مشكلتي اخت زوجي؟ ابي لها حل؟؟

[ضحكة فجر]

أنا مع الأخت الزوجة الحكيمة 00فكم من البيوت هدمت بسبب أخوات الزوج 00
دعواتي لك بالتوفيق ​

 

[الماسة و حساسة]

اشكركم خواتي على اهتمامهم وبالفعل اختي النسمة سويت معاها نفس نصيحتك
والحمدلله اتعدلت معاي وايضا زوجي اتعدل معاي وصار ملاحظ اني اتغيرت وصرت ما اعطي الموضوع اهمية لكنه ما زال يخبي علي اتصالاتها عليه انا ما عندي مشكلة ولا افكر اني اقطعهم من بعض لكن الي محيرني ليش بالذات هذي الي يوم تكلمه ما يقولي وخواته البقية يقولي انهم يدقوا عليه
حتقولوا لأنه عرف اني اغار منها وانا اقولكم انه من يوم تزوجنا و هذي الحركة يسويها يعني هي الوحيدة من بين كل اهله الي يخبي علي اتصالاتها حتى من قبل ما يعرف اني كنت اغار منها
والحق يقال انه اتغير معاها كثيييييييييير عشاني يعني اول ما تزوجنا صراحة كنت ابكي منه لأنه كان يراعي خاطرها على حساب خاطري عني مثلا كنا عرسان ما لنا اسبوع وكانت تعبااااانة قدمينه الاثنين وقمت اعمله مساج فيها تخيلوااااااااا وش عمل؟؟؟؟؟
صار يناديها والمشكلة كنا في غرفة النوم ولما جات قالها تعالي اعمليلي مساج في قدمي الثانية
قهررررررررررررررررررررررررررررر
تفاجأت من طلبه صرت اقول في نفسي يعني انا مو مكفيتك
وغير كذا كنا عندهم وكان جايهم خال زوجي و زوجته وعيالهم انا ما ادري ان احد جايهم كنت لابسة لبس عادي ما ينفع استقبلهم به وقلت لزوجي ما ودي اقعد ودي اروح ماني لابسة زين هو ساكت قامت تدخلت الاخت و قالت لا ماتروحو فقال لا خلاص ما بنروح تخيلوا صارت تضحك ضحكة خبيثة يعني انه سمع كلامها وما سمع كلامي
هاااا وش رايكم
المهم طولت عليكم و برد على الاخوات الي يقولون انها مشكلة بسيطة ؟
من الممكن انها تكون بسيطة بالنسبة لكم لكنها تكون مو بسيطة اذا كنتي عايشاها تخيلوا ان وحدة تحاربك وتسويلك مشاكل مع زوجك حتى لو كانت اخته يعني عادي اخليها؟
اولا واخيرا انا اعتز برأيكم ولا اقدر استغنى عنه
وكلامكم على العين والراس

 

[ياريت أعرف أحب]

اسمعي عندي لك خطة ماادري كيف جاتني بس خاطري اقولها لك لاني من يوم قرات موضوعك وانا في لليل اتذكرك وقت النوم

لانه مرة اخت زوجي زعلت مني لاني على قولتها كنت استفزها وانا ماكان قصدي

اخت زوجي اول ما اتزوجت انا هي تطلقت من زوجها وجلست في بيت اهلها وكانت جالسة لي على كل تصرفاتي وتفسرها باني كنت اغيظها لا نها مطلقة مع اني والله يعلم انه عمري ما حطيت هالفكرة في راسي

لانه اللي بيينا مو بس انها اخت زوج لا اتربينا مع بعض كنا صديقات في المدرسة وجيران اهلها واهلي اصدقاء من زمان .

لكن بعد ما تطلقت صارت تناظر للكل انه يستفزها وانه يغيظها , مرة كنت معها في غرفتها وزوجي بيزبط كومبيوترها وانا كنت ماسكة عروسة لعبة ومسكت شعرها وآذيت زوجي , فزوجي قال نعم

قلت له : لا بس كنت بآذيك هي شالتها في نفسها .
وصارت ماتكلمني وماتسلم علي ولما نروح نزور اهله تجلس في غرفتها
لكن انا ماسكتت لاني ما احب احس انه في احد زعلان مني واطنش
المهم هي رجعت لزوجها بعد كدة لكنها برضها مسوية فيها اخت زوج واللي بيني وبينها انتهى


خطتي لما تشوفي اخت زوجك تتغزل في زوجك قولي صادقة حتى شوفي عيونه كيف تجنن لها نظرات تسحر مااقدر عليها
وقتها يمكن يتقلب الموضوع عليك وهي تغار ويمكن ترمي لك كلمة قولي وقتها حلال عليكم حرام علينا هذا زوجي ومن حقي انا اللي اتغزل فيه .


بس .
وربي يستر عليك ويهدي سرك .

 

[هالوجين]

الصراحة انا اعرف شعورج لاني نفسك عند زوجي خوات بس وحدة مسوية نفسها عاشقة اخوها تجيب لة هداي فيها قلوب وحب وكلما استنكرت هلشي قال لي مسكينه 00وهي ياكافي الشر خبيثة مجرمه المهم الشي الغريب انها تبين له انها تموت فيه 00لاعت جبدي 00ومن وراه تضرب عيالة وتهينهم وكنت لما اقولة مايصدقني اليماكبرو وسمع وشاف 00المهم حللنا الموضوع اتضح انها تكرهني موت والموضوع غيرة مرضية انصحك تحوطين زوجك وتتفننين في تدليعة ومتبينين لة ابد انك تتضايقين منها لان بيحس انك مو واثقة من نفسك ومسيرة بيمل لان الرجل اهم شي عندة ال ال فهمتيني

 

[هالوجين]

الصراحة انا اعرف شعورج لاني نفسك عند زوجي خوات بس وحدة مسوية نفسها عاشقة اخوها تجيب لة هداي فيها قلوب وحب وكلما استنكرت هلشي قال لي مسكينه 00وهي ياكافي الشر خبيثة مجرمه المهم الشي الغريب انها تبين له انها تموت فيه 00لاعت جبدي 00ومن وراه تضرب عيالة وتهينهم وكنت لما اقولة مايصدقني اليماكبرو وسمع وشاف 00المهم حللنا الموضوع اتضح انها تكرهني موت والموضوع غيرة مرضية انصحك تحوطين زوجك وتتفننين في تدليعة ومتبينين لة ابد انك تتضايقين منها لان بيحس انك مو واثقة من نفسك ومسيرة بيمل لان الرجل اهم شي عندة ال ال فهمتيني :blush-anim-cl: وراح ينساهاوسوي نفسك محترمته بس منبعيد

 

[الماسة و حساسة]

تسلمون لي حبيباتي
ياريت اعرف احب مشكورة وحأعمل بنصيحتك
هالوجيـــــــــــن مرررررة شكرا الله يعطيك العافية

 

[عزيزة نفس]

بنات ماني مصدقة لهالدرجة ثقتكن في انفسكن معدومة مب معقولة تغيرن من اخوات ازواجكن هاذولي مهما سون ما بيحصلن غير الاخوة وإذا يبن شئ مب زين لاسمح الله كان ما يسون كذا قدامكن لا من وراكن ارجوكن عيدن حساباتكن لالالالالالالالالالالالالالالالالالالالالالا مب مصدقة اقول تعوذن من الشيطان ​

 

[ريف قلبي]

اختي عزيزة نفس

ياما خوات أزواج سعو في خراب بيوت اخوانهم.. لا وبعد طلقوهم من حريمهم وزوجوهم غيرهم.. اختي اذا هو يحب اخته وهي تحبه طبعا بما بغار لأن اللي مافيه خير فأهله مافيه خير لحد.. بس انسانه مثل هذي.. اعوذ بالله.. مابغار منه
بس إلا بخاف وبحتاط

بعدين اختي صاحبة الموضوع اسمحيلي شوي بدخل وبقول رايي..

اخواتي الناس أجناس وكل واحد له شخصيته واحاسيسه.. اذا انتي ما تغارين على زوجج لو كانت اخته مثلها,, هذا شي راجعلج.. بس لا تستهينين بوحده تغار وتخاف على زوجها.. أنا الصراحه خوات زوجي جدا محترمات وحبوبات ولا قد وحده أثارت غيرتي بشي.. بس حطيت نفسي مكان الأخت وفعلا شي يقهر.. بس لو كنت اشوف الموضوع عادي مابدخل وبقولها ليش تغارين؟؟؟؟؟؟؟؟؟؟؟؟؟؟؟؟؟ عجيب!!!!! احاسبها على احساسها واعاتبها عليه,,, بكيفها تغار على زوجها محد يقدر يمنعها......

 

[(( نبأ ))]

واللله بصراحه انا مع الخوات الي قالو انها اختها واخذي الموضوع ببرود
لانها مردها اختها وخيرتها بتتزوج

ومع الخوات الي قالوا لا مالها حق بصراحه تصرفاتها عاديه اي نعم
لكن مسألةالحضن لاعاد الا تقعد بحضنها هذه بزووووده عاد شنو وين قاعدين عيب
الموضوع في انه
ولازم تعرف حدودها

بغض النظر عن الغيره وتوابعها

 

[اوراق ملونة]

الله معاكى يا اختى انا عندى اختى نفس القصه احسن حل انك تطنشيها كانها ما تتكلم ولو غلطت فيكى

لازم تردين عليها بس بلباقه عان مش تعرف ترد ولا تبينى لزوجك انها تضايقك ابدا كانها هوا مالا

لازمه بس حاولى اكسبي محبتها بالهدايا بس ما تكثري احسن تتخيل انك خايفه منها ومثل ماقالت

الاخت اذا غازلت زوجك زودى الكلام انت كمان وكانه ماهامك كلامها والله يوفقك ويخلصنا من

النوعيات دى من البنات الهدامات للبيوت قولوا ااامين:idea:

 

[الماسة و حساسة]

ياعمري انتو خواتي الله لايحرمني منكم يارب
اختي و حبيبتي
ريـــــــــــــــــــــــف قلـــــــــــــــــبي
يا زينك والله والله والله ثم والله إني أحسك صدق اختي
يالله قد ايش مقهورة علي وحاسة باحساسي
ربي يسعدك دنيا واخرة و يخليك لنفسك ولزوجك
ويحنن عليك قلوب العباد ويسخرلك جنود السماوات و الارض في كل خير
ويرزقك راحة البال والله يسخرلك زوجك كما سخر البحر لموسى
والله انك تستاهلين كل دعوة دعيتها يارب يستجيب
وشكرا لكل الاخوات

 

[ريف قلبي]

حبيبتي والله الله يسلمج ويهنيج في حياتج.. ويرزقج من حيث لا تحستبين
ماتعرفين فهالوقت أنا كم محتاجه هذا الدعاء

الله لا يحرمني منج يا اختي والله يسخر لج زوجج ويريح بالج ويهنيج..

 

[راجية الجنة]

حبيبتى هذا يسمونه غيره حمدى الله انها اخته

 

[الامل 2099]

أختي الحبيبة : لا تنقهري و لا تحطي في بالك , بلعكس حاولي أن تستخدمي مع زوجك أسلوب أخر :in_love: يلفت نظره إليك و ليس إليها :icon26: , وعلى العموم كل هل الحركات إلي تسويها أخت زوجك تدل على إنها تبغى تفقع قلبك و تقهرك :a032: ولا ما في أخت مهما بلغت درجة حبها و تآلفها مع أخيها تفعل مثل هل الحركات أبدا , و بالنسبة لزوجك لا تزعليه أبدا ترى الرجال ما يقهر إلا إنك تقوليله أهلك أو أمك أو أختك , حاولي تكسري عينها مثل ما يقولو, وأهديها هدايا وهو جالس , أيضا إذا جات تسوي هالحركات مرة ثانية أضرب لها المثل( بأنه كما تدين تدان ):icon1366:
الله يفرج عنك وعني وعن المسلمين :c016:

 

[زي العسل]

يمكن هيه تربت كذا

بعض العوايل كذا تحصلي الاخوان قاعدين كانهم ازواج ويبوسوا بعض وكل لحظه يتحاضنوا

عندي رفيجتي جي متزوجه وكل ما رحت عندها اخوانها كله يمروا ويبوسوها وتكون لابسه ملابس مثل شورت وتنانير قصار عادي واخوانها كبار
يعني تربيتهم جي من البدايه

عادي طنشي ولما تروح بيت اهله قعدي يم ريلج لا تقعدي بعيد عنه

والله يهدي سرج

والحمد لله انه ما يخون احمدي ربج هذي اخته ليش تغاري الموضوع ابسط من جي

باي

تحياتي

زي العسل

 

[أم سلمان]

يا اويخيتي كبري عقلج ولا تكبرين الموضوع تبين اريحج دايم التمسي للناس العذر وقولي موقصدها لو بدققين على كل كلمه راح تعبين بحياتج على طول
بكون صريحه معاج غلط تدخلين ريلج بمشاكلج بينج انتي واهله ككل ادري انها قويه بس راح تكبرين ابعينه وايد يعني شنو يسوي المسكين هذي اخته وترا اهم متعودين على هل الطريقه يعني لا يضيق خلقج شفتيه اشتكى خلا ص ليش محتره
وبعدين احسن حل تسفهينها وترا ما تؤثمين اذا قاطعتيها بس خلج سنعه ودقي بين فتره وفتره قال حبيبنا الرسول عليه الصلاة والسلام ( زر غبا تزدد حبا )

واتمنالج كل توفيق واسفه على صراحتي عادي نفسي مثل اختج وصدقيني كنت نفسج بس هذا كلام اختي وايد سنعني
اختج ام سلمان

 

[ألماس ثلجي]

نفس المشكله تحاول اخته تثير غيرتي وانا طبعا أطبخ من جوه بصدري لكن أواجه كل حركاتها بالابتسامه وانا كثيرة الحقران ولا أقلد حركاتها تلقائيا أكون على شخصيتي ولا أهتم بوجودها اذا عملت حركاتها.

 

[فلوووونة]

والله ما أدري شنو نظامهم بس أتوقع وأكيد فيهم نقص أو مرض وأنا عندي نفس مشكلتش تقريبا أحس شئ طنننننننننننشئ

 

[nonoura]

عن جد ثقتكم بانفسكم معدومة لم يبقى الا اخت زوجى لااغار منها شىء لايصدقه عقل

 

[نجم الغسق]

يا أختي أنتي عارفه إنها غيرة وإنها تبغى تغيظك فكبري عقلك واعرفي إن مصلحتك لأن النكد بريجع عليك وعلى بيتك:no:
والي تغار من أخت زوجها ما عندها سالفه لأن هذي العلاقة مهما كانت قوية لايمكن يقولك بتزوجها عليك أو يخونك معها (والعياذ بلله) :icon28:
فركزي على زوجك بكل عقلك وجسمك وشوفي وش يسعده وكيف تزيدين قربك منه وجددي في حياتك معه ........................:idea:
أما أخت زوجك فتذكري دايما أنها أختـــــــــــــــــــــــــــــــــــه مو عشيقته
وحاولي ما تقابلينها كثير إنت مو مجبوره كل ما راح زوجك لأهله تروحين معه
نصيحة عن تجربة وخبرة خلي زياراتك لأهله قليــــــــــــــــــــله ورسمية يعني لاطيحين الميانه بينك وبينهم :detective2:
بس لاتقولين لزوجك ما أبغى أروح لأهلك لا مره اعتذري إنك مشغوله ومره تعبانه مره نعسانه وغيري في الأعذار ومع الوقت يتعود :sly:
وأذكرك بقصة الخادمة السمراء وتعليق الأستاذة ناعمة عليها:bye1: