تسلمين على الموضوع الأكثر من رائع ............ وكل من شارك
الله يرحم والديك ويجزاك ربي الجنه ............. بكون شاكره لك جدا أختي ( احساس ما ينداس)
لو تدليني وترشديني. .....فانا اعيش ايام الم وتخبط , من زوجي ( هو شمالي غربي وفيه بعض صفات الشرقي) وانا (جنوبية )
الأمانه لله هو مو مقصر معاي باي شي عازني اخر معزه ، لكن للأسف يكلم ويراسل بنت كانت معاه في
عمله هو دكتور، في بداية اكتشافي لمسجاته واجهته وكنت منهاره وهو اعتذر وبكى وانا حاولت انسى
ولا كان شي صار، لكن للأسف الموضوع تكرر لكنه لامني في المره الثانيه وقال لي انه مجرد شك مع اني
كنت شايفه تغيره ومسجاته,وانهينا السالفه ، وحاولت اعيش...
وبعد فتره رجع يكلمها ويراسلها بزياده ( المراه تعرف زوجها لما يتغير ) اهتمامه بالجوال زاد ، وطلعاته زادت
وافهم تلهفه على جواله واعذاره ، والجوال معاه في الحمام ، في جيبه وهو نايم ،،، تعبت والله تعبت
كاتمه في صدري ومايعلم فيني الا ربي، ربي يعلم لو بغيت هديت له البيت ، لكني ابي احافظ على بيتي
انا عارفه هو شيحب، ويامه لمح لي ،، وانا الحين قاعده اطور لغتي واقدم على وظيفه واحاول اكمل دراستي
وقوي ثقتي بنفسي ، لكن مو عارفه كيف اتصرف معاه ، مكالماته زايده اخاف ان سكت تعلق اكثر
وان تكلمت خربت بيتي ، هي كانت زميلته ، انا افهم انه لقى المواصفات اللي تشده
بس تكفين ساعديني كيف اتصرف.....
تكفين انتظرك ردك بسر عه