قصتي من بداية حياتي الى حبي الخالد

[( ريانة العود )]

مبروك والله يسعدك
لا تتئخرين علينا نترياك

 

[حنونه وايد]

:blush-anim-cl:الله يشفي بنتك الحلوة يارب وماتشوف شر فديتها. ننتظرك بكل شوق غاليتيي.:blush-anim-cl:​

 

[الندى الحر]

رغم الماسي اللي في القصة الاان اسلوب الكاتبة اسلوب فكاهي و مليا بالتفاصيل المضحكة الله يوفقك و يسعد ايامك

 

[ms-reem]

الف الف الف الف مبروووووووووووووووووووووك
الله يوفقك ويتمم لك على خير

 

[..عيوون الكون..]

قصة رائئئئئئئئئئئئئئئعه بروعتك يامهـــاري
جد صدفه تجنننن امووت بالقصص اللي كذا
كملي بانتظااااارك​

 

[حبيبة الغالي143]

صباح الخير

كالعادة ابغي اخلص القصة ويصير عندي شي ... الله يسمع منكم ويشفي بنتي امس الين اخر الليل وحنا في الطواري ...

عشان اريحكم بكملها الحين واخلص اخاف ما ادش والا اتأخر عليكم ...


الله يسعد كل وحدة ردت علي ويبارك لكم في ايامكم يارب ....

 

[حبيبة الغالي143]

اول مكالمة بينا ... نفس اليوم عقب ما روحوا من الخطبة .... وقت متأخر وانا فرحانة وقاعده ويا البنات ونسولف ونسولف شوي وصلني مسج غزل ...



طنشت لانه الرقم غريب ...وشوي رن تلفوني نفس الرقم ... وما رديت وعقبها طرشلي مسج اذا ما رديتي علي بطيح نفسي من فوق البيت ... مت ضحك وفهمت انه الغالي قاعد يرسل ...

استحيت ارد عليه وتم يدق ويدق الين خبر عمي ... وياني عمي زكرني وسرتله ... يقولي تستهبلين والا تستعبطين ليش ما تردي ... قلتله الاثنين خخخخخخخخخ حسيت عمي شوي ويصكني كف ....

قالي ردي عليه يا بطة حرام ترى يروح منج قلتله بسم الله عليه وضحك علي عمي ....

المهم عقبها دق ورديت عليه ... قالي السلام عليكم ... قلتله وعليكم السلام واحس قلبي بيطلع من مكانه وشكلي صاير قوس قزح ... وبدا يسألني عن اهلي وشخبارهم ومدري شو ... وشوي شوي يمهد الدرب الين قالي فديت هالصوت يذبح ... ما قدرت اقاوم وقلتله اقدر اصك التلفون خخخخخخخخخخخ...

وتمينا الين صلاة الفجر نتراسل بالمسجات ... ويا حلاة ذيك الايام ....

طبعا ثلاثة ايام تواصلنا بالتلفونات عرف عني كل شي وعرفت عنه كل شي ... وقلتله اني انصدمت يوم شفته وهوا بعد وقالي والله لو اعرف انج انتي اهيا كان يبتلج احلى من ذي الهدية اللي يبتها امس ... قلتله ما يهمني شي غير انك طلعت هوا ....

قالي يعني كنتي تراقبيني وقلتله وانت بعد ... قالي بصراحة انه تم كل يوم يجي يسهر في سهر او لا المهم يجي يقول كنت اتمنى اشوفك لكن مافي فايدة وارد متضايق ...قلتله اها مسوي دورية يعني هههههههههههههه ...

وعشنا احلى ايام حياتنا ... وتفجأة يقولي ما قادر اتريا وبنعجل العرس قلتله اللي تشوفه ... في خلال شهر حدد يوم للزهبة يعني ييبون لي زهبتي ... وطبعا ولا توقعت جيه بيستوي وقالت خالتي هدية مني بنحجز قاعة وبنعزم الحريم نسوي حفلة ونراويهم زهبتج ... طبعا انا وايد فرحت ...

واحلى شي كان انه عمي كان يراقب الوضع برع القاعة ويتصل يخبرني يقولي اما خطيبج خطير وعليه افكار ولا في البال قلتله شو مسوي ... قالي مسوي سلة كبيرةة كلها حواليها المهرررررررررر وداخلها ورووووووووود تجنن وطقمين واحد ذهب واحد الماس ودبلة الماس وساعة الماس ... قلتله احلف قالي والله قلتله زين اهوا مخبرني ودزلي صورتها بعد ههههههههههههههههههه صك التلفون في ويهي ...

ما توقعت زهبتي بتكون هالشكل .... الاغراض كانت ووووووووايد والذهب كان وايد وامي قررت تسوي نفس المعرض في البيت حطتهم نفس يوم يحطون في محلات الذهب ... عرضت الذهب والاطقم كلها والدبلة واطقم الالماس والساعة ... احلى شي كل واحد من خالاتي واعمامي وعماتي وجدتي وامي واخواني وابوي وام المعرس وابوه واخوانه وخواته معطيني طقم ... فتحت محل خخخخخخخخخخ ....

وما توقعت كذا بيسوي ... ما خلا شي ما يابه من ملابس بكل انواعها استغربت حتى ملابس نوم خخخخخخخ من شنط ومكياج وبخور وعطوووور ونعل الله يعزكم واستغربت في تفاصيل ما بقدر اكتبها لكم بس يابلي كل شي من راسي حتى شباصة شعر ومشووط الين نعال ريولي الله يعزكم .... قلتله لهالدرجة قالي مابغي شي عندك الا يكون من عندي ...

وعقب الحفلة يوني اخواني وما شاء الله كل شوي دخلوا صندوق وشوي ودخلوا مندوس والا دخلو شنط وانترس البيت ما شاء الله ... اخر شي قعدنا انا واخواني في النص وخلنا الاغراض حوالينا وصورنا خخخخخخخخخخخ ...

اخوي يقولي من هذا كله ابغي صناديق الذهب وهالسلة حقة الفلوس هههههههههههههه...

طبعا ما توقعت حبه ابدا ... كان جدا رومانسي بين فترة وفترة يرسلي بطاقات غرام وبوكيهات ورد .... وعقب شهر من الزهبة تحددت الملكة ... وكانت جدا روعة وحلفت خالتي نسويه في قاعة بيتهم ... عندهم قاعة كبيرة ... والحلو انه كل التجهيزات وحتى الكوشة ربيعتي سوتها بتصميمها .... والبوفيهات كانت خالتي مسوتنها ووحبيبي ما قصر زاد على البوفيهات وياب من الفواكه والعيوش والحلويات والخفايف ...

واذكر انه اول ما خلصت الملكة على طول اتصل فيني ... وقالي يا احلى زوجة وحبيبة بهالدنيا ... وطرت من الفرحة حتى راعية الصالون شافت على شكلي تقولي مبين عليج انج تكلمين زوجك ...

تعدلت وحطيت المكياج ولبست الثوب وكنت مسوية فستان بقماش هندي من تصميمي بروحي وكان جدا ثقيل وكله شك ... وحطيت شعري مفتوح بخصلات ولبست عليه طقم يجنن وعلى راسي بعد والمكياج كان روعة ... وزفوني ومن نفس اللبسة كنت مسوية مسكة كلها ورود واكسسوارات من نفس قماش لبستي ....

وكنا متفقين نصور في الاستوديو قبل لا نروح القاعة ... وصلنا الاستوديو ودشيت انا قبل وعقب دش هوا وكانت ثاني مرة اشوفه من بعد يوم الخطبة ... وحسيت عيونه بتاكلني واستحيت منه ... وتم يقرا علي ويباركلي ... وتمت المصورة تمدح فينا لايقين على بعض وحلوين ... وتمت تصورنا صور وايد حلوة ...

روحنا القاعة ودشيت انا قبل وحسيت اهله بياكلوني اكل وبخبركم ليش بعدين ... واستانست كل شي كان نفس ما تمنيت ...

ومر الوقت ودش حبيبي وكانت احلى لحظة وبديت احس بشعور الفرحة ... وقعد عدالي وتم يتغزل فيني والحلو انه بنت خالتي مسوتلي مفاجأة مدربة اختها على رقصة تدش ويايبة وياها الدبل وكانت وايد تجنن الحركات ...

ومن خلص الحفل لقينا امي وخالاتي مجهزين لنا غرفة في البيت فيها العشاء وجو رومانسي وايد فضيع ... واستانسنا انا واياه وتم يتغزل الين الساعة 2 وعقبها كل واحد سار في دربه وتم يرسلي مسجات وما بطل الين صلينا الفجر ونمنا ...

وتم يقولي يالله نستعجل للعرس ويالله مدري شو ... قلتله عاد الا الليلة الكبيرة ابغيها ليلة يتكلمون عنها 100 سنة خخخخخخخخخخخ .... وما قصر فديته ...

بكمل عقب شوي تعبت وايد كتبت ...
​

 

[حبيبة الغالي143]

هذا اول مسج غزل وصلني من حبيبي ...

امسيك بريح الورد والوانه واحبك بقلب أنت عنوانه و اغليك بروح لك ولهانه .

 

[حنان الحب]

الله يخليكم لبعض وتدوووم هالمحبه ان شاءالله

 

[حبيبة الغالي143]

على فكرة ايام الخطبة كان يقولي وين خاطرج تسافرين قلتله ما يهمني وين المهم نكون بروحنا وبعيد عن كل العيون ... رد علي بجملة خلاني اعشقه اكثر قال اصلا انا ما اشوف الدنيا الا بعيونج ...

وقبل ايام الملكة تحددت له بعثة الى بريطانيا واهوا كان مقرر يوديني دولة اوروبية وسبحان الله تحددت له هالدورة وحتى المسئول يقول حرمتك ياية خير عليك خخخخخخخخخخخ ...

وقال خلاص بنسير قطر ومنها بنسير تايلند وماليزيا وسنغافورة ... قلت اللي تشوفه ... وقال منها بنحجز على كروز وبنستانس وقلتله انا موافقة ...

وقربت الايام الاخيرة وانا خذيتلي كورس كامل في الصالونات لتنظيف البشرة ولكل شي ... وفستاني صمملي اياه مصمم مصري وتعب مني من كثر ما اتشرط واقوله هذا ايوا وهذا لا ...

وبدأت ايام العرس والحمدلله عرسي صار في 7 ليالي ما توقفت كل يوم مناسبة والناس ياية ورايحة .... الين جات يوم الحناء وطبعا الله يخلي صالون عيون المها اللي حنوني حنا خلا الكل يسأل عنه ...

الحناء كانت ليلة بدوية بمعنى الكلمة .... خيمة باكسسواراتها وانا لابسة لبسة بدوية وبرقع وطالعة تجنن وحطيت مكياج ودشيت على الخيمة والكل مدح في هالليلة ...

اما الزفة ... معاناة بمعنى الكلمة ... الكوشة كل مرة اغير راي والبطاقات وكل شي تعبت من كثر ما اضبط ...

احلى شي العرس كان كله هدايا في هدايا ... القاعة زوجي سوالي اياها مفاجئة وحجز في فندق كبير ... اما انا نسقت فستاني مع الكوشة وتجهيز القاعة والهدايا والبوكيه والبطاقات كلها نفس اللون ....

الفستان والبطاقات ووطقم الذهب لانه فستاني كان اوف وايت على فراشات ذهبية ... كان هدية من ابوي والكل استغرب انه ابوي اهداني هالهدية ...

الكوشة وتجهيز الطاولات والكراسي هدية من امي ...

هدايا التوزيع كانت ورود تتوزع وهذي هدية من راعية الكوشة وزعت لكل المعازيم ... وخواتي سوا هدايا حلويات داخل تور ذهبي ومارون ... وخوات المعرس سوا نوعين من الهدايا وايد كانت حلوة عطر عود وبخور خشب عود ... اما مكياجي وتسريحتي كانت هدية من خالتي ... والحنا وصبغ الشعر والتجهيزات في الصالون هدية من عمتي ...

ولد عم زوجي اهدانا الشعر اللي في بطاقة العرس سواه في استاند عود حطوه عدال الكوشة ومن جهة ثانية عمي خذ صوري انا وزوجي مال الملكة وسواها في استاند كبير ...

يعني تجهيزات العرس كانت جدا مرتبة .... والفندق اهدونا كيكة 6 طوابق كلها وروووود ... مارون وذهبي ... واخواني

تخيلوا وحدة في يوم زفتها المفروض ترتاح وتسير الصالون انا من خوفي اشرفت على تجهيز القاعة وبوكيه الورد اللي حقي كله سويته اكسسوارات مع الورود الطبيعية وكلها سلاسل ذهبي ...واخواني فديتهم يابوا صواني من فوالة تتوزع على الحريم والرياييل ... انا اللي شدني نافورة الشوكلاتة كان خاطري اسير اكل خخخخخخخخخخ ...

ودشيت القاعة وانا واثقة من نفسي وكنت وايد فرحانة لانها احلى ليلة ... والكل انبهر ما صدقوا هذي انا والين وصلت الكوشة وتميت اعرض يمين ويسار ورجعت انزل وسرت مرة ثانية واول ما قعدت على الكوشة فستاني من طوله بعده واصل تحت عدال الدرج ...

ام زوجي اول ما شافتني فرحت وخاصة بعد ما سمعت المدح والكلام الزين ... ثاني يوم ربيعتي مطرشة مسج تحلفني اني ما سويت عملية تجميل خخخخخخخخخخخخخخ ...

وعقبها دخل زوجي وكانت احلى لحظة ... وشال عني الطرحة وباسني على جبيني واهوا قبل كذا تلاقينا في الاستوديو صورنا البوم كامل اذكر يوم دش قال سوري كاني غلط بالعنوان قالتله المصورة سمي عليها ودش هذي حرمتك واستخف يقولي مو لازم نسير القاعة قومي نسير الغرفة خخخخخخخخخخخخخ ...

اول ما دش زوجي عقبها دخلوا اخواني واعمامي واخوالي وبدوا يرقصو يوله خخخخخخخخخخخخخخ وايد شكلهم حلو كان ... وعقبها نزلوني ارقص وياهم انا وزوجي ...

وبعدها سوينا مفاجئة انا وريلي ودخلنا هدايا حق امي وامه .... وبعدها يابوا الكيكة وقطعناها وتوزعت على الكل ...

الحلو انه اخو زوجي كان حاجز لنا سويت في منتجع وكان يجنن وكانت مفاجئة وايد حلوة ...

واللحظة اللي عورة قلبي ... يوم خلاص انزف بديت اشوف خالاتي يبكون وامي وبنت خالي وايد متعلقة فيني تصيح ... يمكن تأثرت بس مو كثر اللحظة اللي اشوف فيها اخوي من امي وابوي اللي ربيته وما خليت عليه قاصر ما رضى يرقص وسار ورى الكوشة ... ويوم ساروا يسحبونه لقيت عيونه حمرا ويصيح وحضني بقو حزتها نزلت دموعي ... وحلف على ريلي وقاله تراها امانة حافظ عليها وما بتلقى نفسها ابدا ...قاله هذي عيوني اللي اشوف فيها اكيد بحافظ عليها ...


وسرنا وتفاجئنا ربع ابوي مطرشين هدايا صناديق وايد وصلوهم الين الفندق وعقبها حولناهم الى الشقة ...

عقب بكمل لكم شو استوى اول ما وصلنا المنتجع ... احلى ليلة بحياتي ...
​

 

[واثقة بنفسي]

والله فرحت لج:shiny:
واغرقت اعيوني يا مهره:tears:
حبيبتي سبحان الله
الله يمهل ولا يهمل
وانتي الي سويته بأهلج من بر وطاعه مو اشوية:icon30:
وان شاء الله يكون في ميزان حسناتج:cupidarrow:


​

 

[الأمنية]

ماشاء الله
الله يسعدك

 

[حنونه وايد]

:blush-anim-cl::blush-anim-cl:الله يحفظك حبيبتي ويديم عليك السعادة يارب.:blush-anim-cl::blush-anim-cl::blush-anim-cl:​

 

[a7la 7elm]

قصتك كثير حلوه وممتعة في القراءة
فيها مآآسي وفيها افراح وسعادة واللي زادها حلاوة خفتة دم كاتبتها
الله يوفقك دوووووووووم ويسعدك دنيا وآآخرة
بس فعلا زواج من الف ليلة وليلة...

تحياتي لك

حــــــــلـــــــــــم​

 

[وحيده كالقمر]

الله يديم عليج,
وحياتج كلها فرح,
وسلامت بنوتج,

 

[أحب التميز]

والله جلست على النت وانا مضايجة من مشكلة حصلت بالبيت :schmoll:، وهذي القصة ردت لي الفرحة والبهجة :bigsmile:، وايد مستانسة لج حبيبتي.. الله جازاج على تضحياتج و تعبج كل خير، و خصوصا بر الوالدين و حبج الكبير لامج.. الله يحفظج من العين والحسد و يحفظ لج زوجج و يديم بينكم المحبة...:icon26::icon26::icon26:

 

[ms-reem]

ما شاء الله الله يوفقكم ويتمم لكم على خير
على قولتك افتحي محل ذهب واعرضي هداياك محد تم ما اهداك
تبارك الله بس ببالي سوال كم يخسر الرجل واهله على العرس عندكم ؟؟؟

 

[PrINcEss]

واحلى شي كان انه عمي كان يراقب الوضع برع القاعة ويتصل يخبرني يقولي اما خطيبج خطير وعليه افكار ولا في البال قلتله شو مسوي ... قالي مسوي سلة كبيرةة كلها حواليها المهرررررررررر وداخلها ورووووووووود تجنن وطقمين واحد ذهب واحد الماس ودبلة الماس وساعة الماس ... قلتله احلف قالي والله قلتله زين اهوا مخبرني ودزلي صورتها بعد ههههههههههههههههههه صك التلفون في ويهي ...​

هههههههههههههههههههههههههههههههههه

مت من الضحك وووووااااااي طيحتي وجهه مراااا متحمس الرجال جايب لك خبر الحين هههههههههههههههههههههههههههههههههههه ياقلبي عورني من الضحك ههههههههههه​

وعقب الحفلة يوني اخواني وما شاء الله كل شوي دخلوا صندوق وشوي ودخلوا مندوس والا دخلو شنط وانترس البيت ما شاء الله ... اخر شي قعدنا انا واخواني في النص وخلنا الاغراض حوالينا وصورنا خخخخخخخخخخخ ... ​

ممكن تنزلين لنا الصور لو سمحتي هههههههههههههههههههه احسها من جد تحففففه هههههههههههههههههههه رووعه من جد وناااسه ​

واللحظة اللي عورة قلبي ... يوم خلاص انزف بديت اشوف خالاتي يبكون وامي وبنت خالي وايد متعلقة فيني تصيح ... يمكن تأثرت بس مو كثر اللحظة اللي اشوف فيها اخوي من امي وابوي اللي ربيته وما خليت عليه قاصر ما رضى يرقص وسار ورى الكوشة ... ويوم ساروا يسحبونه لقيت عيونه حمرا ويصيح وحضني بقو حزتها نزلت دموعي ... وحلف على ريلي وقاله تراها امانة حافظ عليها وما بتلقى نفسها ابدا ...قاله هذي عيوني اللي اشوف فيها اكيد بحافظ عليها ...​

اما هالمقطع يااااربيه عور قلبي على اخوك وغرقت عيني الله لايحرمكم من بعض ياااااارب ​

وماااشااء الله تبارك الله ربي عوووضك عن الآلم والهم اللي انتي لاقيتيه في حياتك
ماشاء الله ايام جميله جدا ربي يحفظك ويزيدك سعاده وهنا ياااارب ويحفظك من كل شر انتي وزوجك وعيالك وامك وابوك واخوك و كل من تحبين ​

ومنتظرين الليله الحلوه ياحلوووه
والف شكر لك ياالغااليه ​

 

[وردة الحنون]

تبارك الرحمن الله يديم المحبه بينكم

 

[أم حنان 2009]

ما شاء الله يارب يوفقكي
بس كمليها اختي
الله يخليلك زوجك وبنتك​