~ في ظل غياب الرقابة .. اعاني لوحدي ~

[سمراء بلادي]

خطييير هالبارت اشو هنودة انجنت كنها مو شايفة شباب ليش متثبت على واحد بس وفعلا يا اختي من يعشق اكثر من مرة لا يعرف طعم العشق بالمرة متابعينك يالغلا

 

[نبضة فرح]

جد جد والله مو صاحية ..
أحس بكبدي أنفقعت وأنا أقرأ ...
هنوده هنوده ...ودي أعرف أحساسها ألحين إذا تذكرت الأيام اللي راحت ...
يارب سترك وعفوك...
محبة ...عليك أسلوب رايق ومشوق ..
تقبلي مروري ..
دمتي بود...​

 

[محبة الطاعات]

بسم الله الرحمن الر حيم

السلام عليكم و رحمة الله و بركاتة

​

سمراء بلادي

انا معاج بكل اللي قلتية و كلامج مضبوط يعني يريتها كانت تحب من قلبها

للأسف تقول لي ان كل اللي كانت تسوية اكتشتفت بعدين انه لعب

و انها عمرها ما حبت واحد من اللي كلمتهم و ان كل الي كانت تحس فيه

مجرد شعور بوهم الحب الله يستر عليها

مشكورة يا الغالية على مرورج اللي منور روايتي :37:

​

​

نبضة فرح

فديتج انا

تعرفين هند قالت لي ان شعورها هو السبب اللي خلاها تقول اكتب الرواية

حبت انها تنبه الامهات الغافلات عن بناتهم

و يمكن تكون قصتها سبب لأن ربي يغفر لها اللي فات

مشكورة يا الغالية على ردج الحلو و تشجيعج لي :37:​

 

[سمراء بلادي]

وين الغالية محبة الطاعات ننتظرك بشوق عساك بخير :19:

 

[محبة الطاعات]

بسم الله الرحمن الرحيم

في هذا الأسبوع تعرفت على اولاد اشكال و انواع لكن ظل في بالي خليفة (و اللي كان قايل لي في البداية ان اسمة مكتوم) و ليش ما يتصل يعني على الحماس اللي شفتة قبل ما ياخذ رقمي قلت هالأنسان بيقطع تلفوني اتصالات و مسجات لكن ابد لا حس و لا خبر و بعد اسبوع من تعرفي عليه كنا بنروح انا و عايلتي وخالتي ام نوف و خاله ثانيه لي رحلة حق جزيرة حوار (جزيرة سياحية بالبحرين يروحون لها بمركب و نوعاً ما هي منعزلة و فيها شاليهات و فندق بس احنا رحنا الشاليهات المقابله البحر) و لان الموضوع كان شاغل بالي قلت حق نوف عنه و نوف بدون تردد قالت لي:"انزين و ليش انتي ما اتصلتي؟؟" لما سألتني هالسؤال تنبهت و في خاطري قلت صح ليش انا ما اسأل و بالفعل اول ما وصلنا دخلت غرفة بروحي و اتصلت عليه
​

* هند: الو .. السلام عليكم.
* خليفة: هلا و الله اممم من معاي؟؟
* هند(مصدومة): انا اللي تعرفت عليك من شات ..... من اسبوع تقريباً نسيتني؟؟؟ معقولة؟؟؟؟؟؟ <<< عرفت انها مو اول وحدة بحياته من نسيانه لها
*خليفة(يرقع): لا و انا اقدر انساج انسى حياتي .. روحي .. قلبي اموااااااااااااااح:3:.
* هند(مستحية و تغير الموضوع): انت متأكد انك مكتوم؟؟
* خليفة(يتنحنح): اممم .. اقول, الصراحة انا بعترف لج اعتراف.
* هند(شاكة انها قاعدة تكلم واحد ثاني): اكيد تفضل؟؟
* خليفة: انا اسمي مو مكتوم.
* هند(مصدومة): عيل شنو اسمك؟؟
* خليفة: امممم اسمي مبارك, بس ترى عمري اللي قلت لج عليه صج انا عمري 20 سنة.
* هند(مصدومة على الاخر): بس انت قلت لي ان عمرك 22.
* خليفة(انحرج): ما فيها شي سنتين فوق وله سنتين تحت ما تفرق .. صح؟؟ <<< في هذا الوقت هند سمعت صوت حد جاي يبي يدخل عليها و خافت و على طول تبغي تطلع من الغرفة
* هند(خايفة): لحظة .. خلك معاي دقايق. <<< و طلعت على طول و شافت امها بعيدة عنها و عرفت انها كانت بتدخل عليها و غيرت رايها و قالت لها انها قاعدة تتكلم بالتلفون مع صديقتها و انها بتروح تتكلم على البحر و بالفعل راحت و قعدت على الشاطئ
* خليفة : اوكي.
* هند(بعد ما قعدت و ارتاحت نفسيتها): هلا.
* خليفة: هلا فيج يا الغالية.
* هند: انزين ما قلت لي ليش جذبت علي في البداية؟؟؟
* خليفة: بصراحة انا كنت معجب فيج و كنت خايف انج تروحين من ايدي من جي جذبت شوي عشان ما تطيرين مني.
* هند: اها بس اتمنى انك ما تعيدها لأني ما احب الجذابين.
* خليفة: افا عليج يا الغالية انتي تأمرين و انا انفذ, طلباتج اوامر .. اممم بس الصراحة انا ابي اسالج سؤال و مستحي منج؟؟
* هند(استغربت لأن اول مرة حد يقول لها مستحي منج): لا امر لا تستحي و لا شي عادي يعني.
* خليفة: الصراحة الصراحة انا نسيت اسمج و مو قادر اتذكره يصير تذكريني فيه؟
* هند(منصدمة انه مو متذكرها و عصبت عليه): ..... <<<< و سكرت الخط بوجهه​

لما قال لي جي عرفت ان مو انا الوحيدة الي كان يكلمني في ذاك اليوم و انه تعرف على اكثر من وحدة و انا وحدة من اللي كان يكلمهم حسيت روحي ساقطة و قلت ما بكلمه و زعلت و تضايقت لان اتذكر يوم كنت اكلمة كان يطول على ما يرد علي و كنت وقتها شاكه انه يكلم غيري بس الحين تأكدت(سبحان الله كنت محلله الموضوع لنفسي و محرمته على غيري) كلها دقايق و الا نوف جايتني

​

* نوف: ها بشري شفتج تتكلمين و قلت اكيد انج قاعدة تكلمينة و خليتج لما تخلصين عشان اعرف شصار بينكم , ها طمنيني؟؟
* هند(معصبة): خلية يولي النصاب .. اخر عمري اكلم واحد يعرف الف غيري.
* نوف: هدي .. هدي و انتي شدراج؟؟ <<< عقب قالت لها هند الموضوع كله و كيف عرفت
* هند: ها شرايج بكلامي معاي حق وله لا؟
* نوف: طبعاً لا .. لأن انتي تحبين ناصر و تكلمين خليفة ما فيها شي يعني مثل ما هو عندة بنات انتي عندج شباب و الميزان معتدل.
* هند(استحت من كلام نوف و حاولت تعدل الموضوع): بس انا غير.
* نوف: شلون يعني غير؟؟
* هند(تبي تغير الموضوع): اووووف .. ما ادري, المهم .. خلاص عاد .. تدرين انا برجع اتصل عليه .. يلا باي.
​

و خليت نوف جالسة لوحدها و مشيت عنها و اتصلت على خليفة الي حتى ما حاول يتصل علي يوم سكرتة بوجهه

​

* هند: الوووو .. وينك انت ليش ما اتصلت علي؟؟
* خليفة(بعصبيه و يبي يغير الموضوع): انتي اللي وينج اختفيتي مرة وحدة.
* هند(متوترة و مو عارفة ترد علية): هااا .. لا, و لا شي .. بس الخط انقطع و ما كان في ارسال لأن انا مو في البيت. <<< كذابه
* خليفة: اها اوكي.
* هند: و انت ليش ما اتصلت علي مو يمكن صار فيني شي ليش انت مو مهتم .. شنو هالسلبية اللي انت فيها؟؟
* خليفة: ما عندي رصيد شسوي .. و بعدين انتي شلون عرفتي اني ما اتصلت مو يمكن اتصلت و دام انه ما في ارسال اكيد ما بتعرفين .. الا تعالي انتي في وين الحين؟؟ <<< يغير الموضوع
* هند: انا في حوار جزيرة عندنا بالبحرين رايحة لها سياحة .. و بعدين انا عندي خدمة تخلي توصلني رساله باللي اتصلوا علي لما يكون التلفون مسكر.
* خليفة: بروحج وله مع الأهل.
* هند: اكيد مع الاهل, وله على بالك اني صايعه اطلع بروحي؟؟
* خليفة: لا مو صايعه سلامتج انا قلت يعني عمرج 20 سنة اكيد لج الحق تطلعين لوحدج و تاخذين راحتج.
* هند(متنرفزة و معصبة و تحاول تبلع غضبها): .......
* خليفة: الوووو .. هند وينج؟؟؟
* هند(بقمة العصبيه): ...... <<< و رجعت سكرت الخط​

و كلها دقايق الا ارجع اتصل عليه ما قدر قلت بتهاوش معاه عشان يحرم

​

* خليفة( بعصبيه): وينج انتي؟؟؟؟؟؟؟؟؟؟؟؟؟
* هند(بقمة العصبية): قلت لك يفصل انا مو في البيت؟؟؟
* خليفة: و ليش تصرخين و معصبة؟
* هند(زادت عصبيتها): لا ما فيني شي بس واضح انك ناسيني و تعرف مليون وحدة غيري و الصراحة انا اللي ما يعزني و يرزني يحلم يتواصل معاي و اسمح لي اقولك امسح رقمي من تلفونك ما يشرفني اتواصل معاك. <<<< و سكرتة في وجهه

​

عصبت عليه و قررت اني اقطع علاقتي فيه و لكن كلها كم ساعه و رجع يتصل و يتصل و يتصل و لا 100 اتصال على مدى الفتره اللي كنا فيها في حوار و انا كنت مطنشة من قلب و هذا غير مسجات الاعتذار و انا كنت مخليته على جنب لغاية اخر يوم في حوار و بالليل اتصل علي و انا كنت متمللة و قررت اني اكلمة و اسامحة و من يومها ما نساني و لا قدر ينساني

لي عودة بعد قليل انتظروني :37:​

​

 

[محبة الطاعات]

اه يا القهر بنات كتبت بارت طويل و اخر شي ضاع مني السموحة باجر بنزلة مرة ثانية​

 

[حصاد الالم]

لاحول ولاقوة الا بالله العلي العظيم

والله ماني عارفة شو اعلق ...............

 

[start change]

انتظظظظظظررررررككككككككككككي

 

[قطوه قطر]

انطرررررررج حبيبتي

 

[محبة الطاعات]

بسم الله الرحمن الرحيم

و بعد الأجازة الحلوة اللي بجد استمتعت فيها باذلال خليفة رجعت البحرين و انا نفسيتي متغيرة و فرحانة حتى ناصر لاحظ علي بس طبعاً ما قدر يعرف السبب, لكني ما تهنيت في هالنفسية لأن في 3 يوم كنت اكلم خليفة بالتلفون و طبعاً الوقت اللي اكلم فيه خليفة غير الوقت اللي اكلم فيه ناصر غير الوقت اللي اكلم فيه فلان و فلان و فلان عشان لما يتصلون علي ما يلاقوني انتظار و يشكون فيني باختصار كنت مضبطة حالي

​

* خليفة: فديتج انا يا احلى هنوده, اموااااااااااااااح:3:.
* هند: برووووك .. شفيك جي تحرجني.:5:
* خليفة(معصب):منو بروووك هذا بعد هااا؟
* هند: شفيك؟؟ بروووك دلع مبارك.
* خليفة: فاهم انا شو قالوا لج عني انا اقصد منوو بروك هذا؟ .. انا خليفة يا ابوي خـــلــــيــــفـــة.
* هند: من خليفة؟؟ انت مبارك وله خليفة؟؟ شالسالفة؟؟
* خليفة: تستهبلين انتي؟؟
* هند(عصبت): انا اللي استهبل و له انت الكذاب يا كذاب مرة تقول لي اسمك مكتوم و مرة تقول لي مبارك و الحين خليفة و مرة تقول لي عمرك 22 و مرة 20 و كل شوي تقول لي كذبة جديدة اوووووووووووف تدري انا خلاااااااااااص ملييييييييييييت منك ما ابيك. <<< و سكرت الخط بوجهه
​

ظل خليفه يتصل و يتصل و يتصل و انا معصبة و مو قادرة اطالع التلفون حتى, بجد حسيت وقتها اني زهقت منه لكنة رسل لي مسج و لأن خليفة ما كان يعرف يكتب و كانت اخطائة الأملائية ماليه الدنيا قررت ان لو اتصل بكلمة عشان افهم المسج اللي رسله لي و يوم اتصل رديت و لكني انصدمت فيه قاعد يبكي و لأني كنت اعرف ان الرجال (ما كنت ادري انه ياهل) ما يبكي الا بالشدائد و لأني كنت ابي انقذ نفسي من الموقف عملت روحي ابكي معاه و انا كنت اجيد التمثيل لدرجة اني بكيت صج و نزلت دموعي و انا اكلمه

​

* خليفة(بصوت مليان دموع): انتي ليش قاسية علي جي .. حرام عليج انا الاقيها منج و له من الدنيا.
* هند(ببكاء مصطنع): انا اللي قاسية و له انت اللي كل شوي تكذب علي حرام عليك ليش ما تقولي الصج و تريحني يعني انا شنو بسوي فيك لو دريت بالحقيقة ها؟
* خليفة: و انا اسف بقول لج الصدق من يوم و رايح, و الصدق ان اسمي خليفة و عمري 18 سنة. <<<< بعد كذاب
* هند(مصدومة): اخر كلام؟؟
* خليفة: اخر كلام, و الله و الله و الله ان هذا الصدق.
* هند: طيب سامحتك.
* خليفة(فرحان): فديتج انا و الله يا الغالية انا شو اسوي نفسيتي تعبانة المفروض انتي تهونين علي مو تزيديني.
*هند: خير من شنو عسى ما شر؟؟
* خليفة: قلبي تعبان من اللي يحبها و معذبتنه.
* هند: هههههههه بس انت اللي تكذب عشان جي انا اعاملك جي على العموم اللي فات مات.
* خليفة: بس انا ما غصدتج انتي.
* هند(مصدومة): عيل منو غصدت؟؟
* خليفة: فاطمة آآآآآآآآآه من فاطمة بنت خالتي و احبها و اموت فيها اليوم جات بيتنا و انا كنت مو موجود و المفروض ان اختي تسوي لي رنة عشان اجي البيت و ما سوت من جي ما شفتها و انا كنت بموت و اشوفها.
* هند(مصدومة+معصبة): خليفة .. انت صاحي؟؟ وله مريض؟؟ وله مصخن؟؟ وله شنو موضوعك بالضبط؟؟
* خليفة: لا ما فيني شي يا الغالية.
* هند(معصبة): عيل في احد بالعالم يقول جي حق حبيبته اللي قاعد يكلمها الحين .. يعني لو انت تحب بنت خالتك المفروض انا اكون اخر وحدة بالعالم تدري عن الموضوع مو جاي تقولي انا هالكلام.
* خيلفة: حبيبتي شو فيها انتي 5 وحدة احبها و اول وحدة فاطمة و انتي قلتي لا تكذب.
* هند: قلت لا تكذب بس مو تقول كل شي يعني حتى لو انت تحب انا ما ابي اعرف عن هالموضوع.
* خليفة: طيب انا اسف اوعدج اني ما اقول هذا الموضوع مرة ثانية.
* هند: و الله يا مسهلها عندك تقولي تحب وحدة ثانية و تبي تستمر بعلاقتك معاي و لا و خمس بعد.
* خليفة: لا .. لا انتي الخامسة لا تفهميني غلط.
* هند: اي غلط و اي صح شفيك انت؟؟
* خليفة: طيب ممكن نغير الموضوع عشان لا تعصبين علي و تسكرين الخط بوجهي.
* هند: بس خليفة انا مو لعبة بأيدك.
* خليفة: تكفين هنودة انا ندمان اني قلت لج انسي بليز و اوعدج ما افتح الموضوع مرة ثانية.
* هند: طيب خلاص .. شخبار المدرسة معاك؟

​

و سكر الموضوع و حاولت اني انسى صج لكني ما قدرت و قررت اني انتقم من خليفة

و في اليوم الثاني لما اتصل علي خليفة

​

* خليفة: الو!!
* هند: الو .. هلا.
* خليفة: شخبارج يا الغالية؟؟
* هند: و الله زينة و مو زينة.
* خليفة: افا ليش مو زينة؟؟
* هند: لأن حبيبي زعلان علي.
* خليفة: بس انا مو زعلان من اللي كذب عليج.
* هند: و من اللي قال انت حبيبي انت رقم 2 و رقم 1 هو اللي زعلان.
* خليفة(بعصبية): و منو رقم واحد هذا؟
*هند(بكل برود): واحد سعودي اعرفه قبل ما اعرفك و احبة و مثل ما انت تحب فاطمة رقم 1 انا بعد احب السعودي رقم 1. <<< قدمت له مقايضة مبهمه السعودي مقابل فاطمة تترك فاطمة اترك السعودي
* خليفة: اهااا اوكي المهم ما سألتيني شخباري؟؟؟ <<< فهم لكن ما قدر يتنازل عن فاطمة حتى لو بالكلام
* هند: شخبارك؟؟
* خليفة: فرحااااان.
* هند: خير ان شاء الله فرحني معاك.
* خليفة: بس شفت فاطمة اليوم و يومي ضبط على الأخر تدرين فاطمة في منطقة ثانية بعيدة عنا و اليوم جاية تزور اختي و شفتها و مزاجي صار oK . <<< حاول يغيض هند
* هند(ببرود العالم كله): اها .. اوكي عيل ان شاء الله تشوفها كل يوم عشان مزاجك يصير OK . <<<< تعمل نفسها مو متأثرة

​

خليفة حس اني ما تأثرت و كنت احسة طول المكالمة مو ضابط و متضايق و عرفت ان سالفة السعودي مضايقتة لأنه كل شوي كان يسالني عنه, شلون تعرفت عليه؟ و شلون شكلة؟ و كم عمرة؟ و من اي منطقة؟ و من هالكلام اللي اثبت لي اني قدرت احقق الي ابيه

و ما لبثت اتهنى بانتقامي لان في يوم الجمعة اتصل علي خليفة العصر و قال لي اتصل عليه لأن ما عندة رصيد و يبغي يكلمني ضروري و اتصلت عليه و ريتني ما اتصلت

​

* هند: خير خليفة .. شفيك؟؟ خرعتني عليك ليش تتنفس بسرعه جي.
* خليفة: قاعد الاحق بنات في المول و ابي رايج ضروري؟؟
* هند(مصدومة لآخر درجة): تلاحق بنات و تبي رايي؟؟؟
* خليفة: ارقمهم و له تغارين؟؟؟
* هند(مصدومة+معصبة على الأخر): خليفة شفيك انت؟؟ في واحد يقول حق حبيبته هالكلام انت مجنون؟؟؟؟ اكيد مجنون.
* خليفة: يلا جاوبي ارقمهم و له تغارين؟؟
* هند(معصبة): خليفة شفيك انت مو صاحي؟؟ و الله انك مو صاحي على هالكلام.
* خليفة: اخر مرة اسألج ها ارقم وله تغارين؟؟؟
* هند(معصبة على الآخر): خــــــلـــــــيــــــفـــــــة في احد يقول حق حبيبته جي رد علي؟؟
* خليفة: ما رديتي علي .. انا بجاوب, برقمهم خلاااص .. يلا مع السلامة.<<< و سكر الخط بوجه هند

​

سكر خليفة الخط بوجهي و انا للحين مصدومة من كلامة و جالسة اناظر في التلفون الي صار قبل شوي حقيقة و له خيال؟؟ انا نايمة و له صاحية؟؟ شنو الموضوع؟؟ و انا تايهه رن التلفون و كانت الرنة من خليفة و لا اردياً على طول اتصلت عليه و كنت ناوية اتهاوش معاه و لكنه ما عطاني فرصة

​

* خليفة: الووو!! لحقي و الله ان حظج من السما.
* هند: و ليش بالله؟؟؟؟
* خليفة: لان البنات اختفوا من جدامي و ما عطيتهم رقمي.
* هند: زين و الله!!!!
* خليفة: على العموم حياتي انا كنت ابي اخبرج بس يلا يا عمري انا من الصبح بالمول و تعبان بروح البيت انام و لما اصحى بسوي لج رنة عسب تتصلين علي.
* هند(تمالكت اعصابها و قررت تأجل الهوشة): اوكي يلا مع السلامة.
* خليفة: مع السلامة.

​

و كلها دقايق و يرجع خليفة يسوي لي رنة و انا على طول اتصلت عليه كنت مفكرتة بيقول لي انه كان يمزح معاي

​

* خليفة: هنووووود لحقي.
* هند: خير شفيك؟؟؟؟
* خليفة: لقيت البنات و عطيتهم الرقم و بالليل بيسون لي رنة و باتصل عليهم.
* هند(مصدومة): اي بنات؟؟ .. و شلون بتتصل و انت ما عندك رصيد؟؟؟
* خليفة: منو قال لج اني ما عندي رصيد؟؟, عندي بس ما ابي اخلصه عليج بخلصه عليهم, على العموم انا بروح الحين استعد و اليوم ما باتصل عليج يلا اكلمج باجر ان شاء الله .. مع السلامة. <<< و سكر الخط بوجه هند​

انصدمت و ما كنت متوقعه الموضوع و وقتها حسيت ان شي فيني انكسر و ما كنت عارفة شنو هو لكن اللي عرفته عقب ان خليفة كان مجرد صديق و عشان جي يوم قال لي هالكلام ما تأثرت وايد يعني انا كانت لي علاقات وايد لكن عمري ما حسيت ان علاقتي تطورت مع شخص معين و وصلت للحب و الحمد لله اني ما وصلت للحب على الرغم من اني كنت اقول حق كل اللي اعرفهم احبكم لكن كله كان كلااااااام.

تطورات مثيره في الجزء القادم بخصوص ناصر انتظروني:37:​

 

[جِـــنان]

انتظر

قصة مشوقه

 

[غموض مشاعر]

رووووووووووووووووووعة

يله كملي يله بسرعة ما عندي وقت !!

يله محبة و اللي يخلي لج رفيجتج اللي تموت فيج كملي هههههههههههههههه
​

 

[نبضة فرح]

تسلمين محبة ..
بارت رائع ..
بإنتظار الأحداث مع ناصر والله يستر ..​

 

[ديم..]

انا مختفيه عن الرواية علشان اجي اقراها كامله وارجع ووقفت على موقف حماااااااااااااس
يسلمووو ننتظر ناصر وآخرتها معه

 

[سمراء بلادي]

يعني خليفة طلع توووب والله حبيته من جد يعني صرييييح لا والاحلى ينطيهة رنة وهي تتصل وهو عنده رصييد يعني ما فكرت انه هو يتسلى بيها وببلاش ! يلة يالغالية ننتظرك عساك بخير

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

​

جنان

اشكرج حبيبتي

على مرورج اللي نور موضوعي :37:
​

غموض المشاعر

هههههههههه حرام عليج صبري شوي

الدنيا انخلقت في 6 ايام

مشكورة على المرور الغالية :5:

اللي بصراحة ما توقعته:37:
​

​

نبضة فرح

ان شاء الله باجر بنزل البارت الجديد

مشكورة حبيبتي على مرورج
​

اللي نور موضوعي :37:

​

ديم

ههههههههههه

و الله ظروفي صعبه هالأيام و كان ودي انزل اكبر قدر ممكن

بس هانت راح الكثير و بقى القليل

و ان شاء الله باجر بتعرفين اللي صار مع ناصر

و مشكورة على المرور :37:
​

​

سمراء بلادي

اي و الله ان كلامج صح 1000%

بس المشكلة وين العقل اللي يفكر

مشكورة حبيبتي على مرورج :37:​

 

[start change]

يلاااااااا بلييييييييز باااااارت نيوووووووووووووو

 

[صبوحة2008]

تسلين وناطرين التكمله:18:

 

[قطوه قطر]

هههههههه مابط جبدي الا هالخليفه ويوم يقول لها بخسر الرصيد عليهم اشكره معتبرها ولاشي ولا يبي يادبها

كمللللللي حبيبتي بليززززز

 

[حصاد الالم]

انتظارك يالغاليه