انا قراءة القصة من أولها لين أخرها،
المرأة كالضلع إذا شديد كسرتها وإذا تركتها انعوجات أكثر، وأخونا سعد تم يشد عليها لين كسرها... :blow: الجنوبيين يحبون المشاعر وهناء كانت من أول يوم تزوجت وهي حصلت جفاء المشاعر من طرف زوجها واستمر هذا الجفاء معها مو بس جفاء لا بعد كان ينزل عليها وابل من العبارات المؤذية إلي تدمر الحب غير هذا كان يقارن بينها وبين أهله هذا أكيد يجرح المرأة ويدخلها في كره بينها وبين أهله
صحيح هناء غلطت في تصرفها الأخير بس حرمه خارجه من نفاس يمكن متعرضة لكئابه ما بعد الولادة تعرفون الواحدة بعد الولادة تتغير وشكلها يخترب غير أنها كانت تراكم كل مشاكلها مع زوجها وهذا بحدها دمر حبها لزوجها، وكأنها كانت تحاول بأخر كرت عشان تخلي زوجها يشعر فيها هو إن تجيب لها ولد تحسسه بأهميتها في حياته وينجذب لها.
بصراحه كل الاثنين غلطوا سعد وهناء، والنتيجة معروفه الطلاق
استفدت كثير من القصة لان زوجي شمالي وأنا جنوبيه، ما كنت اعرف كيف أتصرف مع زوجي الحين بداية افهمه، كنت أتضايق من تصرفاته دائيمنا يغضب كل شي لازم يخلص في وقتها وعلى الي في باله. مره كنت أحاول أسوي طبخه هو يحبها بس:essen: حصلت تعليق دمرني قال خالتي سوت هاي الطبخ وكانت روعه وعيونه تقول بس طبختش ماتوصل لمستوى خالتي هذا بحداه يعور قلبي :icon28: كارفها نفسي في المطبخ اخرتها يقول لي شذي.............. غير التعليقات انتي كسلانها انتي تعبانه ماتعرفي تسوي شيء. انا في بيت اهلي على العكس كنت اسوي كل شيء بدقة وتفنان بس يوم تزوجت احس انها ينظر لي بعدم الثقة اذا جاءت اسوي شيء اتراجع عشان مايعلق علي او يسد نفسي...............اخرى مرة استوت مشكلة استوى فيها صراخ وغضب وصلت لين درجة قلت اطلق وارتاح من هذا المصير بس تذكرت تعليق اختي يوم كنت اشتكي لها من زوجي قالت حاولي تفهميه هذه الكلمات طرشتها رسالة لاني يوم اغضب ابكي. حذفت بعض العبارات وهذا جزء من الرسالة
(حبيبي تخيل قلب حقيقي شكله حلوى جميل مبتسم وشخص ثاني يقوم بخدش القلب بأضافيره بشكل وحشي والجرح ينزف بعدين يعتذر هذا الشخص ويلتئم وبعدين يخدش القلب ويرد يلتئم وبعدين يخدش القلب ويرد يلتئم اخرى شيء يتشوه هذا القلب..........هذا القلب حبي لك .............وبصراخك وغضبك المستمر وعدم التفاهم يخدش حبي لك صدق يلتئم بس يتشوه هذ الحب....انا احبك لا تخلي حبك يتشوه في قلبي) رد علي بمسجات كثيرة يحاول يطلعني اني انا الغلطانها بس مارديت عليه وحتى على اتصالاتها خليتها يفكر شويه. بس بعدين جاء يعتذرا
ومن بعد هذا الراسالة تغير شويه الحمدالله :cupidarrow: