~ في ظل غياب الرقابة .. اعاني لوحدي ~

[اذلهم بسكاااتي]

في انتظاااااااارك
يالغلا

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

ديم

العفو فديتج

و اجمعين ان شاء الله

مشكورة على المرور حبيبتي :37:

ام احمد و باسل


تسلمين يا الغالية

و مشكورة على متابعتج

اذلهم بسكاااتي


اميييييييين الله لا يبلانا و لا بنات المسلمين يا رب

و ان شاء الله قبل رمضان بتخلص الرواية لا تستعجلين

مشكورة حبيبتي على حماسج

نورتي روايتي بردودج الحلوة :37:​

 

[نبضة فرح]

أول شئ الحمدلله الذي عافانا مما أبتلاها به وفضلنا على كثير ممن خلق تفضيلا..

شنو أقول وشنو أخلي ...
هاي متى بتخوز عن طبايعها!!!
عنيدة بالإستمرار..
والشيطان قدر عليها باسم أنها تأخذ حقها...
نشوف تاليتها ويا هاهند...
بانتظارج عزيزتي ..
وتسلم إيديج يالغلا ...

 

[اذلهم بسكاااتي]

تسلمين يابعدي
النور نورك ياالغلا

 

[حامله الرايه]

يلااااا حبيبتي وينج!!! اكيد خلصتي جامعه :c018:

كملي لتا يا عمري قبل رمضااان

ناطرينج:35:

 

[اذلهم بسكاااتي]

بليز كملي بسرعه

 

[محبة الطاعات]

بسم الله الرحمن الرحيم

من بعد الموقف اللي صار لي مع ناصر حسيت ان علاقتنا صارت باردة و دخولي الجامعه زاد البرود لأن الجامعة خذت كل وقتي و ما صار عندي وقت فراغ و كمحاولة أخيرة عشان ارجع العلاقة مثل ما كانت قبل سويت شي, في يوم كان ناصر متصل علي او بالأحرى انا اللي متصله عليه.

​

* هند: ناصر طلبتك؟؟
* ناصر: امريني حبيبتي.
* هند: ما يأمر عليك عدو يا الغالي .. اممم بغيت اشوفك؟؟
* ناصر: و أنا بعد يا قلبي بس تدرين ظروفي هالأيام ما تسمح.
* هند: افا ناصر انا هنودة حبيبتك ما تقدر تشوفني هذا و انا طالبتك بعد.
* ناصر: يا قلبي ودي و الله ودي بس ما اقدر.
* هند: انزين تدري انا زعلانة و بروح اصيح يلا باي. <<< و سكرت الخط
​

نطرت دقايق و بعد مدة رجع سوالي رنة و انا اتصلت عليه.

​

* هند: نعم .. خير .. بغيت شي .. انا ما احاجيك.
* ناصر: ههههههههههه الله يرجك هنودة فديت قلبك انا, خلاص يا عمري انتي, اللي تبينه بيصير.
* هند: صج و الله .. احلف , احلف , تكفى احلف.
* ناصر: ههههههههههه و الله و الله و الله .. ها صدقتي الحين.
* هند: فديت روحك انا مصدقتك و نص .. انزين شرايك بيوم الخميس في مول الـ .......
* ناصر: لا انتي شرايك في نفس اليوم بس بمول الـ ......
* هند: ناصر انا جم مرة قلت لك هالمول انا ما اطبه لأن كل الي هناك يروحونة للمغازل و انا ما عندي هالسوالف. <<<<< تناقض غريب
* ناصر: بس يا قلبي انا ولد خالي هو اللي بيجيبني قالي حدد اليوم و انا احدد المكان و هو أختار هذا المكان انا ايش اسوي يعني؟؟
* هند: تكفى تكفى قوله يجيبك المجمع اللي انا قلت لك عليه و الله مشتاقة لك موووووووت و خاطري اشوفك و اهلي ما يرضون يودوني هالمجمع تكفى تكفى نصوري بلييييييييييييز اذا لي في قلبك معزة.
* ناصر: طيب .. طيب بشوف, الا ما قلتي لي الساعه كم؟؟
* هند: اممم على الـ 7 اوكي.
* ناصر: اوكي و اصلاً انا بنام بالبحرين يعني الوقت الي تختارينه ماشي يا حياتو انتي.
* هند: فديتك انا بس بليز حبيبي حاول في هذا الموضوع اوكي.
* ناصر(بعصبية): اوووه طيب يا هند قلت لك بحاول.
​

بيني و بينكم قلبي نغزني من لهجته و حسيت اني ما بشوفة, المهم انا في هالفترة كنت مشتاقة حق منى و كان خاطري اطلع معاها من جي قلت حق امي اني هالخميس ما بروح معاهم بالمجمع و بمشي مع منى و أصلاً الخميس هذا نوف كانت معزومة على عيد ميلاد صديقتها يعني الأمور كانت بالنسبة لي تمام التمام .

في يوم الخميس و على الساعه 6 و نص كنت بالمجمع و التقيت بمنى و خبرتها بالقصة كلها و منى فرحت أني اخيراً حبيت و صار عندي حبيب و يعني انتو عارفينها, و انا كنت مخططة من قبل اني ادخل السينما و أعوض المرة اللي فاتت .. المهم صارت الساعه 7 و ناصر ما ظهر و ظليت انتظر و انتظر لكن الفلم كان الساعه 7 و نص يعني لازم اتحرك بسرعه اتصلت على ناصر

​

* ناصر: اقول ترى القمر وحشنا .. ههههههههههه .. اووووووووف .. الو هنود؟؟؟؟
* هند: ناصر .. من تكلم؟؟
* ناصر:هاااااا لا و لا احد يا قلبي .. الا انتي وينك انا قاعد على الكافيه الي جنب الباب اسمة ....... <<< كذاب كان شكله يغازل او هذا اللي حسيته وقتها
* هند: اوكي يايتك طيراااااااااااان.

​

و رحت اركض ادور الكافية و منى وراي و ما تدري شنو الموضوع و كانت تسألني شصاير لكني ما كنت ارد, و دورت و دورت و لما ضاجت فيني الدنيا قلت حق منى عن اسم الكافية يمكن انا الفرحة عاميه عيوني عنه لكني انصدمت يوم قالت لي منى ان هالكافية موجود في المجمع الثاني الي ناصر قال انه بيروح له, انفجرت و عصبت و حسيت الدنيا جدامي سودة و اتذكر وقتها ان ايدي كانت ترجف و لا شعورياً اتصلت على ناصر.

​

* ناصر: هههههههههههه الله يرجك يا عمر , الوووو هلا بالقمر و الله.
* هند: ناصر انت في اي مجمع؟؟
* ناصر: انا بالمجمع اللي اتفقنا ان نتلاقا فيه يا حياتي.
* هند: ناصر شنو اسم المجمع؟؟
* ناصر: مول الـ .....
* هند: بس ناصر انت قلت لي انك بتجي مول الـ .... <<< الدمعة عند الباب
* ناصر: انا قلت لك بحاول مو اكيد و ما قدرت, مو مشكلة الحين المهم اني انا بالبحرين يلا تعالي لي انتي.
* هند: ناصر بس انا ما اقدر اولاً انا ما اسوق ثانياً شلون اطلع و انا حجزت تذاكر سينما.
* ناصر: انتي ما عندك سيارة؟؟
* هند: نااااااااصر شفيك؟؟ بتذبحني ناقصة عمر حرام عليك.
* ناصر: سلامت عمرك يا بعد عمري انتي .. طيب تعالي مشي ههههههههههه.
* هند(نزلت الدمعه): نااااااااااااصر انا من صجي.
* ناصر: و الله شوفي عاد من صجك و له من جذبك لا تخربي مزاجي بتجي حياك الله انا بنتظر بالكافية نص ساعه لو ما جيتي انا بمشي و بعدين هذي فرصة عشان تثبتي لي حبك لو تحبيني بجد تعالي حتى لو زحف و انا مو كل يوم موجود بالبحرين يلا و لا يكثر بس, مع السلامة.

​

(( توووووووووووووت توووووووووووووت))


كانت كلمات ناصر نازله علي مثل القنبلة اللي فجرت احاسيس كانت مدفونة في قلبي من زمان و كانت محتاجة كلام مثل هذا عشان تطلع, ادري في قلبكم تقولون شنو هالأحاسيس؟؟, اول ما دخلنا السينما انا و منى اللي كانت في البداية تهديني لكن يوم دخلنا الفلم نست الدنيا و ما فيها و حطت انتباها كله مع البطل, نزلت دموعي الصامتة و في قلبي.

​

* هند: الـ ...... الـ ........ ما كنت متوقعه منه هالكلام و انا اللي مضبطة اموري عشان اقعد معاه و اعوض الي فات و هو ولا معبرني, قال اذا تحبيني تعالي زحف قال, مالت عـ...... بس انا الغلطانة اللي نزلت نفسي لهالأشكال وله انا درة مكنونة شنو اللي يخليني اضحي بنفسي عشان ناس خـ .... بس خلاص انا بخليه يولي و ما بكلمة و علاقتي بناصر انتهت اصلاً انا غبية معقولة اترك ربي حبيبي و ارجع لهالأشكال خلاص ناصر طلع من حياتي للأبد.​

و ظليت طول الفلم ابكي متحسرة على اللي فات و الي ضيعته مع ناصر و لما رجعت البيت بكيت اكثر و اكثر و لكن عزمت في قلبي ان علاقتي بناصر بدأت نهايتها.

بدأت نهاية مشوار الخراب و لكن اخر مجازفة قمت فيها و هي اللي نوعاً ما أشعلت فتيل التوبة في قلبي كانت مع خليفة, في يوم من الأيام كنت قاعدة اكلم خليفة و في هالفترة قلت مكالمتي سواء مع خليفة او ناصر او واحد ثالث كنت اكلمة وياهم.
​

* خليفة: وحشتيني يا قلبي.
* هند(بملل): و انت بعد.
* خليفة: ابي اشوفج.
* هند: تشوفني .. شلون؟؟
* خليفة: ابي صورتج .. شلون يعني؟؟
* هند: بس انا ما اعطي صورتي احد.
* خليفة: و الله بمسحها و قسم بالله بمسحها.
* هند: بس خليفة ...
* خليفة(قاطعها): و الله لو ما عطيتيني صورتج بزعل و ما بكل و لا بشرب لين تعطيني اياه و بقعد حزين و بصيح.
* هند: انزين انزين خلاص لا تصير لي جنك ياهل بعطيك اياها عندك خدمة MMS؟؟ <<< خليفة حنّان (يحب كثر الكلام) و انا يومها كنت زهقانه و لا شعورياً وافقت
* خليفة: ياهل .. الله يسامحج مو مشكلة لأنج بتعطيني صورتج مستعد افديج بالدنيا و ما فيها .. اي عندي.
* هند: شوف انا ما برسل صورتي الا لما ترسل لي صورتك شنو قلت؟؟
* خليفة: موافق.
* هند: طيب ارسل انت اول و انا اول ما توصلني صورتك برسل لك صورتي.
​

و بالفعل اول ما وصلت لي صورتة رسلت له صورتي و كلها دقايق الا يرجع يتصل علي.

​

* خليفة: فديتها حبيبتي القمر .. تصدقين هنود ما توقعتج جي حلوة انتي احلى من فطوم.
* هند: ههههههه مشكور فديتك.
* خليفة: لا جد انا من صجي.

​

و ظل خليفة يتكلم عن جمالي و يتغزل فيني و يقول ان شاء الله لما نجيب بنات يصيرون نفسج و ما ادري شنو, و هالموضوع عطاني ثقة كبيرة في نفسي, و نسيت أسأله اذا مسح الصورة و له لا.

في نفس اليوم لما كلمت الشخص الثالث اللي قلت لكم عنه توني, بعد هالشخص طلب صورتي و قالي انه بيمسحها و انا بكل غباء رسلتها له يعني لأن خليفة ما قصر مدح فيني حسيت ان هالشخص بعد بيمدح و انا من احد يمدحني اطير و احس اني قاعدة اعوض النقص اللي عندي, و بالفعل هالشخص مدح و مدح و مدح و يوم سألته عن الصورة قالي لي انه مسحها و انا صدقته و لي يومكم هذا ما ادري اذا هو صج مسحها وله بس كلام على الفاضي.​

بعد كم يوم و انا اكلم خليفة تذكرت الصورة و يوم سألته عنها قالي انه ما مسحها و لا بيمسحها و انا عصبت عليه و انفجرت في وجهه و هو من اعصب عليه يخاف مني و يسوي اللي ابيه و بعد ما صارخت عليه قالي دقايق و بتصل عليج و لما رجع اتصل قالي خلاص مسحتها و طبعاً ما ادري اذا كلامة صج وله لا.

يا ترى شنو بيصير مع هند انتظروني في البارت القادم ان شاء الله:37:​

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

نبضة فرح



ألف الحمد لله و الله لا يبعد هالداء عن بنات المسملين يارب

اي و الله ان العناد هو سبب علتها بس نبضة لا تنسين

ان العناد سلاح ذو حدين

على العموم بتفهمين كلام بالبارت الياي ان شاء الله

مشكورة على مرورج الراقي حبيبتي :37:

​

حاملة الراية​

الحمد لله خلصت و افتكيت من هالجامعه

و ان شاء الله قبل رمضان الرواية بتكون خالصة باذن الله يمكن على يوم الجمعه تخلص او السبت ما بخليها لي يوم الأحد لأن يوم الاحد بكون مشغولة :26:​

مشكورة حبيبتي على مرورج
نورتي الرواية :37:

اذلهم بسكاااتي

ما شاء الله عليج وايد متحمسة

انا كل يوم انزل بارت بس امس ما قدرت لان كنت مشغولة في شي ثاني

مشكورة حبيبتي على حماسج اللي مشجعني اكتب

و مشكورة على مرورج يا الغالية :37:​

 

[سمراء بلادي]

تسلم الايادي يالغالية بس ويني عن هنودة يعني نريدها تترك واحد تتركه وتخلي واحد بمكانه (يا مثبت العقل والدين) ربي يهدينا جميعا ويتوب علينا ويستر على بناتنا وبنات المسلمين بس حبيت اضيف نقطة انه توقيعج روووعة ويدل على ذوق رفيع يعني ابقى اتامله وادعيلج

 

[وهووجة]

هلا عزيزتي

مشكورررررررة على الرواية الجميلة

واتمنى انها تكون عبرة لكل من يقراها.. سواء المتزوجة او العزباء

من وجهة نظري دام بعدنا بهالدنيا كلنا مبتلين ولازلنا في امتحان ......

ولازم نراجع خطواتنا ونحساب انفسنا..

عسى يا رب تكون هنودة بخير وما آذت نفسها

وبانتظار الباقي

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

الصراحة اليوم كنت ناوية ما اكتب بارت بس يوم دخلت و شفت رد سمراء بلادي و وهووجة تحمست و تحمست و تحمست و قررت اني انزل بارت يديد

سمراء بلادي

ايه عليج يا الغالية و الله انا اللي بدعي لج الحين

عسى ربي يرزقج قصر في جنة الفردوس قولي امين

و يعطيج الصحة و العافية و يحقق لج مبتغاج بالدنيا و يسعدج

بجد ردج فرحني وايد الله لا يحرمني من طلتج اللي دوم تسعدني :3:

وهووجة

تصدقين و هذا رايي بعد

الدنيا ابتلاء بس الشاطر اللي يعدي من هالدنيا

و هو جاهز للأخرة

مشكورة حبيبتي على مرورج الراقي

نورتي روايتي و اسعدني ردج يا الغلا :37:
​

 

[متاهات ساري]

محبة الطاعات
السلام عليك ورحمة الله وبركاته
القصة رائعة جدا ، ربي ينفع بها كل من تسير في هذا الطريق الموحش
أتمنى من كل قلبي إن قصتك تكتمل قبل دخول رمضان ، متحمسة بقوة أشوف النهاية
ربي يجزاك خير على الجهد المبذول في كتابة القصة

 

[محبة الطاعات]

بسم الله الرحمن الرحيم

بعد سالفة ناصر و عدم حضورة انا قطعته اسبوع ما كلمتة و لا هو اتصل اصلاً و طبعاً انا اللي بالأخير سألت عنه لأنة هو مطنش و لا هامة موضوع علاقتنا, و فالأسبوع الي عقب صارت سالفة الصورة الي قلت لكم عنها مع خليفة و في الأسبوع الثالث حصل شي خلوني اقول لكم عنه بالتفصيل أحسن.
​

​

في يوم و كالعادة كانت امي طالعه و مخليتني في البيت بروحي و أتذكر وقتها اني كنت في الفصل الثاني من اول سنة جامعية, كنت زهقانة و اكيد انتو عارفين انا من ازهق اروح اكلم احد من الشباب, دخلت غرفتي و سكرت الباب وجلست على سريري و اتصلت على خليفة و انا كنت حدي كارهه نفسي على اللي اسويه و قبل ما يرن التلفون سكرتة و ما ادري شصادني وقتها رميت التلفون على الأرض و طحت جمبة و غطيت وجهي بأيدي و انفجرت بكيت و بكيت و بكيت بحرقة غريبة و شنو السبب ما كنت ادري بس كنت ابكي و اقول يارب .. يا رب .. يا رب, و بعد مرور ربع ساعه او نص ساعه و الله مو متأكدة بالضبط, عدلت قعدتي و اتكيت على السرير و اتجهت ناحية القبلة و رفعت ايدي و بدون أي تخطيط مسبق لقيت نفسي قاعدة أقول:

​

* هند: يا رب يا أرحم الراحمين ارحم ضعفي ارحم ذلتي انا تعبت و ما ابي اكمل انا ابيك يا رب لا تردني يا رب لا تردني للذل يا رب انا جيتك خاضعه لا تردني خايبه انت ربي و حبيبي و ما ابي حبيب سواك يا رب ارجوك دلني على طريج الصح ارجوك دلني على طريج الصح.​

و سبحان الله حسيت مثل ما يكون في احد مسح على قلبي و خفف الحرقة اللي كنت حاسة فيها, و حسيت مثل ما يكون في احد قاعد يوقفني و يسحبني على الحمام, توضيت و طلعت للغرفة و فرشت سجادتي و صليت أطول ركعتين بحياتي سجدت و تمنيت اني ما اقوم من السجده و في السجده الثانية بدت تجيني افكار شلون اني اتخلص من وضعي السابق, و بعد الصلاة حسيت روحي تايهه جلست على السرير و انا في قلبي هم كبير و هو هم كيف بنهي اللي بديته الموضوع يتطلب شجاعه كبيرة و قوة و عزم و ارادة, و شلون بقول حق خليفة و ناصر اني بتركهم من وين بتجيني القوة و اصلاً انا الحين مثل المدمنة الي من تترك المخدر مالها تجن و تفقد عقلها .. الموضوع كبير و محتاج تخطيط.
​

​

الموضوع كان محتاج خطة محكمة :27: لأني سبق و مشيت على احاسيس و ما نفع, عشان جي بديت اخطط

​

* هند: عشان اترك اللي انا فيه اول شي محتاجة بديل لناصر و خليفة و مستحيل الاقي هالبديل في اهلي امممممم منو يا هنودة ؟؟ منو يا هنودة؟؟ صج اني هبله اكيد ربي هو بديلي الحين كل ما بحتاج كلام حب و رومنسية بدخل غرفتي و بكلم ربي و بسولف معاه ادري ان خطتي مينونة بس شسوي هذا علاجي و لازم اخذة, طيب و اذا فشلت راح يصيدني احباط امممممم لازم اسوي شي عشان ما افشل خصوصاً في البداية, بس لقيتها العناد سلاح ذو حدين مثل ما بدا الموضوع بعناد بنهيه بعناد و انا وراج يا هند و الزمن طويل ان ما خليتج تتركين الصبيان هههههههههه شكلي ينيت قمت اكلم نفسي هع هع هع انا عارفة في البداية بيصدني انفصام بالشخصية بس كل شي حلو عشان حبيبي ربي امممم و بعد في شي انا بالبداية ما بقدر استمر جي لازم اضيع تلفوني.

​

و خبيت تلفوني تحت السرير.

​

* هند: بيه تلفوني وينه .. ضاع, وييييي ههههههههههههه صج اني خبلة انا قلت شكله بيجيني انفصام هع هع هع.​

و قعدت اكلم نفسي و اخطط عشان امنع نفسي من الغلط الي كنت اسوية و ما تتصورون شكثر ارتحت بعد ما حطيت الخطة لأن حسيت ان في طريج اقدر امشي عليه مو مثل قبل.
​

​

رجعت امي من السوق.

​

* هند: يمة تلفوني ضاغ ما ادري وينه؟؟
* ام أحمد: و المطلوب؟؟
* هند: و لا شي بس حبيت اخبرج ^___^. :26: :26:
* ام أحمد:انا اقول دوريه عدل احسن لج لأن ما في غيرة.
* هند: اوكي. و في قلبها: مشكوووورة و هذا الي ابية و ما ابي غيرة:3::3:
* ام أحمد: شنو الي اوكي انا معاقبتج لأنج ضيعتيه مافي غيرة دورية احسن لج.
* هند: انزين يمة بدورة ان شاء الله .. اي اوامر ثانية.
* ام أحمد: لا سلامتج.​

رجعت غرفتي و انا طايرة من الفرح كانت اول مرة افرح هالفرحة بحياتي كلها كنت حاسة اني صج لقيت لي حبيب بيكون متوفر لي 24 ساعه باليوم و بفتك من الاثم, كنت سعيدة, و في الليل قبل ما انام كلمت حبيبي كنت اكلم ربي على انه حبيبي ادري بتقولون ينت بس كان هذا الحل الوحيد اللي جدامي.

و بديت تدريجياً أرجع طبيعيه و طبعاً في ذاك الوقت ما كنت اقدر ادخل النت لأني ادري لو دخلت بدخل شات و بهد كل اللي بنيته, لكن كان لابد من المواجهه, و بعد ثلاث ايام تجرأت و دخلت النت و ما تتصورون الصراع الداخلي اللي كان قاعد يجري فيني كنت حاسة ايدي تحرقني و كنت حاسة شعور غريب مزيج بين العصبية و الملل و الخنقة و تدرون ما قدرت اكمل كلها خمس دقايق فتحت فيهم ايميلي و سكرت النت ما قدرت خفت اضغف, و في اليوم الثاني جربت مرة ثانية و فتحت ايميلي عشان ......
​

​

وأدرك شهرزاد الصباح وسكتت عن الكلام المباح، ههههههههههه حسيت روحي شهرزاد هع هع هع

المهم نرجع لمحور حديثنا

يا ترى بترجع هند لحالتها القبلية و له هالمرة بتثبت صج انها كفو؟؟

انتظروني في البارت القادم احداث مثيرة في الطريق:37:

​

 

[محبة الطاعات]

بسم الله الرحمن الرحيم

متاهات ساري

الرواية شارفت على النهاية و ان شاء الله مثل ما وعدتكم

بتخلص قبل رمضان بأذن الله

و عسى ربي يجزيج خير على ردج الحلو انتي بعد

ومشكورة حبيبتي على مرورج الرووعة :37:​

 

[اذلهم بسكاااتي]

اكيييييييييييييييييييييييييد متحمسه
ابي واشوف شنو بيصر
مع هند الغريبه صدق غريبه
نتظر البااااااااااااارت
على احر من الجمر​

 

[سمراء بلادي]

فديت اللي يلبون طلبات القارئات والله ربي يجزيك بالمثل على دعائج الحلو يالغالية وبهالبارت عجبتني هنودة وان شاء الله ما دام خلت حاجتها عند رب العالمين ان شاء الله ميضيعها (اللهم نسالك رضاك والجنة ونعوذ بك من سخطك ومن النار) اميين

 

[ورد الاوركيدا]

متابعه

 

[ام احمدوباسل]

يعطيك العافيه ياارب

 

[محبة الطاعات]

سم الله الرحمن الرحيم

السلام عليكم و رحمة الله و بركاتة

اذلهم بسكاااتي

وي فديتج انا ان شاء الله دوم

اممم و ان شاء الله قاعدة اشتغل على البارت اليديد بس ما ادري متى بنزلة اول ما اخلصة بنزلة

و مشكورة على مرورج :37:

سمراء بلادي


فديتج انا تستاهلين كل خير يا الغالية

(اللهم نسالك رضاك والجنة ونعوذ بك من سخطك ومن النار) <<< أمين يا رب

و ان شاء الله بتعجبج اكثر في البارتات اليايه :22:

مشكورة على المرور حبيبتي :37:

ورد الاوركيدا

مشكورة على المرور :37:

ام احمد و باسل


الله يعافيج يارب

و مشكورة على المرور :37:

​

 

[حامله الرايه]

يلاااااا حبيبتي كملي

حمستينااااا

ما يندرى اشبسوي هنووده !!

بس اظنها بتسير على الطريج الصحيح هالمره