مشكلتي اخت زوجي؟ ابي لها حل؟؟

[الماسة و حساسة]

مشكوووووووووورة اختي مرمورة الله يعطيج العافية على هالكلام المريح
الله يجزاك خير وجزى كل من رد علي وراح يرد علي خير الجزاء
وعسى انشالله يريح قلوبكم ولا يتعبها ابد

 

[defa]

أنصحك طنشيها و إذا كان لك شقة منفصله إذا جت و قعدت و زوجك موجود إنشغلي بأي شي إذا كان قصدها تغيضك ماراح تسوي حركاتها لأنك مو موجوده وتشوفين و إذا قالت أغراض حنا شارينها لك قولي(( أنا اللي شاريتها حبيبتي مو حنا صححي معلوماتك )) و لاتخلينه يقطع علاقته فيها أو يقللها لأن هذي مهما كانت أخته .
الأمر الآخر أكبر غلط أن زوجك علم أنك متظايقه من أخته لأنك بذلك و ضعت مقارنه بينك و بينها مهما حصل لاتقارني نفسك بإمرأة أخرى مهما كانت .اجعلي نفسك فوق كل المقارنات .
دلعي زوجك بطريقتك و زيدي في تدليعه بالعربي أشبعيه كلام حلو وحب وغزل إجعلي لسانك يقطر عسلا لزوجك حتى أمام الآخرين .
إذا تحدثت بينك و بينها مثلا أنا سويت كذا لفلان طبعا شي موطبيعي يعني قاعده في حضنه تبوسه من كل مكان في و جهه أنتقديها بتهكم أو فلان يقول أنا تجذبني المرأة الثقيله .






أعرف أنها لكن تصرفتها قد....أكمل لك غدا

 

[اللب نساك انساه]

اقول طنننششششششششششششيها دامك عارفه انها بتغيضك سوي انك جدار هاذي حركات اهل الزوج الله يرزقها بالزوج الصالح عامليها بتعاطف وارحميها بكل شي تسويه انتي خليكي احسن منها دايم تتغير لاتعامليها ند بند حنا ترى ناثر بللي قدامنا بدون مانحس لو رحمتيها تتغير بعدين انتي الغاليه ام الاولاد والبنات باذن الله

 

[lo0om]

ارقيلللللللللللللللللللللللللللللله


موتيني من الضحك هههههههههههههههههههههههههه
الله يرجك يختي وسعي صدرك ماتسوى عليك ذي اخته والله عيب الي تسوينه وانتو يابنات عيب عليكم وصارو بعد تتصل من وراك هي واخواها يعني قال انك تغارين منها كسبت نقطت ضعفك ياذكيه وعرفت انها نقطة ضعفك والله يعينك المفروض انك تقربينه من اخته وتحاولين تعتذرين من تصرفك وتتبررين انك في لحظه طايشه فكرتي بشكل طايش
لانك اذا سويتي كذا بتخلين ماعندها شئ تتسلى فيه بلعكس خربتي عليها هوايتها وهي استفزازك وشن غيرتك منها

 

[عاشقه زوجي]

انا احس انج مكبره السالفه حبيبتى شو ماسوت هاى اخته كبري مخج اخته برايهااا بس اتجنبيها وكيف اصلا تمنعيه يكلمهااا هاى اخته احمدي ربج ان هاى اكبر مشاكلج

 

[اللطيفة]

تبين اختي الحل اذا جتك اسكتي لاتكلمينها الا في حدود خلي علاقتك سطحيه واذا شفتيها عند زوجك قومي وخليهم كي تشعري زوجك واخته انك غير راضيه بهالحركات روحي مثلاللمطبخ دوري لك شغل واذا قال زوجك وينك ؟؟قولي عندي شغل 00
احقريها بطريقة ماتلقى كلام تقوله لزوجك وبعدين صدقيني هي تبي تخف عن هالحركات وهو بعد يبي يبدأ يشوف
تصرفاتها00
واذا قالت حنا شرينا قولي انا اللي شريت00
يبدو انها مستهترة فيك نوعا ما وانتي معطيتها وجه000
حتى لو زوجك موشخصية صدقيني تبي تبدأ تخاف منك00
اللطيفة00

 

[Candle]

الله يعينج عليهاااااااااااااااااااااااا حبيبتي

 

[الماسة و حساسة]

اشكركم خواتي على مروركم الي اثلج صدري
الحين شعرت اني بين خواتي بالفعل
ربي ما يحرمني منكم

 

[ام شوق]

صراحه اللي تسويه اخت زوجك مو طبيعي ومن حقك انك تضايقين كلنا عندنا اخوان مانسوي اللي تسويه

صراحه اسمحيلي اقولج اخت زوجك ماتستحي


من حقك انك تتضايقين


وفقك الله ونصرك عليها

 

[اميرة بس فلة]

ارقيلة ردك يضحككككككككك خخخخخخخخخخ يا بنتي واللة عادي انا متزوجة واخواني متزوجين واقعد في عبهم ويدلعوني وادلعهم متعودين من زمان عادي واللة عادي حسب التربيه

 

[ضياء القمر]

اختي الغالية الماسة وحساسة واختي اميرة محمد اشكركم جزيل الشكر على التواصل
اود اقول لكم ان زوجة حماي اتغار مني لدرجة انها قلبت الوضع بين اهل زوجي علي وبالبساطة انا تركت لها الجولة حسب مزاجي طبعا لاني عرفت نقاط الضعف التي تمتلكها ولا اريد شن حرب معها لانها انسانة مريضة نفسيا ؟؟؟
على سبيل المثال اذا رات جالسة بين اخوات زوجي تقوم تنادي واحدة واحدة لتجلس معها في غرفة غير المكان الذي اجلس فية !!!! ماهذا التصرف هل نحن طالبات في لاصف الاول الابتدائي ام ماذا ؟؟؟؟؟
او اذا لم تستطيع فعل ذلك تجلس مع اي واحدة وتبدا تتحدث بصوت جدا منخفض ؟؟؟؟؟ حتى لا اسمع ماتقول ؟؟؟؟؟
لكني ساقول لكم ما ذا فعلت لاها لاجعلها تحترم نفسها زين ما تحترم الناس فقط تحترم نفسها.

 

[ام شهد]

بصراحة اختي الماسة وحساسة الله يعينج هاي الحركات مب حلوة ...قلنا اخوان....بس شو هالحركات...واللي تقول لا

تغارين...ولا ولا ...فيكم منكم قالت انا ما احس بالارتياح بس هاي اخته...اوكي وهي زوجته...بصراحة هالاخت اشكره

مبينة غيرتها...لا تعطينها وااايد ويه وخلي علاقتج سطحية معها...عامليها بادب واحترام ...اذا عطيتيها ويه بتزودها

معاج....واختي فداك نتريه مواقفج....الغالية

 

[الماسة و حساسة]

خواتي الله يخليكم لي وشكرا لتعاونكم معي
لكن اود اقول لخواتي الي يقولون عادي لاتغارين تربيتهم غير تربيتي
يعني انا اتربيت انه يكون في حدود بين الاخ واخته ومزحنا بحدود ومافي دلع بيننا
فلا تلوموني اني انحرق منها ومن تصرفاتها
وودي اقولكم شي ثاني انا فقدت والدي في سن صغيرة جدا ويوم تزوجت عوضني زوجي نوعا ما
لكنه يعصب يوم احكيله عن والدي كثير
المهم انا محتاجة لعطفه وحنانه وهي مش واعية لهالشي لأنها ما انحرمت من شي الله يخليلها والدها و والدتها
والله اني ما اكذب عليكم خواتي والله انها تتغزل في عيونه وملامح ويهه قطعة قطعة وتقوله كلام والله ما ينقال غير من زوجته ومرة تخيلوا ارسلت لزوجي رسالة وهو كان في البيت وانا برة عند صديقتي
المهم اتصلت عليه وكلمته وعرفت منه ان الرسالة وصلته وقالها اني مو موجودة عند صديقتي بعد ما قفلت منه اتصلت علي على طول تقولي كيفك انت وينك؟ ارسلت لأخوي رسالة وصلته ولا لأ وهي كلمته وعرفت منه انها وصلت
ماااااااافهمت تصرفها نهائيا
الي مستغربة منه انه دايم يلقى لتصرفاتها مبرر
بتقولون عني سخيفة افكر بمثل هذي الشغلات لكن صدقوني تصرفاتها متعبتني و مو مخليتني ارتاح احس انها غامضة غموض يستفزززز
الحين صرت ما اقوله ولا شي ولا اجيب طاريها عنده ابد الا بالخير تدرون ليش؟
صرت اكبر دماغي يوم تقول اي شي وان قالت ما صرت اقول لزوجي شي عنها
طولت عليكم خواتي لكن صدقوني كني احكي لنفسي من شان كذة ارتحت واسهبت في الكلام

 

[زهرة البوادي2006]

اختي شكلها اخت زوجك تغار منك وكانت تعتبر زوجك اقرب الناس لها لكن بعد زواج اخوها ما توقعت يكون اخوها يكون له حياته الخاصة وقامت تسوي هذه الحركات باحساسها انها بعدها صغيره واخوها مشجعنها لكن ما يصير تسكتي عن هذه الحركات يمكن زوجك يعتبرها عاديه بحكم انها اخته لكن هذه الحركات تجلس في حضنه .............الخ هذه حركات استغفر الله لازم توقفيها عند حدها او اول طارق على الباب تزوجوها والله غريبه هذه الانسانه الله يكون في عونك

 

[ريف قلبي]

الأخوات اللي يقولون عادي.. منو قال عادي؟؟ عشان اخته يعني؟؟؟؟ بس وإذا اخته معناها حلال.. ؟؟؟ ليش عيل الرسول أمر ان نفرق بينهم في المضاجع من يوم هم صغار.. معناته في فتنه ومعناته ممكن الشيطان يدخل بين الأخ واخته.. اقرو قصة إنهن أمانه.. ياما اخوان اغتصبو خواتهم.. عادي صح؟؟ تراه اخته حلال.. استغفر الله........... لا واللي يقهر ان الأخت تعرض مشكلتها واللي تضحك وتقول ضحكتيني من قلب!!!!!!!!!!!!!!!!!! ليش الإستهزاء بمشاعر الإنسان. انتي عادي عندج بس هي مش عادي وتغار ع ريلها.. وتصرفها فطري وطبيعي.. يالله لو الحين وحده منكم عندها مشكله.. وحد ضحك عليها.. بتسوي مشكله أكبر وبتقول ما تراعون احساسي,, بس البنت مسكينه خذتها بروح رياضيه وردت بدبلوماسية..

 

[اميرة بس فلة]

لا واللة انا مابي استهزء باحد انا بس ابغى اوضحلها من وجهة نظري انو ما فيها شي وكل واحد له رايه وانا اسفة اذا زعلتي مني يا الماسه حساسه والله مو قصدي الا توضيح انو لا تكبري السالفة على شي من رائي انو عادي واختلاف الرأي لا يفسد للود قضية واحنا كلنا اخوات فاللة اللة يسعدك يارب

 

[المهيا98]

يا اخواااات هذي اخته يعني متربي معاها من قبل ما يعرفك..... وهذا الشي لو كان فيه شي من كان ما سوته معاكم ..... يا اختي كبري عقلك.... لو ما تحبك و تحب اخوها جان ما سالت عنكم تعالي شوفي اخت زوجي تحب اخو زوجي اكثر من زوجي و هذا قاهرني.... يا اختي خليها تتدلع عليه هي اخته كيف تغارين منها؟؟؟؟؟؟؟؟؟؟؟

 

[هـايدي بلقيس^_^]

هاذي دواها السفه اسفهيها وبتنقهر

 

[أمواج الغروبM]

حبيتي انا ما عندي اخوان وطول عمري اتمنى يكون لي اخ كبير يكون لي سند بعد والدي الله يطول عمره لكن حطي نفسك مكانها عمرها 35 سنة يعني مو صغيرة هي عارفة هالشيء ولكل امراة احتياجاتها في الحنان والعطف حتى الحضن والتقبيل زوجك عارف هالشيء عشان كذا متمادي معاها تصوري انك بدل من انك تشتكي من علاقتهممع بعض تكوني تشتكي (لا قدر الله) من علاقات محرمة بين اخت زوجك وبين شباب غير محارمها لأنها ببساطة تحتاج لوجود رجل يحس فيها وتحس انه يحبها و ما اعتقد انه غلط اذا كان هالإحساس مع اخوها لا تنسي بأهمية وجود الرجل الحنون في حياة المرأة والحمدلله ان هالأخت لقت اخ مثل زوجك والمفروض انك تفتخرين ان زوجك عنده كل هالطاقة من الحنان اللي قدر يعوضك فيها عن حرمان والدك وقدر يعوض اخته عن حرمانها من الزواج واذا على سالفة السوق سهل جدا ببساطة لا تنزلين معها السوق واحتمال انها تغار منك لان ببساطة هي شايفة غيرتك على زوجك وفي قرارة نفسها بتقول طول الوقت معك وهي ما تشوفه غبر ساعات معينة سهلي امرك وترى ما تستاهل تحرقي قلبك عليها طنششششششششششي بسهولة

اختي فداك ليش ما تكملي سالفتك ولا تبغي تستخدمي التشويق والاثارة مثل استاذتنا الحبوبة ناعمة ها..ها.. ها..

 

[لامار2007]

يارب ياكريم انك تزوج اخت زوج الماسه حساسه قريب واكثري يااختى بالدعاء لها بالزوج الصالح