ياسيدتي ناعمة هل لديك حل لي ..؟

[راحة البال]

لااعرف ماذا اقول ولكن لا يستطيع اي انسان في هذه الدنيا كائن من كان ان يجبرك على شيء كهذا لايرضي الله ولا عباده

اذا كنت قد لبيتي طلبه من اول مره ومشيتي في هذالطريق وسمحتي لنفسك بالتمادي فيه فهذا ذنبك انت وانت وحدك من ستحمل هذا الوزر .......
امامك خيارين جنه ونار اذا احببت الدخول للجنه توبي الى الله مما تعملين واستغفري لذنبك والفظي هذا الديوث خارج
حياتك اما الخيار الثاني فاني اكاد اجزم بانك لاتحبينه
عزيزتي لقد قمت باول خطوه في طريق النجاه وهي عرض مشكلتك على صفحات هذا المنتدى وانشاء الله سوف تجدين من يمد لك العون ويساعدك في الخلاص من هذا الديوث

عزيزتي الا تخافين على بناتك مستقبلا من رجل كهذا الله المستعان

 

[الحلوة الجميلة]

يارسول اااااااااااااالله

حبيبتي رحمي حالك من نار جهنم وفي الاخره زوجك المجرم ماراح يتحمل عقابك عنك انتي بتتحملين العذاب لحالك

بدون تفكير حاولي مع كبير العائله انه ينصحه واذا ماتغير على طول اطلبي الطلاق وخليه يولي في حرامه ووساخته

حبيبتي والله انصدمت بقصتك بس استعجلي ولحقي عمرك والله وياك

 

[الحلوة الجميلة]

:icon28:

 

[مسك الجنان]

عزيزتي كم احزنتني قصتك وكم ذهلت منها
ولكن تذكري ان لا طاعة لمخلوق في معصية الخالق
حتى ولو بالكذب فكيف بالذي يطلبه منك
ارجوك لا ترمي بنفسك الى التهلكه ابتعدي عن هذا الوحش واستعيني بالله
وخذي بالاسباب وان شاء الله لا يضيعك الله انت وبناتك استعيني بالله عزيزتي
والله المستعان

 

[هذاك اول]

لا حول ولا قوه الا بالله قصه غريبه بالفعل الله يعينك ويخلصك منه كلمي احد من اهلك يتدخل لاتسكتين ابد وخليه يتعالج احسه مرييييييييييييض واذا ماتحسن حاله تطلقي وربي مابينساك لانك تركتي زوجك حتى ترضي ربك الجاي لللاستغفار وبتفرج باذن الله تنبيه للاخت الي تقول يارسول الله ما يجوز النداء للرسول

 

[Q.W]

السلام عليكم ..

يوم فكرت اني اعرض مشكلتي واتكلم بكل صراحة كان في بالي اني يمكن الاقي علاج لحالته .. واذا مالقيت علاج مافيه غير الطلاق واقسم بالله اني كلما تخيلت نفسي بعيده عنه او سافرت لاهلي في الاجازات تجيني راحة نفسيه كبيره واحس بأنشراح صدري حتى نفسي تهدأ .. ويجيني الهم والغم لاجا موعد رجوعي اليه .. اتذكر العذااااااااب اللي راح يبدأ ومسلسل التعذيب النفسي اللي راح اسمعه كل يوم منه ...


ابي اتكلم عن زوجي واعطيكم نبذه عن شخصيته ..

قوي الشخصيه .. حازم .. مثقف لابعد الحدود .. حكيم والكل يرجع اليه في حل مشاكلهم !! .. متعمق في امور الدين ومحد يقدر يغلبه في هالناحيه يعني يقدر يعطيك دروس ومواعظ وفتاوى يفحمك فيها ... مع العلم انه لاااااااااااااااايصلي الا انه كان يصلي في بداية زواجنا واذكرها تماما سنه واحده فقط ورجع لحالته الاولى ..

كلمته مسموعه .. وله هيبة قدام الناس .. والجميع يحترمه ويضرب فيه المثل في قوة شخصيته واتزانه وانه رجل عصامي بنى حياته وكونها لوحده بعد ماتوفى ابوه وهو في عمر 18 سنه .. وربى اخواته الست واخوانه ورعى امه ..

رحيم مع ابنائه وبناته ... اذا نهرته في بعض المرات لتصرف قام به مع اولاده ماكان له داعي .. يرجع ويندم كأنه طفل ..
طيب في احيان كثيره معي .. لايكلفني فوق طاقتي .. تجمعنا بعض اللحظات الجميله نضحك فيها معاً .. نتكلم في امور متنوعه وبحكم انه مثقف استفيد منه جداً في بعض الامور ودائما يفتح عيوني ويفهمني حاجات ماكنت فاهمتها ويقلي انتبهي احد يضحك عليك ...


لكن بعدها ينقلب لانسان ثاااااااني مااعرفه ... انسان وسخ وحقير لابعد الحدود ... يأمرني باشياء وربي استحي اكتبها من فضاعتها وحقارتها ... فيه مره هددته وقلت والله لاعلم اهلي واخوالي يشوفون حل معاك .. تدرون اش قال .. قال محد بيصدقك لانهم يعرفوني زين .. واثق من نفسه الاخ .. قلت لا بيصدقوني لاني عمري ماكذبت والكل يشهد بأخلاقي وبديني .. يسكت ويطالعني بنظرة كلها شك .... بس ماينفع معاه شي ....

دائماً اقتبس جمل من كلامه ومواعظه واقوله مو هذا كلامك لبنت أختك تقولها لاتسوين هالشي حرام لانه يحب ينصح اللي حوله كثير خصوصا اخواته وبناتهم ... يسكت ويرجع لنفس مواله ولا كأني تكلمت او عيبت عليه ..

انا اللي ابغا أفهمه هو حالته وهل لها علاج او لا ...؟
لانه مرييييض اكيد بس اش اللي خلاه يصير كذا ابغا افهم هالشي ..!!
وماهو الحل او الطريقه اللي اقدر اتبعها واحطه على اول طريق العلاج .. في مرات كثيره اقوله انته انسان مريييييض
ليش ماتروح تتعالج وتشوف نفسك انت مو انسان طبيعي .. يضحك ويقولي والله مو المتخلفه الا انتي اروح برى اصرفلي ويطلع !!!!!

 

[المنقبة]

مستحيل يعني في ناس جدي اشلون هدا ريال هدا ديوث اشلون يعطيج تحكي مع رياييل ابغى افهم انا و الله دنيا صارت تخوف اعود بالله و الله ما قادرة استوعب الامر معقول تطلقين منه ترى هدا مب صاحي روحي للقضاء و الله الي تسويه ترى مو لصالحج حسبي الله عليه

 

[هواها شرقي]

صراحا انصدمت اكثر لمن قلتي صفاته لا وبعد متعمق بأمور الدين لا ويفتي بعد حشى هذا الرجال مو طبيعي ميه بالميه بس اسمعيني اذا كان ما يصلي ما يجوز تقعدي معاه وتستمري في حياتك معاه اعوذ بالله من رجال زي كذا الله يعينك حبيبتي. بس صراحه اسمحيلي زوجك هذا مو صاحي ابدا من اي كوكب جاي وين غيرته عليكي ما عنده احساس بالشرف الله يصبرك وان شاء الله تحصلي على الحل لمشكلتك باسرع وقت قلبي معاك

 

[مرهفـ احساس ـة]

اقول لاتجلسين عنده كيف تعيشين مع واحد خائن..

الله يهديكم للحق.

 

[(مها)]

سؤال اخيتي ... هل فعلتي مايقوله لك بشأن الخيانه ؟؟!!!
هل خنتيه وسويتي اللي براسه!!!!!!!!
ترا اذا مو عاجبك حاله الحين تركه افضل !!!!

اذا خايفه على اولادك تقدرين تكلمين مجامي وتقولي له طلبه للخيانه هذا بيصير فيه خوف على الاولاد
وتصير ابنائك لك ,,,, استشيري احد حكيم بالعايله ( الوالده - الوالده ) وارسمي خطك صح
وخلي كل شي بالاستفسار من استشارين في حال اخذ الابناء

او الحل الثاني تعالجيه اولا يصلي لان الصلاه تنهي عن افحشاء والمنكر
استعيني باحد اذا مو قادره عليه لحالك ... لاتخلين نفسك واولادك ضحيه له
فكري زين في قرار البقاء او الانفصال اذا صار امر هدايته صعب
والهدايه من الله ,,, والله يهديه ويرجع على سابق عهده

 

[حبيبت رشيد1]

الله يكون في عونك ياقلبي اختي قومي وروحي صلي ركعتين وادعي كل الي في قلبك وادعي له با الهدايه ويعمي قلبه عن الحرام

 

[Q.W]

فلتعذرني اختي في الله التي سئلت هل نفذت طلبه وماالى ذلك من الاسئله عن الامتناع عن الاجابه .. قد تقولون كلنا نكات مستعاره ولاتعرف احدنا الاخرى وهذا صحيح لكني اجد حرجاً في الايضاح والاسهاب في التفاصيل ولتعلمن اني وان فعلت مافعلت الا اني نااااااااااااااادمة اشد الندم وتائبة الى ربي عسى ان يصفح عني ويغفر لي زلتي ...

وان يريني قبول توبتي في كمال عافيتي وصلاح اولادي وزوجي لي .. وان يسخر لي في هذا المنتدى من بنات الحلال من يكن لي عوناً بعده سبحانه في تجاوز محنتي والاخذ بيدي مااستطعن الى ذلك سبيلا ....

 

[ام ريان*]

لاحول ولا قوة الا بالله
شئ مرة يققققهر
انا لو مكانك اخد مسجل وشريط واحطه بغرفة النوم
واشوف الوقت اللى تبدأ حالته المرضية ..الله يشفيه
و اخلى المسجل يسجل كلللللللللللللللل كلامه
بكذا لما تطلبين الطلاق يكون عندك الدليل على كلامه
لانه الحين بمكانته وسمعته متأكد انك لو فضحتيه ماراح يصدقونك واتق من نفسه

وبدليلك ... ماراح تخصرين عيالك اللى خايفة عليهم... وطبعااااااا بتصيرين انتي اولى بيهم من ابوهم
الله يكون فى عونك ويشوف من حالك ويسخر لك الخير يارب

 

[Q.W]

اللهم إن حسناتي من عطائك وسيئاتي من قضائك فجد بما أنعمت علي ما قضيت وامح ذلك بذلك جللت أن تطاع إلا بإذنك أو تعصى إلا بعلمك اللهم ما عصيتك حين عصيتك إستخفافا بحقك ولا إستهانه بعذابك لكن لسابقة سبق بها علمك فالتوبة إليك والمغفرة لديك لا إله إلا أنت سبحانك إني كنت من الظالمين

 

[ياسمينه]

اختي الكريمة
اتصلي على مراكز طبيه واستشري اطباء نفسين في البدايه
وبعدين حاولي تكلمين الهيئه إذا انتي خايفه على عيالك ، وخليهم يدبرون لك خطه
انك تكشفين زوجك على حقيقته ، وإذا اكتشوفا انه بهذي الأخلاق يطلع موب كفوء
ويخلون العيال عندك ، فهمتي علي ...
الله يعينك
لكن ترى مافي اي سبب من لاأسباب يسمح لك انك تتجاوبين معاه
لان في النهايه طيعي ربك والله الكريم بيكفيك شره

 

[جنة أهلي]

حبيبتي اول شي تسوينه تجيبين دليل انه يحرضك على الخيانه و الحرام " تسجيل او اي دليل اخر .
بعدها اطلبي الطلاق , وهدديه بالفضيحه و بلأدله التي تثبت كلامك بانه يحرضك على الحرام ثم طالبي باطفالك , " و اكيد لن يرفض خوفا من الفضيحه " , و اذا رفض افضحيه عند المحكمه وستعطي المحكمه الحضانه لك .

و لكن المهم ان لا تلبي رغباته المحرمه , و لا تقولي خايفه على اطفالي او اني مظلومه فلا يوجد احد بهذه الدنيا مظلوم مادام انه يستطيع اتخاذ قرار.

الله يفرج كربتك , وييسرها و يجعل لك مخرجا.

 

[نونا98]

حبيبتي اول شي تسوينه تجيبين دليل انه يحرضك على الخيانه و الحرام " تسجيل او اي دليل اخر .
بعدها اطلبي الطلاق , وهدديه بالفضيحه و بلأدله التي تثبت كلامك بانه يحرضك على الحرام ثم طالبي باطفالك , " و اكيد لن يرفض خوفا من الفضيحه " , و اذا رفض افضحيه عند المحكمه وستعطي المحكمه الحضانه لك .

و لكن المهم ان لا تلبي رغباته المحرمه , و لا تقولي خايفه على اطفالي او اني مظلومه فلا يوجد احد بهذه الدنيا مظلوم مادام انه يستطيع اتخاذ قرار.

الله يفرج كربتك , وييسرها و يجعل لك مخرجا.

كلامها صحيح 100%

 

[Q.W]

حبيبتي اول شي تسوينه تجيبين دليل انه يحرضك على الخيانه و الحرام " تسجيل او اي دليل اخر .

سويتها مره وسجلت بالجوال ويوم رجعت بعدين اسمع التسجيل طلع صوته مره منخفض وصوتي هو اللي عالي ..
قلت لازم اجيب مسجل يكون تسجيله واضح وقوي .. والفكره في بالي وان شاءالله اليوم اشتريه واذا رجع اسجل عليه ... مو عشان اطلب الطلاق لا ... عشان اهدده انه يسكت ويتركني في حالي مع اني واااااااثقه مليون في الميه انه راح يتفنن اكثر واكثر في اذلالي واحتقاري كما يفعل دائماً .....

الف شكر لكن من الاعماق على كل كلمة قلتنها لي وعلى كل دعوة صادقه منكن ..
وادعوا الله ان يثبتني واياكم على الطريق المستقيم انه سميع مجيب الدعاء ..

عندي سؤال للمشرفات الكريمات ..
هل الاستشاريات يتأخرن هكذا في الرد على الاستفسارات .....؟

 

[ALBDEWEYA]

السلام عليكم ورحمة الله ,,,

قصتي :
انا ياسيدتي الكريمه .. زوجه لزوج يطلب منها على الدوام خيانته ..!!
نعم لاتستغربين ..
زوجي يطلب مني خيانته .. ويدفعني لمحادثة الشباب عبر الهاتف .. وقد جلب لي شريحه لهذا الغرض ..
ويضغط علي للخروج معهم وممارسة الجنس .. واذا سئلته لماذا يقول لانني استمتع بذلك ...
وان خروجك معهم امر يثيرني جنسياً ..!!
استحلفك بالله ياسيده ناعمه الهاشمي هل مرت عليك مشكله كمشكلتي ..!!

ومن ابتليت بزوج مثل زوجي ستفهم لماذا قلت هذا الكلام ...

ها انت تعترفين بأنه يوجد ازواج مثل زوجك
نعم عزيزتي يوجد ازواج مثل زوجك
زوجك ( ديوث ) ومشكلتك تحتاج لفتوى ( هل يجوز لك البقاء على ذمته ام لا )
ولا طاعة لمخلوق في معصية الخالق

 

[أنا من أجله]

حسبي الله ونعم الوكيل

يا اختي العزيزة
تركييه هذا انسان مريض اتقي الله في نفسك وتوبي وارجعي لله الغفور الرحيم
وعسى الله يهديه لنفسه بس نصيحة بلغي أهلك لأن انسان ما يستاهل انسانه خلوقة هذا يبيله وحدة من أشكاله { الخبيثين للخبيثات }
والله المستعان​