قصتي من بداية حياتي الى حبي الخالد

[العيون الحائره]

تاخرتي علينا وينك متابعينك اكملي

 

[نظرةعيوني ذلتهم]

وينج
وااايد تاخرتي

 

[الخيال البعيد]

وينك يالغلا تاخرتي اسلوبك ررررررررررروعه
وانتي انسانه ربي يحبك وانشالل بينصرك

 

[حبيبة الغالي143]

صباح الخير فديتكم ...

تسلمون يا قلبي على كل وحدة ردت على موضوعي ... السموحة بس في الويكند ما احب شي يشغلني عن حياتي العائلية فما ادش النت ابدا ... عشان جيه تأخرت عليكم ... واليوم ببدأ بتكملة قصتي ...

بنت الهيئة ... اكتبي قصتك وبنترياها وخذيها نصيحتي اللي ما يباني ما ابغيه الف مرة ومع مرور الزمن بتشوفي بترد بروحها ...خذيها مني صدقيني ....

بقولج شي قبل لا اكمل قصتي ...

من ايام الاعدادية كنت على علاقة صداقة مع وحدة من البنات ... وصارت علاقتنا عمرها 7 سنوات ووايد كنا ويا بعض ... وفجأة وبدون سبب هدتني ... قلتلها زين ليش شو السبب قالتلي بدون سبب وخلاص ... تميت اصيح صياح اسبوع وفي نفس الوقت اللي دشت فيه هالانسانة حياتي ... حبيبتي فديت عمرها ....

اللي سألتني عن اختي الكبيرة من ابوي ... سألت امي عنها ... قالتلي اظن ابوج كان ماخذنها بالسر قبل لا ياخذني ... وياب منها بنية ...

بعدني امس فتحت الموضوع حق امي وقالتلي قفلي على الموضوع ... ما عطتني وجه فيه خخخخخخخخخخ ....

اليوم بكمللكم احلى المفاجأت ...
​

 

[حبيبة الغالي143]

بعد ما دقت حرمة عمي وحرقت تلفوني وطرشت علي بنتها سرت بيتهم وانا ادعي يارب ما تكون في مصيبة ثانية يارب ... وسرت بيتها ولقيتها تترياني في مجلس الحريم ...

دشيت عليها وسلمت وقلتلها يؤؤؤؤؤ لهالدرجة الموضوع خطير وما ينقال الا بعيد عن الكل وفي المجلس بعد ... قالتلي اقعدي واسمعيني وعقبها علقي على الموضوع قلتلها انزين ...

قالتلي شو اخبارج وامج واخوج ودراستج وشغلج وتمت تلف يمين ويسار ... قلتلها والزبدة خخخخخ حسيتها بتصكني بكف ...

قالتلي عندي لج عريس ... حسيت كانها ياتني صفعة وتغير شكلي وتلون مليون لون ... قلتلها ومنو هذا تعيس الحظ ... قالتلي عندي ولد خالتي طيب واخلاق وتمت تمدح فيه وتمدح وقالت بخبر اخوي وبنفاتحه في الموضوع ... وقلتلها اعرفه قالتلي لا ما ظنتي شفتيه من قبل ... تميت اقولها كيف اتزوج واحد ما اعرفه ولا قد شفته ...قالتلي انتي خلينا نبدأ اول خطوة وخلي الباقي علي وقلتلها ان ما عجبني ... قالت بنصرفه بأي طريقة ... قلتلها خير ان شاء الله وقمت ابغي اروح وقبل لا اطلع رديت لفيت صوبها ... قلتلها حليوووووو ماتت علي من الضحك قالت لا جيكر وطرشت علي مخدة وشردت قبل لا تلحقني ....

طلعت من عندها وفي بالي مليون سؤال وسؤال ... قلت يالله ليش حياتي غير عن باقي البنات ...ياربي حتى سالفة زواج لازم مو بكيفي ولازم يدخل فيها فلان وعلان ... لهالدرجة يشوفوني وايد كبيرة وانا بعدني توني 23 سنة ... روحت عنها وفي راسي مليون سؤال ... قلت يارب انت ادرى بحالي والخيرة فيما تختارها يارب وانا راضية ...

وتنهدت ونزلت مني دمعة وروحت ...

في نفس الوقت انا في بالي الشخص اللي كان يراقبني اول ما نزلت من السيارة ... اقول ياربي منو هذا ولد منو وتعرفون حركات البنات سرت اركض حق بنت عمي وقلتلها ترى في واحد حليو برع يطيح الطير من السماء ... خخخخخخخخخخ قالتلي منو قلتلها شو دراني ... قالت قومي بنراقب ونطل من غرفة جدتي اهيا محد في الغرفة ... قلتلها انتي وانخطبتي شو تبغين فيه ... قالتلي يمكن اغير رايي قلتلها استحالة انتي تموتين على حبيبك بتغيرين رايج ... وطلينا ما شفنا حد خخخخخخخخخخخ ...

قالتلي منو احلى حبيبي والا هالشخص قلتلها تبغين الصدق ... قالت اكيد قلتلها والله اللي تحت احلى بوايد اقولها تكفيج عيونه وساع وخشمه سيف وطوله وعرضه وووواوووووووووو يا حظها اللي بتاخذه ...قالت يؤؤؤؤ قدرتي تركزين على كل هذا ...

قلتلها بنظرة وحدة بس خخخخخخخخخخخخخخخخخ ....

وكنت معزومة في بيت عمتي ... وقالتلي حرمة عمي ما اخبر حد حتى بنت عمي ... قلتلها ان شاء الله والله اني على نياتي ... وروحت وتميت افكر في الموضوع وايد ...

وانا بيت عمتي احس جسد بدون روح وتفكيري مشتت ... عقب الغداء على صلاة العصر ... وصلني مسج وركض على تلفوني ... اول ما شفته تغير لوني ... ودمعت عيني ... حرمة عمي دازة مسج ( حبيبتي سامحيني بس هالدب كلمه اخوي وقاله انا ما افكر في الزواج) حسيت نفسي محطمة وكرهته من قلبي ... قلتلها اللي ما يباني مرة انا ما ابغيه الف مرة ...

وتميت حاقدة عليه وكرهته كره رغم اني ما اعرف حتى شكله ... قلت احسن وفكة حتى شكله ما اعرفه يطلعلي جيكر بعد خخخخخخخخخخ قمت اهون على نفسي ...

قلت خلني ارد البيت واسير حق حرمة عمي واسألها ...

تابعوني .... شو صار في بيت عمي ...
​

 

[الأمنية]

هههههههه
من أولها كرهتيه وأنت ماشفتيه
أحسن لك لو شفتيه بتظل صورته عالقه بذهنك
أو لايكون اهوا اللي شفتي
أممممم ننتظر الأحداث في المرة الجاييه
​

 

[أم هيا]

آآآآآآآآخ قلبي ذكرتيني بايام الدراسة وسوالف البنات

 

[المتفائله بربها]

كممممممممممملللللي لا تتأخرين الله يعافيك

 

[( ريانة العود )]

لايكون اهو الي يراقبك ونتي ماتدرين وهو بعد مايدري انه انتي
لا تتئخرين علينا ننتظر الى صارفي بيت عمتك؟؟؟؟؟؟؟؟؟

 

[حنونه وايد]

مرحبا غاليتي ...توني اليوم بس أقرا قصتك ...أسلوبك رووووعه ومشوق... كملي حبيبتي متااااابعه معك...الله يسعدك ويكتب لك كل خير يارب.​

 

[المعلمة الراقية]

:schmoll: وينك ياحبيبة منتظرينك :exclamationpoint:
:bleh: :bleh: :bleh:​

 

[ms-reem]

شكله هو الي يراقبك
بانتظاااااااااااارك نتابع ياليت ما تتاخرين علينا

 

[حبيبة الغالي143]

صباحكم ورد ...

يسلمووو فديتكم ويعطيكم العافية على ردودكم ....

رديت من بيت عمتي على طول على بيت عمي ... ودشيت على حرمة عمي واستحيت لقيت اخوها عندها اللي اهوا خطيب بنت عمي ... ورديت قالتلي تعالي دشي محد غريب ... قلتلها برجعلك مرة ثانية ... وقام اخوها ولا يهمج دشي اصلا انا مواعد الربع وطلع ...

وقعدت ويا حرمة عمي ... وتمت تقولي هالغبي هالدب مصدق عمره يحسب عمره صغير اللي بعمره عاد عندهم عيال شهقت قلت يؤؤؤ بتزوجيني شايب فقعت علي ضحك ... قالتلي ابالغ شوي اهوا عمره 28 سنة ... قلتلها عبالي بعد ... قلتلها شو سبب الرفض ... قالتلي اونه ما يفكر في الزواج ... قلتلها احسن اصلا انا ما اتمنى انخطب بهالشكل وهالصورة ... قالتلي الخيرة فيما اختارها الله ... وانا بالي شارد ويا اللي شفته اليوم ...

قمت روحت عن حرمة عمي ... وانا رادة بيت جدتي قعدت ادعي يارب اشوفه يارب اشوفه ... ونزلت ما شفت حد قلت خلني اتمشى وكأني ابغي ادش البيت واطوف على الخيمة خخخخخخخخخخخ مصدقة عمري يعني ... وما القى الا عيال اعمامي وعيال عماتي كلهم في الحوش ويصارخون يالبطة وين سايرة الخيمة كلها عرب ... قلت عن ابوه داركم كلتوني ما يسوى علي .. ياخي الواحد يبغي يشم هوا ...

رد علي ولد عمي ... موتي لا تشمين هوا وتعالي لا اعلم عليج ... وتميت اعيد كلامه واعايره ... اقوله ما اقولكم انه نص اهل النار رجاجيل من كثر ما تحشوا وتنمون في الحريم وفقعوا ضحك علي خخخخخخخخخخخخخخخخخ ....

كنا شلة نحن 7 بنات و 7 شباب .... الاعمار بيننا متقاربة .. ولد عمتي كان الكبير فينا وعمره 27 واصغر واحد في شلتنا ولد عمي كان عمره 21 سنة وكنا نقوله ياهل خخخخخخخخخخ وكله عليه كنا دوم نطرشه ونذله ذل ....

كانت شلة مافي احلى منها ... نجتمع كل يوم ونقرر نسوي شي ... نطلع المجمعات والا السوق والا البحر ونركب بانشيات ونتسابق بالسيارات ... ونسير الحدايق ونركب الالعاب الخطيرة ... نسافر ويا بعض ... كل ويكند سهر الين اذا الفجر وبروحنا نسوي الاكل حتى الصبح يقوموا الشغالات واظن يدعوا علينا بالموت خخخخخخخخ ونسهر على افلام ونلعب العاب ونلعب بلاي استيشن ...

اذكر مرة كنا سهرانين وكنا كلنا مجتمعين شوي على الساعة وحدة ونص دق تلفون ولد عمي ... نسمعه يقول احلف والله مو معقولة الحين جايين انا والشلة ... وفجأة يانا ولد عمي يقولي تبغون مغامرة قلناله اكيد ..قال قوموا ... وقمنا وطلعنا في سيارتين فورويل ... وسرنا مكان كله ويلات وتفحيط خخخخخخخخخخخخ ونحن في السيارة اللي مرة مخفيها يخلي الواحد يستبعد انه في حد فيها .... شوي والقالج عيال اعمامي وعماتي جايين ركض وكل واحد يركب السيارة ومن بينهم اخواني بعد خخخخخخخخ .... نقولهم علامكم يقولون الشرطة ... ونحن نصرخ ونقول الله بدت المغامرة ... ونتخشش ونسير ومن شارع لشارع الين وصلنا البيت ودخلنا السيارات المواقف ولا حس ولا خبر ... خخخخخخخخخخخ

ادري بتقولون جراة بس والله احلى ايام العمر كانت ... لدرجة انه الكل كان يحسب نحن السبعة كل واحد بياخذ الثانية بس نحن في داخلنا قناعة انه نحن اخوان وتربينا ويا بعض يعني مولية مافي مشاعر ...الا ولد عمتي اللي رفضته ... ولد عمي اللي كان ياكلني بنظراته ....

كثيرة المغامرات .... مرة اذكر سرنا مطعم ... ونحن طالعين من كثر الربشة والفوضى قالنا راعي المطعم لا تعيدونها وتجون مرة ثانية خخخخخخخخخخخخخخخخخخخ ....

واذكر مرة ونحن على الساعة 12 كنا طالعين من السينما ... ونحن في الدرب شفنا واحد استغفر الله نص نص ... وقمنا تسبلنا عليه وهوا من شاف الشباب اللي عندنا مات راح فيها ونحن ميتين ضحك عليه وهوا طايح فيهم بوس الواوا وبوس الواوا ... والله طاف عليه ولد عمي ورشه بماي بارد اظن كرهنا كره خخخخخخخخخخخخخ .....

كثيرة مغامراتنا ... بقولكم المرة الياية على وحدة من المغامرات ونحن في ماليزيا ....
​

 

[حبيبة الغالي143]

في يوم كنا قاعدين نسوي عشاء وحفلة وداع انا والشلة .... على اساس خلاص بتبدأ اختباراتنا في الجامعة وكنا بدون نفس وشوي ونصيح ما كانها كلها اسبوعين ورادين ... المهم اكثر واحد كان تعبان ولد عمي ... نفسيته كانت زفت ... وماله نفس لشي ابدا ...

سوينا الحفلة ونحن يايين نروح ياني ولد عمي ولحقني ... سلم علي وقالي توعديني الاولى على الدفعة نفس كل فصل ... قلتله لا تحاتي دافورة خخخخخخخخخخخخخ ... وعطاني رسالة وروح ....

استغربت من تصرفه وسرت حجرتي ... على فكرة نحن كنا كل ويكند نجتمع بيت جدتي وكانت جدتي تموت علينا وحاطة الطابق اللي فوق حقنا البنات بروحنا في جناح والشباب بروحهم في جناح ... وعندي عم اصغر واحد في اعمامي كان من عمرنا اهوا ولد عمي اكثر من علاقة عم بولد اخوي لانهم نفس السن 27 سنة ...

كان عمي يموت علينا نحن بنات اخوانه .... كان دايما يسميني المهرة ... لدرجة انه الكل قام يزكرني المهرة حتى شلتي ... قالي مهرة واصيلة وعربية بعد خخخخخخخخخخخخخ ... كانوا بنات اعمامي يغارون مني وعمي يزيدهم قهر ... مع انه الحمدلله بشهادة الكل نحن البنات الله عطانا من الجمال سبحان الله كل وحدة فيها شي يميزها ... يعني اللي تلاقينها بيضة وعيونها وساع ولون العيون عسلي فاتح ... والشعر كلنا شعورنا طويلة بس الاغلبية شعرهم بني او اشقر ... الا انا كانت عيوني وساع وسودة وشعري اسوووووووود ... وما شاء الله يوصل الين الركبة ... واحلى ميزة فينا انه كلنا رشيقات مافي ولا وحدة دبة ...

المهم قريت رسالة ولد عمي ... كان كاتب خاطرة عاد انا صدق طلعت غبية على بالي انه يبغي ياخذ راي ... اليوم الثاني قدام الكل فضحته بدون قصد ...قلتله الخاطرة وايد روعة واذا تبغى راي انا اشجعك اكتب اكثر واكثر وحسته شوي ويعطيني كف ... تفشل قدام الكل ... وقاموا يعايرونه اخواني ولاد اعمامي وعماتي وحسيته يقول يا ارض انشقي وابلعيني .. وونحن يايين نطلع نبغى نسير كل واحد لبيته مر علي قالي ويهج لوح ما تحسين انتي قلتله اسفة ما قصدت شي ... وروح ما عطاني وجه خخخخخخخخخخخخ ...

 

[العيون الحائره]

حلوه المغامره اللي عندك

مسكين ولد عمك فشلتيه حسي فيه طيب

اكملي بانتظارك

 

[حبيبة الغالي143]

شكلها قصتي مو عاجبتكم ... ما اشوف ردود ابدا الا رد واحد ...

اذا ما شفت تفاعل السموحة بنسحب وما بكمل ... واسفة ازعجتكم ...

 

[ms-reem]

ايااااااااااااااام حلوة ربي يسعدك

 

[المتفائله بربها]

السلام عليكم كيفك عساك بخير مأدري الاختلاط عندكم عادي هذا مايجوز حبيبتي الامع محارمك فقط تقبلي نصيحتي بقلب كبير تحياتي

 

[حبيبة الغالي143]

هلا الغالية

متقبلة كلامج ولا يهمج بس عندنا من صغرنا حتى لو كان في اختلاط في شي اسمه عفة نفس وعزة نفس وثقة بالنفس ... الحرام نعرفه والحلال نعرفه ... مشكورة اختي على نصيحتج ومنور قصتي ...

مرت الايام وكانت حلوة الين جاء اليوم اللي انخطبت بنت عمي واغلبية بنات اعمامي واخواني وعيال اعمامي وعماتي تفرقنا ... الاغلبية سافر للدراسة برع ... وصرنا ما نتلاقى الا نادرا ...في البداية كان صعب علينا وسبحان الله مع مرور الايام تعودنا ...

على فكرة كنت اسير بيت جدتي واجتمع بالشلة لانه ابوي ما يكون موجود وبحكم عمله كله برع البلاد .... واذا كنا نتلاقى كنت اتحاشاه بقدر الامكان ... لانه ادري يدور علي الشي الصغير ويهزاني انا واخوي ... تصدقون في مرة سمعته يقول ياليتني ما جبتهم اهيا واخوها وياليتهم لو كانوا عيالي من حرمتي اللي انا عايش وياها ...

تصدقون ما استغربت من كلامه بس اللي قهرني ... انه بكلامه هذا غلط على امي ... وانا كله ولا امي احسها اهيا حياتي وموتي ... الله يطول بعمرها ويحفظها يارب....

مرت الايام ويوم جاء اليوم الخطبة الرسمية لبنت عمي .... ابوي ما خلا كلمة ما قالها حقي اول ما شافني .. تستاهلي وعنسي يارب محد ياخذك ... شفتوا كيف دعاء الاب على بنته ...بعدين قلت يارب انت ادرى بحالي يارب ارحمني ... والله احيانا كنت اصيح صياح واصرخ في غرفتي من قهري بس عشان محد يسمعني .... وادمنت على كتابة يومياتي وكتابة الخواطر ... وهذا اللي كان يريحني ...

خطبة بنت عمي كانت تجنن ... وباركت لها ... وقالتلي يارب ياخذج اللي في خاطرج ... قلتلها هذا يوم يكون حد في خاطري ... قالتلي علي انا عيل وين فارس الاحلام اللي ذبحتيني عنه ... قلتلها مجرد احلام ...

مرت ايام على خطبة بنت عمي ... نرجع لصديقة عمري ... حملت وفرحت كثير لحملها وقعدت اوصيها على نفسها كثير وخاصة الحمل خطر عليها لانه كان عندها انيميا منجلية ومن اخطر انواع فقر الدم ...

المهم مرت الايام احسها سريعة ... وبدوا الخطاب يجوني واحد ورى الثاني وكل ما اصلي استخارة احس ما ارتاح وارفض قبل لا يوصل الموضوع حق ابوي ... مرة يجوني من اصدقاء اخوي ومرة يجوني من اهل ازواج خالاتي ... ومرة ومرة ومرة الين تميت احسبهم والله وصل عددهم 13 ...

وانا اقول يارب وفقني مع واحد منهم يارب ...

وجاء يوم العيد وصار موقف كبير مع ابوي ... لدرجة انه اغمى علي قدامه لانه غلط في حقي كثيرررررر واتهمني ... مدري من وين ياتني الجرأة وقلتله حسبي الله ونعم الوكيل ... اقوله ما ظنتي انا بنتك لانه لو واحد يهودي ما يسوي في مسلم اللي انت تسويه فيني وفي اخوي ...

انت تحاسبني وتتهمني زور ... الله ما يرضى اللي تسويه ... من قهري والله ما خليت شي ما قلته ... قلتله انا لو ابغي فلوسك عندي ورقة اثبات من المحكمة انه المفروض تصرف علي انا واخوي وانا الحين عمري 23 سنة ومن 23 سنة ما شفنا شي ... لا صرف علينا ولا بنيت لنا بيت ولا حتى ضميتنا اليك ... اقوله ايام تمر علينا والله الدرهم مافي مخبانا ... لو مو خالاتي كان متنا من اليوع وما لبسنا ثياب نظيفة ...

لا تدريس درستني ولا حتى تعليم سواقة علمتني ولا دورتلي على شغل ويوم طلعت السيارة اتهمتني وقلتلي اسوي اشياء بدون شورك ... وصفت اخوي بالفاشل وانا خليتني عانس و و و و و و و و و و و و ما خليت شي لازل مرة في حياتي ... وجاء عمي يطلعني قلتله ما بطلع وقام شلني وانا اصرخ واصيح والكل كان موجود في الصالة والكل متفرج ويقول اخيرا قدرت تتنفس هالبنية ... واخوي متسمر قدامي ما مصدق انه هذي انا .. لهالدرجة كاتمة وكل هذا بقلبي ... وتصدقون ابوي ما نطق ولا بكلمة ... وانا ما خليت شي ما قلته ... الين اغمى علي ... وحملوني على المستشفى وسبحانك ربي شوفوا الموقف ... الوقت اللي طحت فيه ركض ولد عمي صغيرووون لمجلس الرجال يزكر ابوه ... ابوي ابوي فلانة طاحت وركضوا ركض وكانوا في رجال غرب وكل واحد طلع وسار بيته ... وعطوني ابرة مهداة ومغذي وحطوني وياهم لمدة يوم كامل ...


تعبت اكتب ... بكملها لكم عقب شوي ...
​

 

[توفي2009]

متابعينك بشوووووووووووووووق في انتظارك