~ في ظل غياب الرقابة .. اعاني لوحدي ~

[حلا شرقي]

بإنتظارك الله يهديها عنوده هذي.....

 

[غموض مشاعر]

في الانتظااااار .... ​

 

[حامله الرايه]

بانتظااارج حبيبتي

 

[ورد الاوركيدا]

متابعه

 

[عروس2009]

يسلمووووووووووووو

 

[قطوه قطر]

في الانتظارررر

 

[نبضة فرح]

رائع حبوبة ...
شكلك مشغوووولة ...

بإنتظار هنودة الله يصلحها ...​

 

[حصاد الالم]

بنتظااااااااااااااااااااااااااااااااارك يالغلا

وبخلي كل تعليقاااااااتي بالاخير


المعذره حبيبتي لاني مشغووووووووله حييييييييييل

الله يكتب اجرك وربي وعيتيني لاشياء كثيره حق بنتي

 

[سمراء بلادي]

نسيتينا يا محبتنا نسيتينا وشغلتي البال قطعتي قصتك عنا ولا بارت جديد ولا مرسال <ان شاء الله عجبك تاليفي>بس والله النة كم يوم نطل عالقصة الروعة ونلاقيها لسة ما اكتملت ما تعودنا هالغيبة الطويلة عساكي بخير وعافية طمنينا عليك يالغلا

 

[جرح عميييق]

انشاء ترجعي من غيبتك بغنيمة كبيرة لمحبيك وتكمل الرواية الروعة ​

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

يشهد الله انكم دوم على بالي

لكل اللي ردوا علي السموحة منكم بس الفترة اللي طافت كنت مضغوطة بشكل مو طبيعي

و يوم السبت أخر يوم امتحانات و ان شاء الله اوعدكم

اني من يوم السبت بلتزم اني انزل لكم كل يوم بارت

لغاية ما اخلص لكم الرواية و ان شاء الله بخلصها قبل رمضان بأذن الله

و ادري اني بهالرواية مصختها معاكم بس و الله ما كنت متوقعة ان يكون في هالكورس جامعة

على العموم ان شاء الله بحاول انزل لكم بارت جديد بكرة و من يوم السبت برجع كل يوم بارت بأذن الله

و السموحة منكم خواتي الغاليات​

 

[محبة الطاعات]

بسم الله الرحمن الرحيم
​

في يوم من الأيام و في الليل لكن قبل وقت مكالماتي السري كنت قاعدة انا و امي بالمجلس و كانت امي تطالع فلم بس ما كان عاجبها و كان كل تركيزها عندي وقتها تلفوني كان صامت بس كنت اشوفة و كأني كنت انتظر شي و استغربت يوم شفت تلفوني يرن!! و على طول رحت الغرفة عشان ارد على خليفة اللي كان متصل علي بصراحة كنت حاسة أن في شي بس مو عارفة شنو.​

​

​

​

* خليفة(بصوت مالية الزهق): السلام عليكم.
* هند: هلا و الله .. خليفة فيك شي؟؟
* خليفة(بعصبية): شو يعني لازم يكون فيني شي عشان اكلمج؟؟
* هند: لا بس غريبة انت ما تتصل بهذا الوقت؟
*خليفة: زهقان و انتي واحشتني .. حرام اكلمج؟
* هند: لا مو حرام .. بس امي للحين ما نامت و مركزة معاي ما اقدر اكلمك الحين.
* خليفة(رجع عصب): اوكي تدرين خلاص يلا بااااااي. <<<<<< و سكر الخط
* هند(باستغراب): بايات. <<<<< و هي تطالع التلفون بأيدها
​

طلعت من الغرفة و انا مستغربة, كنت حاسة ان خليفة فيه شي بس ما كنت قادرة أتأكد و أول ما راحت امي تنام انا على طول ركييييييييييض على التلفون و اتصلت على خليفة اللي ما كان يرد علي و بعد فترة و انا اتصل رد

​

* هند: الووووووو!!
* خليفة(بصوت مليان دموع و بحه): هلأ.
* هند(بفزع): خليفة شفيك؟؟؟؟!!!!!!
* خليفة(بنفس الصوت): سلامتج ما فيني شي.
* هند: شوف خليفة هالكلام مو علي انا, شفيك؟؟ انت مو طبيعي, انا قلبي حاسني ان فيك شي تكلم و له ترى و الله بزعل عليك.
* خليفة(بأحباط): حرام عليج انا متعذب عشانج و انتي تبين تتركيني و تزعلين و الله حرام. <<<< و انخرط في نوبة بكاء شديدة
* هند(مصدومة): خليفة .. ليش تصيح؟؟ و الله عورت قلبي, المشكلة اني ما ادري شفيك و حيرانة, و الله مو قادرة .. شوف يا انك تسكت و تقولي شفيك و له ترى و الله بقعد اصيح وياك و ترى اكي دمعتي على الباب.
* خليفة(سكت لكن صوتة للحين مبحوح): خلاص يا الغالية انا ما اقدر اسمعج تصيحين بروحة قلبي متقطع.
* هند: سلامة قلبك بس خير من شنو؟؟ شنو الموضوع؟؟
* خليفة: السالفة يا طويلة العمر اليوم فاطمة يات بيتنا و انا ما عطيتها ويه تدرين ليش؟؟
* هند: ليش؟؟
* خليفة: لأن كل ما اشوفها اتذكرج و احس اني بخونج, و تدرين هي حست فيني و قالت لي شفيك متغير؟ تدرين شو قلتلها؟؟
* هند: شنو؟؟
* خليفة: قلتلها اللي كانو بالقلب زمان طلعوا منه و الحين القلب يشغلة واحد ثاني واحد يقدرني و يعرف قيمتي واحد لو اعطية الكون كله ما يكفية.
* هند: انزين و بعدين؟؟
* خليفة: انصدمت و ما توقعت اني احب احد غيرها و حسبت اني كذاب بس بعدين تأكدت و بكت و ترجتني اني ارجع لها لكني خلاص ما ابيها و يوم شافت ما مني رجا راحت قالت لأخوي الكبير و تدرين شو صار؟؟
* هند: لا .. خير؟؟
* خليفة: قال تترك اللي من لحمك و دمك و تروح للغريبة و انا قلت له عنج و عن اخلاقج و اني ابي اتزوجج و اني ما ابي احد غيرج و لما شافني مصر على رايي قالي انا مالي خص فيك و راح اشيل ايدي من اي موضوع يخصك لأنك متهور و البنت الغريبة راح تضيعك و بتشوف لكن تبين الصدق انا اول مرة بحياتي احس روحي ما احب فاطمة بجد هند انتي سرقتي قلبي.
* هند(طايرة من الفرح بس تحاول تخفي الموضوع): حتى انت سرقت قلبي تدري انا احس ان انا و انت مثل البرتقاله المقسومة نصين نص بالبحرين و نص بالأمارات ههههههههههه.
* خليفة: ههههههههه عاد برتقاله الله يخس بليسج.
* هند: اضحك .. اضحك ترى مو ماخذين من الدنيا شي.
* خليفة: الا تعالي هنود ابي اسألج سؤال ممكن؟
* هند: امر يا الغالي؟؟
* خليفة: احين منو اغلى في قلبج انا و له اللي قلتي لي عنه انج تحبينه قبل؟؟
* هند: اكيد انت. <<< كذابة
* خليفة: فديتج انا, يا الغالية بشرج الله بالخير.
* هند: اجمعين ان شاء الله.
​

و كملنا سوالفنا و خليفة على اخر المكالمة رجع طبيعي لكن ما اخفي عليكم كنت ناوية ليلتها اني اقطع علاقتي فيه لكن الشيطان لعب براسي يوم اني شفته يصيح و ما قدرت اقوله على اللي بقلبي لكن عزمت اني عقب اسبوع ان شاء الله بتمم المهمه و على فكرة ترى مو بس الشيطان اللي لعب براسي حتى حلاوة الأنتصار على فاطمة اللي كنت اغار منها خلتني اغير رايي و اكمل المشوار معاه اسبوع بعد.

​

​

​

في اليوم الثاني زارتنا نوف و طبعاً أنا ما قصرت قلت لها عن الموضوع من اوله لي أخره و عن قراري في اني اترك خليفة و باقي الربع لأني مليت من هالموضوع.

​

* هند: انزين نوف ما قلتي لي رايج؟؟
* نوف: في شنو؟؟
* هند: في شنو يعني, أكيد في اللي سمعتية؟
* نوف: و الله انا من زمان اقولج تركي عنج هالمغازل العمياني و تعالي معاي ترى حده وناسة.
* هند: نوف بالعقل انا من يبيني انتي غير و انا غير. <<<< ما تبي تقول لها لا
* نوف: يبونج بس تكشجي عدل تبين اعلمج على الميك اب؟؟؟ يعني لزوم الكشخة.
* هند(متحيرة): ودي اتعلم ميك اب بس جي مو عشان المغازل على قولتج.
* نوف: اوكي و انا موافقة, عندج كحل؟؟؟
* هند: ويه نوفو نطري شوي, بسم الله .. اقولج انا ميح ما اعترف بهالسوالف نطري بروح اشتري لي و بعدين علميني.
* نوف: انزين .. انزين.
* هند: بس تدرين انا ما اعرف شنو اشتري قولي لي.
* نوف: شوفي يا طويلة العمر لما تروحين السوق اشتري لج ( كحل ماركة ........... و ........... و ....... و ....... و .... و ..... و ....ألخ ) .
* هند: ما شاء الله عليج نوف, خبرة من قلب.
* نوف: هههههههه اعجبج, المهم قولي لي متى بتقطعين علاقتج بهالعلة؟؟
* هند: عقب اسبوع ان شاء الله .. ليش تسألين؟؟
* نوف: بس جي. <<<< و في قلبها تقول عشان اخليج تفضيين للمغازل على الطبيعه.
* هند: انزين انا باجر بشتري لي الأشياء اللي قلتي عليها و عقب باجر تعالي عشان تعلميني اوكي؟؟
* نوف: افا عليج في اسبوع بخليج خبرة نفس صديقتج هع هع.
* هند: ههههههه, مشكورة يا صديقتي.
* نوف: العفو.​

ما كنت ادري ان نوف قاعدة تخطط عشان تسحبني لطريجها و هو أخطر طريج و للأسف انا بكل غباء ساعدتها عشان تسحبني و كنت مفكرة اني باخذ خبرة بالميك أب ما كنت ادري ان تفكيرها وصخ و لها غرض مخفي.

يا ترى شنو صار مع هند و هل قدرت تترك خليفة و له مجرد كلام؟؟

و شنو صار لها مع نوف؟؟

السموحة منكم ان شاء الله باجر انزل بارت طويل :37:
​

 

[محبة الطاعات]

بسم الله الرحمن الرحيم​

​

قطوة قطر​

أن شاء الله راح احاول اطول البارت من اليوم بأذن الله​

​

​

و مشكورة على متابعتج اللي مفرحتني دوم​

تسلمين لي يا الغالية​

و تسلم لي ردودج الحلوة :37:​

​

ro7y tnadyk​

السموحة منج الغالية بس كانت عندي امتحانات و ضغط مو طبيعي بالجامعة​

و الحمد لله الحين افتكيت و بحاول ان شاء الله انزل كل يوم بارت ​

و مشكورة على مرورج حبيبتي :37:​

​

أم احمد و باسل ​

فديتج انا ان شاء الله دوم متحمسين​

و ان شاء الله من اليوم و رايح بنزل كل يوم بارت يديد ​

بس ما عدا باجر لأن بدرس حق اخر امتحان عندي​

و ان شاء الله من بعدها بظل كل يوم انزل بارت يديد لغاية ما اخلص لكم الرواية​

مشكورة حبيبتي على مرورج الي نور موضوعي :37:​

​

ديم ​

مشكورة يا الغالية على مرورج​

و الله يسعدج يارب نورتي روايتي بردودج :37:​

 

[محبة الطاعات]

بسم الله الرحمن الرحيم​

​

حلا شرقي​

امين يارب​

مشكورة حبيبتي على مرورج :37:​

​

غموض مشاعر​

مشكورة على مرورج :37:​

​

حاملة الراية​

مشكورة على ردج حبيبتي :37:​

​

ورد الأوركيدا ​

مشكورة على المرور :37:​

​

عروس 2009​

مشكورة على المرور و الله يسلمج :37:​

 

[محبة الطاعات]

بسم الله الرحمن الرحيم​

نبضة فرح​

مشكورة حبيبتي على مرورج الأروع :37:​

حصاد الالم​

أخذي راحتج يا الغالية​

و الحمد لله اني قدرت افيدج لأني ما نزلت هالرواية​

الا عشان افيدكم​

ربي يسعدج ردج فرحني يا الغالية مشكورة :37:​

​

سمراء بلادي​

فديت الشاعرة انا ههههههههه ما شاء الله عليج​

بصراحة تسلم لي هالأنامل يا مبدعة​

مشكورة حبيبتي على سؤالج الدايم عني و ان شاء الله ​

كل يوم بنزل بارت لأن خلاص الجامعة خلصت و فضيت للرواية​

نورتي موضوعي حبيبتي :37:​

جرح عميييق​

مشكورة حبيبتي على مرورج​

و ان شاء الله ما بقطعكم مرة ثانية :37:​

 

[ديم..]

مشكورره على البااارات يا الغلا
والله يوفقك يآآآرب
في انتظاركـ

 

[ام احمدوباسل]

معذوره حبيبتي
واحنا في انتظارك

 

[اذلهم بسكاااتي]

أوووووووووهند مره غريبه
تدري ان الي تسويه غلط وتكمل
الله لا يبلانا بس
ويعين هند
كملي ترى مابقى على رمضان شي
بليييييييييز

 

[محبة الطاعات]

بسم الله الرحمن الرحيم​

​

​

خلوني اقول لكم شي يمكن ما قلته قبل, الفرق بين ناصر و خليفة ان ناصر مو متاح دايماً و دايماً مشغول و مو فاضي يعني عادي اتصل عليه و يقول لي سكري و بالليل اكلمج و بالليل ما يتصل و يطنش و كان اغلب الأوقات لما اتصل عليه يقولي مشغول يا مع اصدقائي او مع عايلتي و دايماً خايف على سمعت عايلته لان مثل ما قال لي انه من عايلة مرموقة بالسعودية و اهله ناس اغنياء و شكله كان بس كلام لاهم اغنياء و لا شي يعني بصراحة كنت احسه يحلم و يتخيل احلامة حقيقة يطبقها علي يعني ابسط مثال لو انه صج غني ليش انا اللي دايما كنت اتصل عليه و ليش كان دايماً ما عندة رصيد ؟ كان مجرد يرن علي و انا على طول اتصل و ليش ... وله تدرون ليش الأخيرة بخليكم بعدين تعرفونها مع الأحداث, المهم ننتقل لخليفة النقيض لناصر خليفة كان انسان جذاب لكن مع الزمن عرفت مفاتيحة كان لو اضغط عليه بس شوي يقول لي كل شي لكن بعد كنت اظل اشك لأنة في البداية كذب علي و ما قال لي الصج و المشكلة ان كذبة دوم شي مستحيل يعني بالعامي صورايخ كذب مكشوووووووف من جذي كنت بسرعة اكشفة, و كان دايماً يحاول يرضيني يعني لو اطلب منه لبن العصفور يجيبة لي و عمرة ما عرف يخدع و يخطط بخبث نفس ناصر يعني خليفة باختصار كان اغبى واحد عرفتة او يمكن لانه كان صغير من جي كان للحين مو عارف يخدع صح, المهم ما علينا انا قلت لكم هالنبذة عشان تتعرفون عليهم اكثر و عشان ابين لكم ان ناصر مو سهل و كان قادر يسوي فيني الي يبي و ما كنت بعارضة بالعكس كنت بكون سعيدة و فرحانة و خليفة انسان سهل بس اللي مصبرني عليه اني مخليته احتياط على قولة نوف واحد قاصة عليه مخليته يركض وراي و يعطني بكلام حب و غزل و بدون اي مقابل او هذا الي كنت متخيلته ان بدون مقابل ما كنت ادري ان المقابل كبير بس انا الي كنت مستهونة بالموضوع.​

​

مر الأسبوع و في هالأسبوع كانت نوف تعطيني دروس في الميك اب لغاية ما صرت فنانة بالموضوع هذا قمت اعرف افررق بين ميك اب النهار و ميك اب الليل و ميك اب الحفلة, و عملتني على شي عمري ما بنساه ميك اب معين سميناه ميك اب المغازل و هذا الميك اب كنت الاحظها لما تطلع مكان و تكون ناوية تغازل تحطة و لما علمتني عليه كانت على قولتها تعطيني خبرة و بصراحة انا عجبتني الطريقة و حفظتها لأن يوم حطيت الميك اب بطريقة المغازل كان شكلي روووعة و هي كانت عارفة اني بحفظ الطريقة لاني كنت دوم ابيها تعلمني عليها بس مثل ما انتوا عارفين ما عندي لوازم المكياج, المهم في يوم الخميس و هذا يوم الطلعه العالمي في بيتنا لأن لازم نطلع فيه مجمع او مكان حلو و مناسب حق مغازل نوف كنا نطلع العايلة كلها و اتذكر اني في هالخميس ما فتحت تلفوني ابد كنت ابي اقاوم و خلاص نويت التوبة و ما بكلم احد لا ناصر و لا خليفة و لا احد انا راح اتوب و الحمد لله للعصر كنت مستحملة تمام التمام لغاية ما حصل اللي ما كنت متوقعته ان امي تتركني بروحي يعني انا اخترت يوم الخميس عشان اتوب لأن في هاليوم ما نطلع الا على المغرب الطلعه المعتادة ليش امي اليوم تطلع العصر؟ (بقول لكم معلومة البنت الي تكلم يوم اللي بتوب تكون محتاجة واحد من اثنين راقبة ولي الأمر او حنان الام) و طبعاً في حالتي حنان الام كان مفقود اللي كان موجود هو قسوة ولي الأمر كنت محتاجة احس ان في احد يراقبني احد موجود لكن للأسف, المهم امي قالت لي انها بتروح تشتري شي و بترجع قبل المغرب عشان نطلع ترجيتها و توسلت لها انها ما تطلع لكنها طنشتني و طلعت.​

​

لي عودة بعد قليل :37:​

 

[محبة الطاعات]

بسم الله الرحمن الرحيم

بعد ساعتنين او 3 ساعات تقريباً من خروج امي ما تتصورون المعاناه الي كنت اعانيها بروحي و الله اني ما اكذب عليكم كنت حاسة بنار في قلبي ما كنت عارفة شسوي و دموعي كانت تنزل بشكل مو طبيعي كنت بين نارين نار رجوعي لحالي الي تعودت عليه و نار التوبة .. كنت رايحة و جاية في المجلس و عيوني مليانة دموع و في قلبي.

​

* هند(بعيون مليانة دموع):ارجع؟؟ وله اتمسك بتوبتي؟؟ بس انا احب ربي و ما ابي اخونة .. و انا مو قاعدة اسوي شي يعني كل الي بيني و بين ناصر و خليفة مجرد كلام ما في شي غلط لما اكلم ولد .. لا في هالموضوع حراااااااااااااام خلاص راح اتركهم و مراح اكلم احد انا راح اتوب توبة نصوح.

​

و عقب هالحوار جلست على الكنب و بدون شعور وقفت و رحت على تلفوني و على طول لا اردياً اتصلت على ناصر بغبائي او الشيطان صور لي اني حرام اتركهم جي بدون ما اقول لهم لازم اقول لهم اني بتركهم.

​

* ناصر: الووو!
* هند: السلام عليكم و رحمة الله و بركاتة.
* ناصر: هلا هنود .. حياتي اكلمك بعد شوي حالياً انا مشغول فوق ما تتصورين.
* هند: ناصر انا بقول لك ان هذي اخر مرة .....
​

(((توووووووووووت توووووووووووووت)))


و قبل ما اكمل جملتي ناصر سكر الخط على قولته مشغول, انقهرت و انفجرت و حسيت بغضب مو طبيعي و الشيطان لقاني و في قلبي

​

* هند: شوف انا في وين و هو في وين حضرت جنابة مو فاضي يودعني و انا متصله ابلغة بقرارتي مالت علي و مالت عليه انا الغلطانه لكن بخليه يولي و بتصل على خليفة اكيد خليفة بيتفهمني و بيعوضني عن برود ناصر.
​

و اتصلت على خليفة و انا في اوج غضبي و بصراحة كنت ناوية اصب هالغضب عليه.

​

* خليفة: الووووو .. هلا هنودتي.
* هند: عليكم السلام و رحمة الله و بركاتة .. هذا سلام الأسلام مو هلا هنودتي.
* خليفة: ههههههههههه اوكي يا اختي المطوعة السلام عليكم و رحمة الله و بركاتة شسوي عبيد هي تقولي سلم السلام كامل هع هع هع صايرة مطوعة الاخت.
* هند: خليفة انت من تكلم؟؟
* خليفة: اقول مالج خص انا طالع مع ربعي و بغازل هع هع تامريني برقم هههههههههاي. <<<<<<<< كانت من عوايد خليفة ان يستعرض عضلاته علي جدام ربعه و كان يخلي التلفون عالي عشان ربعة يسمعون الحوار.
* هند: اقول اقلب ويهك تدري انا الغلطانة الي بخبرك اني بتركك يلا باي.
* خليفة: هههههههه عبود ما عليك منها ترى ما تقدر تستغني عني تحبني فديتها بس تتغلى علي لما تشوفني قاعد معاكم .. اقول هنود انتي اللي قلبي ويهج ترى هاي مب دلع و انا اللي بقول لج باي و بسكر تلفوني عشان ما اكلمج لأني زعلان باي يا قمر امواااااااااااااااح.
​

و سكر خليفة التلفون بوجهي و انا جنيت و عصبت و بدون شعور حلفت أني راح اعذب كل صبي اشوفة بطريقة هند الخاصة في هذي اللحظة بالذات انولدت هند جديدة هند الحديدة جذي انا سميتها.

في هذا اليوم لبست احلى عباية عندي و حطيت الميك اب على طريقة المغازل و لأول مرة اتجهز حق طلعت الخميس قبل بساعه و امي ما علقت بالعكس فرحت لاني على قولتها صرت نفس البنات مو مثل العجايز المهم لما وصلنا المجمع نوف انصدمت ان هند تحط ميك اب و هند تلبس عباية شكلها جي و كنت حاسة عيونها بتاكلني اكل لكني سويت نفسي عادي و طبيعيه, في هذا اليوم بدا مشوار المغازل الطبيعي اتذكر اني في هاليوم كنت اقلد نوف في المغازل و نوف كانت فرحانة اني قمت اشاركها و ما كلفت على نفسها تسألني ليش و انا ما قلت لها الي صار مع خليفة و ناصر و اتذكر ان من هاليوم ما قامت نوف تسألني عن احوالي معاهم لأن اللي تبينه لقته خلاص.

لما رجعنا البيت كنت تعبانه و على طول نمت و خليت تلفوني صامت ما سكرته و لما صحيت لقيت تلفوني بينفجر من كثر رنات ناصر و خليفة و مسجاتهم كل واحد منهم يبي يعتذر لي على معاملته معاي لكني مطنشة و خليتهم جي لغاية اسبوع كامل و بعد اسبوع قررت اني اكلمهم و بالفعل رجعت العلاقة طبيعيه من بعد ما راضوني و استمر الوضع على ما هو عليه الصبح صياح و ندم على اللي قاعدة اسوية و بالليل ميك اب و طلعات و مكالمات.

و في يوم من الأيام و انا اكلم ناصر بالليل حصل لي موقف, كان الكل نايمين و انا جالسة بأرض المطبخ اكلم ناصر و بشويش عشان محد يسمعني, و مرة وحدة سمعت صوت الطاولة اللي جنب المطبخ تتحرك فزعت من مكاني و ما كنت عارفة شسوي و على طول طلعت الا اخوي عبد الرحمن بوجهي فزعت و من الخوف بغيت اصرخ لكني ما صرخت و نسيت اسكر التلفون و ظليت بس اطالع في اخوي اللي دخل المطبخ يشرب ماي, توقعته بيصرخ علي او بيضربني, اكيد سمعني و انا اكلم ناصر .. بس الله اراد لي الستر و ما سمع شي.

​

* عبد الرحمن: انتي شقاعدة تسوين بالمطبخ؟؟
* هند: هااااا .. اشرب ماي.
* عبد الرحمن: و اكيد بتنامين لأني اشوفج مسكرة التلفزيون بالمجلس؟؟
* هند: هااا .. اي اي بنام بس بشرب ماي و بنام.
* عبد الرحمن(و هو طالع): انزين يلا تصبحين على خير.
* هند: و انت من اهله.​

اول ما طلع اخوي من المطبخ طحت على الأرض كنت حاسة ان بيغمى علي لكن الله ستر و ما صار لي شي و بعد مدة استوعبت اني تركت ناصر على الخط و شفت تلفوني الا ما في مكالمة قلت اكيد سكرة و اتصلت عليه تقريبا 20 مكالمة و لا رد علي كان يرن و يرن و يرن و ناصر ما يرد علي قلت خلني اغير الرقم و اتصل عليه من تلفون امي بشوفة يرد وله لا و اتصلت و بعد مارد, جنيت ما كنت عارفة شنو فيه و قلت الصباح رباح و رحت انام.

و يوم صار الصبح اول شي اسوية كان اني اتصل عليه و بعد تقريبا 10 مكالمات رد علي و كان صوتة مليان حذر.
​

* ناصر(بحذر): الووو!
* هند: هلا و الله باللي يحقر.
* ناصر(بصوت طبيعي): مين اللي يحقر هااا مين؟؟
* هند: انت حاقرني انا.
* ناصر: لا و الله .. سلامتك انتي اللي حقرتيني امس ما ادري من كنتي تكلمي بالليل و خليتيني ملطوع على الخط.
* هند: اييييييييييي ما قلت لك امس اخوي دخل علي و انا اكلمك زين اللي ما طاح علي.
* ناصر: طاح عليك؟؟؟
* هند: طاح علي يعني كشفني.
* ناصر: انا فاهم يعني شنو طاح عليكي بس انا اسأل ليش يطيح عليكي انتي تسوي شي غلط.؟
* هند: لا مو غلط بس اكلمك.
* ناصر: لا تتمسخري ترى انا فاهم لهجتك هذي.
* هند: ناصر بالله عليك عيل وحدة تكلم واحد بالليل شنو معناها.
* ناصر: معناها انها تحبة و هو يحبها و ان شاء الله بيكونوا لبعض يعني ما فيها شي مثل الخطيب لما يكلم خطبيته.
* هند(بفرح): يعني انت بتخطبني!!؟؟؟ :26: :25: :26:
* ناصر: الا ما قلتي لي و شنو قلتي له يوم سألك. <<<< يضيع الموضوع
* هند: ما يدري عني .. ما سمع شي الا تعال انت وين رحت؟؟ ليش ما كنت ترد علي؟؟
* ناصر(بتوتر): هاااا .. ابد ما رحت مكان بس جاتني النومة و غفيت.
* هند: اها لأني جنيت و انا اتصل عليك و انت ما ترد.
* ناصر: شسوي عجزت و انا انتظرك و انتي جالسة تسولفي مع اخوكي.

​

كان ناصر متعود من يشوفني بعصيه او بتركه يجيب لي موضوع الخطوبة بشكل غير واضح و أول ما اساله عن الموضوع يغير السالفة و ينسيني اياها و انا كنت اجارية, المشكلة اني يوم يسوي فيني هالحركة اي وحدة عاقلة كانت بتفهم ان حركة ناصر هذي معاناتها انه خاف يوم سمع اخوي و عرف اني بنكشف و على طول نكر علاقته فيني يوم شافني اتصل عليه و مارد لكني بكل غباء صدقت انه نايم او تغاضيت و حاولت اني اصدق و اقنع عقلي.

​

و مرت الأيام و ناصر لاعب علي و انا لاعبه على خليفة و نسيت التوبة و تخرجت من الثنوي و دخلت الجامعه و بدأت اول سنة لي بالجامعه و كانت جامعتي مختلطة و كنت ناوية اني ابتدي علاقة حب هناك لكن الحمد لله الله ستر و ما قدرت اغازل بالجامعه لأن الجامعه بنظري كانت مكان دراسة و انا احترم الدراسة وايد و اقدرها و يمكن هذا السبب اللي خلاني ما اسوي اللي كنت اسوية برا الجامعه داخلها لكن ما انكر ان كانت لي محاولات كلها بائت بالفشل.

يا ترى شنو التطورات الجديدة الي بتصير مع هند خصوصاً مع دخولها الجامعة؟؟

انتظروني باجر بأذن الله:37:​