اخر تطورات قصتي مع خيانه زوجي والخدامه .. لحياتي بورطه..

[دجى الليل]

(حياتي فورطه) عزيزتي لاتفكرين ابد انج الذي تسوينه خطء لان في جميع (مقالات ناعمه الهاشمي) انج تعطين زوجك الخائن درس لن ينساه ابد وانج ابدا لاتواجهينه بخيانته التي اكتشفتيها ,واجهيه في الاخر وان الذي خبرج عشيقته علشان يعرف ان الذي يسلك الدرب هاذا يقع في الفضائح .

 

[كييوت]

ماشاء الله عليك انسانه قوويه انا مااقدر لازم اواجهه

 

[جروح مخفيه]

الله يفرج همك يارب رااااااح اتابعك
للنهايه ان شاء الله
​

 

[دهن عووووود]

ماشاء الله عليك الله يقويك عليه وبعدين الاخوات اللي يلومونك مايدرون انك تحاولين تحافظين على حياتك واولادك واذا الحرمه مااستعملت ذكأءها في هذي الامور اجل متى تستعمله صراحه خطتك فضيعه وماشاء الله على اخوك الله يخليه لك يارب ماقصر والله قال في القران كيدهن عظيم وهذي احدى الطرق للكيد لتأديب اللي يلعب بذيله الله يرجعه لك ويسخره الله يستر عليك ويبعد عنك كل شر

 

[القمر الخجول]

ياليت كل وحدة يخونها زوجها تقدر تأدبه وتوريهخ نجوم الليل علشان لا يروح للحرام مرة ثانية

 

[&الماس&]

ماشاء الله عليك صبوره وحكيمه الله يسخر لك زوجك ويبعد عنه اولاد الحرام وبنات الحرام واصحاب السوء امـــــــيــن

 

[نجوم نص اليل]

الله معاك وانشاء الله للافضل وزين سويتي الله يحفضك

 

[ودعانيه]

يأخوات الي تعارضون اختنا حياتي في ورطه هي ماقالت اني بسبب له مشكله ولاقالت بتطلق حتى وهو من حقها تطلب الطلاق قالت تبي تحافظ على زوجها وتعطيه درس وهو خــــــــــــــــــــــــــــــاين شوي الي تسويه معه

اقول يااختي بارك الله فيك وفي عقلك وماعليك خليه يحترمك ويحترم وجودك وانك زوجه لك مشاعر

 

[RedRose]

اذا تبين نصيحتي العبي على تخويفه اللين ما يبطل هالحركات
لكن لا تواجهينه لان الزوج اذا انكسر قدام زوجته في موضوع زي كذا صعععععععععععب جداااااااااا ترجع علاقتكم زي قبل

والله يهديه ويسخره لك​

 

[رياح الود]

أختي تابعيه بصمت وإذا تقدرين تجيبي لك جوال جديد يكون بدون اسم وكل شي يسويه ترسلين له تلميح بعد فترة مو على طول علشان ما يشك فيكي..خليه يعيش بقلق وبالتالي يمشي صح وباستقامة..

 

[هدهد الشرقيه]

الله يوفقك يارب

 

[الروح تشتاقلك]

مشاءالله علبك الله ينورك كمان وكمان وينورنا معاك

 

[العنود 19]

والله انك بنت ابووووووووووووووووووووك
كفوووووووووووووووو

 

[الورده المجروحه]

مشاء الله عليك تباااااارك الرحمن

الله يهدي لك زوجك ويرجعه يارب

ويهدي زوجي كمااااااااان والله الواحد بهدنيا مو مو مرتاح ابد

 

[آآآآه بس]

والله الرجال مايبيلهم الا وحده بمثل حكمتك وتفكيرك
الله يسخره لك ويبعد عنه الحرام

 

[استفاقة عطر]

ماشاء الله تبارك الله..
خطتك رااااااائعه و100%
ماعليك من احد كملي خطتك والله من جد حكييييييييييمه وصاااااااابرة الله يزيدك ويثبتك.
اختي الحبيبه.. حياتي بورطه..
اتمنى منك تقبل كلااااامي برحااااابة صدر,
والله ان متابعة موضوعك من اول مانزلتيه, وكل يوم اشيك عليه اشوف ايش استجد بامرك,
وادعييييييييلك كثير, بس انتي لا تنسين سؤال ربك عز وجل انه يعينك ويستر عليك وعلى زوجك, وادعي كل يوم اللهم احفظ زوجي بحفظك يامن لا تضيع ودائعه استودعتك زوجي, اللهم حصن فرجه وسمعه وبصره عن الحرام, عودي نفسك ولا يمر يوم ماتقولي هذا الدعاء وخلييه خاااااااااالص من قلبك,
الله يحفظ ازواجنا من الحراااام,
الله يعينك .. بانتضااااار تتمة الخطه.

 

[أبيض القلب]

بطله ياغدعه
الله يرده لك ردا جميلا ويبعد عنه عيال وبنات الحراااااام

 

[حياتي بورطه]

إنزين ليش ما تضربين عصفورين بحجر
راوي زوجكي الصور وهو بالتأكيد راح يعرف إنها صور صاحبه صدقيني بيكرهه وبيكره اليوم اللي عرفه فيه
مهما كان الرجل ما يرضى على زوجته تشوف صور مثل هاذي فما بالكي صور صاحبه وانتي لا تقصرين بينيله إن هالصور أثّرت فيكي ولاعت كبدكي منها واقعدي حققي معه هاذي صور مين ومدري شنو وإذا عارف إنكي تعرفينه قوليله إنكي بتفضحينه هالخايس و و و .......... وبكذا تكونين ضربتي عصفورين بحجر ( زوجكي وصاحبه )

كلمته وقلت له اول شي انصدم وقعد يضحك الضحكه الصفره.. ومارد على ولا شي قلته وطنشني.. !!!!!

 

[حياتي بورطه]

انت انسانه رررررررررررررررررررررائعه الله يقويك ولا يجي على بالك تواجهيه خلي التأديب يجيه من برا وانتي ولا كانك داريه عن شي واهم شي تنتبهي من هذي الفلبينيه اللي تساعدك لا تقلب عليك خليكي حريصه منها وربنا معك ياعسل

الفلبينيه اللي سوت لي الخدمه خلالالالاص انا متفقه معاها بس تسويلي هالمكالمه وعقبها تمشي
ولا تتصل فيني ولا اتصل فيها بتاتا..وفعلا راحت بحال سبيلها..

 

[حياتي بورطه]

احيييج و بقوة
اختي عجبتني شجاعتج و اللي يفتقرونها كثير من الحريم يسكتون و يخشون في قلوبهم خوفا من الطلاق
صح ان ابغض الحلال عند الله الطلاق لكن هل الصحيح انه الزوجة تحط في خاطرها و تظر نفسها
نفسيا و جسديا, ماعتقد هذ الشيء صحيح
يا ريت كل الحريم يعتبرون من قصتج و يستفيدون منها ترى الحياة مش ريل و السلام ايا كانت عيوبه ارضى
فيه بس عشان يكون اسمه ريال لا المفروض اذا شفنا الغلط ما نسكت نخطط انواجه و اللي يلومون الاخت
لو اي وحدة طبيعية شافت و سمعت ريلها في هذا الموقف ما بتسكت و بتم شاكة فيه لفترة
و ليش على طول نطلب من المراة تسامح الي غلط لازم ياخذ جزاته هل لو شاف الريال زوجته
مع احد ثاني بيفكر للحظة وحدة انه يسامح.... مستحيل
خلوها تشفي غليلها و تادبه عشان يوم ترجع الامور طبيعية اتحس انها قوية و عندها كرامة و انتقمت لنفسها
صح حافظت على بيتها وزوجها و بعد عطته درس لا يمكن ينساه و لا يمكن يكرر هالشيء
و هذا الشيء اللي بتسويه مفيد لانه بتحافظله على دينه بدال ما يظيع و ربه يغضب عليه
بتكون هي مرتاحة انه رضى ربه و ارضاها
الى الامام اختي و استمري و كل شيء له ثمن و انتي مب رخيصة و ثمنج غالي حسسيه بهالشيء
طولت عليج اسمحيلي بس هذا من شدة اعجابي بموقفج الايجابي

حبيبتي تسلمين عالكلام من ذوقك والله وماني عارفه شقولك الله يحفظك..شكرا
حمدالله ان الاغلبيه فاهمه انا ليش حاطه قصتي لحظه بلحظه..علشان يستفيدون من قصتي
مو اكثر..صج ماني دارسه ولا استشاريه بشئون الاسره ويمكن طريقتي غلللط بس عشت بين اخوان اكبر مني وتعلمت وايد اشياء من امي وعلاقتها مع ابوي..انشاءالله يارب تكون قصتي ماشيه بالطريق السليم..علشان الكل يستفيد..
بقولك شي انا كانت عندي الحياه ريلي وولدي بس الحين احاول وبديت اطلع من هالدائره بعد ما انصدمت يعني بديت اعيش
وما اخلي شي يهزني وياثر علي لان بالنهايه محد بينجلط و بيذوق المر والمرض غيري..
ف ليش اعطيه مجاااااااال يستانس وانا اعيش في هم لالالا بالعكس اصلا غرقته اهتمام وكلام حلو,,لان ابي احسسه بالم تأنيب الضمير ان قاعد يطعني بظهري ويخونني وانا لبيه وامر.. وبطريقه غير مباشره احسسه بالندم تره من اكثر الحروب قسوه الحرب النفسيه وانا اشوفه الحين مو قادر حتي ينام وكله يفكر..
بنفس الوقت انا احب زوجي اكيد واحس ان تحدي ابي استعيده لي بروحي وداشه معركه وحرب بس
بارده الاعصاب شويه..ناويه استرد زوجي واجذبه لي وفعلا ناويه على شغلات بس مع الايام راح يشوف بدون لا اتكلم..بس خطوه خطوه وبتكتيك.. تره اكتشقت العصبيه والفضايح ماتفيد ولا الاهل ولا شي يفيد غيييييييييييييييير هالعقل والحكمه والذكاااااااااااااء..
انا ارفض الطلاق وبشده في اي حال من الاحوال,,وبتم احارب لين يعرف معدني و يحطني فوق راسه وبفتح عيوني
من غير مايحس ان في احد يراقبه ولا احسسه بتغير وفعلا تره اهوا خانني بس هم اكيد كان هذا درس لي
يمكن اكون قصرت معاه بشي يمممممممممكن وجايز بس انا ادري ان اهوا يبي شي محرم فحمدالله ان
جدام الله انا مو مقصره انشاءالله بس هم الواحد ياخذ درس من هالحياه ويغير نمط حياته واسلوبه..