يوميـــــ,,,ـــــات بنـــــــ,,,ــــــات الريــــــ,,,ـــــــاض

[الدلع لايق]

رووووعه.. ودمك خفيف..


بس ترى اللهجه القصيميه صعبه على البنات..




يظل اللي كتبتي رووووعه..

ياااااااحبيلتس والله:icon26:
لاتخافين إن شاء الله يفهمونه .. تراه لهجة سكان عايشين بالأرض موب بالمريخ:1eye::bleh:
ويظل مرورتس أروع

 

[الدلع لايق]

هههههههههههههههههههههههههه
هديل الحمد لله على سلامتس ياخيتي
المهم خشمس ان شاء الله اخذتيه من شنطه البنت..
خاصه انك تحتاجينه بالويك اند..
هديل مو كأنك تطيحين واجد
ما ابي اضحك لاني دايما اذا ضحكت على احد طاح ما اكمل عشر دقايق الا واتكرفس..
يالله يا جميل وهناء
قصدي ياهديل وهناء..
اتحفونا .......
الله يسعدكم..
ولا عاد تتأخرون عشان ماتراكضون,,
اما تمتير الساحه يوووووووووووووووه
هذي شكلها من شروط الدراسه بالجامعه ..
ههههههههههه

هههههههههههههههههههه
والله أنتس عسلللللللللللللل
الله يسلم قلبتس..
لا أفا عليتس هذا دم قلبي ( تقلد الوالده ) لاتخافين خشمي موجود بمكانه .. بس يبغاله شوية سمكره :exclamationpoint:
هههههههههههه
أنا معروفه بكثرة التشقلبات ((( الفوجائيه)))..عشان كذا لازم ياخذونن خالاتي معهم لإي مكان عشان يوسعون صدورهم علي وأنا اللي أقعد به :tears::tears::tears:
عشان كذا لاتضحكين علي لو سمحتي لأنه أحتمال كبير إذا سكرتي النت وجيتي تقومي خبطتي على وجهتس:harhar1:
((حلوه جميل وهناء بنطبقه )):icon30:
التأخير من ضروريات الدراسه عندي:dunno:
أشك بصراحه لأن جامعتهم غريبة الأطوار تخلي الواحد يركض تقل مهبول من غير فكر:fish:

وسعتي صدري بردتس ..

الله يسعد قلبتس:icon26:

 

[الدلع لايق]

ههههههههههههه

تسجيل متابعه ..........ومراقبـــــــــــــــــــــــــه

هههههههههههههههههه

تسلملي هالضحكه ..

وراه مراقبه ياكافي :busted_red:

تسلملي هالضحكه مره ثانيه :harhar1: :shiny:

 

[الدلع لايق]

هنونتي بإنتظارتس بعد عمري :icon26:

نورينــــا :icon31: ..

 

[مرجانة]

قراءة الموضوع أعمال شاقة بالنسبة إلي
ما فهمت شي
بس شو قصة الـ تس بآخر كل كلمة
بس أكيد باقي الصبايا رح يستمتعوا فيكم لأنو رح يفهموا على اللهجة
بالتوفيق انشاء الله

 

[هنـاء]

معليش حبيبتي بحاول اتكلم مع هديل على موضوع اللهجه

 

[Queen***]

يوميات كلها مرح وخفة دم...............
استمتعت بكن .......
متابعه

 

[هنـاء]

يومـــــــــيات هنـــــــــــــــاء ((الخميس))

:in_love:

ياهلا ومرحبا ... بالبنات العسولات...المتابعات
طبعا تلقينا رسائل حول اللهجه وصعوبتها على الكثير من
العضوات( مشان هيك ) قررنا نقسمها كالتالي..
انا لغه عاميه لكن من غير >> قصيمي
وهديل لهجه قصيميه بحته...

من هنا ابدأ

قمت من النوم اليوم وكالعاده يطبق على قلبي
ضيقة صدر عجيـــــــــــبه لما اقوم من النوم مدري ليه..؟؟
يمكن لأني اعيش بالأحلام وبعدين اقوم اشوف الواقع.!!
ماعلينا..قمت سلمكم الله وبما اني حاذفه قانون الساعه من غرفتي
كنت افكر الساعه 3ونص العصر .. لأني حسيت الوقت متأخر
طبعا ضاااااااق صدري ((يوووه هالحين لازم اقوم اصلي
الفجر - الظهر - العصر )) حشآ والله لو اني مسافره
بسرير الريح >>على وزن بساط الريح!!
استغفر الله الله لايعاقبن بس..
وبعده بتقعد امي تحن فووق راسي كالعاده..
(وشوووله تقومين كان كملتي نوم لين يوم السبت
عشان تقومين للجامعه مره وحده..!!)
عاد الوالده الله لايخلينا منها اذا ماعلقت 99 تعليق باليوم
تحس بتأنيب ضمير وانه ما أدت وضيفتها كأم مُعلقه!!
واقوم سلمكم الله من فراشي بعد هالهواجس اللي ناقزت فوق
راسي.. ومن الذكاء مارحت اشوف الساعه ..
خلااااااااص اعتمدت على ذكائي وعقلي الباطن..
((عاد ماودي ابدا اتفلسف عليكم))
واروح للحمام واشمر عن ايديني واتوضا
الماء بااااارد تصدقون احتري كسر ثلج تنزل
معه من بروودته..>> والله لو اني بموسكو
عاد لحد يسألن وين موسكو ذي لأني مادري..!؟
وركضت ركضاً وصليت الفجر وعقبه الظهر وعقبه
العصر..وبغيت اكمل واصلي المغرب بس تمالكت نفسي
وحسيت انه باقي خمس دقايق ويأذن قلت اصبر شوي...!
ونزلت بعد ماتكشخت لأني حسيت ان خالتي جايه
وطبعا انا انسااانه تموت على احساسها وتعتمد عليه
في قضاء حوايجه...
نزلت لأهلي بعد ماكشخت ولبست والقاهم يفطرون..!!
((تحطيــــــــــــــــــــــــم))

لاعادة على هالأحاسيس النصابه..!!
طبعا بما اني لأخر لحظه مصدقه احساسي
اللي دااايم يوهقن..قلت لهم
:sad_1:((هوووو))ــــ> كلمة تدل على التعجب
وراكم تفطرون...؟؟
قالت امي بطنازه طبعا ...
(ليه وضحت الرؤيا...؟؟ قالو انه صيام..؟؟
وبعدين وش عندك قايمه مبكر..غريبه صايره
سنعه..!! ولا بتروحين لشي ترى مااافيه
اقعدي بأرضك لاتحركين السواق بنروح انا
وخالاتك (للديره)ــــ>>سوق شعبي)
وشفت الساعه ولا القاها 11 ونص
يعني حتى الظهر ما اذن..!
يوووه ليتني ماقمت ولا لبست ولانزلت
بس عاد اللي كتبه الله صار
رحت الساعه 3 العصر للمشغل بسوي
فتله لوجهي..لقيت العالم طوااابير عنده..
ياربي..متى بيجي دوري..قعدت بالكرسي انتظر دوري
واشوف لكم اشكال غريبه عجيبه..
ياناس ابي افهم اللي يحطون الوان الطيف كلها
فوق عيونهم وش يحسون فيه........؟؟!!
والله شي غريب..ولا الكريم الأساس الله لايوريكم
كأنها مغطسه وجهها بطحين..اشهب شهابه عجيبه
ولا تسألوني عن الروج ...
ياناس مايراعون الوان البشره..
يعني تجيك سمرااا وحاطه روج فوشي ولا برتقالي فاقع
طيب ليه...؟؟
وش ذنب الناس اللي بتروحين لهم..وش ذنب البزارين يرتاعون
طبعا لو اقعد اعلق ما اخلص..ما احب اتطنز على احد لكن الوضع
مزررري..
وتجي بنت وتقعد جنبي..قالت لي سمعتي عن قصة البنت
اللي انخطفت هنا ...!
قلت وشو منهو اللي انخطف...!؟
وين عباتي بطلع ....!
قالت اقعدي اقولك السالفه..هذي بنت جت يوم ملكتها
وشربوها شي وبعد يوم لقوها مرميه بسوق ال(...)
قلت (اافااااا بدينا بالأفلام البوليسيه) طيب وش جايبك لو القصه صدق...؟؟
قالت توي ادري وش رايك نبدل الفواتير ونطلع
قلت يالله يختي موب ناقصه خطف وتقعد امي تبلشن
وتدعي علي قومي بس..
ويوم هممت ان اخرج......>استحملو انقلابي للفصحى
اذا تحمست معناته السالفه مشوقه ومن الحماس ينقلب
الكلام فصحى..!
المهم ويوم جيت اطلع قالو (مدام هناء تفضلي دورك)
طبعا خقيــــت..مدام هناء واطلع صعبه...!!
الله يرحم كلام امي ((هناء يامن البلاا تعالي))
قلت مابدهاش بروح اسوي وجهي عندهم لو موب يسرقوني لو يسفروني
بدون اقامه ماعندي مشكله ...!
رحت وصلحت وجهي وطلعت..
وقعدت سااعه افكر وين البلديه عن المشغل هذا..؟؟
وين الهيئه اللي بس فالحه تتشطر على المتبرقعات
بالسوق..والمشكله تمر بنت فاتشه محد يقولها شي..
مدري المتبرقعات اكثر اغراء ...!!
ولا يتسلطون على البنيات السمينات يحول
تصير البنت عمره 12 سنه ومليانه شوي
ويقعدون على حظها..تغطي يابنت تغطي..!
ويفشلونها قدام العالم...!
من جد الرقابه صايره على ناس وناس..
يعني اللي لهم ظهر ومايقدرون عليهم
يتركونهم ويتشطرون على الضعوف
المساكين ...!!
بنناقش هالبلاوي بعدين لأني نحمله على هيئتنا
تحميل موب صاااحي..

طبعا الحين بقوم البس عشان خالاتي بيجتمعون
تعرفون خميس..!!
لي عود يوم السبت بأذن الله بيوم
طويل وكامل...اعذروني ماقدرت اكمل
لكن يكفي انها بدايه لتتعرفو على شخصياتنا انا
وهديل ورح يكون الجد والمواضيع المهمه قدام
وبنناقش مشكلات البنات والمجتمع
بس تفاااعلو يابنات...
واذا فيه عضوات من الرياض اتمنى يساعدونا
بطرح مايعانونه معنا ..

هديل قلبي انتظرك الجمعه ..

وحبيباتي العضوات يسعدنا مروركم
ونأسف على اللهجه اذا كانت صعبه
بس الأصعب نحولها للعربي فصحى
لأنها يوميات موب قصه..
شكراً ..
اتمنى لكم امسيه سعيده..
تحياتنا
((هناء - هديل ))

مع الف سلامه..ننتظر ردودكم..:smoke1:

​

 

[layani]

ههههه
يومياتكم حلوة ..
ومنسمة..
لهجتكم .. قصيمية .. مع أنكم كاتبين ..
بنات الرياض .. أرسو على بر ..
شتتونا ..
.
وبالنسبة لك .. ياهنو عندي تحفظات على كلامك ..
الا الهيئة .. ما نغلط في حقهم ..
صحيح هم بشر ولهم أخطائهم ..
لكن لولا الله ثم هم كان شفنا العجب ..
..
مرة أخرى هلا بكم وبيومياتكم ..
.
.

 

[هنـاء]

والله يابعد قلبي هم اللي مسويين العجب....!!
انا اشوفلهم مواقف مع بنات قدامي...!
واشكر متابعتك

 

[((شوق القصيم))]

ياحليلكن يا بنات ديرتي

ويازين كلامكن

وانا من المتابعااااااات وبشده

هماااااااااااااي قصيميه لازم اتاااااااااااااابع

 

[اليوم المنتظر]

ههههههههههههههههههههه هناء
ياحبيلك بس انتي وهديل
صدق انكم مهسترات:smoke1:
بس حركات شكل امك انبسطت على الصحيان بدري
وبعدين فيه بنت ماعنده ساعه
والله انتي شكلك ماتصدقين بالويك اند
تسوين عازل صوت على غرفتك..:sly:
هههههههههههههه​

عاد بقولك شي اذا امك قصيميه
تعالي خوذي من التعليقات
امي نفس الوضع هههههههههههه
مره دخلت عليه هي وخالتي وكنت توني ماتزوجت
وكنت حاطه ميك اب (مكياج)
ومسويه شعري كيرلي..
يوم دخلت مير تشهق هذيك الشهقه
قلت له وش فيه
قالت.. من الي هابلك ورى شعرك منتفش..
افتشلت ورحت سويته ليس..
هههههههههههههههههه
..........................................​

بعدين ليت اهلك ماخذيني لديره
ياحبيلها احب اروح اتفرج عليها
مدري احس اني بالجنادريه.
...........​

اما من ناحيه المكياج والله اني زيك رحت مره وتروعت
قعدو اهلي يقرون علي يوم شفت اشكال المكياج
رعب..
وحكايه الرقابه ياحبيبتي صعب يحطون رقابه اربع وعشرين ساعه
كل فتره وفتره يتم التفتيش..
والحمد لله..
اما الهيئه .. للاسف فيه ناس خربو على ناس
فيهم الخير والبركه وفيه بعضهم بصراحه منفرين مايرغبون.
وعلى فكره يختلفون من مكان الى اخر..
يعني بالشرق سلطتهم اقوى من الشمال
وهكذا..
وعلى فكره الهيئه الي تشوفينها بالاسواق تكون من نفس اداره السوق
يعني مثال الي بالعثيم مول
تلقينهم مررررررررررررررره شديدين
بحكم اهل المنطقه كلهم ملتزمين
على فكره
ذكرتيني مره كنت صغيره رحت للقصيم مع امي
وكنت توني 9 سنوات
ومعي بنت خالتي وضعنا انا وهي عن امهاتنا
مادرينا الا ذيك اللحطه جتنا في مكان
ااااااااااااح
وحنا نركض اثرهم الهيئه
يقولون لنا يالمارجات
وين العبات
هههههههههههههه
بعده حلفت ماروح للقصيم
وان رحت ما اطلع للسوق..
........................................​

وعموما الهيئه في الايام القادمه بيختلفون كثير
ويقال انهم بيغيرونهم الى ناس مثقفين
يتعاملون بطريقه لبقه لترغيب
وفيه بعضهم والله جدا رائعين
واتمنى بالفعل ان تتم هذه الخطوه..
............................................​

منوره ياعسل اشوى انس ما انخطفتي..
الا وش اخبار جميل ياهناء..​

هههههههههههههههههههه​

تقبلي مروري.​

 

[هنـاء]

ويــــــــــــــــــن البنات.........؟

بصـــــــــــــــــــــراحه
زعلتونا يابنات معقوله ...؟؟؟
وين المتابعات...؟
وينكم...؟!​

 

[الدكتورة نبضة قلب]

ههههههههههههههههههههههههههههههههههه

موتوني من الضحك
وااااااااااااااااااااااااااي
جني اشوف طاش ما طاش
ولا الغه تخبل!!!!!!!!!


ننتظركم​

 

[اخت الغلا]

هههههههههههههههههههه


الصرااااحه استاانست ع هاليوميات ^^


شي طيب حبيت السالفه هههه


^^

متااااااابعه لكم ^^

 

[الدلع لايق]

يابعد عمري أنتم والله ,,

حماسكم معنا يحمسنا <<< وشلون تجي ذي

وبخصوص اللهجه بنحاول نعدل

........................................

هنونتي يومك رهييييييييب ههههههههه
الله يقلع شيطانك.. بوسي لي مامتك

 

[.-. ذوق .-.]

روعـة ..بس الجزء الأول ما فهمته عـدل :\ !وايد كان صعب عليّ هههه ..بالتوفيج حبياتي ..وبالانتظار ..

 

[@ بسمة أمل @]

​

وحكايه الرقابه ياحبيبتي صعب يحطون رقابه اربع وعشرين ساعه
كل فتره وفتره يتم التفتيش..
والحمد لله..
اما الهيئه .. للاسف فيه ناس خربو على ناس
فيهم الخير والبركه وفيه بعضهم بصراحه منفرين مايرغبون.
وعلى فكره يختلفون من مكان الى اخر..
يعني بالشرق سلطتهم اقوى من الشمال
وهكذا..
وعلى فكره الهيئه الي تشوفينها بالاسواق تكون من نفس اداره السوق
يعني مثال الي بالعثيم مول
تلقينهم مررررررررررررررره شديدين
بحكم اهل المنطقه كلهم ملتزمين
........................................​

وعموما الهيئه في الايام القادمه بيختلفون كثير
ويقال انهم بيغيرونهم الى ناس مثقفين
يتعاملون بطريقه لبقه لترغيب
وفيه بعضهم والله جدا رائعين
واتمنى بالفعل ان تتم هذه الخطوه..
............................................​

.​

شكرا دعوة شخصيه ...:icon30::icon30::icon30::icon30:

من زمان عن يومياتكم....

 

[الدلع لايق]

هـــــــــلا وهــــــــــلا .. وملــــــيون غــــــلا ,,


مســـــــــــــاء الـــــــــــــورد يـــــــــــا ورد ..




كيفكم ياحلوات ..

ها أنا أعود من جديد بيوم جديد لي أنا وأعز صديقاتي هنــــو ,,







ومعليش مافضيت إربعاء وخميس جمعه .. واقفه على رجليني ..بصراحه توي أدري إني سنعه ماغير أكرف نحفت عشره كيلو ( أمحق ):harhar1:
الله لايوريكم ناس داخله ناس طالعه تقل ماقد أنعزموا يالله لك الحمد..:crazy:
المهم خلونا بيومنا هذا ..
قمت كالعاده ماتغير شيء .. اللهم اليوم قمت من حالي محد قومنا وهذا شيء معجزه بالنسبه لي .. فزيت كأني شايفه جني بالحلم أعوذ بالله .. ومن الدلاخه كشخت وتزينت تذكرت إني ماصليت الفجر .. يووووووووووه الله يهديتس يمه وراه ماقومتين أصلي مع الناس .. وأقوم أتوضا وأن أرقص من البرد .. وأصلي وتوي بالركعه الأولى من السنه ما بعد بديت الفريضه وأسمع صوت يجيب لي الحاله المتأزمه المتمصعه صوت تغريد زُمّيرة باصنا ..
عاد هو حسبي الله عليه تقل متعني (قاصد )يدري أنه يجي بدري وأنا ما قضيت :icon1366: ويبدى طووووووووووووط طوط طيط طاط طماط بطاطس <<< بسطة خضار وأنا مدري:busted_red:
وأنا أستغفر الله العظيم مدري وش صليت أذكر أني من العجله قريت الفاتحه بالتشهد الأخير يارب تغفرلي عاد لاتخافون عدته الظهر
وأسلم وأفك الجلال وأنا نازله مريت من عند المدخل وكان به مرايه يوم شكيت أنه يمشي بجنبي جني ورجعت أتأكد ولا والله الجني خشتي:santa_1: .. يماااااااااااه ألحقين يمه .. يابعد عمري أمي تحسبي أنخطفت جت مسرعه .. يوم شافتن همر ( همر وألا لكزس ) تعود أدراجها هاجتن مرتعبتن من كشرتي قلت يمه عودي أنا بنيتس الوحيده رجعت وبدت تمقل ( تدقق) بكشرتي يوم تنفست الصعداء وقالت هبي يابنيتي وش ذا قلت يمه ساعدين قالت خلي الجل ينفعتس عاد أنا كنت مجعدته وأنحاس من الجلال ..
المهم صلحت الكشه .. وركبت الباص وأنا أدعي عليه .. قلت عبدالله يوم أنك تضرب بواري وتقوم الجيران خليتن تقل مهبوله أراكض مدري وش أسوي بعمري ..جلس يضحك ببرود :smoke1:..قلت إيه وش عليك بدله وأمش لا شعر ولا ميك أب ما لقاه إلا أنتم يالرجاجيل:no:
وصلت الجامعه وكنت متحمسه للقاء هنو لإني دائماً أشتاق له ( 3 أيام مانشوف بعض ظلم ) ودقيت عليه وتواعدنا وجت للقاعه :cupidarrow:..
جلسنا ربع ساعه يوم ما جت حقت التفسير طلعنا ..عاد حنا نبيه من الله نزلنا تحت وجلسنا نفطر ووسعنا صدورنا..بس هنو عمري تضيق صدري بشيء واحد (( دائما تسرح وكأن فيه شيء على باله مضيق خاطره )) .. عاد أنا كلش ألاهنو .. جيت بطلعه من جو السرحان .. قلت تفكرين بغدا عيالتس ..خخخخخخ
قالت عمى ..وأنا أضحك غصيت بس الحمدلله تم تدارك الوضع..
المهم وحنا جالسين مرت وحده من عصابات المافيا ( الأمن ) والمفروض يسمون ( الخوف ) لأنهم بصراحه مسببين رعب .. وكانت ماسكه مايكرفون ومن الخوف حسبناه مسدس يارب لاتعمينا
أنا ماقلت لكم جامعتنا ساحة معركه مافيا وطقاق بنات يوصل للضرب والكافتيريا بحاله لازم تفسرين( ترفعين ) كمومتس ( أكمام البلوزه ) عشان تشترين تقل داخله مضاربه .. مابقى إلا دبابات وصواريخ وتصير حرب .. والله العظيم حاله ..
وخلص البريك ورقينا .. عاد جتكم محاضرة الحديث ييييييييييييييييه عليه ( وش بقيتي كلش ماتحبينه ) المهم بدت بالشرح يوم غلطت هنيو غلطت عمره وسألته سؤال وليته ماتفلسفت .. أجزم أن أكثر من ثلثين المحاضره راحت جواب على هالسؤال ..وليته تجاوب زي العالم والناس تقعد تلف وتدور وتفحط عند نفس الكلمه (أستغفر الله ) ..
خلصت الحديث وجت الخامسه وقت الإمتحان ..
أنا بصراحه من شفته وأنا الكم حبتين من المعلومات اللي براسي طارن..دخلت وجبت العيد وطلعت..
ونزلنا تحت ولفينا شوي وشفنا غرائب وعجائب ..ياناس أنا مدري منين يطلعن هالبنات المرعبات ..البلا كل يوم أشوف شكل جديد ,, اليوم شفنا وحده رابطه ( بنص الجبهه ) ربطه تقل بتصارع ,,يبيله من يقرا عليه قران مدري من اللي لاعب عليه وقايل له تشبهين جاكي شان ..لا ومن زود الثقه فوشيييييييي ( يارب لاتبلانا يالله ) ..
بعدين رن جرس الباب معلناً إنتهاء يوم دراسي جامعي جميل بصحبة هنو الغاليه..
وأنا راقيه قابلت مجموعه من البنات بصراحه ضاق صدري يوم شفتهن.. تخيلوا سمعت وحده تقول بتطلعين معي .. قالت لا أخاف جربيه أنتي وإذا صار حبوب طلعت معكم .. قالت خويته لا مالي دخل إذا كان حلو بيصير لي لحالي..
والله أقشعر جسمي,,
رحت البيت وسألت أمي .. قلت يمه لو يقولون لتس بنتس طلعت مع واحد وش تسوين؟؟ ,,, فال الله ولا فالتس .. قلت يمه جد .. قالت ما أضن أنتس بعد ماتعبت وكبرت تروحين تخونينن وتخلين الناس يطعنون بتربيتي لتس .. قلت جبتيه يمه ( التربيه ) هي أساس الشيء هذا ,, اللي متربيه زين وماخذه حنان من بيت أهله ماضنتي تروح تدوره عند أحد ثاني..
وصليت وحمدت ربي أن لي أم ربتن وعلمتن قيمة نفسي ..





وهذا كل اللي صار اليوم معي ..
أتمنى أعجبكم ..
وأنتظر هنونتي ويوم آخر من حياة فتيات السعوديه وبالتحديد ( الرياض ) ,,




في رعــــــــاية الله ,,

,, ,,

 

[هنـاء]

شكرا هدولتي..

هلا هدولتي...
ياحبيل اللي يشتااااقون لي غريبه هالأشياء ماتطلع
لاقلت لك ادخلي بالزحمه اشتري لنا...؟!:sly:
هههههههههههههههههه
ياحبيلك امزح والله..:msn-wink:​

فعلا هدوله..العله بالتربيه..
كثيـــــــــــــــــــر من البنات الله يصلحهم سببو لنا
ولجامعتنا..ولنجد بكبره عــــــــــــــار ..
حسبي الله ونعم الوكيل..
لكن لو فسرنا ظاهرت هالشي
بنلقى عدة اسباب لأنحرافهم..
الأول..عدم وجود الأشراف من الوالدين..
الثاني..قد تظلمهم الحياة فيتملكهم شعور باليأس
وعدم تكوين هدف في الدراسه سوى اللعب وال...
الثالث..وجود شريحه من رفقة السوء اللي ولله الحمد
نلقاهم قله في جامعتنا..
والسبب ان جامعتنا قائمه على اساس ديني..​

استمتعت بيومك كثيـــــــــــر ياقلبو..
وانشالله حبايبنا العضوات يعجبهم..
وارجو الأدلاء بأرائكم من حيث القضايا اللي نطرحها
نحتاج لحملة توعيه..وبتأكيد انتم خير سند لنا..​

تحيـــ.....ــــاتنا...
هنـــاء - هديـــل​

شكــــــــراً على المتابعه..:bye1:​