زوجتي العزيزة وجودج غير حياتي (واقعية)

[محبة الطاعات]

هلا و الله نبراس الشرق​

ميرسي على ذووقج و الورد وايد وايد نايس​

احرجتيني الصراحة ​

انا بقدم لج شوكلاته عشان تحلين وانتي ​

تقرين البارت الجديد اللي بكتبه بعد شوي ^,^​

 

[نبراس الشرق]

ياي ياي اموت على الشكولاته شكرا غاليتي

طعمها جناااااااااان وشكلها روعه الف شكر

على هديتك الحلوه ​

 

[محبة الطاعات]

بسم الله الرحمن الرحيم

و بعد مرور الأسبوع

في هالأسبوع حمد كان قاعد على نار ينتظر رد غنيمة و ما كان يسألها عن الموضوع لأنه خايف انها ترفضة لو الح عليها بالسؤال و في اليوم اللي المفروض ترد عليه غنيمة كانو بالشقة
​

* حمد: اقول حبيبتي اليوم في شي المفروض يصير ما ادري اذا تتذكرين وله لا؟:5:
* غنيمة: ههههههههه (تضحك بدلع) اي حبيبي في و متذكره و ادري انك على نار.
* حمد: انزين تكلمي .. نطقي .. دخيلج ريحني.
* غنيمة: اممم شوف مثل ما كل بنت لها شروط عشان تتزوج انا بعد بتشرط و لأني غير عن البنات اكيد شروطي بتكون غير. <<<< تقولها بدلع
* حمد: اوكي و انا موافق من الحين اووووووووووووف اخيرا وافقتي بل بل بل ذبحتيني و انا.......
* غنيمة(قاطعته): صبر .. صبر .. صبر من قال لك اني وافقت اصبر اسمع شروطي مو يمكن ما يعجبونك.
* حمد: لحووووووووووول .. قلنا لج موافق يعني لازم تكدرين خاطري انا عارف روحي لو تطلبين مني صخرة من القمر بجيب لج بعد امري.
* غنيمة(بقمة الدلع): هههههههههههه واي حمد ما اقدر عليك دوم تضحكني, انا قلت شروطي غير بس مو لدرجة اني اوصلك للقمر.
* حمد: هههههههههه شسوي لج كل ما قلت لج اني موافق قلتي شروطي .. شروطي شلون اثبت لج اني موفق هاااااا؟؟؟؟؟؟
* غنيمة: لما تسمع شروطي كاملة و عقب تقول لي موافق بصدق انك وافقت ها شنو ردك؟
* حمد: اوكي .. طربي مسامعي<<<< و هو ماد بوزة و ينفخ اووووووف.
* غنيمة: اولاً ابي اتزوجك زواج شرعي و اهلك كلهم يدرون عن زواجنا و ما تخبي عنهم شي مو تقولي عقب الخطوبة (الملكة) بقول لهم .. وله عقب الزواج بقول لهم .. لأ ما عندي هالكلام .
* حمد: اوكي و هذا اللي بيصير .. اصلاً يكون بعلمج انا بدخلج بيت العايلة و انتي خطيبتي, بعد شنو عندج؟
* غنيمة:ثانياً ابي تكتب لي ملك بأسمي .. شنو بتكتب براحتك تبغي تكتب هالشقة او تبغي تكتب شي ثاني كيفك لك حرية الأختيار.
* حمد: تم .. الشقة من باجر بتكون باسمج .. بعد امري؟
* غنيمة: اممممم ثالثاً ما ابيك تتأمر علي و لا تقولي سوي هالشي و لا تسوين هالشي كيفي انا اسوي اللي ابية و البس اللي ابية يعني بالمختصر ابي اكون على مزاجي مالك دخل فيني و لا يكون تفكر في يوم انك تمد ايدك علي.
* حمد: غنوم انا الحين ما امد ايدي عليج و انا ادري انج تطلعين مع غيري شلون بعدين اكيد ما بسويها, و بعد هالشرط تم .. كملي؟
* غنيمة: رابعاً انا ما اجيب عيال الا بكيفي و انا من الحين اقولك ما ابي عيال, تبي عيال الحريم وايد اخذ لك وحدة جيب منها درزن بس لا تفكر انك تنام عندها بالليل تبي تروح عندها اليوم بطوله اوكي مو مشكلة بس الليل لي .. اوكي.
* حمد: هاااا .. امممممم <<<< سكت يفكر
اوكي و انا شنو ابي بالعيال حق الصياح و عوار الراس خلني مع ريومي احسن لا و جذي اقدر اقول لج ريومي بدون محد يقولي ليش تناديها ريم و هي غنيمة اوووف اليهال اسألتهم محرجة هههههههههه.
* غنيمة(بدلع): ههههههه فديتك حبيبي خلاص اذا جدي انا موافقه بس عندي شي صغنطوط بقوله لك عشان لا اكون ظالمة لأني معاك شفت الهنا و السعادة و ما ابي اظلمك و انت احسنت لي.
* حمد: موافقه صـــــــــــج .. صــــــــــج .. الااااااااااي وناسة<<<< و قعد يطامر (يقفز بسرعه و بقوة) من الوناسة و الفرحة
* غنيمة: حمد اقعد .. اقعد شفيك حبيبي انا للحين ما قلت لك الشي الصغنطوط اصبر.
* حمد: اوهوووووووووو .. شنو بعد؟؟؟
* غنيمة: حمد انت تدري انك احسنت لي و انا ما اقدر اظلمك و انا ادري ان شروطي صعبة بس شسوي انا جذي المهم حبيبي ترى يكون بعلمك انا ما بزعل ابد لو تركتني وله غيرت رايك بموضوع الزواج لأن هذي حرية و انت كيفك و على فكرة ترى انا مثل ما قلت لك قبل انا للحين ما احبك فيعني لو تركتني ما بزعل لأن كل اللي انا حاسة فيه اتجاهك تعود لا اكثر و لا اقل.
* حمد: و انا مواااااااافق و ابيج و الحب يجي عقب المهم انا احـــــــــــــــــــبــــــــــــــــــج.


​

و استمر الحديث بين حمد و غنيمة وبدوا يتفقون على الزواج و وين بيكون و هل راح يعملون حفلة او لا و من هالأمور

و في اليوم الثاني و كان يوم خميس حمد راح الشغل و قدم على طلب اجازة اسبوع و كان ناوي انه يتجهز في هالأسبوع للزوج و المدير وافق على طلبة نظراً لحسن سيرة و سلوكة
​

* حمد: اووووف متى يخلص هذا اليوم الثقيل .. تعبت و انا انتظر.
* عمر: اي شي طبيعي يصير هذا اليوم ثقيل لأنه عقبه اجازة اسبووووووووووع.
* حمد: اي و الله و انت صاج الا تعال انت من صجك بتروح ويه الشله السفرة؟ <<<< عمر كان بيروح مع الشلة دولة آسيوية اشتهرت هالدولة بكثرة الزنا و الخمور فيها و كانوا بيروحون يوم السبت و بيقعدون فيها اسبوع تقريباً
* عمر: اي لك خاطر؟
* حمد: لا يبه تدري انا معرس و لازم اتجهز.
* عمر: ايييييييييييه و الله زمن اللي حمود بيتزوج, تصدق عاد انا حاس اني بحلم .. وله انت تتزوج!!!!
* حمد: ليش شنو فيني انا غير الناس وله غير الناس؟
* عمر: لا سلامت عمرك بس يعني على العموم بالتوفيق.
* حمد: تسلم.
* عمر: الا ما قلت لي متى بتقول حق بيتكم عن زواجكم؟
* حمد: الليله بجيب غنيمة بيتنا و بقول لهم و بخليهم يشوفونها.
* عمر: بتجيبها البيت مرة وحدة الله يستر.
* حمد: اي و الله .. الله يستر من قلب.
​

و بالفعل لما حمد خلص الدوام رجع البيت و قال حق امه انه بالليل بيسوي لهم مفاجأة و لما سألته شنو المفاجأة قال لها بالليل بتعرفين و امه من وقتها و هي حاسة ان اليوم في نكبه بتصير

و لما صار الليل حمد اتصل على غنيمة و مر عليها عشان ايجيبها بيتهم و اول ما وصلوا البيت ما كان في احد بالمجلس و عشان جي حمد اخذ غنيمة غرفتة يفرجها عليها وما كان حمد يدري ان الأهل متجمعين في المجلس الثاني و بعد تقريبا ساعة حمد نزل المطبخ عشان يجيب شي يضيف فيه غنيمة و هو بالمطبخ شاف اختة نورة
​

* حمد: نوروووو وين العصير اللي كل يوم تشربون منه على الغدا.
* نورة: بالثلاجة يعني وين فوق راسي مثلاً .. اقول حمود صج امي تقول في مفاجأة مسويها لنا شنو مفاجأتك ابي اعرف؟
* حمد: اووووووووووف نورووووو مالي خلقج وخري عني لما تتجمعون بتعرفين.
* نورة: و احنا من الصبح ننتظرك في المجلس و يوم دخلت دخلت سكيتي (بصمت) و رحت غرفتك شنو نسوي لك يعني؟
* حمد: صج .. انا جيت المجلس و ما شفت احد؟
* نورة: اي واحد احنا قاعدين في الثاني الي داخل مو اللي جنب الباب الخارجي.
* حمد: اها عيل روحي و انا بلحقج و بتعرفين يا الفضولية.
​

و على طول حمد صعد غرفتة و اخذ غنيمة و قال لها تعالي بعرفج على عايلتي و نزلوا و دخلوا على العايلة في المجلس

كل العايلة انصدموا و وقفوا من هول الصدمة كيف جاته الجرئة انه يجيب بنت البيت
​

* حمد: السلام عليكم.
* العايله(كلهم بصوت واحد و عيونهم مركزة على غنيمة): عليكم السلام و رحمة الله
* حمد: يبا يغيت اعرفك على خطيبتي غنيمة.
* ابو حمد: خطيبتك!!!!!؟؟؟؟؟؟؟؟؟
* حمد: اي يبا انا قررت اني اتزوج و اعيش في الشقة اللي انت شريتها لي و غنيمة بتكون زوجتي و قريبا جداً بنتزوج.
* ام حمد: انزين بس حمد انت ما عرفتنا على خطيبتك؟
* حمد: غنيمة الـ ... اضنج تعرفينها؟​

و على طول ابو حمد استلم الموضوع و طرد حمد و غنيمة من البيت و قال له : تجيب لي بنت ليل في بيتي يا الو........ اطلع برا انت وياها خسارة التربية اللي ربيتك اياها​

* صرخت نورة: يبا امي ما ادري شنو فيها؟؟؟؟؟؟
​

أم حمد صادتها صدمة نفسية و ما توقعت ان ولدها يتزوج وحدة مثل هذي و شلون يتزوجها و هي بنت ليل و هي تعرف ان ولدها مو معقوله يسوي جذي و دخلت المستشفى النفسي 3 ايام

حمد انقهر على الطردة و قرر انه يغير جو لأن اعصابة تعبة و يسافر مع الشله و كانت هذي اول مرة حمد يسافر بغرض الزنا و غنيمة كان عندها علم بالموضوع لأن حمد ما قدر يسافر بدون ما ياخذ الاذن منها

و في يوم الجمعة الدنيا مطرت و كان المطر شديد و ام حمد و هي في المستشفى قعدت على سجادتها في صلاة القيام و قعدت تدعي من كل قلبها لولدها حمد كانت خايفة انه يتزوج من غنيمة لكن ما كان بيدها شي غير الدعاء و حست ان ربها استجاب لدعائها لكن يا ترى صج ربها استجاب وله حمد بيتزوج غنيمة بالجزء الجاي بتعرفون كل شي :37:​

​

 

[غيرهم كلهم]

اووووووووووف انقهرت كتير

شو هاد

لا هي عنجد شين وقوي عين كل هالطلبات

تطلبها شو خلت لبنات البنوت وهو من صدق موافق

ولا تتشرط ما بدها عيال وتعمل كل اشي على كيفها

لهدرجة هو غبي كيف يتجوزها وصاحبه وامه يعرفوا قصتها

لسه لو ما يعرفوها وهي تابت وتزوجها يا مهون

بس هي مشكلها بتوب وكل عارف قصتها والاحلى قال ما بتحبه

لا ترى اخاف البارت الجاي انا الي تصيبني صدمة نفسية​

 

[حلا شرقي]

بصراحه قهرني هالحمد شدعوه رامي نفسه عليها لا وتتشرط والغبي موافق على شروطها صراحه هذا مو صاحي والا في شاب عنده علاقات وخرابيط يفكر يتزوج بوحده مثل غنيمه اللي......
كملي عسى الله يتقبل من أم حمد دعائها ويهديه .....

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

و لو نبراس الشرق تستاهلين احلى من هالشوكلاتة بعد

لأن الورد اللي جبتيه لي ريحة وااااااااااااااو رووعة يسلمو الغالية :5:

غيرهم كلهم سلامتج من الصدمات النفسية

بس على العموم اوعدج البارت الياي بيكون فيه شي غير

ان شاء الله يعجبج و يبعد عنج الصدمات :31:

و مشكورة على المرور عزيزتي :5:

حلا شرقي مشكورة على المرور

و صدقني حمد يوم كان بيتزوج غنيمة مو بس ام حمد اللي دعت له

العايلة كلها دعوا له :37:​

 

[غيرهم كلهم]

الله يسلمك يا قلبي

لحقيني بالبارت الجديد بسرعة قبل لا انهار :25::25:​

 

[جرح عميييق]

محبة الطاعات هنيئا لك حبك......... نفعك الله بطاعاتك حينما لاينفع مال ولابنون .نرجع لقصتنا الرائعة انت موجودة معناه بارت جديد بروعة اناملك​

 

[حلا شرقي]

وينك عزيزتي محبة الطاعات أول ما افتح النت ادور على تكملت قصتك بانتظارك.......
والله يهديه خالد اخوك مافكر يجي من السفر الا ألحين عشان ياخذك منا وماتكملين القصه......ههههههه
ترا أمزح

 

[محبة الطاعات]

بسم الله الرحمن الرحيم​

و بعد 4 شهور​

حمد في هالأربع شهور صارت له ظروف و كل ما قال بيتزوج غنيمة يصير له شي و يتأجل الموضوع لغاية ما بدا يحس انه ما عاد يحبها مثل قبل بس للحين باقي على وعدة لها و للحين ما يبي يتركها يمكن سبب شعورة بهذا الشي هو امه لأن كل ما يتصل عليها تقول له لا تتزوج غنيمة لأنها ما تنفع لك و انت المفروض تتزوج بنت ناس و من هالكلام و انتوا تعرفون كثرة الزن كيف تغير الواحد و في يوم من الأيام الشلة اتصلوا على حمد و قالوا له انهم بيرحون سفرة ثانيه مثل السفرة الأولية و حمد كان متضايق من حياته و من زواجة المتعثر عشان جذي قرر انة يروح وياهم و بالفعل يوم السفر و لما حمد كان بالمطار و بالسوق الحرة تحديداً​

* حمد: عمر انا متضايق حاس روحي ما بنبسط بهذي السفرة.
* عمر: ليش تقول جي .. انا ما ادري شنو فيك صار لك يومين مو على بعضك؟
* حمد: تدري بروح اتمشى بروحي بليز لا تخلي احد من الشله يلحقني اوكي؟
* عمر: اوكي.​

و لما حمد كان يتمشى شاف وحدة مثل القمر و كانت متحجبة و لابسة عباية فضفاضة و كانت ماسكة في ايدها قرآن حمد لما شفها حس انه قلبة بيوقف و شهق من كثر انبهاره فيها مع انه كان يعتقد انة يحب غنيمة و كانت ماخذه كل عقله بس هالبنت شي غير يمكن حس لما شافها بالطهاره ما ادري .. و هذي مو اول بنت يشوفها ملتزمة لأن البنات الملتزمات اللي شافهم بحياته وايد و كان لما يشوفهم ما يتأثر فيهم بس هذي غير يقول حمد " اول ما شفتها حسيت فيها شي جذبني مع انها ما كلمتني و لا طالعتني حتى, بس حسيت ان الكون وقف و حسيت ان ما في احد بالعالم الا انا و هي " و قرر انه يتواصل معاها و ما يتركها ابد و قرر انه يرقمها لكن اللي حصل؟؟؟؟ ​

* حمد: امممم السلام عليكم.
* البنت(كانت مشغولة تطالع الأشياء الي جدامها و لما سلم طالعتة): عليكم السلام و رحمة الله و بركاتة .. أخوي بغيت شي؟؟
* حمد: اييي .. بصراحة انا انعجبت فيج ووووووو ودي لو نتواصل .. امممم و هذا رقمي. <<<< و مد ايده كان فيها ورقة كاتب عليها رقمة​

البنت لفت وجها عنه و مشت, حمد ما عرف وين راحت لكن عقب شوي جات البنت و معاها امها​

* الأم: السلام عليكم و رحمة الله و بركاتة.
* حمد(مصدوم): و عليكم السلام.
* الأم: يا وليدي انت شكلك صبي عاقل و محترم و مو مال هالسوالف و اكيد ما ترضى ان يصير لخواتك الشي اللي انت سويته لبنتي.
* حمد: اي بس يا خالتي انا غصدي شريف.
* الأم: بس البيوت لها ابواب يا وليدي و البنت لها ابو.
* حمد: و انا مستعد اسوي اي شي تامريني فيه, بس و الله انا غصدي شريف.
* الأم: طيب اذا غصدك شريف بعطيك رقم ابوها و اول ما يرجع من السفر كلمة.
* حمد(بكل حماس و هو يطلع جواله): اوكي قولي الرقم.
* الأم(بعد ما عطتة الرقم): ان شاء الله بو محمد بيرجع من العمرة يوم السبت الجاي تقدر تتصل عليه في اي يوم يريحك.
* حمد: بس يريتج يا خالتي تبلغينة ان انا (حمد الـ.....) باتصل عليه يوم الأحد ان شاء الله ... اممم بس هو في اي وقت يكون فاضي ؟
*الأم: بعد صلاة العشى ان شاء الله.
* حمد: خلاص اوكي و ان شاء الله ترجعون بالسلامة.
* الأم: الله يسلمك يا وليدي و عن اذنك.​

حمد حس روحة طاير من الفرحة و اخيراً و بعد طول غياب رجعت له الأبتسامة و حس انه انسان ثاني حمد جديد مو حمد القديم حس انة حياته منورة و انا كل شي في حياتة غير و ما كان ودة يرجع للشلة و لا كان ودة يسافر بس ما يقدر يسوي هالشي​

​

و سافر حمد و لما وصل هناك حس ان المكان مو مناسب له و كان ودة يكون بروحة بس يفكر بالبنت الجديدة و يا ترى شنو بيصير له لو تزوجها؟ و شلون بيعيش معاها يا ترى بتقدر تسعدة؟ عشان جي قرر انة ياخذ له غرفة بروحة و هذا اللي صار لكن و هو يفكر صحى على كابوس حمد تذكر شكل البنت و شكل الأم و كان باين من شكلهم انهم من عائلة محافظة و البنت كانت شايلة قرآن و هذا يأكد له الموضوع و كانوا رايحين العمرة, صرخ حمد " لأأأأأأأأأأأأأأأ .. مستحيل كيف بيقبلون فيني و انا سكير و راعي بنات و تاريخي يشهد لي" و اسودت الدنيا في وجه حمد و جلس يبكي و يبكي و يبكي لغاية ما حس ان الدنيا صارت اضيق من خرم الأبرة و ظل على هالحال لغاية ما رجع الديرة, لكن طول هالفترة عمر ما ترك حمد في حاله و يحاول انه يخفف عنه لكن حمد ما كان يرد عليه و كان يناظرة و يرجع لدموعة, عمر كان قلبة يعورة على حال صديقة و كان يبكي وياه و لما رجعوا الديرة عمر ما قدر يهد حمد و قرر انه يوصله لغاية بيتهم, و لكن ما كان يدري انه حمد مطرود من بيتهم ​

* حمد: عمر ودني الشقة لو سمحت.
* عمر: ليش ما بتروح بيتكم؟
* حمد: لأ انا ساكن بالشقة الحين.
* عمر: و بيتكم؟
* حمد: اوووف عمر مالي خلق اتكلم ابوي طاردني من البيت خلاص عاد.
* عمر: خلاص اوكي اوكي انا اسف.​

عمر خمن ان سبب الحزن الي فيه حمد الحين هو طردته من البيت و قال اكيد امه واحشته او احد من البيت, يعني هو يعرف ان حمد عاق بس ما يدري شنو موضوع حزنه و حمد ما قال له متى انطرد؟ من جذي فكر ان يمكن حمد انطرد قبل السفر عشان جذي حالة تغير بزيادة من هذاك الوقت و قرر انه يكلم اخو حمد الكبير سعد و يشوف رايه بالموضوع ​

* عمر: الووو السلام عليكم.
* سعد: عليكم السلام و رحمة الله و بركاتة هلا عمر.
* عمر: هلا فيك .. اممم سعد بغيتك بموضوع فيه خير و ادري انك عن الخير ما بتأخر.
* سعد: اكييييييد امرني .. خير شنو صاير؟
* عمر: و الله الموضوع يخص اخوك حمد.
* سعد(قاطعة): خير .. أخوي حمد فيه شي .. طمني .. انا ادري انكم على طول مع بعض.
* عمر: لا تطمن ... بس و الله ما ادري شقول لك حمد من فترة متغير و احنا كنا مسافرين و اليوم تونا راجعين و حمد طول فترة السفر كان يبكي و حالتة لله ولما كنت اسأله ما كان يرد علي و اليوم قالي انه انطرد من البيت عشان جذي انا قلت اكلمك لأن حمد لو استمر على حالة ممكن يروح فيها على العموم هو حالة متغير من 4 شهور بس الموضوع بدا يزيد لغاية ما وصل حدة في الأسبوع الأخير اللي انطرد فيه.
* سعد: خلاص اوكي تطمن انا بجيكم انتوا في وين؟
* عمر: حمد بالشقة و انا قاعد اكلمك من تحت العمارة قلت حق حمد ان عندي مكالمة ضروريه و برجع لأن بصراحة ما اقدر اتركة بروحة اخاف عليه.
* سعد: خلاص ان شاء الله انا جاي لكم الحين يلا مع السلامة.
* عمر: مع السلامة.​

​

و سعد راح لعمر و حمد في الشقة و اول ما رن جرس الباب حمد خاف و ما كان عارف من الي جاي له و عمر طمنة و قال له انه كلم سعد و اكيد اللي عند الباب هو و راح فتح الباب​

* سعد : السلام عليكم و رحمة الله و بركاتة.
* حمد + عمر: عليكم السلام.
* سعد(دخل و جلس في الكرسي الي جنب اخوة و حط ايدة على ركبت حمد): حمد خير طمني عنك عمر يقول انك تعبان.
* حمد(عيونة امتلت بالدموع و رمى نفسه في حظن اخوة): انا متضايق يا سعد.
* سعد: حـــمـــد ... شفيك و انا اخوك.
* عمر: هذا حالة من سافرنا و هو جذي.
* سعد(رفع راس اخوه و حط عينه في عين حمد): خلك قوي مو عشان طردة تسوي جذي انت رجال و ان كان هذا الشي اللي مضايقك اترك هالحال اللي انت فيها و انا بوقف وياك مو بس انا انا و كل الأهل و حتى ربعي .. حمد انت مو بروحك و انا اخوك.
* عمر(و هو يبكي متأثر): حمد و انا وياك ان كان سعد اخوك من امك انا اخوك من ام ثانية و لو تبي عيوني اعطيك اياها.
* حمد: عمر .. سعد انا تعبت من حالي ابي اتغير ابي اصير انسان ثاني انتوا ما تدرون شنو السبب.
* عمر + سعد: شنو السبب؟
* حمد(قال لهم قصة البنت و كيف انه الدنيا صارت سودة في وجهه): طيب انا ابيها و ما ابي ريم و ابي اغير حياتي بس كيف اهلها بيوافقون علي و انا سكير و راعي حريم.
* سعد: يعني انت من صجك تبي تتغير و تترك ريم؟
* حمد: و الله .. و الله ابي اتغير بس انا متأكد ان ابوها بيرفضني (و يطالع سعد) انا مستعد اصلي و اصوم و اصير انسان ثاني بس لو هالبنت رفضتني انا بجن.
* سعد: انزين تعوذ من ابليس و بما ان الحين بقى شوي على اذان المغرب قوم توضى و امش نروح المسجد و نصلي و ادعي ربك بكل قلبك و انت ساجد و ان شاء الله الله بيستجيب لك و انا بوقف وياك .. بعد تدلل؟
* حمد: الله يخليك لي يا الغالي. <<<< و باس اخوة من كتفة
* سعد(و هو يطالع عمر): و انت بعد قوم ويانا لا تفكر اني بنساها لك انت وعدت حمد انك بتكون وياه يعني لازم تكون وياه بهالموضوع يلا امش ويانا خلنا نصلي و عشان كلنا نساند و نساعد بعض.
* عمر: ان شاء الله بس .. اممممممممممم انا مو متوضي.
* حمد(و هو يضحك): هههههههه يعني من قلة الماي عندنا؟ امش الحمام يلا بلا دلع.​

و راحوا حمد و عمر يتوضون و بعدين راحوا مع سعد يصلون و في الصلاة حمد بكى بقوة و بخشوع و طلب من ربه انه يغفر له و يساعدة و يخلي هالبنت توافق عليه, و لما خلصوا الصلاة سعد عطى عمر و حمد محاظرة صغيرة عن ان الأنسان لما يتوب لازم تكون توبتة لله مو لبنت او لشي ثاني عشان ربي يوفقة و لازم يحاول يرضي ربه عشان الناس يرضون عنه و حمد و عمر طول المحاظرة كانو يبكون على حالهم و حمد حس انه نظيف لأول مرة في حياتة و لما قال حق سعد عن شعورة سعد قال له انه لازم تكون توبته لله و ان لو البنت ما وافقت عليه ربي بيرزقه باللي احسن من هالبنت و من هالكلام لكن حمد رد على سعد ان حتى لو البنت ما وافقت عليه خلاص هو قلبة تعلق بالمسجد و بالصلاة و يبغي يتم على هالحال و عمر اكد على كلام حمد و قال انة هو بعد عجبتة الصلاة و قرر انه يساند حمد و ما يخليه بروحة و يوقف معاه ​

يا ترى هل حمد بيتقدم حق البنت وله لا؟ و هل اهل البنت بيوافقون عليه خصوصاً و ان تاريحة اسود؟ و هل لو رفضوة حمد بيتم على حالة و له بيرجع مثل قبل؟ و شنو مصير ريم هل بيتزوجون وله لا؟ و هل عمر بيكمل المشوار مع حمد وله بيخليه بروحة؟ اسأله وايد وايد وايد و حلولها ان شاء الله بالبارت الياي انتظروني :37:​

 

[محبة الطاعات]

بسم الله الرحمن الرحيم
السلام عليكم و رحمة الله و بركاتة

​

غيرهم كلهم

سلامت قلبج من الأنهيار البارت الجديد نزل و في انتظار تعليقج على احر من الجمر

اليوم كنت ما بنزل البارت لأني مريضة بس يوم شفت ردج تشجعت و قلت حرام بنزلة و قعدت اكتبة في 6 ساعات شوي اكتب و شوي اريح بس وربي تستاهلون كل خير انتي و كل اللي يتابعوني :37:

جرح عميق اشكرج عزيزتي من كل قلبي على ردج الي اثلج صدري بجد كلامج ضربني على الوتر الحساس عسى ربي يرضى عنج و يرزقج من حيث لا تحتسبين اللهم امين :5:

هههههههههههه حلا شرقي مشكورة على التعليق فديتج و طيرتي قلبي من الفرح يوم قلتي لي ان اول شي تفتحينة روايتي
ربي يسعدج و يرضى عنج

يسلم لي مرورج الروعة :5:

حبيت اشكر كل اللي يتابعوني :5:

و اقول للكل ترى البارت الجاي مو الأخير للحين للقصة بقية :msn-wink: ​

 

[مهر الجنان]

ما تشوفين شر
لا بأس طهورة إن شاء الله
سلامتج و الله يعطيج الصحة و العافية
آمين

 

[هدوء أميرة]

ننتظر ​

 

[حلا شرقي]

سلامات عزيزتي ماتشوفين شر انشالله .............
والحمدلله ان الله هدى حمد الله يثبته وانشالله يقبلون فيه اهل البنت ..........
بانتظارك.....................................................

 

[بنت الوادي 2000]

اختي محبة الطاعات تسلم اناملك ع ها القصه الروعه والله اني انتظر القصه ع احر من الجمر
القصه فيهاعبره كثيرالله يوفقنا واياكي لما يحب ويرضى

 

[غروربنوته]

سلامتك ياغلا...........

ننتظر البارت الجديد وان شاء الله البنت توافق عليه

 

[غيرهم كلهم]

الله يشفيك ويعافيك حبيبتي

انبسطت كتير عشانك تشجعتي من ردي وكتبتي البارت الجديد

:a084::c045::a084:

ما شاء الله البارت جديد روعة الله يهديهم ويثبتهم

بس عمر ضحكتني كتير ههههههه :c007:

شكله قلبه طيب اكثر من حمد بس رفاق السوق الي خربوه

يلا يا حلوة اشربي كاسة ليمون وكملي

:a115:​

 

[نبراس الشرق]

ما شاء الله تحولات جديد في حياة حمد

عجبتني البنت الي بالمطار على طول

راحت لامها وخبرتها بان حمد اعطاها

رقم الجوال وهذه يدل على حسن تربية البنت

وكذلك على علاقة الام الرائعه ببنتها

والي فاقدينه هذه الايام

وكذلك لفت نظري طريقة النصح والارشاد واسلوب الدعوه الصحيح
من قبل سعد اخو حمد

ننتظر باقي القصه وهل من

مزيد من المفاجئات يعطيك العافيه ​

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

مهر الجنان

الشر ما أيج و الله يسلمج ياربي

مشكورة على ردج اختي الغالية :37:

حلا شرقي

الله يسلمج يارب و الشر ما أيج ان شاء الله

و ان شاء الله شوي و انزل البارت الجديد

مشكورة ردج الرائع :5:

بنت الوادي 2000

الله يسلمج يارب

امييييييييين يارب و حابة ازيد على دعوتج و اقول و يجعلنا من عبادة الصالحين يارب

مشكورة على مرورج الرووعة :37:

غرور بنوتة

مشكورة حبيبتي على مرورج :5:

و الله يسلمج يارب
و ان شاء الله بنزل البارت الجديد بعد شوي

​

غيرهم كلهم

هههههههههه و الله يوم اشوف ردج غصب اضحك فديتج انا :31::31:

و ان شاء الله دوم مبسوطة يارب

على فكرة حمد و عمر اساس مشكلتهم رفقة السوء و هذي مشكله نعاني منها في هالعصر اللهم ابعدنا عن رفقة السوء يارب

يسلمو حبيبتي على مرورج الراقي :5:

نبراس الشرق

صح كلامج احنا افتقدنا هالنوع من العلاقة بين البنت و امها في هالزمن بسبب انشغال الأمهات في اشياء ثانية و للأسف هذا السبب في انحراف اغلب البنات الله يهديهم يارب

بجد فرق بين ام هالبنت و ام غنيمة

و على فكرة بالنسبة لسعد مثل ما قلت لج من قبل عائلة سعد عائلة متدينة و مرتبطين بالدين وايد و من صغرهم علموهم اهلهم على طريقة النصح السليم عشان جي سعد مو غريب عنه انه يكون قادر انه ينصح اخوه بطريقة حلوة و تجذبة

مشكورة الغالية على مرورج الرووووعة :37:
​

 

[رووري]

متابعه بصمت
في انتظار الجدييد