من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك
آشتركي معنا الآن !حبيبتي اعطي الحب وقنني العطاء راح أضرب لك مثل ( انتي تحبين ابنك المراهق لكن هل معنى هذا انك تعطينه مثلا الفلوس بدون حساب ... لا طبعا ليه ؟ لأنه مااح يصرفها بشكل صحيح غالبا ... راح تساعد في ضياعه ... المراهق مايتصرف بعقلانيه والفلو في ايده راح تضيع على رغباته وطلباته والمراهق طلباته ماتنتهي .. بينما لو قننتي مصروفه واعطيتيه بحساب راح يظل محتاج لك وملتصق فيك وتحت عينك وتدرين عنه )
طيب كيف استخدم هذا الاسلوب مع زوجي مع العلم اني لا اعمل...ياااريت تعطينا مثاااااااااااااااااااال؟؟؟
طبعا الزوج مو مثل ابنك المراهق .. وسواء كنتي موظفه او غير موظفه ... سواء كان العطاء مادي او معنوي ... الهدف نعطي لكن بحدود صحيح ماننتظر مقابل لكن مانعطي بالهبل لا ... شوي شوي ... مره ايه ومره لا ( حتى لو كان الزوج حبيب وطيب ) المال السايب يعلم السرقه !!!!!!
راح اعطيك مثالين :
1/ زوجه موظفه أو غير موظفه بس يتوفر معاها فلوس من هنا وهنا ... لابد تقتنعين بأن مصاريف ومتطلبات الحياه شي مافرضه الله عليك ... غصب عن الزوج يتولى هو النفقه ( هذا الشرع ) لكن ان حبيتي تساهمين فخير على خير وان ماحبيتي فانتي صح لاتخافين ( هذا الشرع )بمعنى مره اشتري شي للبيت ومراااااااااااااات لا ... مره ساهمي في أغراض الثلاجه ومراااااااااااااااااااات لا .. ساهمي في ملابس الأولاد ومرااااااااااااااااااااااااات لا ... يعني تعطين متى مابغيتي وتمسكين متى مابغيتي مو أول مايطلب الرجال تدقين صدرك وتتكفلين بالموضوع لا اعرفي اللي لك واللي عليك ( ولهن مثل الذي عليهن بالمعروف ) لك نفقه مقابل الاستمتاع والقيام بحقوق الزوج ( هذا الشرع ) ماجبنا الكلام من عندنا ... لابد يفهم الزوج انك اذا عطيتي فهذا تكرما مو ارغام من أحد ... وقتها فلوسك يصير لها طعم ثاني لأنها ماتجي دايم بس أهم شي انك ماتمنين أبددددددددددددددددددددددد عليه باللي تعطين كمان الشغله مو مذله ... مجرد حفظ الحقوق .
2/ زوجه عاطفيه :
شيء جميل لكن لاتبعثرين عواطفك يمين ويسار بسبب وبدون سبب ... أعطيه الحب والحنان والرقه واللطافه لكن بحساب ( عذوبته في عذابه ) خليه يتمنى الأحاسيس هذي منك ماتستهلك .. يعني لاتغرقينه في الحب يختنق .. ( المويه لما نشرب فوق الحد الطبيعي نغتث وهي مويه أساس الحياه ) تصدقين أعرف وحده تبالغ جدا في تعاملها مع ام زوجها بطريقه ممله جدا في المناسبات والله شوي وتوكلها بيدينها .. عكس زوجة الابن الأصغر محترمه وواثقه من نفسها والله تعامل الخاله مع الثنتين فرررررق نحسها تضرب الف حساب لزوجة الأصغر عكس زوجة الكبير اللي استهلك عطاءها فصار رخيص الثمن ( الزوجتين محترمات للأمانه وكلهم بنات اصل تربيتهم كويسه ) لكن وحده مغليه نفسها فأغلوها الناس والثانيه زهدت في نفسها فزهد الناس فيها .... العطاء رائع لكن بحدوووووووووووووووووود .
صداقه هادئه :
حيث يعمل الطرفين على احتواء المشكلات والبعد عن أسبابها ..
وان يتفقان على العمل كفريق كل طرف يعمل من اجل الآخر يصبر يبذل يتودد من أجل رضا الطرف الأخر ... حياتهم قائمه على المشاركه الفعاله ليس بالضروره ان يكون هناك كم هائل من الرومانسيه ... يكفي الحب الحقيقي والإحترام المتبادل والسعي لرضا الطرف الثاني وراحته وان لم يتم هذا الا بالتعب ( كأن تجد الزوج والزوجه محبان لبعضهما وبينهما احترام متبادل واشتياق ومصالح ... هما كالفريق الذي يعمل في اطار مشترك ... وهذا لايمنع ان يغيب احدهما عن الآخر بل على العكس من ذلك قد يغيب الزوج لشهر او اكثر فيعود ليجد بانتظاره زوجه محبه تستقبله وتقدره وتقدر له غيابه ... حياتهما قد تخلو من الرومانسيه المتدفقه .. فنجد ان الزوج لايرسل لزوجته مسجات رومانسيه لمدة عاماو اكثر بل قد تفوته تهنئة العيد لأنها بجانبه فلما التهنئه ولكن هذا ليس مؤشرا لغياب الحب بل الأمر يخضع لشخصية الزوج الذي تربى في بيئه جافه قاسيه لم يألف العواطف والمشاعر الجياشه لكنه في حقيقته انسان محب لايسمح لنفسه بتجاهل الطرف الآخر قسوة .... او ان يكون الزوج عقلاني يترجم حبه بالأفعال وليس الأقوال كأن يلبي حاجات زوجته ويوفر لها المأكل والملبس والمسكن والرفاهيه التي تناسب وضعه الإقتصادي كالهديه والنزهه والسفرلكن التعبير عن مافي داخله أمر لايؤمن به ) .
س:
كيف اطوررررررررر هذا النوع من الصداقة لان كلانا تعود علي هذا الحاااال كيف لي ان اجعله صداقة حقيقيه؟
مشكوررررررررررره استاذه ندي وبارك الله فيكي