأأأأأأأأأأأأأأأأأهم شئ عنده النظافة ولا تسامح في ذلك
واكثر شئ يكرهه الاعتذار والبكاء والضعف الثقة في النفس ترفعك عنده
نقده دائم ويرفع الضغط لكن ابشرك مع الزمن يصير عندك مناعة
يحب اللبس الرسمي الفخم مثل مذيعات الجزيرة والشعر الاسود الناعم الطووووووووويل

 

[سارونة333]

بنات انتوا ذكرتوا انه يحب الشعر الاسود الناعم
كنت مره اسولف انا وابو الشباب عن وحدة فسالته بصراحة شنو اكثر شي شدك فيها
كان يقولي شعرها ناعم واسود
بس المشكلة ان شعري لاهو اسود ولاهو ناعم
مادري شسوي

 

[نظــ جديدة ــرة]

هلا كيف حالكم بنات..
:icon26::icon26::icon26:
انا بعلي شمالي شرقي واشياء كثير قولتوها مطابقة عليه
من نظافة البيت والابناء ويحب يكونون مميزين عن البغية..الحمولة
يحب يفتخر امام اهله بأبناه..أما انا من تحت الى تحت ما يحب يتفاخر:crazy:
علانا بس اهله يعرفون من تكون انا:icon31: بنسبة له
:icon26::icon26::icon26:
شيء ثاني​

الخطأ والأعتذار
عند اعتذارك له..... انك تصححين خطأك وانت ساكة
وأذكر كلمته يقول انت اشحلاتك..بس لو اخطأكــ ما يتكرر!!!.
.>>>اقول في نفسي :nosweat:انا كمبيوتر..>>جنوبية ههههه​

وبنسبة للبصبص هذي طبيعة الرجل..اي الرجل اللي ما يلتفت
الى المناظرجميلة :evil_lol:.>>اكيد فيه شيء>>مريض
:evil_lol::evil_lol::evil_lol::evil_lol:
بس على الوحدة تحاول تشبع اعيونه الزايغة ..​

وطبعا صاحب الدين...يخاف ربه..​

وبنسة للموصفات الزوجة الشمالي الشرقي...
قبل ما يخطبني...كنت مواصفات زوجة المستقبل
طويلة....
شقرة>>>ويطلب مني افتحه اكثر طبعا بالضبغات..
صغيرة
والحمد لله كلها فيني.... احم احم..اللهم لكــ الحمد..​

وألاحظ الأغلبية .البنات الشمالين..ازواجهم..يحبون الشعر الاسود...​

.ماأدري اللي عندي شوشو في خلل او عمى الوان ههههههه
:questionmark::questionmark::questionmark:
على فكرةالشمالي هم حبابين وأليفين :bleh::bleh:
بس اللي يعرف لهـــــــم
على قولت اندلسية (كائن):detective2:
غريب
اكيد جاي من المريخ..هههههههه
:icon26::icon26::icon26::icon26:
طولت عليكم
السموحــة​

تحياتي:
نظرة جديدة​

 

[Warm SouL]

سلام يا حلوات ..
طبعاً الشمالي احلى مخلوق بالدنيا .. و مرة سهل التعامل معاه .. و مافي زيه >> تسوي إيحاء :nosweat:

طيب من الكلام اللي هنا وخبرتي البسيطة المتواضعة و المواضيع السابقة صح اللي قلتلو مع اختلافات اتوقع انه التربية و البيئة لها دور فيها
و اكيد جوانب شخصية اخرى و الجهات دون الغالبة..
وبعد الله و هدايته لي لهذا المنتدى فمنكم أنتم قد إستفدت الكثير،، كنتم في عوني كان الله في عونكم دائماً
وجدت لديكم إجابات لكثير من التساؤلات

بس دحين بعد موضوع استاذة ناعمة الهاشمي الرائع بروعتها اكتشفت اني جنوبية شمالية :1eye: ما كنت ادري انه هذا الشي ممكن ..

ممم بس سؤالي المهم المتواضع :cupidarrow: صرّحتو يا بلقيسات ذوات الخبرة و الباع الطويل في الشمالي الشرقي إنه ما يحب المسجات (الرسايل ) كثير أو المكالمات ..!! فهل هذا صحيح حتى فترة الخطوبة ؟؟

بتكوني أفدتوني .. أفادكم الله.. :flex:

 

[روعة مشاعر]

[quote=تاج الاحزان;1317227]يحبها مثيره هادئه واثقه من نفسها يعشق الجمال والشعر الناعم يريدها ان تبادر في العلاقه(( لا للاسف احسه يكش ويهرب وهذي الصفة الوحيدة اللي ماخذها من الجنوبيين ولا يحب قمصان النوم العارية)) يحب اهتمامها بأولادها جــــــــــدا كريم جـــــــــــــــداويحب البحر؟؟؟؟؟؟؟؟ والسفر يجلس في البيت كــــــــــــــان :shutup: كثير قليل الكلام ما يعرف يعبر عن مشاعره معاااانااااتي :shutup:اذا خطيتي لا تتأسفين له ابدا شقي مثل الاطفال يعني يحب المزح والضحك ويكره التكشيره يحب الشعر الاسود(( يلمحلي بس اعاند واحب اغير بالذات الاحمر وهو يكره الصبغات والالوان!!!)) يحبك نحيفه واهم شي لما يعرف ان الكل يمدحونك يستانس ما يحب يرسل رسايل صحييييييييييح لا تعاندينه يحب يكون صاحب الراي يحب المدح واضح ولازم تشكرينه على كل شي ينتبهلك اذا اهتميتي ابمشاعره لا تكثرين معاه في الكلام ولا تلصقين فيه طول الوقت ملول ......هذا اللي بسويه........... تعبت بكره اكمل

اتفق معااااااااااااش باغلب اللي قلتيه............:icon30:[/quote] :no::no::no: فديتج يعني حصلت حد مثلي كنت اظنه جنوبي بس راسي دايخ مب عارفه عدل ريلي مثل ريلج بالضبط امممممم ما يحب قمصان النوم العاريه يحب الشعر الاسود الطويل يحب المراه المبادره ما عنده مشكله يحبها نحيفه مايحب العناد لو اعاند هو يعاند مليون مره ههههههههههههههههه والمصيبه الكبرى ما يحب الصق فيه يقول انتي ليش لصقه :crazy: ما يحب يرسل رسايل مب رومانسي ما يعرف يعبر عن مشاعره غامض صامت :icon28: ما يعصب - انتو شو رايكم هذي صفات منو؟؟؟جنوبي او شمالي:in_love:
بس طيب وحنون :clap:

 

[روعة مشاعر]

يعطيكم العافيه يا بنات موضوع يجنن وروووعه


ويحلل الشمالي الشرقي مضبوط



هههههههههههههه


اما الكلمات الجارحه فحدث ولا حرج لكن تأكدوا انها من ورا قلبه .. لانه ينسى الشر اللي سواه وهو قلبه ابيض مع انه شرير ههههههههه

بالنسبه للبس اللي يحبه يعجبه اللبس اللي يبين الاغراء اللي بالجسم .. مثل الفساتين الناعمه اللي تلزق بالجسم وقماشاتها ساتان شيفون ..

يعجبه لبس الاغراء بغرفة النوم .. القمصان الشفافه ..

لبس البكيني ... اي شي مثير يعجبه جداا

واحيانا يحب اللبس المحتشم بس برضه الماسك ع الجسم ههههههه

لكن برا البيت يبغى زوجته قمه بالاحتشام .. والشمالي الشرقي غيور جداااا ..

ههههههههههههههههههههههه فديتج مو بس كلمات يلقي قنابل بعد بس هو مو حاس طبعا وبعد شوي ولا كأنه صار شي ينسى بسرعه :crazy: :icon28: اممممممم ملابس النوم مايحب العاريه

 

[رغد2008]

الرجل الشمالى الشرقي باختصار مايحب

بختصااااااااااااار الرجل الشمالي الشرقي في داخله طفل صغير يحب تدلليه واذا تعب تعاطفي معاه على طول يطيب مجرد احساسه بحنانك وعواطفك


ويحب المدح البنات صادقين يحب الانوثه والنعومه والدلع والمبادره في الجنس والتجديد في الحركات والاجواء


ومن ناحيه الملابس مايحب يشوفك على طول بلبس العاري
يفضل تكون ضيقه ماسكه على الجسم وطويله



البيت يحب الترتيب ويكون كل شي منظم وفي مكانه خصوصا اوراقه الى ماتخلص:icon1366: ويحب الزين والفخافه ويستانس اذا جاه ضيوف وبدعتي في حركات الاتكيت لضيوفه من الاكل والمشروبات او الاواني


الاطفال يحب يشوف اهتمامك في اطفاله في تربيتهم والبسهم وصحتهم



الاكل يفضل الاكل في البيت عن المطاعم ويحب الاكلات الشعبيه وكمان التجديد والحركات مع انو قليل الاكل


بنسبه للهدايا يحب الاقلام وكمان البوك او المحفضه ونتبهي تشترين له عطر لانو ذوق صعب جدا في العطورات ويميل للعطورات الشرقيه


اتمنى انى افتكم كمان استفت منكم
​

 

[روعة مشاعر]

سبحان الله متشابهين!!

لما أنظف كل شيء
وأنتظر -قبل والحين فهمت له- دخوله ومدحه:smoke1:

أتفاجأ أنه يتلفت يدور حاجة تحتاج تنظيف:showoff:

الحين فهمت أنه لما يقولي الحاجة الفلانية تحتاج تنظيف أو ترتيب أنه ملاحظ أني نظفت شيء:shiny:

:blushing::blushing: عيل الي عندي ماييب طاري النظافه خير شر لييييييييش :in_love:

 

[رغد2008]

:blushing::blushing: عيل الي عندي ماييب طاري النظافه خير شر لييييييييش :in_love:

مثل زوجي يحب كل شي نظيف بس مايتكلم علشان مايبي يجيب شغاله لانه يخاف اذا جاب شغاله انو هي لى تطبخ وتراقب الاطفال والرجل الشرقي يحب زوجته تكون الى هي المسؤاله
عن كل شي في حياته
بس لو استمراتي تنظفين اول باول راح يتكلم ولو ماتكلم راح يبين عليه انه مستانس​

 

[فتاة الخير]

ياااااااااااااااااااااالله تعبت مره اقول زوجي شمالي ومره جنوبي..افيدوني وريحو راسي طلبتكن يابلقيسات..
لي سنه ابحث مارسيت على بر..ابقولكم صفاته واجيبوني فديتكم..
منظم ودقيق’مايحب النكد ولا التشكي يحب دايم اكون مبسوطه’يتمنى اني منظمه بوقتي وانام بدري’يشجعني اني اهتم باولادي’يحب اني ارضع طبيعي ويقول لحد السنتين واذا اعطيت الطفل صناعي يلزم احط ولدي بحجري يقول عشان يحس بحنان’مايحب اصارخ على اولادي’كثير الطلعات مع اخوياه’يمشينا برا’يحب المفاجات والليالي الرومانسيه’
يحب الشعر الاسود الناعم ويكون طويل’يحب الملابس الساتان اللاصقه على الجسم’يحب اني ابادر بالجنس’يحب الشخصيه القويه الغير عنيده’مايتحمل يشوف دمعتي’يحب الاعتذاربوقت المشكله’يحب اني اسكت اذا عصب واذا هدا اجي له واتفاهم سواء انا غلطانه ام هو؟’يحب المرح والفرفشه لكن بدون موانه زود’مايحب اقص عليه اي شي خاصه شي محزن’اذا اخطا يتاسف بسرعه’يحب اني اسمعه كلام حلو’او ارسله رساله حلوه’بس هو يرسل بالسنه مره..
يحب اني اكون مصغيه لحديثه’ماله خصوصيات’مو مره يهتم بنظافة جسمه’يحب انا اللي اخدمه مايرغب للشغالات’
يشجعني دايم التحق بدار قران’ولما التحقت انبسط وصار مايلومني على بعض تقصيري في البيت’لانه راغب’
طيب وحنون ورمانسي’عصبي جدا’مايحب يبين للناس انه يهتم باولاده يخاف من العين؟’يغار علي مايحب اركب بالسياره مع اي شخص مومحرم لي؟ومعي اهلي طبعا..امي واخواني..
مايحب اني اكون ضعيفه’ولما كنت ضعيفه واتنازل يكان يهينني ودايم مشاكل ولكن بعد ان من الله علي هالمنتدى تغيرت كثير وزادت ثقتي بنفسي ولله الحمد اصبح يحترمني ولايجبرني على شي مااريده..
ولما اطلبه شي ويرفض اسكت وبعدها يرجع يوافق يقول ما اطيق زعلك..(اذكروا الله)
خدوم اول يساعدني بالبيت والحين مهون مادري ليش؟مايطيق يشوفني مضايقه من العيال يبغاني اضحك لهم واتحنن عليهم’مايحب الوحده ’
افيدوني ولكم دعوه مني ياحبايبي؟؟؟؟؟؟؟؟؟؟؟؟؟؟؟؟؟؟؟؟؟؟

 

[سوكازان]

يعني هالرجاجيل جننووووونا مرة شمالي ومرة جنوبي وشوية يصير شرقي وفجاة تلاقي قلب غربي الله يهديهم انا زوجي شمالي شرقي وانا جنوبية غربية يعني تحف مع بعض يبغالنا نفتح مدرسة بالمضااربة ههههههههههه امزح ترى صحيح متعبين بس لازم الزوجة تكزن حليمة وحكيمه والا ترى بتروح وطي مع الشمالي
وتحياتي لكل الحلوييييييييييييييين

 

[روعة مشاعر]

فديتكم وانا محتااااااره ما ني عارفه زوجي شمالي او جنوبي فيه من الشمالي ومن الجنوبي هو ما يتكلم عن النظافه لان الحمدلله كل شي نظيف ولامره تكلم عن النظافه ههههههههههههههههه مدري هو متقلب مره غربي

 

[ملكه في مملكه]

مرحبا اخواتي انا متأكده ان زوجي شمالي بس مادري شرقي اوغربي غامض جدا مايعبر عن مشاعره ولايعلق على اي شي يحب المدح مايحب اني ارقص يحب يسافرمع ربعه وانا يرفض اظاهر مايستانس وياي لانه كله عند التلفزيون اممم هذا اللي اذكر افيدوني

 

[فتاة الخير]

مافي احد رد علي لاحول ولاقوة الا بالله!
فتحت موضوع جديد ولا أحد رد؟؟؟
ودخلت معكم بموضوع ولا أحد رد؟؟
وش بلاكم انتم؟منيتو بخيركم؟ اهئ اهئ اهئ!؟