محبة الطاعات
New member
- إنضم
- 11 فبراير 2010
- المشاركات
- 425
بسم الله الرحمن الرحيم
في اليوم الثاني فتحت ايميلي و كان غرضي اني اعطي كل الصبيان اللي عندي بلوك بدون ديليت لأني ادري لو عطيتهم بلوك مع دليت بيعرفون و بيضيفوني من ايميل ثاني و ما راح اقدر اقاوم لكن لو ما دروا اني مسوية لهم بلوك ما بيضيفوني من ايميل ثاني و بيحسبوني ما ادخل النت او مسافرة و لكن حصل الي ما كنت متوقعته ابد, واحد من الصبيان كان اوف لاين و انا كنت ما ادري و قاعدة على راحتي احذف و مرة وحدة كلمني و قالي:"مرحبا" خفت و انصدمت و رميت الماوس من ايدي و كأن فيه وباء و غطيت وجهي بأيدي :39: كان منظري يضحك و شكلي مثل اللي شايفه جدامها وحش :39:كنت عارفة اني للحين مو مستعدة لمثل هالموقف لكني حاولت اهدي نفسي و كنت حاسة ان في داخلي صراااااااع
في اليوم الثاني فتحت ايميلي و كان غرضي اني اعطي كل الصبيان اللي عندي بلوك بدون ديليت لأني ادري لو عطيتهم بلوك مع دليت بيعرفون و بيضيفوني من ايميل ثاني و ما راح اقدر اقاوم لكن لو ما دروا اني مسوية لهم بلوك ما بيضيفوني من ايميل ثاني و بيحسبوني ما ادخل النت او مسافرة و لكن حصل الي ما كنت متوقعته ابد, واحد من الصبيان كان اوف لاين و انا كنت ما ادري و قاعدة على راحتي احذف و مرة وحدة كلمني و قالي:"مرحبا" خفت و انصدمت و رميت الماوس من ايدي و كأن فيه وباء و غطيت وجهي بأيدي :39: كان منظري يضحك و شكلي مثل اللي شايفه جدامها وحش :39:كنت عارفة اني للحين مو مستعدة لمثل هالموقف لكني حاولت اهدي نفسي و كنت حاسة ان في داخلي صراااااااع
* هند: هند شفيج اهدي الموضوع مو ليمن هالدرجة يخرع يعني الصبي قال لج مرحبا قولي له مراحب .. لأ مستحيل انا مينونة لو سويت هالحركة بضيع نفسي و بهدم كل اللي سويته .. شتضيعين؟؟ و شتهدمين؟؟ وين قاعدين احنا؟؟ و بعدين انتي بتقولين له مراحب و بتعطينة دليت ماله داعي هالخوف كله .. لكن المراحب بتسحب شخبار و شمسوي و شنو أخر علومك لأ لأ .. انتي الحين ليش مكبرة الموضوع ترى كل الموضوع كلام بالنت لا أقل و لا أكثر يعني مب حرام .. على كيفي انتي مب حرام أي شيخ الي قال مب حرام و الله اني قاعدة احاول احلل الموضوع على كيفي لأ لأ لــــــــــــــــــأ مستحيل.
و في خضم هالصراع طالعت الشاشة تهتز و الصبي يقول:"ترى انا من مساعه شايفج اون يعني موجودة ليش ما تردين علي؟؟" وقتها ادركت شي, :39: شي كان غافل عني مدة :39: و هو
* هند: معقولة انا من مساعه قاعدة اناقش نفسي في اني اكلمة وله لا و انا في هالوضع ههههههههههه طيب انا ليش مغطية وجهي ليكون بياكلني هع هع هع بس لحظة ترى انا بديت أرجع درة مكنونة و بديت ارجع للعفة و بدت مشاعري ترجع مثل قبل يعني انا شنو الي مخليني مغطية ويهي غير اني مستحية من شيين اولهم اني مستحية من اللي كنت اسوية و ما ابي اعيده ثانيهم اني مستحية من الصبي .. انا؟؟ .. مستحيل؟؟ .. مو معقولة؟؟ .. وااااااااااااااااو.
وقتها شلت ايدي من على وجهي و على طول بلوك .. و حسيت بأن ربي زرع في قلبي شجاعه مو طبيعيه و بأن ربي كان وياي و ما تركني يعني الموضوع كان مثل غزة الشوكة في البداية تعور لكن بعدين سبحان الله يروح الألم و هذا بالضبط اللي حصل معاي.
من بعد هالموقف عرفت أن ربي رايد لي أني امشي في هالطريج, طريج التوبة .. طبعأ مضت الأيام و انا رجعت مثل قبل مبهدله (رثة المظهر) حسب كلام امي, و بديت أسلك طريج ثاني غير طريجي القبلي يعني بديت أهتم بشعري اذا مبين من الحجاب وله لا؟ و بديت أهتم بلبس عباية محتشمة و بدت حياتي تتغير و الكل لاحظ حتى نوف و طبعاً ما علقت و لا قالت شي و لكنها ظلت تجرني معاها لما تكون تبي تغازل و طبعاً انا الوضع ما كان عاجبني لكني كنت مستحملة لغاية ما تجيني الفرصة المناسبة.
و مرت الأيام و في كل يوم كنت اقرب من ربي أكثر و أكثر لغاية ما وصلت لمرحلة اني لما يجي وقت صلاة الفجر أفزع من النوم و أردد حبيبي يناديني و صار لي هالموقف اكثر من مرة لكن مرة من المرات اذكرها بوضوح لأني قلت الكلمة بصوت عالي لدرجة أن أمي سمعتها (أمي كانت تنام وياي في نفس الغرفة).
و مع قربي من ربي حلمت مرة حلم و هو كان السبب في ......... وله تدرون خل أقول لكم الحلم أول.
كنت قاعدة في مكان و كان المكان مثل المسرح و كان الكرسي الي كنت قاعدة عليه كرسي مميز و كنت لابسة ابيض بكل شي حتى حجابي كان لونه ابيض و كنت حاسة اني منورة و كنت مستحية لأن المكان اللي كنت فيه ما كنت اعرف فيه أحد و في وحدة كانت جنبي سألت الحرمة اللي على جنبي الثاني تعرفين الحرمة هذي و اشرت علي الحرمة الثانية قالت لها معقولة ما تعرفينها و وقفت من هول الصدمة قالت لها الاولية لا ما اعرفها فردت عليها الثانيه: هذي هند الداعيه هند
صحيت من النوم و كان اذان الفجر قاعد يأذن, ما تتصورون شكثر فرحت بهالحلم و عرفت انا شنو أبي اكون انا ابي اكون الداعيه هند مثل ما قلت لي الحرمة بس حسيت بأكتئاب لاني ما بقدر اكون داعيه اولاً انا عمري ما دعيت أحد و شلون بدعي و انا اعرف صبيان, قمت و تعوذت من بليس و صليت و تمنيت من ربي اني اصير داعيه و سبحان الله في اليوم الثاني كنت قاعدة أطالع برنامج ديني لشيخ كبير و معروف و كان موضوع الحلقة عن الدعوة, و ما كنت انا اللي حاطة القناة .. انا كنت بغرفتي و لما طلعت لقيت امي قاعدة تطالع الحلقة قعدت وياها, المهم تكلم الشيخ في هالحلقة عن الدعوة و كيف ممكن يصير الأنسان داعي و هو في بيته و ان ممكن كل واحد يصير داعي حتى لو انه يرسل ايميل فيه شي يخص الأسلام بس شي صحيح و مضمون مو مثل الأشياء اللي اغلبها احاديث خطأ و كلام ماله دخل بالأسلام و تكلم شلون الواحد ممكن يتأكد من كلام الأيميلات و يعني من هالكلام .. وقتها قلت في قلبي
و مع قربي من ربي حلمت مرة حلم و هو كان السبب في ......... وله تدرون خل أقول لكم الحلم أول.
كنت قاعدة في مكان و كان المكان مثل المسرح و كان الكرسي الي كنت قاعدة عليه كرسي مميز و كنت لابسة ابيض بكل شي حتى حجابي كان لونه ابيض و كنت حاسة اني منورة و كنت مستحية لأن المكان اللي كنت فيه ما كنت اعرف فيه أحد و في وحدة كانت جنبي سألت الحرمة اللي على جنبي الثاني تعرفين الحرمة هذي و اشرت علي الحرمة الثانية قالت لها معقولة ما تعرفينها و وقفت من هول الصدمة قالت لها الاولية لا ما اعرفها فردت عليها الثانيه: هذي هند الداعيه هند
صحيت من النوم و كان اذان الفجر قاعد يأذن, ما تتصورون شكثر فرحت بهالحلم و عرفت انا شنو أبي اكون انا ابي اكون الداعيه هند مثل ما قلت لي الحرمة بس حسيت بأكتئاب لاني ما بقدر اكون داعيه اولاً انا عمري ما دعيت أحد و شلون بدعي و انا اعرف صبيان, قمت و تعوذت من بليس و صليت و تمنيت من ربي اني اصير داعيه و سبحان الله في اليوم الثاني كنت قاعدة أطالع برنامج ديني لشيخ كبير و معروف و كان موضوع الحلقة عن الدعوة, و ما كنت انا اللي حاطة القناة .. انا كنت بغرفتي و لما طلعت لقيت امي قاعدة تطالع الحلقة قعدت وياها, المهم تكلم الشيخ في هالحلقة عن الدعوة و كيف ممكن يصير الأنسان داعي و هو في بيته و ان ممكن كل واحد يصير داعي حتى لو انه يرسل ايميل فيه شي يخص الأسلام بس شي صحيح و مضمون مو مثل الأشياء اللي اغلبها احاديث خطأ و كلام ماله دخل بالأسلام و تكلم شلون الواحد ممكن يتأكد من كلام الأيميلات و يعني من هالكلام .. وقتها قلت في قلبي
* هند: جاتج رسالتين الأولى بالحلم و الثانية بكيف تصيرين داعيه لكن بقى عليج تتخلصين من الصبيان اللي تعرفينهم انا لازم انهي علاقتي بناصر و خليفة لأن ما بقى الا هم و كوني كذبت في البداية و قلت ان تلفوني ضاع هذا مو حل لازم اواجههم و انهي الموضوع معاهم خصوصاً و ان هم يعرفون كل شي عني يعني ممكن يسون عني ايميل و يقولون احنا نحب فلانة و نبي نتزوجها بس مرة وحدة انقطعت عنا, و انا وحدة مستحيل اتزوج واحد منهم عشان جي لازم احط للموضوع حد و اليوم أحسن من باجر و دام ربي معاي يبقى ربي بينصرني.
كنت خايفة اني انفضح بالأيميلات لأن في مرة وصلني ايميل ان وحدة حبت واحد و ما ادري شنو صار بينهم و انفصلوا و هو يحبها للحين قام سوا هالأيميل عناها عشان اللي يدلها يدليه عليها و يجي يخطبها, و انا ما ابي اصير نفس هالبنت لأني ابي اكون داعيه عشان جي لازم اقتلع هالموضوع من جذورة, لكن كالعادة الموضوع بدون تخطيط أبد ما ينفع لازم اخطط و اتكتك و انهي الموضوع و انا عارفة اني قدها لأن مو بروحي ربي حبيبي وياي.
يا ترى شنو خطة هند؟؟
و هل بتنجح خطتها؟؟ وله كالعادة بتفشل و بتهد كل اللي بنته؟؟
و يا ترى شنو بتكون ردة فعل ناصر و خليفة؟؟
وايد اشياء مثيرة بتعرفونها بالجزء القادم بأذن الله انتظروني :37:
