يوميـــــ,,,ـــــات بنـــــــ,,,ــــــات الريــــــ,,,ـــــــاض

[اليوم المنتظر]

ههههههههههههههههههه

هديل يامال الصلاح قولي امين
انتي وهنا شكلكم مادريتوا؟؟
فيه اختراع اسمه ساعه
وبالقصيمي يقولون ساعه خراشه
عشانه تخرش القلب..
وابشركم فيه منها ميد ان شاينا..
بخمسه ريال..
اشترو ولا برسلها لكم بالبريد المستعجل.
كأنكم انتم الي عايشين
بكهف.
المهم صليتي بعد الظهر صلاه الفجر
لاحول ولاقوه الا بالله
يبيلكم موب ساعه خراشه يبيلكم ساعه مويه
ههههههههههههه
ياحليلس..
اما هنو تعرفين اكيد عياله قايلين له يبون مطازيز على الغدا
ههههههههههههه
....................
بس حركات هدوله اثرس قرما ماشاء الله
اجل ناقصه عشره كيلو
ياعمري انا كرف طول الاسبوع
ووزني:busted_red: يبيله حاله انذار
زي جرس انتهاء الدوام بالجامعه
اسمعي ولدي عمره 9 سنوات وبخطبس له
وش رايس
تاخذينه من هالحين وتربينه..
وبعدين تتزوجينه واعزموني الله يعافيك
وهنا ازوجه ولدي الثاني عمره 5 سنوات
وخلاص بلاها جامعه
ناظرو رجالكم وراعوهم..
ههههههههههههههههههه
...........
واما عن حكايه البنت الي سمعتيه تحسي
عن خويه..
قولي الحمد لله .
الله يعافيهم ولا يبلانا.
وسلميلي على امك اعجبتني يوم قالت تخونيني
وتشككين بتربيتي..
بوسه على راسها
..............................
الله يخليها لك ياقلبي
ويخليك انتي وهنو صديقات طول العمر
وتكونون خير على بعضكم
..............
بالانتظار ياحريم عيالي​

 

[layani]

:1eye::1eye::1eye:
ههههههههه
.
.
يسلمو على هاليوميات الحلوة ..
اسلوبكن الساخر جذااب ..
بصراحة كل مايضيق صدري .. بجي اقرا يومياتكن ..
.
.

 

[هنـاء]

مســــــــــائكم عسل...

ايـــــــــــــــــن الردود......؟ ؟ ؟ ؟

:icon26:​

 

[.-. ذوق .-.]

ههههههه .. أهم شي الكشة :> .. مسوية أكشن للموضوع .. تعالي بس وسمعيني شلون أقرا كلامج ،، لووول ،، مشروع مينوون .. ناديت أمي وأقرا ،، في أشياء ما فهمتها بس سويت نفسي سعوديه بالقراية امي استانست عليّ لووول .. والله انكم اتيننووون .. متابعتكم ،، عسى الله يحفظكم .. واللي تربي عـدل صدقيني ما تلقى من بناتها الا كل خير .. ..

 

[@ بسمة أمل @]

هههههههههههههههههه

هههههههههههههههههههههه

ههههههههههههههههههههههههههههه

خليتوني مضحكة لعيالي ((مجنونة تضحك لحالها ))

صراحة صراحة يوم اكشن صدق من يوم حطيتي الجل على شعرك وانتي ****ههههههههههههه

تعجبن في محافظتك على نفسك من بنات السوء ..ولااشوفك سذا والا سذا ترى بدق على الوالة الله يطول بعمرها <<الا صدق كم رقم جوالها <<خخخخخخخخخخ

يوميات جميله هديل وهناء

 

[مرجانة]

إيه الله يديم المحبة بيناتكن
هلأ إنتو أوكيه سجلوني متابعة معكم
بيوميات بتموت ضحك
بتعرفوا يابنات إنو هالمرحلة أحلى مراحل العمر
استمتعوا فيها للآخر وافرحوا لأنو كل يوم بيروح مابيتعوض
وياهنوووو تفكيرك كتير عاجبني فعلاً رفقة السوء بتغير السلوك الله يبعدكم عنهم ويحميكم

 

[هنـاء]

ياهلا والله بالمتــابعات ياحبي لكم والله..

يـــاهلا ومرحب والله بالغاليات..
اسفرت وانورت..:blush-anim-cl:

((دعـــوه شخصيه))
يسلم قلبك والله على هالمداخلات الرائعه
تحرجيننا بردودك الطيبه..
ونصــائحك الثميـنه..
ونشكر تفاعلك للقضايا اللي نطرحها
حبيبتي..

((layani))
هلا وغلا بك حبيبتي ..
واسعدنا كثيـــر ضحكتك الحلوه
وعساها دوووووم مو يوم
وابد حبيبتي متى ماضاق صدرك
تعالي وسعيه عندنا كل المقاسات..:harhar1:

((ألـم الإحتضـار المبكـّر ))
هلا وغلا بك حبيبتي انتي وامك..
الله يخليه لك..وشرط امااانه كل
مانزلنا يوم من اليوميات تقرينه له
وقوليله تدعي لي...:blush-anim-cl:


((الحياه))
هلا وغلا والله دوووم هالضحكه ياعمري
وتفرحني كثيييييير ردودك ياحياة مدري ليه..؟!
بذات على مواضيعي..الله لايخلينا منها..
اقول حياة وش سالفة الأتس..؟
انتي تبعنا اقصد قصيميه ولا عندك خبره..؟

((مرجانه))
هلا والله يالغلا..
ياحبيلك وياحبيل متابعتك والله..
يسلملي قلبك..
نورتي ياعسل..:bleh:

تحياتنا/هنـــاء - هديــل

​

 

[الدلع لايق]

هلا بكل اللي ردو ..

دعوه شخصيه /

ياويلتس من الله أروح شبابي أربي ولدتس ,, بعدين إذا كبر وصرت عجوز أعرس وخلان :tears::tears::tears:

بس معليش من يحصل له عيالتس يابعدي:cupidarrow:

يوم فشلتن أمي عند الجل تذكرت موقفتس حق البيرم خخخخخخخخخ:clap:

يسلمو على المتابعه ..

,,,,,,,,,,,,,,,,,,,,,,,,,

layani /


يابعد عمري من ذوقتس والله ..

أهم شيء أنه يتوسع صدرتس وهذا هو المطلوب ..

,,,,,,,,,,,,,,,,,,,,,,,,,

ألـم الإحتضـار المبكـّر /

ههههههههههههههههه

ضحكت عليتس ضحك ..

الكشه شيء أساسي عندي ,,
والله أكيد الكلام طالع رهيب من فمك ودي أسمعتس وانتي تكلمين قصيمي خخخخ
حبي لي أمتس وإذا فيه كلمه ماعرفتيه أسئلينا أنا وهنو ترى ممكن نترجم:bye1::icon30:
انتي اللي رهيبه وتجننييييييييييييييين ..
لازم كل يوم تتابعيننا لأن ردتس يهبل:cupidarrow:

,,,,,,,,,,,,,,,,,,,,,,

 

[الدلع لايق]

تابع ,,


الحياة /

ههههههههههههههه
هههههههههههههههههههههه
هههههههههههههههههههههههههههه

ياعمري أنتي ..
دوووووووووم هالضحكه يارب ..
وأنا وشو أدري بتقولين جني ,, ماعليه قالته أمي قبلتس شنسوي
لا لاتخافين مافيه تسذا وإلا تسذا حنا سيده على طول
الوالده بجيب رقمه إذا حجت إن شاء الله:fish:
يسلمو على المرور

,,,,,,,,,,,,,,,,,,,,,,,,,,,,

مرجانه /

ياحبيلتس والله ..
ردتس مره شيء ,, :blush-anim-cl:
الله يوفقتس يارب ,, ولا تحرمينا من طلاتس:cupidarrow:


مــع تحيـــــ {هنــــــاء & هديـــــــل } ـــــــــات

 

[الدلع لايق]

هلا هدولتي...

ياحبيل اللي يشتااااقون لي غريبه هالأشياء ماتطلع
لاقلت لك ادخلي بالزحمه اشتري لنا...؟!:sly:
هههههههههههههههههه
ياحبيلك امزح والله..:msn-wink:​

لا ما فيه مزح ,, تعرفينن إنسانه نعومه وما أنفع بالحرب والتدفيش ,, الكافتيريا يبيله وحده راعية عضلات ,,:flex:
شكلنا بنخاوي هذيك جاكي شان تشتريلنا خخخخخخ:smoke1:
بس الحمدلله من عرفنا راعية الكشك اللي حاقده عليتس وحنا مرتاحين:clap:

وهـــ بس ,, ياحبييييييييييييييييييلتس :cupidarrow::cupidarrow::cupidarrow:
الله لا يفرقنا :in_love::in_love::in_love:



تحيـــــــــــــــــاتنا ,,

(( هنو & هدوله ))

 

[هنـاء]

رد خاااااص بحنان الحنونه

ياااااااحبيلكم اتجننون كنت اتمنا صداقه مثل صداقتكم بس للاسف الله يديم محبتكم ومحد يفرقكموتصرون مع بعض حتى بليله زفافكم

ياعيون الكون لاتضايقت قلي..
عشان احس بضيقتك واتضايق..
يكفي تلمح لي وانا اجيك كلي..
واضيق علشانك ولو كنت رااايق..

افـــا بس ياحنونه..وانا ويــن رحت مو اتفقنا
اني صديقتك...؟!
يابعد قلبي انا وهدوله مرحبين فيك كأغلى
صديقه على قلوبنا في المنتدى يالغلا..
يالله عاد ابتسمي..:bleh:​

 

[هنـاء]

يوميـــــات هناء ((الأحد))

حيوووووووووه على قولة بنت خالتي..
والله اشتقت لكم..

هلا ومسهلا والله..يامرحبا بالمتابع
والمتبوووع..ياحبيل الداخل والطالع
من يـــومياتنا الشيقه (ماكني امدح نفسي)ماعلينا
لا ابشركم هالمره مــــايحتاج احد يقومني
قايمه من نفسي...بصراحه الكذب خيبه
مانمت خلقه مواااصله...يوووه تذكرت جملة
ابوي المعهوده لا شافني صاحيه لهالحزه..
((مشـــاء الله يابنيتي تقل كلب سلوقي نوم بالنهار
وســـهر بالليول))
وطبعا مايحتاج اقولكم ان الليول عند ابوي
هو جمع ليل..قمت من عند التلفزيون
حيث انني كنت اشوف فلم محمس جدا..ومن الحماس
مع البطل والبطله اللي جاء الباص قبل
اشوف ايهم بيموت قبل..نسيـــت ان عندنا
تسميـــع قرأن اربع اثمآن..وماودي
اقولكم اني مــــاتذكرت الا قبل اوصل الجامعه
بخمس ثواني..حاسبتهن بالثانيه شفتو اني دافوره..؟؟
ابد سلمكم الله والبس واكشخ واطلع تاركتاً وراي
مصحفي بعد...!!
المهم واركب الباص..ومعي بالباص
شلة بنـــات انما ايه من اللي يحبهم قلبكم
يجننـــــــون...رووووعه..ياحبي لهم والله بقولكم
اسمائهم لأن بيورد ذكرهم كثيــر بالأيام الجايه..
حلوه بيورد صح..؟
نوره انتساب ومصرقعه للأخر..
ملاك بس تضحك ياحبي له لو تقولين وش بك؟
ضحكـــت فديت ضحكته..
هنوف..نكتيــــه هالبنت وعفويـــه مررره..بس
ليته ماتضحك لأنها تخرب الديكور
حقه بشكل عجيـــب وماتعتبر غيبه لأني
داااااائما اقوله بوجهه سوي اي شي
بالدنيا بس لاتضحكين ضحكتك المعهوده
حفاضا على مستقبلك..وعلى نفسيت راعي
الباص اللي من يسمع ضحكته تجيه حاله هستيريه..
ويســـــ.....ــــرع سرعه جنونيه..تقل ماسه
جني الله لايبلانا...!
عبيـر وما ادراك ما عبير...هالأنسانه
داااااخله جو مع القصص والروايات الرومانسيه
مع ان القسم اصول دين مايأهل لهالمواضيع
بس تعرفون عاد اللي مدخلينه اهله بالقوه..؟!
وعبور2..هذي عاد مدري ليه تحس نفسه ولد..؟
مع انه ملامحه مرره ناعمه بس خلاص انا بوي
ودايما لما تجي تحاكي راعي الباص يشك
اننا مدخلين ولد معنا ورى..لأنه تخشن صوته..
بس والله عســـل هالبنت..وانشالله بتتأنث على
ايدي..
فديتهم والله..
المهم بدينا نطامر فوق المطبات وبغينا
ننسف ونقش معنا سطول الزباله مع عمال البلديه
وناخذهم معنا للبطحا من السرعه والتخبيط
بس الحمد لله ربكم ستر..والظاهر قاريين
هالهنود الضعوف على انفسهم المعوذات قبل
يطلعون من البيت..!
المهم ونوصل للجامعه بعد سبعة تشهدات
تشهدناهن اثناء الطريق..
اذكر منهن ثلاثه..وحده يوم بغينا نخش
بجدار بيت عبير..والثانيه يوم تحمس
سواقنا ورقى فوق الرصيف مسوي لي
فيها مختصر الأشاره..يحسب انه راكب
همر ولا جيب رنج روفر..
مادرى انه باص ومن فوقه لقب باص بعد..
والله اننا بغينا نقلب يوم رقا هالمهبول..!
والثالثه يوم صدم مراية واحد جثه
طــــول بعرض..امار ينزل الرجل
الحديدي يبي يفرش راعي باصنا..خخخخخ
والله الصراحه استانسنا انا والبنات قلنا واخيرا
جا اللي بياخذ حقنا من هالسوداني ..
بس والله خفنا انه يدخل يفرشنا معه...!
المهم وصلنا سلمكم الله ودخلت للجامعه
وعـاد البنات يوم الأحد عندنا يجيهم ((انخراش))غــير
طبيعي..مدري وش ياكلون الصبح...!
مرو علي ثلاث بنات يركضن .. وخبطة
وحده من هم ضهري بغيت اسفط على اللي
قدامي بس تمسكت بالدرابزين ياربي
لك الحمد ولا كان صارلي عاهه مستديمه
ومشكله عاد .. تهون ((دعوه خاصه))تزوجني
ولدها...!!
المهم..دخلت المحاضره الأولى وكانت عقيده
هههههه اللي يضحك بهالمحاضره اني
اتناقش مع الدكتوره وبنفس الوقت ارجع
انام..واذا حسيت انها بدت تدخل بموضوع
يحمس قمت وادليت بدلوي ورجعت نمت..!!
والله حسيتها بتعلق وتهزئني بس تعوذت من ابليس..
طلعنا من المحاضره انا وهدولي وبما
ان محاضرات الفقه طااارت مع استاذتهم الغايبه
طرنا نمتر الساحه ونتفرج على اخر العجائب
بجامعتنا الموقره..وسبحان الله النوم كله طار
مدري ليه يوقت يجيني مع بدأ المحاضره..
طلعنا اليوم مبكر ولله الحمد..وركبت الباص
وطبعا كالعاده وصلت آخر وحده..مع اني اطلع
من يرن جرس البوابه...!!
يااااربي مدري متى يطلعون هذول..
الضاهر ماينزلون الصبح ...!!
المهم ويهزؤني كالعاده..ليـــه متأخره يامن العله
كان (امرحتي)>>نمتي هناك
المهم واطلقت هنوف ذيك التنهيده مع ابتسامه
شبه ساحره..لأني بصراحه ابداً ما اقتنع لا
بضحكتها ولا بأبتسامته..خخخ...امزح هنوفي
لاتزعلين قلبو..فديت سنونك المتبعثره.
وقلنا كلنا بصوت واااحد..(خيــر..شفيه..؟)
هاه بشري متى يوم العرس..؟) قالت ((يووه الله
يسمع منكم يااارب))
واعطيته ذيــك النظره<< (يعنني عاقله..!) وقلت له
وجع ماصدقتي..!!
الوحده تستحي من يجي طاري
العرس وانتي وجهك مغسول بمرق ياكافي..:icon28:
لهدرجه متلهف على العرس..
((ويـنك يادعوه خاصه نحتاج للمزيد من
عيالك للشله بالله ..وان ماكان عندك
جيبي رجلك موب مشكله..راااضيين))
نمزح لاتخــــافين...!المهم وصلت للبيت وكالعاده ركض على امي
ابوسها >>تعرفوني بــاره..امي الله
يصلحه مدري ليه كل ماجيت من الجامعه
ودخلت غرفته تشهق وتقول ((بسم الله روعتين..!.))
تحطيـــم ياربي مدري ليه يصير لي كذا..؟؟
مع ان مافيه احد غيري
يجي هالحزه..!!
ياحبيل قلبه وكل يوم نفس الحاله.......!
ودار الحوار التالي:
امي/ جيتي ..؟
انا/ لا للحين بالطريق
امي/ وجع لاتطنزين..بتروحين معي
للمهرجان>> شي يشبه الصناعات
انا /طيب بروح انام لاجيتي تروحين قوميني
امي/ وش اقوم الله لايبلانا من تنامين افقد الأمل
اني اشوفتس الا بكره الظهر..!
ماقلت لكم 99 تعليق باليوم..!

رحنا للمهرجان وعاد لاتفوتكم امي لاجت تروح
للسوق..تقش كل ماهب ودب..تقل بتفتح
مهرجان ثاني ببيتنا...!!
ولا نمر على ذولاك اللي يجونك
من شرق اسيا ومعهم آلآت تقطيع وقدور ومدري
وشو ويبدون يقطعون قدامنا..
ولا فيه حريم كثيــر متجمعين يشوفون هاللي
يقطع..دخلت امي بينهم وامعنت النظر
حسيـــــت انه بتعلق قلت
اسحب اشيائاتي واهج قبل اتفشل..!!
ولا قالت:
(انت الا متى تبتل تنصب شريت مثله المره اللي فاتت
وانكسرت ماتشتغل الا اللي معك)
يحول راحو الحريم وخلوه يهرج لحالوه..احس ان امي
شققت مشاعيرُه يحول...!!
وتروح للثاني اللي يطبخ بقدر الضغط..
وتدخل بين الحريم..( ترااو نصاب طابخوه بالبيت)
وانا ميـــته من الضحك..شكلهم بيعلكوننا قبل
لانطلع انا وامي..
المهم عاد امي ياحبي له نبيهه بسم الله
عليه ومايخفاه خافي..واللي بقلبه على لسانه
طلعنا من المهرجان على خير..
انتهى يومي على خير ولله الحمد..وراي امتحان
انجليزي بكره تكفـــــوووون ادعولي حبايبي..
وادري طولتها معكم اليوم بس شسوي
احداااااث...!

فيه نقطه حبيت اتناقش معكم فيها..
وهي ان فيــه شريحه كبيـــــــــره من البنات
مثل عبوره..او بالأصح عبوره تقلدت فيهم
وهو ان البنت تحول نفسها بلبسها وقصة شعرها
واسلوب مشيتها وكلامها لولد..!!
وللأسف ان هالظاهره منتشره بشكل كبيـــر
بجامعتنا وباقي جامعات الخليج بكبره..
تتوقعون وش سبب هالأنقلاب خصوصا
ان اغلب الدكتورات يقولون ان البنت تدخل
في المستوى الأول كيوت وشعرها طويل
وتنقلب في المستوى الثالث لهالشكل...!
الله يستر علي وعلى هديـــل بس..!
هههههههههههههه
ابي اعرفوش سبب هالظاهره..
وليه هالتحول...؟
ووش الحل برايكم..
ننتظر ردودكم القيمـــه حبيباتي..

تقبلو تحياتنا..واسعدنا كثيـــــر مروركم
ومتابعتكم..
هنــاء - هديل

​

الله لا يفرقنـــــــــــــا....:e130:
​

 

[Queen***]

رووووووووووووووووووعه يومياتكم..........
بصراحه جداً ممتعه مع ان فيني النوم وما اشوف الكي بورد اللي قدامي بس قلت لااااااااااااازم ارد عليكم ...
إلىالأمااااااام .. ولي عودة غداً إن شاء الله لمناقشة موضوع المسترجلات...

 

[مستغربه]

وااااااااااااااهههههههههههههههههههه





موتيني من الضحك
عاد قاعده بروحي ولابسه احمر واضحك كاني جني :crazy:

ذكرتيني بالرياض واهل الرياض فديت خوالي انااااا....
ترا نصي سعودي وافتخر.....


صراحه يوميات جدا روعه وتوسع الصدر
وه بس ... على قولة هدوله...

متابعة لكم حبيباتي....
لا يهمكم التعليقات شوفو عدد القرائات....​

 

[اليوم المنتظر]

ههههههههههههههههههههههه

هناء وهديل ياحليلكم
قلت بزوجكم عيالي
بس رجلي حرام والله انتم ضعوف ومنتم قد
الجنون المستعجل..
والي تبيه تقولي بس عندي شرط
مالي لا ليله ولايوم ابي اجازه:c028:
ابي اوسع صدري كم سنه
هههههههههه
وبعدين مالي دخل بكرى تدعون علي..
عيالي تقدرون عليهم توهم بزران تربونهم على ماتبون
بس رجلي
من العصر الحجري..
يبيلك مطازيز وقرصان وجريش
وتشقين شعرك مع النص
وتنتظرينه بعد صلاه الفجر بتمر ولبن..
والنوم الساعه 9 بالليل وياويلك تسهرين اكثر
تصيرين فاسده اخلاقيا.
هههههههههههههههههههههههههههههههههههه

اما حكايه راعي الباص
ههههههههههه
شكل عبوره وصوته مسوي براسه نخل..

........................
تبين الصدق ياهناء
امك تحفه على فكره اعرف لك كثير امهات قصيميات
نفس الحاله
لايرضين الا بقول الحق
والطنازه ههههههههههههه
امي نمبر ون
امك احس فيها من امي
ماتخلي احد الا وتطنز به ولاتفشله
وفيه مره تذكرت
امي اشترت خيزرانه
عصا يعني
المهم...
امي قامت الصبح بدري
وجلست تحت عند الدرج:showoff:
وكل من نزل عطته لحطه:a043:
تقول بجربه هي توجع
حتى ابوي الله يرحمه ماتركته عطتوه وحده
والشغالات على وحده وحنا البنات..
هههههههههههههه

..........
اما حكايه عبوره الله يصلحه ان شاء الله
وبنات المسلمين..
وليش الحاله هذي صارت كثيره
اولا الاهمال الاسري
وعدم ثقه البنت في نفسها وبأنوثتها..
ممكن البنت تكون متأثره باخوانها قد تكون البنت الوحيده
قله الوازع الديني..
................................
ليش البنات اذا وصلو مستوى الثالث يصيرون كذا
غالبا الفيوز تضرب خلاص
هههههههههههههههههههههههههههه
هههههههههه


الله يوسع صدوركم بالعافيه
ياحلوات:bleh:
............................................


​

 

[الدلع لايق]

ههههههههههههههههههههههههههههه
هههههههههههههههههههههههههههه
خخخخخخخخخخخخخخخخخخخخخخخخ
<<< تغير ,,​

ياعمري ياهنو فطست ضحك ..
زين ماجبتي معتس هندي ..
وأنا أقول البنيه وشبه ماهي على بعضه أثر هالسوداني مطيركم حسبي الله عليه ..
شوفي عاد المره الجايه تروحين للسوق وماتاخذينن معتس ياويلتس ,,
فديت مامتس العسل .. ههههههههههههههههههههههه .. والله انه صادزه ,,
شرينا من عندهم هالنصابين وانكسرت من باتسر ,,
على قولة أميمتس ماتشتغل ألا اللي معهم..
...............................​

أما عن الظاهره اللي طرحتيه فهذي مشكله مريعه تحدث بمجتمعنا الخليجي بشكل واسع هالأيام
وما أزيد على اللي كتبتيه لأنتس وفيتي وكفيتي ..​

................................​

أمووووووووووح :cupidarrow:​

لا تصدقين هذي موب لتس هذي حطيه على راس امتس ..:harhar1:
وانتي ..​

7
7
7
7​

الله لااااااااااااااااااااااااااااااا يفرقنا ويخلينا دوم لبعض:cupidarrow:​

​

 

[الدلع لايق]

Queen​

مرورك اللي روووووووووووووعه ياملكه
ياحبيلك والله ..
بإنتظار عودتك..​

................................​

مستغربه​

فديت هالضحكه ياناس ..
يازين الأحمر زيناه .. بالله أرسلي لي صورتك أشوفك
أحس أنك حلوه
:icon30:
أحنا اللي يهمنا أنكم انتم رديتوا​

............................​

حنان الحنونه​

يابعدهم انتي ..
نتشرف بصداقتك ونعتز.. أنتي بس وينك
ياليتك كنتي معنا
بصراحه انتي اللي احسك رهيبه ومره حنونه على اسمك​

.......................​

دعوه شخصيه​

هلا هلا .. أنا مدري ليش إذا قريت ردك أسفهل وأستانس
شوفي رجلتس مانبيه .. لا تغيرين رايتس انتي عطيتينا عيالتس وحنا مانرضى بغير ذلك​

وأمتس انتي بعد حبيلي راسه شكله فله ..​

لا تحرمينا من ردوتس الرايقه..​

,,,,,,,,,,,,,,,,,,,,​

تحياتنا ..​

(( هدوله & هنو ))​

 

[هنـاء]

 

[@ بسمة أمل @]

ماشاء الله عليكم حبيباتي ...........

عندي تعليق بسيط ...لاتقولون سويه بالخاص لاباقوله في العام <<<على كيفي <<<سوداني ضاربه فيوزه<<<خخخخخخخخخ

الصور اللي تحطونها تهبـــــــــــــــــــــــــــــــل ..لكن ياليت تسترونهم الله لايبلانا ....ههههههههههه

ياتطمسون هالكراعين <<<<بلاها كراعينها هي ولونها !!!!خخخخخخخخخ

ياتحاولون تاخذون متسترات ....ههههههههه

ياتجيبون صور من السرة فما فوق <<<ههههههههههههههههههههه

مابي اناقش موضوعكم لاني شفته مرة وحدة بعرس ومانمت 3 ايام متواصل <<<سطلت من الخرعة <<<معقوله فيه بنات كذا

لكني انتظر التعليقات وخاصة منكم انتم ياللي معايشين الحدث <<<<<حشا نشرة اخبار هههههههههههههههه

تحياتي واشواقي

 

[شقاوية]

واااااااااو روعه بس تصدقون توي اشوف الموضوع بس عااادي لاني جلست اقرا يومياتكم من اول صفحه وننتظر جديدكم يوميا