عروس محطمة الحقوني بنهار خبيرات الزوج الشرقي الجنوبي

[اخوي يانظر عيني]

حبيبتي انتي ما فيج عيب العيب فيه هو لانه انسان تاااااااااااااااااااااااااااااااااااااااااااااااااافه يوقف عند توافه الامور شنو يعيني فيج ترهل او اسمرار لون الابط ترى كلنا عيوب ومحد كامل وهالشخص حرام اصلا تزعلين عليه هالشخص ماعليه حسااااااااايف لا والله ...انتي خلج واثقه من نفسج ولا تخلين واحد مثل هذا يهز ثقتج بنفسج وبيني له انه ماقام عندج ولا قعد وان الف واحد يتمناج ما تدرين لا قدر الله لو انفصلتي الله كاتب لج نصيب احسن منه مع واحد ثاني ... حبيبتي لو بتغيرين شي غيريه لنفسج اذا كان مضايقج مو عشان اي احد ثاني لأ ... بالنسبه للترهل تقدرين تسوين شد أو تدخلين نادي رياضي وتقولين لللمدربه تعطيج تمارين تشد الاماكن المترهله وبالنسبه للاسمرار فيه كريم اسمه كفر ديرم معروف لتغطيه اي عيوب في الجسم ...

 

[اخوي يانظر عيني]

حبيبتي أنا رفيجتي وزنها 124 وزوجها جنوبي شرقي لو فيه خير خل بس يقول لها دبة,,,والله تلعن قفده مع انها صج دبة ,,,يموت فيها ويحترمها ويعمل لها ألف حساااااااب .. وعلى فكرة حملها متأخر من 8 سنوات بسبب متنها وزوجها طبيعي مافيه عيب بس يخاف حتى يقول لها أضعفي ولا بتزوج عليج ,..
مشكلتج انج ضعيفة شخصية ,,,المفروض من أول يوم بينتي له انج ما تسمحين له انه يغلط عليج ,,,ليش سكتي له ؟؟؟
ليش؟؟؟ مب مصدقة انج عرستي فهالسن؟؟؟ ترا 33 سنه صغيرة ومرغوبة من ألف واحد غيره ....يا شيخة لا تقولين سحر ومادري شنو ترا ما ضيع الحريم الا هالسوالف,,خلي ايمانج بالله قوي وحافظي على الفروض وتحصني بالمعوذات وانتهينا,,,
زوجج يبي له وحده واثقة من نفسها,,شافج مهزوزة قام يلطش فيج .....وعلى فكرة الجنوبي الشرقي من أحسن الأنماط ولو اني أشك انه ريلج جنوبي شرقي ,,أول مرة أسمع اختبار الشخصية بالأشكال الهندسية؟؟,,,,
عزي نفسج وخلج شاقة الحلج ومرحة ودلوعه توج عروس حبيبتي وان قال كلمه تهينج ردي عليه بثقة أنا ما أسمحلك ,,انا بنت ناس احترمني ولا ترا الوجه من الوجه أبيض يافلان ,,,بيت أبوي مب عيزان عني ...
والله لو أراويج نماذج حولي من حريم من سمارهم جنهم طقاقات ومتان مافيهم حلى ((أستغفر الله والله ما أتشمت)) بس شنو أزواجهم يحفون وراهم ,,حريم سنعة تعرف من وين تؤكل الكتف وجايبين رووس رياييلهم بشخصيتهم ودلعهم وأسلوبهم ,,قويييااااات ,,خلي عندج عزة نفس وحبي نفسج ولا تسمحين لأي كان يهينها,,,حتى لو كان زوجج...

وأأيد أختى عيون عزيز في كل حرف وكلمه لانها صاجه ونماذج موجوده في مجتمعنا

 

[سجينةالصمت]

صدقيني ياقلبو المشكله ماهي منك منه انتي تزوجتيه وانتي ماتعرفي شي عنه انبشي فحياته وشوفي ايش فيه اذا ماصارحك واسألي امه ليه مايغى اهله يدرون ؟وليه يغاك انتي اللي تظهرين للكل انك تبغين الطلاق؟السر عند زوجك 00 طمنينا عليك00

 

[حنو ملكة زمانى]

الله يحنن قلبه اذافيه خير لكي اختى لتيئسى ودعي الله اخراليل انا لسهام ليلل لسحرن عجيب

 

[محبة مكة]

حصني دايما نفسك
وادعي ان الله يسخر لك زوجك
وان تكوني اجمل زوجة في عينه

 

[ياربي انصرني]

اذا كن السبب سحر او حســـــداو عدم تقبل جسمك نفسيا0000

الحل الوحيد هو اللجوء لله بقلب صادق ----اسئلي الله ان ماأصابك خيره لك000نحن البشر نتمسك في اشياء ونجاهد وتريدها النفس ونتحسر ويصيبنا الهم ---ولكــــــــــــــــــــــن الله يختار لنا عكس مانريد لذلك علينا ان نستسلم لقدر الله ونتعلق بحبله المتين


بالدعااااااء وان نلح بالدعاااء الله سبحانه وتعالى يحب الملحين في الدعااااء ---اعلمي وثقي ان قلبك وقلوب العباد000 وقلب زوجك بين اصبع من اصابع الرحمن يقلبها كيف يشاء

وان قدر الله عليك الطلاق --احمدي الله واطلبي منه ان يعوضك العوض الصالح ماتدرين يمكن يرزقك الله افضل منه000

عليك بقيام الليل والدعاااء في السجود اطلبي من ربي كل ماتريدين وكوني صادقه وخاشعه وخانعه لله وانتي تدعينه00

انظري لعلاقتك مع الله وابحثي عن جانب التفريط او التقصير 0000فالله سبحانه وتعالى يسلط علينا بذنوبنا

استعيني بالله وادعيه لن يصيبك الا ماكتب الله لك00لكن حكمة الله لايعلمها الا هو000وحده000

 

[لولو*الصغيرة]

الله يففرج همك وهمي وهم الجميع في هذه الايام المباركة يارحيم ياودود اجمع بيننا وبين ازواجنا على خير والف قلوبهم يارب العالمين

 

[نـ99999ف]

برد عليك من واقع تجربتي لان زوجي مثل زوجك بالظبط اول سنه الله لايوريك الي شفته والي سمعته وكلها امور تافهه بس والله كنت ابكي الين اقول آمين بس فيهم صفه ينسون على طول يعني مايشيل بقلبه المهم انتي طنشي وكمان خليك حازمه معاه يعني قاللك كلمه تضايقك لاتاثرفيك وكمان بينيله بطريقه حكيمه انك ماترضين يكلمك بالطريقه ذي وكمان لااحد يدري عن مشاكلك معاه لان بعد فتره بيتغير للاحسن باذن الله وادعي ربك دايما يسعدك معاه

أوافقها الرأي.. فعلا أعرف وايدات كانوا في أول زواجهن أزواجهن ينفرون منهن مايعجبهم جسم زوجته .. لأنه هو يمكن حاط مواصفات معينة في فتاة أحلامه وانصدم يوم شاف غير !!

تقولون كيف ماكان يقول شئ عن جسمها أيام الخطبة أقولكم لأن لو تشوفون وحدة بلبسها الساتر (اللي يغطي عيوب الجسم من الترهلات والكرش) .. أنا مثلا أشوف حريم يوم لابسات العباية أو اشوفهن بلبس العادي المحتشم يوم اشوفهن في الاعراس بالفستان استغرب صراحة من اجسامهن ّ!! (لاتفهموني غلط مااتشمت فيهن .. بس حبيت أوضح) فما بالكم بالريال!!

واللي تقول والله في أمتن منها ورياييلهم يحبونهن .. أقولكم مب كل الرياييل نفس الشئ في رياييل حريمهم مب حلوات بس يموتون فيهن وفي رياييل عكس..

أنا من وجهة نظري لاتطلعين من بيت ريلج ولا تخلينه (الاخوات اللي ينصحونج بالثقة بنفس ) الثقة بنفس مب يعني ماتحترمين ريلج .. حاليا ريلج حاس (بنظره) انه فيج نقص وهو جسمج .. بس عايش في صراع نفسي يشوفج مهتمة فيه ومو مقصرة معاه في شئ .. أقولج استمري في الاهتمام فيه ولاتقصرين في شئ واهتمي في نفسج وخليج مبتسمة .. اذا ياب طاري طلاق قوليله عطني فرصة لاتخلني أنا حبيتك وتعودت عليك مااتخيل حياتي بدونك .. وقوليله اذا عن جسم ان شاءالله يتعدل بس انت اصبر علي ..

سوي ريجيم .. ابتعدي عن الاكلات الدسمة ولاتشترين الحلويات والشوكلاته .. لأنج يوم بتشوفينه جدامج ماتقدرين تقاومين .. ولاتهملين الرياضة .. اشتركي في النادي أو اشتري جهاز المشي ومارسي الرياضة في البيت على طول .. رياضة شد الصدر والبطن خاصة.. اشغلي نفسج بالرياضة بدل التفكير اللي يخرب مزاجج ونفسيتج ويحطمج زيادة ..

حاولي تلبسين اللبس اللي يستر عيوب الجسم .. حتى وقت النوم البس ملابس مغرية بس في نفس الوقت مايكشف على المناطق اللي فيها عيوب في جسمج!!

لاتنسين الاذكار والدعاء.. وعلى طول شغلي القران في بيتج.. ان شاءالله تنحل مشكلتج..

والله صديقتي اول ماتزوجت (تزوجت بطريقة تقليدية ريلها ماشافها الا في يوم العرس) تقول ريلي يوم شافني انصدم قال كنت اتخيلج احلى وجسمج مب حلو أنتي مليانة .. أنا احب الضعاف مع انها ماكانت متينة وزنها في ستينات .. بس عندها لخبطة في الهرمونات وجسمها في شعر .. تقول كان ينفر مني وماكان يحبها ويجرحها .. تقريبا لمدة سنة بس هي وايد طيبة ماقصرت اهتمت فيه وقامت في خدمته مثل الخدامة .. كان يجرحها ماكنت ترد عليه تسكت ..جدام الناس تمدحه ماكانت تقول اي شئ عن حياتها .. لين شوي شوي ريلها تبدل صار يحبها .. ويموت فيها يعشقها عشق الكل مستغرب من حبه لها.. صديقتي اعترفتلي بحياتها (اول زواجها ) الحين بس !! كبرت في نظر ريلها بطيبها واهتمامها فيه وحبها له واهم شئ انها ماتطلع اسرار حياتها الخاصة ..

أقولج لاتفقدين الامل ..بالصبر ان شاءالله تنحل مشكلتج.. كل مشاكل جسمج لها حل .. خليه لين يتعود عليج ويطلع من صدمته (لاتستغربين يوم اسميها بالصدمة )

 

[عروس محطمة]

نوف 9999
الله يستر عليك انا الان دق على ابوي قال له انا بجيبها لكم بيتكم ترتاح كم يوم ومنهارة وما اقد راقول الا حسبي الله ونعم الوكيل انا الي قلتيه كله سويته ولكن لاحول ولا قوة الا بالله

 

[ياربي ارحمني]

الله يسخر لك زوجك ويسخرك له يااارب​

 

[راحةالقلوب2]

الله المستعان​

 

[عروس محطمة]

ياجماعة ياناس احد يفهمني ايش قاعد يصير معاي وصلني لبيت اهلي ورجع ما حطني رجعني بيتي
يناس ياعالم احد يقول لي ايش هالرجال وكيف اتفاهم معاه وابوه رجع دق على ابوي قال ما اقدر اجي واخته كلمت امي تقول معليش اصبروا والله هادي مو اخلاق اخوي والله اخوي كويس بس ماندري ايش قاعد يصير حتى اهله يقولوا ماندري اشبه الولد ماندري ايش قاعد يحصل

 

[عروس محطمة]

ياجماعة ياناس احد يفهمني ايش قاعد يصير معاي وصلني لبيت اهلي ورجع ما حطني رجعني بيتي
يناس ياعالم احد يقول لي ايش هالرجال وكيف اتفاهم معاه وابوه رجع دق على ابوي قال ما اقدر اجي واخته كلمت امي تقول معليش اصبروا والله هادي مو اخلاق اخوي والله اخوي كويس بس ماندري ايش قاعد يصير حتى اهله يقولوا ماندري اشبه الولد ماندري ايش قاعد يحصل
لاحول ولا قوة الا بالله دمر اعصابي واعصاب اهله واهلي

 

[نبضآت ~]

ما أدري بس من قلتي الأول انسحر وهذا كش فجأه ..
يمكن أحد عامل لك انتي مو هم ..!!

لا تنسي نفسك وتهمليها من العلاج وعسى الله يفرج لك ..!

 

[مهجة الغيم]

اختي الحبيبية
الله يحفظك ويمتعك بالصحة والعافية
غاليتي
اثقلي عليه وابعدي
خليه هوا الي يفقدك
ان فقدك رجع لك
وان ما فقدك قولي حسبي الله ونعم الوكيل
والتزمي القراءة والرقية خلي احد يقرا عليكي
واطلبي من اهله يقروا عليه
ان كان الي فيكم عين او سحر القراءة بتبينها
انتم تعيشوا صراع كبير
والي فاهمته زوجك يحبك لكن ماندري دواخل نفسه
لكن النمط الشرقي يحب المراة الواثقة من نفسها المراة القوية الي هوا بيفقدها مو الي هي بتفقده بدليل انه يخليك ويرجعك يعني حتى هو مايدري ايش يبغى
وقبل كل شي اعلمي ان كل شيء عند الله بميزان لا تستعجلي فرج الله ثقي به
والرجال بالاخير مهما سوينا الي براسهم يسووه
فقط ثقتك بالله قويها
خليك مرتبو وقوية ولا تنهاري ابدا ادري صعب لكن الحلم بلتحلم والشخص الي بيصير قوي يقدر يقوي نفسه تقوي وخليك صلبة ولا تنهاري بالاخير الواحد ما ياخد الا نصيبله مهما سوا الله يسخر لك ملائكة السموات والارض

 

[شجن جدة]

دامة مسحور اكيد اللي علية تخربك في نظرة انتي حطي بالموية ماء مقري علية وجطي في يدك نقطة من زيت مقري علية وامسحي على جسمة او صدرة اوراسة وهو مو منتبة كانك بتبوسينة واقري على نفسك وعلية ولاتسمعو اغاني ةلامسلسلات وتصدقي وامشي عليك بالمشي واستغفري طول وقتك وقومي صلي بالليل وقبل هذاكلة لاتقولي في نفسك اسوي هدا عشانة لا عشان انتي تعيشي مبسوطة وسوي رجيم شوربة الكرفس والله ان تدعيلي لاتقولي ريحتي بجي بصل مدري اية والله موباينة اريحة والله يسلم الاشياء الطبية والعطور وامشي وتشوفين وبالله عليك قولي لي وش صار بعدين الله يسخرلك ويسخرلي زوجي امممممممممممممممممين

 

[buety girle]

زوجج استهان لانج امهدتيله انه يجرح فيج ويتحكم وانتي صابره حتى لو كان مسحور مو من حقه يجرحج ..... لا تسمحين له انه يتمادا ويستمر في جرحج .... واذا كان مسحور جيبي ماي مقروء عليه سورة البقره والرقيه الشرعيه وشربيه الماي من غير مايدري لو مسحور بيزوع على طووووول لكن لو ما زاع فهذا يعني انه مستهين وقتها لا تسكتين وروحي عند اهلج مو عشان الطلاق بس عشان تحسسينه انج تقدرين على فراقه وبداله عشر والله بيحس انه غلط وبيرد....واهم شي وقفة اهلج معاج

 

[اميره هاشميه]

الله يفرج همك ويهدي لك زوجك يارب

يارب ببركه النبي يجمع بينكم بحب ومودده
وتكونو ااسعد زوجين بالدنيا
الصبر ياختي مفتاح الفرج ومع الايام اكيييد بيتغير
عليك بمناجاة الله تعالى وسكب مابك من الم اليه بثي شكواكي لمن خلقكي
فهو وحده اقدر منا ومنك عليه

 

[ام جبل]

يمكن انتي محتاجة عملية تجميل من داخل

 

[يادليز]

أعانك الله غاليتي وفرج همك أعتقد أن ما ينفع مع زوجك هو إظهار عدم الإهتمام بقراره وعدم الإنكسار

وإشعاره بثقتك وكلامك أنك تخططي لمستقبل أفضل ولحياة جديدة أجمل أشعريه بشكل موارب أنه سيخسر كثيرا إن تخلى عنك وسيتلقفك من يسعد بك ويسعدك

الشرقي يحسبها كثيرا ويرفض الخسارة والتخلي عن أملاكه صعب جدا عليه

كلما تذللتي له كلما شعر أنك صفقة خاسرة حذفت عليه(أعذريني غاليتي للتعبير يهمني أن أوصل لك الفكرة)

لذلك إحفظي نفسك وتباعدي وخططي لحياتك بعد الطلاق بكل هدوء وثقة أمامه (تكلمي بالتلفون مع صديقة أو أخت أو أم بشكل عفوي لا يظهر أنه مقصود)

ينفعك كثيرا الآن أن تمدح فيكي وفي شكلك و....إحدى قريباته اللاتي يثق برأيهن (أم -أخت -خالة -عمة-ابنة أخ أو أخت....) شرط أن لا تظهري قوة علاقتك بها كي لا يعلم أنك متفقة معها , فهل علاقتك جيدة بإحداهن؟؟؟

غاليتي تحركي بذكاء للحفاظ على بيتك ولكن دون أن تهيني كرامتك له ...فإن صلح حالكما فالحمدلله كثيرا وإن انفصلتما لاسمح الله لا تندمي يوما على تذللك له

ولا تنسي قبل كل شئ أن تلجأي لمقلب القلوب سبحانه القادر على قذف محبتك في قلبه ونحن مقبلين على شهر عظيم لاتنسي دعوة الإفطار المستجابة ولا الدعاء في وقت السحر ولا الصدقات بنية التفريج

وفقك الله وسخر لك زوجك وصب محبتك في قلبه صبا صبا

ما شاء الله راى من راى اختى الحبيبه