قصتي من بداية حياتي الى حبي الخالد

[حبيبة الغالي143]

اول ما فتحت عيوني لقيت اعمامي وجدتي وبنت عمي والشلة كلها موجودة ... اول ما فتحت عيوني لقيت عمي اللي قريب منا عدالي وطحت في حضنه واصيح صياح اقوله عمي ليش ابوي يسوي فينا كل هذا ... لو انا واخوي نغلط بنقول من حقه بس والله ما نتعرضله ولا نسوي شي يخليه يعصب ...

قالي عمي اووووووووووش ولا كلمة اهدي والله بيفرجها فديتج ... وردينا البيت لقيت الكل يستقبلني الا ابوي ما لقيته ... وانا رادة البيت خذوني بنات عمي فوق ... وقعدوا عندي الين رقدت ... ويات بنت عمي اللي قريب منها قومتني ... قالتلي يا دلع بسج رقاد ... وقعدت عدالي وبديت اصيح مرة ثانية قالتلي عشان خاطري اهدي والله كل شي يهون ... قلتلها تعبانة واحسني بموت من القهر وياليتني لو عمي ما طلعني عشان اكمل ... وفقعت بنت عمي ضحك تقول وانا اقول علامها البنية تصيح يعني بعدج مقهورة ...

تقولي تصدقين انتي بطلة ... خليتي الكل ما يقدر يقول ولا كلمة ... حتى ابوج لانه يعرف انه كل كلمة قلتيها صحيحة والله ما قدر يدافع عن نفسه ...

بعد شوي قلتلها تصدقين ياليتني لو ما قلت شي ... في النهاية هذا ابوي ... قالت يؤؤؤؤؤؤؤؤؤؤ والله صدق انج طيبة وووووايد ...

قالتلي بقولج شي ... الوقت اللي عمي شالنج وانتي مغمى عليج طلعت انا ركض وراه الحقه شفت واحد من بعيد واقف متسمر يراقب الوضع ... تصدقين شفت المواصفات اللي قلتيها ... وعن جد اذا كان هوا الشخص تراه وووووووووايد جميل ... ما شاء الله سبحان الله ...قلتلها احلفي ... قالتلي والله .. قلتلها اوصفيلي شو لابس وكيف شكله وكيف وكيف ... قالتلي مبين عليه انه كان يدور حد من بينا ...المهم اظن انه شافج ... والله مدري اذا شافج لانه عمي دخلج السيارة على طول ...

قلتلها يا حسرة يالله صبرني وحققلي امنياتي ...

هذا صار ثاني العيد الصبح ... رقدنا بيت جدتي واتفقوا اخواني والشلة نسير القرية العالمية ... بحيث نحن نكمل طريقنا ونسير بوظبي بيتنا والشلة يردون بيوتهم ...

وتمشينا وانا بداخلي قهر وقبل لا نطلع من بيت جدتي ... حرمة عمي كانت موجودة اللي كلمتني عن ولد خالتها ... على فكرة مر على الموضوع فترة طويلة من كلمتني الين هاليوم تقريبا سنة وانا في خاطري انتقام لهالرجال ... واللي شفته بالصدفة بعد مر عليه سنة وخليته في خاطري ... المهم حرمة عمي قالتلي ياليت لو اقدر ازوجك ولو عندي ولد كبير والله ما فرطت فيج وهالغبي ولد خالتي ثور ما يفهم ... انا بمزاح قلتلها انتي خليني اشوفه مرة وحدة والله يجي يركض يخطبني ... ضحكنا قالت فكرة من تجينا مرة ثانية بنسوي هالخطة قلتلها خلي عنج تراني امزح واللي يبغيني يجيني الين باب بيتنا ... وروحت عنها ...

تمشينا واستانسنا في دبي وكل واحد رجع بيته..نمنا وصحينا ثاني يوم الصبح واحد داش علينا الحجرة انا واختي بحكم اني كنت راقدة في بيت ابوي وهوا مو موجود ... فجأة لقيت واحد على راسي يلعب بشعري ودموعه نازلة ... خفت قمت صرخت ... وطشت اختي وياي .. وشفنا تتوقعوا منوا طلع ؟؟؟؟؟؟؟؟؟؟؟

اتريا توقعاتكم عشان اكمل باقي القصة ...
​

 

[حنان الحب]

صدق حياااتج اكشن

انا اتوقع ابوووووج

ونحن في انتظاااارج

 

[قمة الرومانسية]

:icon30:وااااااااااااااااااااو قصتك وايد حلوة قريتها كلها مرة وحدة

رغم ان فيها الآآآآآآآآآآآآم كثيرة الا ان فيها مرح ومغامرات حلوة
:clap:والله اني مستمتعة بقراتها

كمليها الله يوفقك ويسعدكي ​

 

[حبيبة الغالي143]

هلا فديتكم ... نورتوا صفحتي ...



صدقتي فديتج طلع ابوي وياني الين عندي وباسني على راسي وقالي سامحيني ... طبعا انا عين مفتوحة وعين مغمضة اقول ياربي احلم والا شو خخخخخخخخ لدرجة التفت على اختي اقولها انتي صدق والا حلم ضحكت علي وقعدنا نضحك انا واياها وابوي ... وقلتله ابوي عادي ما صار الا كل خير وسامحني انت طولت لساني عليش وتم ابوي يصيح تصدقون رغم اني شفت حالته بس ابدا ما قدرت اصدق دموعه ولا قدرت احس فيه ...



المهم عقبها طلعنا رحلة وطلعنا نتمشى وسفرنا ... ونحن وناسة في وناسة ومع هذا في قلبي جرح من ابوي الين اموت ...



مدري صارلي يوميناحس احساس قريب ومن خوفي من هالاحساس تميت اصلي قيام الليل واسجد وادعي ربي يارب ساعدني يارب عسى خير ... وتميت يومين على هالحال ...



وصار المساء ونزلنا الحوش نشوف اخواني ينظفون البانشيات حقتهم ... وتمينا نرش بعض بالماي ونرش الزراعة وغرقنا الدنيا ماي والشغالات من بعيد احسهم شوي وخاطرهم يصفعونا ...



المهم شوي ودق تلفون اختي ... طلعت حرمة عمي قالتلها خير عسى ما شر قالتلها عطيني مهرة ابغيها ضروري قالتلها عسى ما شر ... ردت عليها حرمة عمي ما شر ان شاء الله بس ابغيها تيبلي شي ضروري من بوظبي مول ...عطتني اختي التلفون وسلمت عليها وغسلت شراعي وينج عن تلفوناتج واحد مصكر والثاني ما تردي قلبت الدنيا عليج سيري بعيد عن كل حد ابغيج في موضوع ... قلتلها يؤؤؤؤؤؤؤؤؤؤؤ انتي شقا عمي متحملنج مع طولة هاللسان خخخخخخخخخخخخخخخ ... وترد علي بعد تقولي اصلا عمج يموت فيني خخخخخخخخخ ... هذي حرمة عمي تصير اخت حرمة عمي الثاني اللي كلمتني عن ولد خالتها يعني هما الثنتين خوات ...هذي اكبر مني بسنتين وقريبة منا واهيا وحدة من شلتنا فديتها لو الجمعة اهيا مو فيها تطلع مو حلوة ابدا ...اهيا وعمي يحلون الجو خخخخخخخ ...



المهم قالتلي ابغيج في موضوع واهيا قبل كذا كلمتني عن اخوها من الاب وانه يبغي يخطبني واهوا مطلق واكبر مني تقريبا 10 سنوات ... وانا ما رديت عليها بشي ... فيوم كلمتني في التلفون قالتلي ابغي اكلمج في موضوع بس سر ومحد يعرف عنه ... قلتلها خير ... قالتلي جاينك عريس ... تنهدت من خاطري وقلت خلاص انا كبرت وكم شهر بكمل 23 وبدش 24 احسن لي اوافق ... تنهدت وقلتلها موافقة ... قالتلي كذا بسرعة بدون لا تعرفين منو .. قلتلها اعرفه قالتلي منو قلتلها اخوج اللي كلمتيني عنه ... فقعت علي ضحك قالتلي يحليلك يا بطة لا مو اخوي ... وبين علي اني فرحت .. قلتلها عيل منو تعيس الحظ خخخخخخخخخخ .. قالتلي ولد خالتي ... قلتلها منو هذا بعد ...خبرتني عنه قلتلها نفسه اللي قالت عنه اختج قالت ايه ... قلتلها ما ابغيه ...تمت على راسي لا تتسرعي وفكري قلتلها اهوا رفضني من قبل وكرامتي ما تسمحلي ولا تفتحين الموضوع مرة ثانية ... قالتلي بعطيج مهلة تفكرين .. وصكرت التلفون ... استشرت اختي وحلفتها ما تخبر حد ... وقالتلي لا تتسرعي فكري ... قلتلها من سنة رفضني والحين ياي يطلب ايدي ليش ... شو اللي غير رايه والا خلاص شاف مافي امل وقال هذي اول وحدة ...والا شايفني ميتة عليه ... ولو خذيته براويه الويل ...



ما قدرت ارقد ذاك اليوم قمت على الساعة 2 وقمت اصلي قيام الليل وبعدها استخرت ربي واسجد واصيح من خاطري واستغفر ... وعقبها صليت الفجر ورقدت وقمت الظهر وصليت الظهر وسبحت واحس اني وايد فرحانة ... اختي تقولي فكرتي اقولها بعدني ما استقريت ... بعد ثلاثة ايام دقت حرمة عمي وقالتلي فكرتي قلتلها فكرت بس خبريني ليش رفضني قبل ... قالت والله اهوا ما رفضج بس اهوا ما كان يفكر في الزواج وبس ...قلتلها انزين انا ما شايفتنه ابدا قالتلي انتي قولي تم وبتشوفينه ... قلتلها لا تستخفين بدون شور اهلي ما ابغي اشوفه ...



ودقيت على بنت عمي وحكيت لها لانه خطيبها يصير اخو حريم اعمامي هذولا ... وقالتلي يعني خلاص نسيتي فارس الاحلام ... قلتلها شوفي كيف كتب القدر ... سالفة ولد خالة خطيبج استوت من سنة وسالفة شوفتي ذاك الانسان من سنة ... واتريت وايد بس شكله ما اهتم ولو يبغي يخطب كان دور علي وسأل عني ويمكن اصلا هوا مرتبط ... قالتلي خلاص يعني .. قلتلها هذا القدر وهذا المكتوب ...



ولد خالتهم استعجل الموضوع وقال ابغي اشوف على الاقل صورتها ... وطلبت مني حرمة عمي ورفضت حاولت معي قلتلها مافي الين يوم الخطبة ... وصار الشي نفس ما بغيتفي اقل من شهر وقلتلهم الخطبة في بيت امي ... وصار اللي ابغيه ... طبعا ابوي على طول وافق لمعرفته الشخصية للولد ولاهله ... امي خافت ومرضت وترددت وقلت ما ارضى الين امي ترضى ... واخوي اخر الموضوع كثير من كثر ما يسأل حتى وصل للمسئولين عنده وسأل عنه وهوا ولا يعرف ... وبعد فترة طويلة ردوا بالموافقة وانهم يجون يخطبون رسمي ...


[font=&quot]بكمللكم عقب شوي ... [/font]​

 

[نبض حياة]

تحمسسسسسسسست كملي

احسه نفس الشخص اللي كنتي تشوفيه

 

[واثقة بنفسي]

:clap:واااااااااااو:clap:
ما شاء الله قصه ولا أروع
خليتينا نبحر بطياتها وانحس فيج وبمشاعرج
:icon26:فعلا حبيت قصتج:icon26:
اسلوبج رائع
:icon30:وطريقة عرض الافكار ممتازه:icon30:
وفيها طابع التشويق والاثاره
:blush-anim-cl:ما شاء الله عليج:blush-anim-cl:
يالله بانتظار النهاية السعيده وكيف اصبحتي "حبيبة الغالي"
:cupidarrow:​

 

[( ريانة العود )]

قصه روووووووووعه
اتوقع انه هوا الى كان يراقبك؟؟؟؟؟؟؟؟؟؟
الغالي ياحبيبة الغالي
كملي متاااااااااااااااااااابعه

 

[الأمنية]

ألا أتوقع أنه اهو نفسه هههههه لاتتأخرين علينا

 

[العيون الحائره]

قصتك روووووووووووعه


اكملي

 

[قمة الرومانسية]

يالله كملي بسرعة الله يخليكي
شوقتيني وبس
وانا اقول اكيد هو نفس الشخص مووووووووووووو
ويعطيكي العافية

 

[توفي2009]

كملي منتظرينك

 

[قمة الرومانسية]

يووووووووووووووووووووووووة وينك طولتي علينا ماعاد فيني صبر

 

[وردة الحنون]

قريت قصتك من الاول يمكن لي اعه وانا
اقرأ
ربي يبارك فيك
منتظرررينك
لاتطولي الغيبات

 

[حنونه وايد]

وان بعد أتوقع هو نفس الشخص اللي يراقبك.:in_love::in_love::in_love::in_love:​

 

[نظرةعيوني ذلتهم]

اتوقع هو نفس الشخص اللي كان يراقبج ولما عرفج تقدم لج رسمي صح؟!
وكان رافض فكرة الزواج لانج كنتي في باله >>>> كملتها عنج
انتظرج

 

[حبيبة الغالي143]

صباح الورد

تأخرت اكمل القصة لانه بنتي فديتها محموومة مدري شو بلاها ...

ادعولها بالشفاء فديتكم ...

 

[حبيبة الغالي143]

يعطيكم العافية ياللي قريتوا قصتي ... والسموحة فديتكم ,,,

بكمل القصة اليوم وبختمها وادعولي عقبها ...

طبعا وافقوا اهلي وكنا نتظر يوم الخطبة وانا الين اليوم ما شفته ابدا ولا هوا شافني مجرد سمع عني .... والله اذكر اليوم اللي المفروض تكون فيه الخطبة الليلة اللي قبل هاليوم ما رقدت وقعدت اصيح اقول يارب هونها علي واذا خير لي ان شاء الله الموضوع يكتمل وقعدت اقول حق نفسي يالله هذي اخر ليلة احلم فيها بالشخص اللي كان يراقبني ... وتميت ادعيله والله يوفقه ...

صبحت الصبح اول مرة اقوم من الصبح تقولي امي شو صاير اليوم قلتلها والله يا اماية ما رقدت طول الليل ... قالتلي انا سألت عن الولد واهله وتقولي صدقيني بترتاحين وايد طيبين ... سألتني ليش رفضت ارسل صورتي قلتلها يمة مابغي اللي يباني يشوفني على الطبيعة وتصير بينا فترة خطبة اذا الله ما كتب لنا نصيب بيبين اكيد ... قالتلي صدق انج عاقلة يا مهاري ... قلتلها تربيتج يمة وبست راسها ... ودمعت امي تقولي واخير بفرح فيج ... طبعا انا بنت امي الوحيدة ..امي في يوم الخطبة ما خلت شي ما سوته ...

والله اللي يشوف اللي امي سوته تقولون يوم الملكة من ترتيبات وتزيين وتوزيعات وذبح وبوفيهات وايد الاشياء كانت مرتبة ... فديتها ما قصرت ...

جاء وقت الناس بتوصل وبديت اخاف ... المهم الرجال في المجلس والحريم في مجلس الحريم واتفقوا على كل شي وقالوا قبل هذا الولد يشوف البنت واهيا تشوفه ... وياتني امي تناديني وبديت ارتجف وتغير لوني قلتلها ما بسير بدونج قالتلي زين تعدلي شوي وتمكيجي قلتلها مابغي اذا يباني يشوفني على الطبيعة ... حسيت امي فرحت واكبرت بنظرها ...

قالت يالله مشينا وسرنا انا وامي والله لو تشوفون شكلي ماسكة في امي بالقو وجاني ابوي وقالي يالله تعالي فديتج قلتله ما بدخل بدون امي ... قالي يالله زين تعالوا ... ودخلنا وانا منزلة راسي وما قادرة اشوف عليه ...

ابوي قالي مهرة ارفعي راسج وشوفي خطيبج ... اول ما شفته والله كأنه حد عطاني كف ... اهوا بعد تغير شكله .. تمينا نشوف على بعض خمس دقايق في هاللحظة حسيت عيوني احضنت عينه وكل اللي فيني بدأ يرتعش ... قلت مو معقولة ... وتم ابوي يزكرني مهاري مهاري ... وانا اقوله هلا ابويه ... قالي خلاص شفتيه واهوا فجأة قال بعد عمي خلها شوي ... وابوي من هني عرف انه اقتنع فيني واستحيت انا وطلعت ... قالتلي امي دشي سلمي على الحريم وانا ابغي اطير من الفرحة ذيك الساعة ...

ودخلت وتخيلوا من الفرحة طفت على امي المعرس ولا عرفتها وبعدين ردتني امي وقالتلي هذي بتصير حماتج وتموا يضحكون علي هههههههههههههههههه ...

اول ما طلعت سرت عند البنات واحظن بنت عمي بقوووووووو واسحبها من ايدها على الصالة ... تقولي انجنيتي شو بيقولوا البنات عنا .. قلتلها هوا والله هوا ... قالتلي منو هوا ... قلتلها ابو خشم سيف وعيون وساع ... قالتلي احلفي قلتلها وقسم بالله انه اهوا ... قالتلي يا حظج تقولي شوفي الصدف ... وتمينا نرقص انا واياها ولا على البال الين ياني عمي الصغير يطالعنا ويقول الحمدلله والشكر بنات اخواني استخفوا ههههههههههههههههههههههه ....

وسرت عند عمي وحضنته بقووووووووو ... قالي لهالدرجة ...قالي يعني تحبينه قلت اموت عليه وحسيت نفسي كاني قلت شي غلط وفجأة وقفت وقلتله اسفة عمي ونزلت راسي وحسيت انه بيجيني كف من عمي على جرأتي ...

شوي ورفع راسي وقالي بالعكس افرحي تراه اهوا ربيعي من زمان وكنت اتمناه ياخذ وحدة من بنات اخواني والحمدلله طلع من نصيبج وصدقيني بترتاحي ووايد .. وقعد يرقص ويانا ...

وفي نهاية الخطبة ... ياني عمي قدام خالاتي وعماتي يعني قدام الحريم والرجال والبنات والشباب وسحبني عداله ويابلي صندوق قالي هذي هدية من خطيبج ...

قلت شوف كيف يعني سواء طلعت انا او لا كان جايب هدية وزعلت خخخخخخخخخخ صدقت عمري من اولها ... وقالي يطلب رقمج اعطيه والا لا .. قلتله لا قالي متأكده قلتله اللي تشوفه عمي وركضت عنه قالي الصندوق رديت بخذه قالي انا بفتحه وفتحه وطلع فيه خاتم الماس ومجموعة عطووووووور وكريماتها ووووايد تجنن ... ومنها عرفت ذوقه الغالي ووووووووايد حلو ...


تعبت بكمل عقب شوي ... عن اول مكالمة وعن عرسي كم ليلة كان وشو صار وكيف عشنا ...


عقب شوي بكمل فديتكم ...
​

 

[الأمنية]

ماشاء الله مبرووووووووك
ههههههههه وين كلامج عنه قبل هاه ولا غيرتي رأيج؟

 

[العيون الحائره]

مبروك عليك

اكملي ننتظرك

 

[قمة الرومانسية]

ههههههههه كنت متاكدة انه هو:msn-wink:
الف الف مبروك
والله يسعدك كمليها بسرعة
الله يشفيلك بنتك يارب:c016: