السلام عليكم جميعا وشكرا جزيلا لردود الاخوات اللتي جبرت بخاطري
نستأنف
في هذاك اليوم اللي شرينا فيه الاكل من بره قررت اني اسوي لزوجي عشا اتعب عليه شويه لأنه بصراحة ما يحب اكل المطاعم ولولا الوقت لما شرينا من برة فقررت اني اراضيه بشكل غير مباشر واسويله عشا يعجبه :in_love:
عشاه كان عبارة عن ستيك وصلصلة المشروم الطبيعي مو المعلب وشرايح خبز بالثوم والبيبروني مع الجبن المبشور
وأنا طبعا ما تعشيت بسبب التخمة الغير طبيعية من اكل المطعم على الرغممن انه اكل صحي لكنني زدت العيار حبيتين وبين علي بعسر الهضم ولوعة الكبد وبالليل ما قدرت انمام عدل مع اني كنت ماكلته منن 12 ساعة لكن لما تصغر عندك المعدةيصير الاكل الوايد متعب جدا ولكن في نفس الوقت يمددها وهذا راح اتكلم عنه بعد شوي
في اليوم الثاني كنت مستعجلة اطلع من البيت الصبح فقررت اني اوكل اليهال كورن فليكس ولكن بحبوب القمح الكاملة مع الحليب وموزة على السريع
أنا هذا كان ريوقي وعباة عن جبن الكوتاج مع حبوب الالياف الكاملة مع السمسم وحليب خالي الدسم بدون سكر الحليب وملعقة عسل والتفاحة والكوجة أخذتهم معاي عشان يكونون وجبة منتصف اليوم
طبعا يا بنات صار لي 3 ايام وانا شارية كاكاو بالنعناع وهو كاكاو اسود مو اللي مع الحليب بسبب احتوائه على مضادات الاكسدة واكل كل يوم قطعه بس خريتها هذاك اليوم وكليت نصه يعني بالهبل وتقريبا كان اللي كليته =400 سعرة يعني مساوي للسعرات الحرارية في وجبة ماكدولدز بدون البطاط يعني لو كنت ماكلة شي مفيد وايد احسن وندمت وايد لأني ما قدرت اتحكم في نفسي
هذا كان غداي في الجامعة جبته معاي من البيت وعبار عن صمونة محشية مرتديلا وجبنة شرايح مع روب بالفواكه وحلى للريجيم بالتمر والكازو
الصمونة =400 سعرة
الروب=100 سعرة
الحلى =180سعرة