يوميـــــ,,,ـــــات بنـــــــ,,,ــــــات الريــــــ,,,ـــــــاض

[الدلع لايق]

الحياة

جزاك الله خير ..
بس شنسوي هن تسذا مايصورن ألا مطلعات الكراعين يقالهن يتميلحن ...
والصراحه يحقلهن الله يخلف علينا
بس وعد ماتشوفين هالكراعين طالعه مرةً(( أوخرى ))
وأما سالفة اللي أنخرعتي منه .. تراه واجد عندنا .. هذا اللي مخلينا ما نحل زين:tears::tears::tears:
ياحبيلتس ياناس .. والله ردودتس تهبببببل وتخبلللللل ..
وربي حبيتس .. لازم أشوفتس يوماً من الأيام:in_love:

............

شقاويه

يابعد حالي أنتي ..وين كنتي سابقاًً
أهم شيء أعجبتس أور نو:exclamationpoint:

 

[الدلع لايق]

​

مـــــــــــــــــــراحب ياحلوين ..

كيفكم حبايب قلبي وحشتوني ..





ياربي .. جهازي عذبني مع انه جديد ألا أنه يتحمس معي ويمسح جمل على كيفه ويقهرني ..
والله حاله ,,

المهم .. تخيلوا اليوم قمت الفجر الساعه أربع
( 4 ) وأنا مرتاعه أحسب الصبح جا وراح وجا الظهر
والعصر والمغرب وأنا نايمه .. أرتعت روعه قلت أهلي وينهم ماقومون ..
نزلت ببجامتي ,, وكشتي مرتاعه معي ياحبيله مسويه فزعه ..
ومن الروعه صرت وأنا أنزل بالدرج
أطمر أربع درجات سوا ( مسويه على بالي طرزان ) وأنزل وما ألقى أحد
قلت أكيد أهلي خانوا العهد وراحوا بيت خالتي وتركوني وحيده ,,
رقيت أدراجي ( عدت أدراجي ) وصعدت حزينة لغرفتي ,,
وأنا راقيه وأشوف اختي اللي بخامس نازله مرتاعه زيي يابعدي ..
ناظرتن مستغربه مفتحه عين والثانيه ناشبه بغمص ( أمزح )
قالت : هديل وين أهلي .. قلت : أهلي خانونا وراحوا لخالتي وتركونا وحيدين ..
وأخمه ( أحضنها ) ونبتسي ( نبكي ) <<< سوينا فلم هندي
مادرينا ألا أمي تطل علينا من بعيد ..
حنا يوم شفناه كأننا شايفين مسبح ( مجنونة سباحه ) من الفرحه نركض لمه ( إليها ) يوم شافتنا هجت تحسبننا جنانوه لأننا أول مره نقوم بدري ..
يوم ألتفتت قالت : بناتي ؟؟!! ,, قلت : لا يمه بنات الجيران ,,
قالت : تستهبلين أنتي وخشتس وش مقومكم بدري؟؟
قلت يمه عشان أصلي الفجر مع الجماعه ( أمحق ) ..
المهم يوم تطمنت وأدف اختي..
قلت : وجع وراتس للحين متشعمطتن ( متمسكه بقوه ) بثيابي .. فكين الظاهر عجبتس الوضع ..
وأروح لغرفتي وأرتاح وألم كشتي وأدخل دورة المياه وأنتم بكرامه وأتوضأ ..
يوم أذّن صليت وأنا مبسوووطه ..
أحس من زمان ما صليت مع العالم يارب تتوب علي ..
وألبس وأعدل خشتي وأكد ( أمشط ) شوشتي وأنزل أحتري ( أنتظر) الباص ..
قالت أمي : معجزه صايره اليوم .. هديل تحتري الباص ..
قلت : شفتي عاد .. وأنا الإبتسامه شاقتن شفايفي من ذا لين ذا من الفرحه إني صاحيه بدري ..
جا الباص وأطلع بسرعه حتى ماسمعته يطنب ( يطرق منبه السياره >>> اخس ) وشكل راعي الباص من الإستغراب عطان عين حسبي الله عليه ,,
وطيت عباتي وأتكرفس ويشمع ( يلزق ) وجهي بالشارع لين حتت ضروسي مابقى ألا ضرسين
وأقوم بسرعه وأناظر يمنةً ويسرهً عسى محد شافن من الجيران واخزياه ( كلمه قصيميه تعني وا فشيلتاه = وا خجلاه )
همار ( ثم ) رجعت خشمي لوضعه الطبيعي وركبت الباص وأنا أعرج وأشوى البنت الأولى ما ركبت وإلا كان
سيرتي على كل لسان..
جلست بمكاني المعتاد وبدءت مسيرة الباص باللف والدوران وتجميع البنات ..
وهن كالآتي بالترتيب { بنت – هدوله اللي هي أنا – بنت – صديقتي سوسو – وروري – ومنو – وبنت ناشبه بحلوقنا ماتخلينا نوقف عند المطعم بس هين – وجوجو – ومن ثم باقي البنات }
جلسنا نقرقر كالعاده ونعلق على خلق الله ..
عاد تعرفون الصبح تشوفون أشكال وألوان ,,
اللي ماله خلق يسوق..
واللي سهران ومايشوف طريقه باقي شوي ويدخل بنا واللي يده تحوس بمكان محظور في وجهه
ما ودي أقولكم وتنقرفون بس الظاهر هو يبحث عن كنز على هالحماس اللي يتحمسه..
وصلنا الجامعه ودخلنا وبدينا حنا يالشله ندور لنا مكان شاغر بين المشاغل
( مجموعة بنات جالسين وحاطين بينهم العده وهي المكياج وعدة الشعر والعطور ) المنتشره على طول الطريق ووجدنا مكان بالعذاب وبعد جهد جهيد وبنينا لنا مشغل ..
خلصنا وقمنا وتفرقنا كل وحده على قاعته ..
رحت قاعتي ودقيت على هنو قلت يالله إمتحان الإنجليزي الحين ..
قالت : خلاص وصلت ..
عطتنا محاضره بعدين الإمتحان ..
بصراحه الله يوفق الإستاذه الأسئله تجنننننننن ..
نزلنا على وقت البريك .. وكالعاده نشوف بالساحه العجب العجاب..
بس هالمره غير ,, البنات متفقين من ورانا
ولابسين ألوان تفقع العيون فسفوري واصفر وفوشي مولع ..
على قولة هنونتي شكله اليوم العالمي للإشعاع
وأفطرنا ( أنا كرسون وشاهي وهنو كرسون وبيبسي) ودرنا ودرنا وجت الثالثه ,,
جت حقت القرآن وجلست تسمع للبنات ..
بعدين قالت يالله بأمتحنكم تلاوه ..جا دوري وقريت أول سطر قالت
وقفي عيدي التجويد كله خطأ ..
ياويله من ربي فشلتن..
جا دور هنو وليته ما جا ..ياحبيله كانت ترتل ترتيل حلو بس الإستاذه كل شوي توقفه على خطأ تجويدي
لين نست الترتيل يوم بدت تدحدر باللحن صارت كنه تصيح ..
أنا أضحك بمكاني على الصامت وأهز.. اللي جمبي ( بجانبي ) كل شوي تناظر جواله تحسبه يرن على الهزاز
وهو أنا كأني دجاجه منتوفه ,,
يوم هنو حست أنه روعتن بصوته ضحكت وقالت مقدر أكمل كله غلط
ضحكنا كلنا وأنا أنفجرت ... يوم جت تكمل قلت بليز لا تركبين جرم بحقي
اسكتي أولاه ( مصطلح قصيمي يعني أرجوك ) ..
خلصت الثالثه والرابعه ونزلنا تحت ولفينا ودرنا ومترنا وخيطنا وصلح فستان وبعدين ..


طن


طن


طن


رن الجرس وأنتهى يومنا الجامعي في هذه اللحظه ..
تفرقت أنا وهنو ( الله لايفرقنا من شر )
ورحت ورتواعدت أنا وصديقات الباص وشرينا بلع ( طعام ) وتأخرنا على الباص يوم طلعنا مافيه بالشارع
إلا باصنا الله يفشل العدو ..
ركبنا وهذيك البنت الحقوده وده تسوينا مشوي وتغدى علينا تناضرنا من خلف البرقع بحقد..
بلعنا ( تناولنا الطعام ) ونزلت أنا أول وحده ..
دخلت البيت وسفحت (رميت ) نعالي أعزكم الله ..
وصعدت إلى غرفتي وبدلت ثيابي وصليت وخشيت المسن وقرقت ( سولفت ) مع هنونتي ثم طفيته ودبختها نومه ( نمت ) ثم قمت المغرب..
ونزلت تحت وقلت لأمي : يمه بنيتس جوعااااااانه ..
قالت : وش أسوي بتس ( تحطيم)
قلت : أبغى آكل يا أمي .. قالت : أحد رادتس ( مانعك ) عندتس يدين ورجلين يالله لك الحمد والغدا بالفرن والسلطه بالثلاجه والصحون والملاعق تدلينهن ( تعرفين مكانهم ) والعصير والمويه بالثلاجه
قلت : خلاص خلاص يمه عرفت والله ..
وأروح أجر أذيال الفشيله وأتغدى ..
ثم ذهبت للصاله وانجطلت ( جلست بحماس) على الكنب ويدي تحكن ودي
أحارش أحد..وأشوف أختي تكتب متحمسه وأسحب منه القلم .. قالت : يماااااااااااااااه شوفي هديل أخذت قلمي
قلت أنا : يمااااااااااااه تراه تكذب هذا قلمي أحتاجه بآخذ الواجب من بنت ( حركات أيام المدارس )
قالت أمي : رجعي القلم ياهديل لا أكسر راستس أنا أدري أنتس انتس اللي محارشته تحسبينن ماشفتس
يوم رجعته وأنا مشقوفة الخاطر..
وأطلع بالحديقه أدور صيده ثانيه ..
وألقى أختي تلعب مع البغبغانات ( جمع ببغاء بقاموسي أنا ) وأجي بشويش وبهدوء من وراه وأقول : بووووووووووو ,, همار تطير ( لعبت مع الطيور وصدقت عمره ) فوق وتصبخ بالأرض .. عاد هي دلوعه صاحت على طول ..
قلت وش ذا اللي بلشنا به والله الورطه لا تسمعه أمي ..
وألقط عفشي وأمسك بلوزتي بطرف فمي ( على بالي عربجيه) وأطلق ساقاي للريح هاجتن إلى غرفتي
وأتذكر أن وراي يوميات وأخش على طول وأسرد لكم ماحدث معي ..

أتمنى أنكم أستمتعتوا ,,


لكن فيه شيء واحد ماقلته ..
وأنا فاتحه الماسنجر جتني رساله وفيها صورة بنت سعوديه .. وأنا شايفه البنت نفسه بمقطع بلوتوث وهي ترقص بزواج ..
بصراحه ضاق صدري وانصدمت ..
معقوله فيه ناس واطين لهالدرجه.. يصورون بنت بريئه وينشرون صوره ..
وش الذنب اللي سوته ..
وش ذنب أهله وسمعتهم اللي بتروح بالأرض ..
تعرفون الناس مايرحمون بيقولون طالعه مع واحد وراقصه له وصوره..
والله صرت أخاف إذا طلعت مكان مفتوح للنساء مثل الملاهي والزواجات والمشاغل .. صارت جولات الكاميرا
تطيح بيدين ناس مايخافون الله ..
والبلوتوث ساعد على نشر الفضايح ..

ودي تناقشون معي هالظاهره وتعطوني آرائكم ..









أترككم في حفظ الرحمن ..


وأتنظروني بيوم آخر حافل بالمواقف بإذن الله..


والمجال الآن لهنو بعد عمري ..





تحياتنا ..


(( هدوله & هنو ))

 

[هنـاء]

يا بعد تسبدي والله....

هههههههههههههههههههههه
هدولتــــي تدرين اني بغيت اصيــح يوم قلتي لي موب مشتغل..!
لدرجة اني عجزت انام للحيـــن..!!:tears:

اشـــ ـ ـ ـ ــوى انه اشتغل بس..:icon30:
ههههههههههه
الله يفشل العدو فشلتين قدام العرب..وشوله
تعلمينهم اني ما اعرف اجود القرأن..!!؟:busted_red:
زيــــــــــن حسابتس باكر انشالله والله لاقول
لحقت القرأن انتس سااابته بالمنتدى..واعطيه
الرااابط.....:a115:
عاااااد هي وده من زماااااااان تكفختس وجته الفرصه
يالله انبسطي حملتي الماده خخخخخخخ :bleh:
امزح حيـــــاتي حلالك قولي اللي تبين
بس تكفين لا تقولين لهم عن سالفة الضربات
اللي تجيـــن من البنات من مكان....!!!
ناااس ماتعرف تمشي بجد....!
:tears::tears:

((ومسألة الفضاااائح البلوتوث))
هـــــــــــــذي مشكله تعور القلب...شي
يقهر لكن .... :sadwalk:
المشكله مااافيه رقيب ولاحسيب بهالأجهزه
والمشكله ان حتى البزاارين الله لايبلانا
طاخين لهم اهلهم ااااخر موديل
ياحسرتي على جوالـــــــــــي
خذته امل الله لايعافيه انشالله
لاحد يعلق على دعوتي
تظــــــــــــــــلم
:tears:
نبي ردودكم المفيـــــــــــتده والمعسوله على قلوبنا
على موضوع المسترجلات
وعلى موضوع فضايح هالمسيكينات..:busted_red:

كفيــــــــــتي ووفيتــــــــــــــــي

​

 

[.-. ذوق .-.]

ههههههههه .. الله يفرح قلبكم مثل ما تفرحون قلوبنـا .. صج صج يومياتكم عســل واسلوبكم روعــة .. أهم شي خشمج ضروري تصورينه لي هدول .. بالنسبة لأمج فـ هيّ عجيبــه :> .. آنا أسوي سوالفها بأمي عاكسه الدور لووووول .. أتغشمر وياها :") .. أما يالنسبة لظاهرة البويات فتعالي شوفيها عندنا بالكويت .. على كيف كيفج .. وشي عــادي تعودنا عليهم !! وحق البلوتوث احنا مسوين نظام تفتيش بالعروس .. ما يصير يدخلون تلفوناتهم اذا فيها كاميرا .. والله انه الناس فاضين ويصورون كل شي .. ! الله يستر علينا دنيا وآخره !! تابعوا حبايبي يومياتكم عسل عليكم ..

 

[اليوم المنتظر]

هلا هدوله..
ياسلام يومياتكم تحفه..
............
بس وضعكم للحين صعب..
انتم والوقت..
يعني وين الخراشه..
اشوى انك قايمه بدري موب متأخره..
ومبروك صلاه الفجر مع الجماعه
هههههههههه
قصدي صلاه الفجر بوقته ان شاء الله دوم
فيه مثل لبناني يقول
نم بكير شوف الذهن كيف بيصير..
يعني نامو بدري يامال العرس الي طاق الطبلون..
يعني ان شاء الله تعرسون باسرع وقت
هههههههههه
عشان تعرفون انكم بنعمه نوم ومسنجر فالينه..
ههههههههه
اما هنو هههههههههههههههه
مت من الضحك على قصه التجويد والترتيل..
بس يلله مجتهده له اجر ان شاء الله..
................
هديل انتي يبيلك تقرين على روحتس
من كثر ماتخبطين على وجهتس
مره خشمتس نشب بشنطه وحده ومره ضروسك
يختي ترى عاد خربتيه ابي زوجه ولدي سليمه
نبي تحسين نسل
يصير ولدي مرجوج وزوجته منحوسه
لاحول ولاقوه الا بالله
اركدي ونصيحه انتبهي تسوين نفسك قرما
وتقعدين لك يوم تسوين نفسك حرمه وتصبين لحد شاهي ولاقهوه
عشان ماتجيبين العيد بأحد:bleh:
ههههههههههههههه
..............................
ياحبيلكم بس.
..................
اما حكايه الصور ونشر الصور
الحذر واجب في كل مكان
والمشكله ماصرنا نعرف الجوالات بيدين بزران واطفال
مايعرفون ان ممكن نشر صوره تهدم اسره كامله..
وعندنا ناس بصراحه ماتعرف شر العاقبه..
يعني يسوون كل شي بدون مايفكرون بعواقبه سواء كانوا
شباب او بنات..
.........................................
:bye1:
​

 

[نينا]

يوميات حلوة ودمكم عسل وطرحكم للمواضيع

واقعي وصريح أحيي روحكم الرائعه ولي عوده

لأني ألحين فيني النوم ودمتم بود

 

[واثقة]

يومياااات حلوه

وخفيفة دم


متااابعه

 

[هنـاء]

شكراً حبيبــــــــــــــــــــــــــــــــاتي....

شــــكراً على ردودكم...
لــــــــــــــــــــكن..

مــااشوف احد يناقش ليه كذا يابنات..؟
بصيـــــــح...!!:tears:


الم الأحتضار المبكر/
اشكرك حبيبتي..فعلا سرني ردك
ومناقشتك لموضوعنا..
قضيـــه تقهر وترفع الضغط
والمصيبه الناس مستهينه
وهي تضيـــع مستقبل بنـــات...!!:santa_1:


دعوه شخصيه/
ياحبيلتس والله انتي اللي
مبرده تسبدي تسلمين يالغلا..
بصراحه نمووت على نقاشك لقضايانا
ومـــــــانستغني..عاد لاتشوفين نفستس
علينا همن نرفض عيالتس...!
عاد انتي اللي بتخسرين..!!
وحده متكسره والثانيه مفهيه
وين تلقين مثلنا...؟؟!
هههههههههههههه


نينا/
هلا ياقلبي احرجتي مشاعيرنا
واحساساتنا..
لاتعلقين على طريقة الجمع ترى لنا
لغه معينه وكتاب نحو خاص..
هههههههههه
ياحبيلك ننتظر عودتك..وخلك ماترجعين
برسلك عسكري يجيبك بالقوه..
هههههههههههههههه

لينا@/
زعلتينا بصراحه...طيب وين التفاعل معنا..؟؟
يالله همتك بالرد الجاي نحتريتس..
وشكراً على المرور..

​

 

[هنـاء]

يوميــات هناء ((الثلاثاء))

اهليـــن وسهليــــن مره ثانيه
شلونكم شخباركم وش علومكم..؟؟؟
ادري محد بيرد بس >>واجب الضيافه..

قمت اليوم...<<اكيد قمت ولا شلون كتبت لكم..!؟:blush-anim-cl:
ياحبيلي لازم اظهر اني مفهيه دائمـــاً..!!:blushing:
طبعا كلمة مفهيه هذي ماخذته من وحده تعرفت عليه
ايام الثانوي ولصقة بأثمي..>>(فمي)
المهم اقولكم قمت معصبـــه وشايشه وقافله معي
والرقم السري ضاااايع...!!:no:
مدري ليه تجين هالحاله احيانا..
من لاشيء اقوم شايشه..يمكن لأن اليوم اخر موعد
لتسميع القرأن...يووووووه يا اننا انا وهديل مأجلينه
من سنة جدي..وتراكم فو دمايجنا..<<(روسنا)
الله يخلف بس على امن جابتنا...!!
وقعدت بفراشي اشاور نفسي..
اروح....؟
ماروح...؟؟؟ << هذي احلى واطعم
اروح...؟؟
ماروح؟؟؟
قلت بس برجع لفراشي الدافي وانام..بلا جامعه بلا قلق
ويوم هممت ان انام واتذكر وجه هدولتي....!!
((هنــــاء الله لايعطيتس عافيه غبتي وخليتين وحيدة القرن لحالي...!! هيــــن شغلتس عندي..!!)):santa_1:

قلت لالالالا انا منيب قد هدولتي وانتقاماته..!:no:
عاد هي الله يصلحه لاعصبت تصير ارهابيه..:crazy:
قلت مالي امل ... بقوم الله يعينن...!!
واقوم واعيد اصطوانة كل يوم البس واحتري باصي الموقر
اللي مايجي الا على المقاطع الحماسيه اللي تجي
بالمسلسل اللي اشوفه الصبح...
وصلت للجامعه عقب ماطرطع بنا الباص
ليــــن قال آآآآميــن...!!
الله لايجيب له خير تقل هو اللي بيتأخر على
المحاضره موب حنا...!!
وصلت وتقابلنا انا وهدول..قلتله وش كنت ناويه عليه
وناظرتن بحقد :icon28:<<< هذا وانا ماغبت اجل لوانا غايبه
وش كان سوت...ياربي لك الحمد اني ماوهقت عمري..
المهم وتمر من عندنا بنت....ياربي لك الحمد تقل
عروس مضيعه قصره...والله ما ابالغ تسريحة عرس..!!
بيرم و تلفيف ورفع واسبريه ولماع...!!
ويــــــــــن يا ام الشباب...؟؟:crazy:
صدق عجاااااايب...!!
رقينا المحاضره يوووه مالي مزاج لدكتورنا
المصري...!!
يقعد يسأل نفسه ويجاوب...!! ياربي لاتبلانا..!!
حضرنا محاضره وسحبنا على الباقيات
يقالنا طالعات نذاكر قرأن قبل لانروح نسمع..
المهم يوم نزلنا للكفتيريا..
شفنا وحده كل يوم نشوفه قاعده لحاله ياعمري
والله اني دايم اشاور هدولتي نروح نقعد معه نوسع
صدره بس تعرفوننا نستحــــي:blush-anim-cl::blush-anim-cl:<<امحق
المهم شفناه يوم مرينا هالمره ولقيناه تهوجس
لحاله وتضحك....!!
والله اني ارتعبت..شكله غريب..
قالت هديل..(ياعمري شكله انهبلت من الوحده..!)
قلت هديل (لااااازم نشوف له حل حرااام..؟)
والبنت متقطعه من الضحك...!!
يوم قربنا له..ولا الحمدلله تكلم بالجوال بس
حاطه السمـــاعه...
الله يرج عدوه خرعتن يوم ضحكت...!!
قلت اشوى بس..ومشينا ندور لنا طاوله فاضيه
ومرينا من عند العشب ولا فيه وحده منسدحه
الله يصلحه تحسب نفسه بمسلسل هايدي..!!
لا وخويته تلعب بشعره..طبعا خويته بويه..!
يادافع البلا..على قولة هدولتي..
(مدري من اللي لاعب عليه وقايله اننا بمرتفعات
سويسرا...ليته تقوم قبل لايدخل بتنورته
صرصور ولا جراده..تندم على اليوم اللي سوت
به هالأستعراض..)
خلص البريك..دخلنا نسمع القرأن
ويوم وصلنا لمكتبه..ولا البنات الله يصلحهن
راكبات فوق بعض من الزحمه..كل ذا دفاره
يبن يسمعن...<< توهم يسمعون هالكسلانات!!
ناسيه نفسي..:cupidarrow:
(يووووووووووووووووه)
قلت لهدولتي الله لايحدنا على الشر..
اقول ورى مانلفقه ونطلع ونجي عقب الضحيه...!؟
عطتن هديل ذيك النظر الصاعقه<<يقاله عاقله
قالت (اقول بس ادخلي قدامي ولايكثر)
ودخلنا وليتنا مادخلنا تقل ماتشوف غيري هالأستاذه
تستانس على تأتأتي>>والله معذوره شكلي فطس!!
بس انا طبعي كذا ماعرف اسمع قدام بنات كثير
ومن جميع المستويات..ويبحلقون بي..:tears:
ياعمري انا بس..
وبعدين كثر خيري ولافيه احد يحفظ 4
اثمان بيوم...؟؟!
قالت الأستاذه بسمع لك من كل ثمن مقطع
اختاره من اي مكان ابيه..!!:santa_1:
ما اقولكم (شرشيره..!!):sad_1:
وبديت التسميع..انا اول...:no:
(بسم الله الرحمن الرحيم)<<ودي ماتخلص البسمله!!
قالت يالله (وماننسخ من ايـ.... كملي)
(وماننسخ من اية او ننننننـ..نـ..>>غرزت!)
كملت بنظره قاسيه روعتن...!
(اوننسها .... كملي)
(او ننسها وننـــننــ.....)
قالت(نأتي بخير منها...اقول قومي عن وجهي
كم مره اقولك لاتراكمينهن والله لو انك وشو ماتحفظينهن
بيوم...........! تعالي بعد العيد...!):icon28:

اااااااااااااه ياربي شققت مشاعيري..:icon1366:

قالت(يالله هديـل ..دورك)
هديل تناضر الجهه الثانيه يعنني ما اسمع..:redface:
شاشت الأستاذه ... (هديـــــــــــــــــــل!!!!)
قمزت هديل يمه وشو..؟ شسالفه..؟ دوري..؟
والله من النصب..!
قالت الأستاذه(قل ان كانت لكم الدار الأخره...كملي)
قالت هديل(لا استاذه جيبلي من بداية الثمن احسن)
وليـــــــــــــته ماقالت الله يصلحه.!!!
عطته الأستاذه ذيك النظره همن قالت
(اقول هديل ورى ماتقعدين مكاني ازين..؟!!:icon28:موب انتي
اللي تعلمينن منين اسمع عنااااد سمعي من النص!)
ياعمري هدولتـــي وده تختفي من الفشيله..!!
هديل يقاله بتصلح الفشله قالت
(لا انا فقط ابناقش...!)<<بدت تكلم فسحه من الفشيله
الله لايعافيه يوم تفشله قدام خلق الله..:e136:
يوم خلصنا سمعت انا بالقوه قبل اطلع وطلعنا..
يوووووووووووه هم وانزاح..عاد انفتحت نفسنا للأكل
ورررررررركض لحلبة المصارعه<<اقصد للمقصف
وبدت هديل تفلسف علي بالأنجليزي هناك وليته ماتفلسف!
قالت:وت يو دو تبين..؟ >>يقاله بتقول وش تبين؟
انا:اي ونت ابي كرسون اند بيبسي دايت..
اتوقع مافيه شي صح الا دايت لأنهم يقولونه بالدعايه
والباقي من قاموس التكارنه حقنا انا وهدول...!
تصدقون توي اعرف معاناة الهنود..!!
تصدقون اول احسبهم يستهبلون لا قالو
(ايس فيه ابقا)
بس يوم جربت اتكلم انجليزي عرفت ان الله حق..!
طوط طوط طوط
لاتخافون مهنا حريق هذا جرس البوابه ماغيره
طلعنا وهديل تهدد لاتغيبين باكر ثمن احوستس:flex:
قلت طيـ ــ ـ ـ ـب!!
يوم قربت من الباص اللي موقفه عند ااااااخر الشارع
لو امشي شوي وصلت لبيتنا>>مبالغه ولافيه احد يسكن
بالبطحا الله لايبلانا...!!
واشوف سياره بجنب باصنا..نزل منه 7 رجال
انهبلت ياقلبيه...شلون دخلو به...؟؟؟!!
سياره كابرس موب فان...!!
ياعمري هالعمال يتزاحمون ويركبون فوق بعض بس
عشان يدفعون اجره وحده...!!
ياربي لك الحمد على العافيه والرزق
وصلت للبيت ولا اسمع ازعاج ولجه قلت بس هذي خالتي
وقروده <<اقصد عياله جو...:clap:
رحت خشدت<< نمت
قمت المغرب ولا العالم مجتمعه معطلين انفسهم
موب حنا ياعمري بالقوه نجي...!!

وانتهى يومي على كذا بروح اسولف معهم..
اشوفكم على خير بعد مده..يمكن قصيره يمكن طويله
الأعمار بيد الله...يمكن اسافر بكره
ادعوووووووو لي حبايبي..
واترككم مع هدولتي تكمل معكم..
تقبلو تحياتنا ونحن ننتظر ردودكم على المسترجلات
وفضايح البلوتوث...
(هنــــاء - هديــــــل)
بااااااااااااااااااااااااااااااااااااااااي

​

 

[واثقة]

تسجيل حضور


يوميات رووعه

 

[**الفارسة**]

يوميااااااااات روووووووووووعة ,,,,ولكن

احتج على العنوان

هذي لهجة بنات القصيم مو بنااااااااات الرياض

المفروووووض العنوان يوميات بنات القصيم حفاظا على حقوق اللهجة


وشكرررررررررررررا

 

[الدلع لايق]

هنووووووووو..

مع أني معصبه عليتس عشانتس غبتي وتركتين:sadwalk:

بس اللي كتبتيه كالعاده .. رهييييييييييييييييييب:icon26:

ياحبيلتس ياناس ..

وهــ بس ..

يوم جداً قود ..:icon30:

بس الله يفشل العدو فضحتينا قدام خلق الله واخزياه..:nosweat:

الصراحه كتير أشتأتلك




(( هديـــــــــــ هنــاء ـــــــــــــــل ))

 

[الدلع لايق]

لكل اللي سيروا على موضوعنا وشاركونا ..
الله يعطيكم العافيه .. ولا تحرمونا من ردودكم الرائعه..
وأعذرونا إحتمال كبير نتوقف في فترة الإجازه .. وراح نشتاقلكم واااااااااايد

:in_love::icon26::in_love::icon26::in_love::icon26:










تحياتنا وأشواقنا ,,

 

[امرأه عابرهـ]

​

بعد التحية و السلام و الأشواق المعطرة بعطور المبيدات بف باف ( ترى ريحته حلوه حتى الذباب ما يموت منه) يويمات مو روعة لا أكثثر من كذا بكثير تجنن تخبل يعني الواحد يجلس عاقل يقوم فيه شيء لأنه في اي مكان يجلس يضحك لما يتذكر سوالفكم ..
هنو و هديل أنا حبيتكم من زمان بس أموت في هنو لأسباب شخصية .. الله يوفقك في سفرك ياهنو و توصلين بالسلامة عاد لا وصلتي عطينا خبر لا نجلس ندعي لك طول الإجازة ..
مشكلة المسترجلات لأسباب عديدة و منها:
1- ماذكروا حديث الرسول عليه السلام( لعن الله المتشبهين من الرجال بالنساء............) و الا ما فيه أحد يبيع الجنة و يشري النار إلا مخبول . ​

2- يفكرون هذه الموضة . ​

3- متابعة و تقليد الغير حتى لوكان خطأ.
4- كل جنس مو عاجبه حاله يعني البنت تبي تصير ولد و الولد يصير بنت .
:clap:
5- ما فيه متابعة من الأهل و الا الأم اذا شافت بنتها تسوي كذا ليه ما تعطيها كف .
اهم حاجة الله لا يبلانا و يعافيهم ..
مشكلة البلوتوث فهذه ترجع لضمي الإنسان يعني اللي ما عنده ضمير ممكن يسوي أشياء أكثر من كذا الواحد منا يوكلأمره لله ..
اذكر قصة واحد سافر قال له أبوه انتبه لا تقرب من بنت أو تغلط ترى عندك أخت .. المهم الرجال سافر في يوم جاء للبيت الساقي و طلعت البنت يوم عطاها المويه قبل ( عطاها بوسة ) في ايديها دخلت و قالت لأبوها .. لما رجل اخوها سأله الأب مرة قربت من واحدة أو.......... قال لا قال له ابوه تذكر . قال مرة شفت واحدة جميلة جالسة جنبي في السوق و كان زحمة قمت قبلت ايديها بس قالابوه .. دقة بدقة و لو زدت لزاد الساقي ..
ايش هدف القصة إن اللي ينشر بلوتوث لأي واحدة يسيء لها ممكن في يوم ينرسل بلوتوث لها أو لأحد من أهلها فالواحد يخاف الله الرقيب الحسيب علينا ..
أتمنى أكوف وفيت و تراني ودي أكتب أكثر بس بروح السوق باااااااااااااااااااي . :bye1:​

 

[هنـاء]

رد راااااااااااائع نتشرف بمتابعتك لنا

اهلا وسهلا بالصدر الحنون من جديد افرحتني كثيرا عودتك..
ومن الرائع اقتناعك بالعوده بعد محادثتنا الأخيره على الماسنجر..
فعلا لقد كفيتي ووفيتي..
راااااااااااااااااااااائعه واعتبري نفسك الحين من المتابعات المتميزات
في اليوميات حبيبتي..وننتظر ردودك بفـــــــــــــــارغ الصبر..

تقبلي تحياتنا..
هنــــــــــــــــ هديــــــــــــــل ــــــــــــــــــــــاء

​

 

[شقاوية]

يوميات مررررررررره حلوه وضحكني موقف هنو يوم تقرا قران وانتي وشلون متحمله ماضحكتي بصوت عالي هههههههه بس تصدقون انا مضيق صدري المسترجلات وكيف انتشرت كذا بشكل كبير والله اني شفت اشيا غريبه من بنات بالكليه الله يعين

 

[((شوق القصيم))]

هلا شقاوية

تعبت وانا انتظرك وانت داقتها سوالف مع بناااااات الرياض الله يحفظهم


خلاص تبينا نحول عفشنا عندهم وش رليك شقاويه؟

 

[احلاهم]

السلام اشكر الاخوات هديل وهنا
الاخت هناء
لي تعقيب بسيط على كلامك عن الهيئه

اولا لازم تعرفين ان هيئه الامر بالمعروف والنهي عن المنكر
ماهي الا تمثل شعيره من شعائر الدين الاساسيه التي لم تنل هذه الامه الخيريه على سائر الامم الا بها
ثانيا حبيبتي لما التعميم على كل جهاز الهيئه هذا من الظلم لجهاز كبير وعظيم ويحمل على كاهله امر عظيم من امور الدين الاساسيه
اذا كان لكي موقف لا سمح الله فوضحي ذالك دون تعميمم انا شخصيا اقسم بالله لم اتعرض منهم ولا احد من اقاربي ولا من صديقاتي ولا معارفي لاي تصرف او قول غير صحيح
اما قولك انهم يتعرضون للناس ويتركون ناس هذا غير صحيح فريت بنفسي مواقف كثيره يناصحون فيها الكشفات لوجوههم بالموعظه الحسنه والدعاء لها بالهدايه ويكبروا في عيني وادعوا لهم بالتوفيق والسداد

اما عن قولك اذا شافوا بنت سمينه فشلوها اذا كنتي رايتي ذالك بنفسك فلا تعممي
وبصراحه ما نراه في الاسواق يشيب له شعر الراس
ففعلا ترين بنت قد بدات عليها ىعلامات البلوغ من بروز للصدر وكبر في الموخره ومع ذالك تلبس الجنز وامها تجدينها محتشمه ولاكن للاسف لم تصن ابنتها
وانا سمعت شيخ بنفسي في اذاعه القران لا اتذكر من هو لاكن اذكر عبارته حين قال لا يتهجم احد على رجال الهيئه بكاملها وفي قلبه ايمان
اختي انا مشفقه عليك فكم من كلمه تهوي بصاحبها في النار
اعاذنا الله واياك منها
ولا تكونين مع اعداء الامه الذين يريدون مسح هاذه الشعيره المباركه

وكما اسلفت اذا رايتي موقف حصل لك لا سمح الله صفي الموقف دون تعميم

 

[((شوق القصيم))]

ياحليلكن هنو وهدوا

والله انكن توسعن صدورنا بيومياتكن عسى ربي ما يحرمنا منهاااااا

واحلى شيء اللهجة القصيميه>>>>>>>>>يا حبي لها ولاهلها

 

[salma_ahmed]

الصراحه .. فعلا فشة خلق .. مع فرح ومرح .. :blow:

ذكرتوني بأيام المدرسه والجامعه في الإمارات .. مغامرات وفشلات على كيف الكيف .. :blushing:

الله يحفظكم ويسعدكم ويستر على خشومكم ... ههههههه

شوفي ..

أولا.. تعقيب على أهل الهيئه .. أنا ما أحب أعمم .. فعلا فيهم الصالح والنافع والساتر .. وفيهم الطالح والضار والفاضح .. فيهم الرحيم .. وفيهم المتجبر على الناس الله يعافينا .. للأسف ما لا أحبه تقديس الناس .. سواء هم أو غيرهم .. أهل الدعوه أو الهيئه أو الشيخ فلان أو الدكتور علان .. بشششششرررررر .. الرسول الكريم ما سلم من القذف .. بس وهو أكرم الخلق لم يطلب تقديسه ولم يجير على من أخطأ عليه .. بدليل أنه كان يمنع الصحابه من بتر رقاب من تطاولوا عليه في حضورهم لمجلسه .. كثير يزعجني تقديس البشر وكأننا لا نرى غيرهم وكأنهم معصومين .. وكأننا أمام آلهة والعياذ بالله .. ليش خير .. ما سمعوا بنهايه الكثير من العباد والزاهدين .. ربي يحسن خاتمتنا ..

ثانيا .. قضيه البويات .. الدكتور العوضي كان له حلقه رائعة تتحدث عن هذه العله .. بارك الله فيه .. شخصيا أخواتي حكوا لي عن بنات في الجامعة للأسف تعمل أعراس بين بنت وبويه .. علشان خلاص تكون لها للأبد ولا فراق إلا بطلاق .. أعوذ بالله من غضب الله ..
الأزمه في التربيه .. وعدم الرقابه .. ودائما وأبدا ضعف النفسيه .. والتفكير في الزواج مسيطر على الشباب والشابات .. بالأخص الجنس.. وكأن الدنيا لا تمضي بدونه .. ولا لنا دور في الحياه بدونه .. مما يسبب في شيوع اللواط والسحاق .. بتعبير آخر .. الجنس الثالث والبويات .. وهما المرحله الأولى .. إلا لمن رحم ربي ..
الإعلام يزين لنا الزنا بالسمع والنظر ويمهد للفاحشه .. مثلا .. مسلسل يتحدث عن بنت تصبح مطربه بمساعده الشله أولاد وبنات وتحقق طموحها .. خلاص يعني .. ما في طموح غير التنهيق على الشاشات .. والحماس ما ينفع من الأهل .. لازم يكون من الشله .. ومن أصحابي الأولاد والبنات .. هذا بس اللي شفته كم مره من قعدت قدام التلفزيون لأني بطبعي ما أحب غير أشوف الكرتون .. وبعض البرامج .. بس حتى الكرتون صار جنسي .. وكأن مركز التفكير والإعلام والثقافه والبطيخ هو ما بين السرة والركبه وما سواه فهو مكروه شرعا ..


ثالثا .. قضيه البلوتوث .. والله مشكله ومصيبه قله الوازع الديني .. يعني أعراسنا لو تشوفوها .. تفتيش وحراسه .. ما صرنا نفرح إلا مع وجود السكيوريتي والتفتيش وكاميرات المراقبه .. ما يصير العرس بدون القلق من كل الحاضرات وتفتيش حقائبهن وملابسهن وصدورهن .. أزمه ..
عندي أختين الله يحفظهن والمسلمات بيعرسن بالصيف والله ما نعرف كيف نسوي من رعب البلوتوث .. ورعب تليفونات الكاميرا ..
شو بتستفيد أو بيستفيد من يصور ويفضح .. ما يخافون ربهم .. ما عندهم خوات .. ما عندهم شرف .. وحده قالت وامعتصماه في الغرب .. ما صبر على صوتها المعتصم من الشرق وجمع جيشه ودك حصون بلادها .. ما سمعوا عن غزوات الرسول لنصر المستضعفين ومنها ما كان من أذيه مسلمه في سوق ..

الله أكبر .. الله أكبر .. أسأل الله العظيم رب العرش العظيم أن يحرق موبايل وجهاز ويجرح يد ورجل من يقوم بهذا الأذى .. ويفضح مسلمه .. ربي يدحره ويجعل كيده في نحره ..

وربي يستر علينا الجميع .. آمين ..



وننتظر من الغاليتين هديل وهناء الباقي من اليوميات .. :clap:

ترا أنا بعد تستوي معاي دايما مواقف .. ومن كثرها لو أألف كتاب أعتقد بسوي موسوعه ..فشله .. زوجي دوم يقولي .. حبيبتي ليش إنتي من دون الناس دايما منقاه لنخبه الفشلات .. :crazy:

حليلي على نياتي وقلبي أبيض .. :blushing: