اخر تطورات قصتي مع خيانه زوجي والخدامه .. لحياتي بورطه..

[ROSES BLOOM]

زين ما قلتي لنا ليش انحاشت الخدامه ؟

 

[سالي تو]

ياعيني عليكي الله يوفقك والى الامام
اعطيكي درجة امتياز ماشاء الله عليكي شكلك صبورة.

 

[سيره كويتيه]

الله يهدي زوجج ويصلح شأنكم

 

[.. أنـــآ ..]

ننتظر بقيــــه قصتكـ ..


والله يهدي ازواجنـآ جميــعآ

 

[حنين الـ ش ــوق]

اسال الله العضيم ان يرد اليك زوجك ردا جميلا وان يهديه ويفتح على قلبه فتحا مبينا\\\\\\\\\\

 

[~ على نياتها ~]

الله يعينك

السي دي اللي فيه المكالمات اللي بالسياره خلي اخوك يتصل من كبينه او اي جوال ثاني ويخليه يسمع السي دي

ويقفل الخط بوجهه

وبعدين قولي للفلبينيه تتصل عليك باوقات يكون زوجك موجود وانتي احذي اسمها من عندك

علشان لو اتصلت يبان انه رقم غريب

واذا اتصلت لاتردين وقولي لزوجك شوف هذا رقم غريب مزعجني وانا مارديت

شوفي وش يسوي خاذي بترعبه اكثر

<<<< شريره

الله يرده لك ردا جميلا

 

[لون الربيع]

ارعبيه احكي بشكل غير مباشر عن زميلتك بالعمل خدامتها خبيثة وطلعت

 

[لون الربيع]

ارعبيه احكي بشكل غير مباشر عن زميلتك بالعمل خدامتها خبيثة :23: وطلعت
مريضة بمرض جنسي والحين زميلتك متأدية بعلاجها وناوية تسفرها
وخسرت عليها مخاسير
خليه يدوده ويفتر راسه وتصيبه حمى الشغالات:31:
شفتي ربك قادر وين بالامس جبروته وانكسااااار نفسك
ووين اليوم ضعفه وجبر نفسك
ربي يجبر بخاطرك وخلك متماسكة رجال ماتجي الا بالعين الحمرى :30:

 

[يامتعبني]

الله يسهل امورك ياقلبي انا احب الانسانه الذكيه الي كذا وانا واقولك دربك خضر وروحي قدام الله يسهل عليك انشالله وربي انشالله مايضيع تعبك عالفاضي

 

[شخصية]

ذكرتيني بوحدة كانت جارتي .. عرفت ان زوجها يخونها مع الفليبينية و في بيتها .. يسوي نفسه يسهر عشان يطالع المصارعة و عقب ما تنام يسوي اللي يباه .. المهم بعد المواجهة انكر و كبرت السالفة مع تدخل اهلها و طلعوها هي الغلطانة و الشكاكة و بتخرب بيتها بايدها و في النهاية هي عشان تسكتهم و تمشي حياتها اقنعتهم بان كل شي كان سوء ظن منها !!! و تمت لين انتهى عقد الخدامة ( بعد التجديد ) يعني قعدت عندهم اربع سنين حسبي الله عليهم الاثنين .. عقب انقطاع طويل (خمس سنين ) بسبب انتقالهم لمنطقة ثانية شفتها في السيتي .. و سألتها شو الأحوال مع زوجها ( بحكم اني اعرف الموضوع كامل ) فقالت إنها سوت خطة حق ريلها خلته يوسوس و يخاف من ظله و يداري خاطرها .. قالت انها مرة قالت حق زوجها ( تخيل شفت منو في المول قالها منو ؟ قالت خدامتنا فلانة ....... ، تصدق انها اتزوجت واحد شايب من الامارة الفلانية .. بصراحة هي اللي اتعرفت علي و يت اتسلم و عرفتني على ولدها ..و انا كلما استرسل في الكلام لون زوجي يتبدل و يبلع ريجه و ساااكت .. و بعدين عقيت القنبلة .. قلتله انها ولهانة حق عيالنا و تبا اتي اتشوفهم بعد ما كبروا.. و تقول ان زوجها في هاياللحظة ما قدر يداري تعابير ويهه و كان خاااايف و اتقول انه عقب هاي الجملة خلته و راحت بحجة انها نست تيلفونها في السيارة وما عادت فتحت الموضوع معاه .. بس من يومه و هو يداريها عالآخر .

 

[شـــمس]

بصرااااااااااااحه انا على نااااار انتظر الموااجهه

وقلبي معك ياااعسل

 

[ترانيم الحب]

قصتك تطيييييييييييييم مرة بالنسبه لمواصفات زوجك ..

بس النتيجه روعه ,, عجبتيني بقوة ايوة ادبيه و ريه العين الحمرة عشان لا يفكر يخونك مرة ثانيه ,, خوفيه خليه يعيش رعب حقيقي ..

بالتوفيق حبيبتي . .​

 

[بريق الحب]

مشاء الله عليك هدا التفكير الصح لازم تدافعي عن زوجك وتمسكيه بيدك وسنونك وترجعيه ليك بس ياريت تكثفي معاه الرومنسيه والجنس حتى تبعديه عن بنات الحرام

 

[حياتي بورطه]

كيفك اختي الله يردلك اياه رد جميل بس انا ما قدرت اقرأ كل الصفحات هو كمان بكلم بنات؟علشان استفيد من القصة كاملة

انا شاكه وحاسه من اسلوبه معاي ان عنده بس مو متاكده 100%

 

[حياتي بورطه]

ماشاء الله عليج يصير تشتغلين فى ال FBI

هههههههههه بعد ماشاف شي مني هذا بدايه الدرس..
شهرين وانا افكر ادور له مدخل وخطه وهذا اللي الله هداني له..
حمدالله هذا من فضل الله ونصرته للمظلوم .. الف حمدالله..

 

[حياتي بورطه]

الله يعينج عاللي جاي ألحين الخطوه الجايه خلي الفلبينيه اللي إتفقتي معااااها تدق عليج بس لاتردين وقولي لزوجك تجيني إتصالات كثيره من رقم غريب شرايك أرد؟؟؟؟؟
ووقتها صج بتشوفين الوهقه اللي هو فيهاااااا يمكن بعد يخر الأولي والتالي قدامج......

ااااااااااااي وايد حلووووووووة فكرتج عجبتني بفكر فيها !

 

[حياتي بورطه]

ماشاء الله عليك

بس نصيحة لا تخربين كل شئ وتواجهينه ابدا

اذا بتعلمينه لا تبينين ان الخطة من عندك خليها فعلا كأنها تهدده

والمكالمة المسجلة سمعيه اياها من رقم عمومي او موبايل بدون اسم وارسلي له رسائل تهديد

عساه يكره صديق السؤ اللي يسانده

بالضببببببببببط اهوا عنده صديق سوووووووء معاه بالدوام فوق ماتتخيلون وصخ...
لدرجه زواج صديقه هذا زواج مخفر كان غلطان مع وحده وبقضيه زنا صادوهم..وزوجوهم..
وانا شايفه يعرض اعضاءه التناسليه حق البنات بالشات لان مره خذا من ريلي اللاب توب مالنا واستخدم الكاميرا قام يعرض كل شي تحت قطييييييييييعه وانا عندي برنامج يعرض كل شي تم تصويره بالكاميرا او اي محادثه تمت بالجهاز..الحين قاعد يفر مخ ريلي حييييييييييييل حق سوالف السكس ويدز له افلام وودي ابعده عنه بس هم يبيلي افكر عدل شلون..
انا عندي ايميله هالخايس هذا الغبي.. بفكر بخطه شلون ادخل له يا اني اهديه ويتوب يا اني ابعد وصاخته عن ريلي..ماني عارفه شلون!

 

[حياتي بورطه]

نجحتي في خطتك مبروك عليك والله يهدي زوجك
بس ساعديني في خطتي اذا تقدرين

هههههههه جم تعطيني ؟؟؟ :31:

تفضلي من عيوني ليش لا ؟..

 

[حياتي بورطه]

طيب كملي المسلسل عليه وقولي تجيني ازعاجات عالموبايل بس انا مارد
خوفيه خليه يعرف انه الله حق
الله يهديه يارب

هذا اللي بيصير

 

[حياتي بورطه]

يااختي الله يهديك هذا مو اسلوب اكتشفتي خيانته في الف طريقه وطريقه تتفاهمون غير هالاسلوب انتي اصلا كيف تثقين بفلبينيه ثانيه بعد ماشفتي ايش سوت الاولى ثاني شي اخوك الله يهديه ماعنده سالفه مره متاثرين بالمسلسلات وبعدين ليش ناقده عليه انه يخاف من ابوه ويحترمه عادي يااختي هذا بر والا تبغينه يعصى ابوه عشان يعجبك وماله داعي اجهزة التسجيل والكلام الفاضي والمراقبه الزايده اذا راقبتيه بشوفين اشياءتقهرك ليه تدورين على قهرك بنفسك وتقولين حامل وفيك حيل تسوين هالخطط كلها وااقولك من بدري اي وحده شجعتك تراها غلطانه وش وله تفضحين نفسك وزوجك وتقولين للناس عن خيانته كان باامكانك تحلين الموضوع بنفسك وبهدوء وبعيد عن الفضايح ويرجعلك زوجك متندم ومعتذر وممنون طريقتك مررررررررره مااعجبتني تقبلي مروري وكلامي بصدر رحب

"اولا اشكررررررج على التجريح هذا من ذووووقج مو اكثر وطيب اصلج"..
ثانيا انا عمري ما اعصيه علي ابوي ليش انا ما عندي اهل؟؟ انتي شدراج احنا شلون عايشين وابوه يغليني اكثر من بناته قسما بالله لاني بنت ناس اياويد وماشاف مني الا كل خير وادب واحترام..
ثالثا اخوي وقف معاي لان وااااااثق باخته وتربيتها و حكمتها وحمدالله احنا ما سوينا شي يضر زوجي
احنا نبي نادبه مو اكثر علشان لا يستغفلنا مو اكثر ويتوب مو سوالف البطاليه..
رابعا لا اتعرضين لاي اخت ايدت تفكيري لان ماراح اتجااااااااااهل كل ردودهم و تاييدهم واسمع تجريحج لانج واحد مقابل 100 فاكيد مايهمني رايج..
خامسا انا لما طحت بمشكلتي ماخليت باب ماطقيته سواء بالنت ادور عن وحده تفيدني بقصتي او من قصص قديمه دورت الدكاتره اللي يقولون عن نفسهم استشاريين وشوي و ابوس ريولهم علشان موعد وطبعا رفضوا لان الهدف مو انساني مادي ولا هين ايمعون فلوس الناس من شتى الطرق حمدالله والشكر..فقلت لازم احط قصتي ابي الكل يستفيد من تجربتي اللي انا وااااااااااااثقه 1000% انها مو غلط عفوا ماراح احترم كلامج بصدر رحب وعندج 5 اسباب كااااااافيه ارد عليج فيهم..​