محتاجه شوركم في مصيبتي

[دنيتي كلها جمان]

انا اضيف كلامي على كلام الاخت شوشو معها حق خليه يعرف ان وراك ظهر الله يصبرك على مابالك اشتكي لربك وبتشوفين ظلمه لك بعد فتره

 

[هاجس كبير]

الله يعينك ادعي الله ان يزيح عنك الغمة ولكن مثلك لاانصحها تطلب الطلاق لانه من الواضح انكي تعيشين في كنف زوجك حتى لو كرهتيه انتي تتخبطين

 

[mo0o0o0on14]

الله يصلح مابينكم و يهدي زوجك ويسخره لك اللهم امين

 

[القلب الحاني]

زوجك ترى يحبك بس يبغاله طولة بال وامه عامليها بما يرضى الله عز وجل

 

[توومه]

أنا مع أختي جاردينيا واذا كنتي تحبيه كملي معه وطبقي اللي كاتبته وترى اهو بعد ماينلام لانك دووم زعلانه منه ومتضايقه منه ومن تصرفاته ودايم الدموع بوجهك هذي بحد ذاتها تنفر الواحد منك ولو انه مايحبك ماكان قعد معك هالفتره كلها لانه اهو يقول يبي يتزوج وعادي عنده هالشي فماراح يهتم فيك بس لانه يحبك مازال مرتبط بك واللي يخليه يتمادى بتصرفاته سلبيتك ودموعك وحزنك الدايم بالعكس انتي فرحي نفسك وعيشي حياتك ومثل مااهله يعرفون ياخذون منه الفلوس وكل شي بالمدح انتي بعد امدحيه اغرقيه بالمدح حتى لو مافاد من المره الاولى لانه راح يستغرب تغير اسلوبك بس قولي له تعبت من المشاكل وابغى ارتاح وعيشيه في جنه كلها فرح وضحك مو دموع وراح تشوفين تغيره اما اهله ولايهمونك يعطيهم ياخذهم يبديهم مايهمك دووم امدحي فيهم وفيه وانك تبين عيالك لما يكبرون يصيرون كذا معكم وانه قدوه بس انك انتي راح تبينين لعيالك انه زوجته لها بعد حق وبنفس الوقت حاولي تبيني حقوقك

اما ان كنتي تكرهينه وماتطيقين تعيشين معه فاستخيري وربي يوفقك
اسفه ان كنت زعلتك بردي بس هذا من وجهة نظري

 

[معشوقه]

أنا قضيت العصر كله لي المسا مع موضوعك و قريت الردود كلها واستنتجت التالي كلام البنات كل وحدة تكتب من خبرتها و معرفتها لكن بصراحه في كم وحدة ماشاء الله عليهم كلامهم درر وهم :-


ميسو نونو --- وهم 79 --- المهاجرة ---جاردينا-2000

راجعي كلامهم و إنت بتستفيدين وايد و بالفعل يا أختي إنت السبب في الحال إلي إنتو وصلتوا له أدري إنك بشر و المشاكل الصحية إلي اتعانين منها ترى النفسية تلعب دور فيها و تزيدها اهدي يا قلبي و اخذي الدنيا ببساطة غالبية الحمايل نفس طبيعة أهل زوجك و يطلع منهم وايد عادي .. إنت إلي معطيتهم أكبر من حجمهم و هامه روحج فيهم يا أختي الدنيا فيها اشياء حلوة وايد منها إنت مو إنت حلوه حبي نفسك و إنسي الناس تنسين تعبهم ...

قلتي :-

تصدقون انها تسب ولدي الكبير تقوله ان لما تكبر اكبر

معزلنجي بتكون ؟؟؟؟؟؟؟؟؟؟؟؟؟؟؟؟؟؟؟

وتقول اصلا مافيك خير وخوالك الفلاينه

مع ان اهلي الكل يحبهم ويحترمهم ومشهود لهم بالصلاح

والخير..

يا أختي ماقالوا شي ولدهم ترى و إذا بيعيبون بيعيبون بروحهم

علامج ولدهم ويتحلون عليه خل يطلع معازلجي so what ?

كلامهم عادي و ينقال في المجالس مو شي قوي مثل ما أنت

امثلته و باضع بقلبك ولا جان ما ذكرتيه ...!! يا اختي ما راح

ازيد على كلام البنات وجبيهم في المناسبات و حياتك لك و لا

تسمحين لأحد يوصل لك كلام منهم و إذا زاروج و سووا تصرف

بايخ لا يأثر فيك و ضحكي على قل عقلهم مو اتعصبين و

اتحترين و تخربين على عمرك و على زوجك ...

بجي الموضوع زوجك يحبك يا بنت الناس إشلون مو باين لك

إشلون مو واضح لك حبه عارفه تصرفاته تقهر بس يحبك وكلنا

نتمنى ازواج يقدرون أهلنا و علاقتهم معاهم تكون طيبه بس مو

على الكيف الشي و الله يا اختي إنه لي قريبه والدها كان في

العمليات وزوجها قالها مالك روحه اتوقعين لاموها أبد قالوا لها

أهلها زوجك واهو اولى فيج منه وهو جنتك ونارك مالاموها

عادي ماباليد حيله و زوجها طيب على فكره و زين معاهم بس

طق براسه وقال مالك روحه ومالها إلا اتنفذ ...!! لا اتكبرين

المواقف يا اختي بسطيها و الحمد لله على سلامة أمك .. و نرد

لزوجك ما حسيت أنه الفلوس تعني له شي لو عرفتي اشلون

تسحبينها منه .. بالحب ..

عزيزتي شوفي زوجك بعيون ثانيه و شوفي نفسك بدون

التضحيات إلي تقولين إنت كل إلي اتسوينه لعيالك إنت بعد مو

عياله هو لحاله .. و إلي تقولين صبرت على وضعه صبرتي

علشان مراكبك تمشي ولا هو امشي حاله و شكله مصرف نفسه

لوما يحبك ترى ما رجع لك ..!!

و اسمحي لي بسترجع الموقف إلي صار لك معاه في أول حديثك..


قالي انا مجنون اطلقك ؟؟؟؟؟؟؟؟؟؟؟؟؟؟؟؟؟؟؟؟

جلست بالصاله قالي تصدقين


الليله اسوأ ليله عندي بس مرت علي برد وسلام


قلت وانا عكسك هدمت كل شي فيني وقمت عنه


رحت انام



وبعدها بشوي


جا وراي وضمني شوي وقالي تحبيني وسكت وطنشته قال لاتعقديني خلاص مارديت عليه


رجع قالي

يمكن ماعاد تشوفيني وسكت مارديت



اعطاني ظهره وقالي عجيبه الدنيا ماتصفى لاحد


ونام ولما جاء الفجر مشى وماقالي اي شي ولا حتى اعطاني مصروف ولا حتى ريال ؟؟؟؟؟؟؟؟؟؟؟؟؟؟؟؟؟


يا اختي ما فهمتي كلامه يقولك عجيبه الدنيا ما تصفى لاحد يحبك يحبك و يحبك بالثلاث و شاري خاطرك و إنت اتنفرينه منك بكلامك باسلوبك تقولين له جعلك ما ترد أكوا زوجه اتراعي ربها تقول لزوجها هالكلام أنا ما الومك في عصبيتك مع النزيف المرأة تكون خارج نطاق الكنترول بس في حدود يا قلبي للكلام .. خلج تمره لينه ولا تكونين اشحفه ناشفه يحبك و عاز عليه وضعكم إنت بس إلي تقدرين اتغيرينه هذا الريال عشتي معاه 15 سنه فهمتيه و عرفتيه في رياييل يدخلونهم على حريمهم سكارى و بلاوي ما تنعد و في إلي يجيب الحريم إلي يعرفهم عند زوجته يا اختي اصحي و رجعي زوجك لك اهو الحين يعيش ما بين الزوجه الجديده و السعادة معاها و ما بين إنه يحبك و إنك كاسرة خاطرة ولاحظي التغير في كلامه في الأول يقول مجنون أطلقك؟؟؟ الحين يقول أنا ظالمك و بريحك بالطلاق ؟؟؟ إنت إلي وصلتيه لنتيجه هذه و لهذه القناعة ياحبيبتي من كثر ما كررتي عليه إنك ما تحبينه وتكرهينه و إنه ظالمك و تبين ريال ترى هالكلام جارح لأي رجل اصحي لروحك و لحياتك لا اتضيعينها اكثر الموضوع مو صعب باختصار يا قلبي لا تتركين زوجك لوحده تاخذه و تستخدك مفاتيحه عدل إنت زوجك مو صعب حاولي حياتك تستاهل المحاوله و إذا قالك بطلقك الحين قولي ما ابي الطلاق أحبك ؟؟
هالكلمه تسوى وايد و شوفي مردودها عليه قولي له ما اقدر اعيش من غيرك على كل مساوؤك إنت الهوى إلي اتنفسى شنو فرق بنات سوريا عنا ترى ما فرقهم شي يسحنون و يداوون ما اتشوفينهم في المسلسلات تاخذ إلي تبي و هي امبينت له الإنكسار و إذا رجلها يحب الفرفشه تكون له ..... يعني ماشيه على موجة زوجها واتعرف إشلون تسوقه و اتسوق حياتها معاه و سمحي لي إذا كثرت في الكلام أو استخدمة الفاظ غير لبقه بس جد يا أختي ما رديت على موضوعك إلا لأني حسيتك أخت و في ضيقه وموضوعك سهل مو صعب بس يبيله تدابير الحريم
وحنكتهم ؟؟

الله يرده لك و يسخره لج و يسخرج له ​

 

[معشوقه]

و نصيحه سمعتها من حرمه جعل ربي يسخرلها الأرض ومن عليها ...

قالت لي إذا صار بينك و بين زوجك زعل وجا يراضيك إرضي ومو تدلعين لأنه في رياييل ما يردون مره ثانيه و بدل ما تكونين عزيزه وقت ما جاج إنت إلي تركضين وراه ...

و كلمه أخيرة مافي كرامه في الحب و الزواج كرامته يا حبيبتي حطيها عند اعتبت باب بيتك و خلك بدونها داخل بيتك هو زوجك حلالك لا اتوفرين طريقه إلا و تستخدمينها لاسترجاعه بالأول و بعدين تغيير روحك أوكي بانتظار ردك ​

 

[ام جنيني]

الله يسخره لك يارب سخرة الأم لولدها
اختي طالما تحملتي 15سنه كان المفروض من بداية حياتك كونتي لك شخصيه وغيرتي زوجك للأفضل
الحمدلله زوجك حالته افضل من غيره اقصد غيره يشرب ويسكر ويحشش وتعالي شوفي اذا دخل على زوجته شك وغيره وعذاب
احمدي ربك على النعمه انه يسافر ويثق يخليك بالبيت بروحك

ثانيا ..اهله صدقيني انا اعاني اكثر منك من هالناحيه لكن كنت في بداية زواجي اعصب وانقهر وكان يزيزد
اهتمامه فيهم وكان والله انه مايناضر فيني عند خواته ليه لأنه يراعي مشاعرهم يقول مساكين مابعد تزوجوا حتى الأمر قدامهم مايامرني اذا بغا شي ناداهم
حتى بوقت الجماع يتصلون عليه تعال والله انه كان يقوم ماكمل يعني شي ماتتصورين لكن
انا من جبت ولدي خلاص ماعدة اهتم كل وقته عند اهله ماعدت اسال 24 ساعه عندهم والله مليت من وضع لكن
انا من النوع الكتوم خلاص الحين حاولت الهى بأي شي علشان بعدين هو بيعرف قيمتي
وانتي من ناحية تعاملهم معك اذا قالو شي اضحكي لاتبينين انك تضايقتي حتى هو لاتشكين له من اهله بيقول هذولا اهلي لابد مايجي يوم يكشفهم والله ان مره قالت وحده من خواته انها تغار عليه على زوجي طبعا وعادي اخذتها من باب مزحه
وصارت مواقف لا احسد عليها لكن الواحد يصبر الطلاق مامنه فايد على ماقال المثل (ظل رجال ولا ظل حيطه )
زوجك يحبك ولايكرهك لكن يبيك ماتدخلينه بمشاكل اهله وكمان يبيك تخلينه على راحته خليه ادري سفره لسوريا خطا لكن انتي عندك سلاح انه لايقربك ابد قولي انا مدري اخاف تنقل لي مرض والا شي وانا صادقه
وبالنسبه اذا قال لك دبري نفسك دبري نفسك لا تتوقفين وتحسرين على عمرك وهو عايش حياته مادرى فيك
اطلعي روحي لأمك خلي اخوك يمرك الأم ماتتعوض ربي يقومها بالسلامه يارب


تقبلي مروري اختي
سخر الله لنا ازواجنا وذريانتا والمسلمين يارب
وان شالله ولدك يطلع شيخ داعيه يكسر كلامهم لاتتضايقين من تعليقهم اذا لاقدر الله على كلامهم وصار مغزلجني ربي يبعده عن هالشي قولي ابد هذي تربية ولدكم .....

ربي يحفظ ذريتك ويشغل كل من يأذيك بنفسه

 

[احلام احلام]

الله يفرج همك يااااااااااارب ....احس قلبي عورني عليك
بس اللي اشوفه انه مايبي يطلقك عشان مايبلش بالعيال
هو يهدد بس عشان تتحملين كل بلاويه وتسكتين ...بدليل لما وافقت على الطلاق رفض وبعدين قعد يحاول يرضيك
والا شلون بيربي العيال وهو كل يوم مسافر
واهله مسسسسسسسسسستحيل يربون العيال...شكلهم اسفه على الكلمة نذلين
والله اعرف وحدة اهل زوجها انواع المؤامرت بس لما حسو بولدهم بيطلق مرته وبيبتلشون بالعيال قلبو 180درجه وين راحت وين جات عندهم
كثرررررررررررري استغفار اختي وقومي الليل
ولازم الوحدة مهما توصل الامور تحسس زوجها بقوتها الضعف ماينفع في هالزمن

 

[فاقدة حنانه]

الله يكون بعونك حبيتي

الحياة صعبة وكل وحدة فينا ولها مشاكلها واعتبري ان اللي انتي فيه ابتلاء

وانك اذا صبرتي لك الجنة 00الجنة ومين فينا ماتتمناها

انا رايي مادخلين اخوانك ولااهلك هذا مابيصغر الموضوع ولا بتاخذين اللي تبينه

ماينوبك الا انك كدرتي على اهلك واخوانك انتي ماتبين الطلاق اذن اصبري

وانظري لحياتك من منظور مختلف ماراح اقولك اكسبيه لا اكسبي عمرك لايضيع

اهات ودموع وهم ترا الامراض تجي من الزعل وانتبهي لنفسك واولادك هذا اهم شي

اهتمي بنفسك لان هذا الشي بينعكس على نفسيتك ونفسية اولادك وبيفرحون لافرحتي

والله انو بيندم وبيرجع ويتحسف بس انتي كوني قوية وعشان تكوني قويه قوي صلتك بالله

واحتسبي في كل عمل تسويه الاجر وحافظي عالاذكار

واللي يقول عليكي كلمة ربي بيجازيه لاتشكين من اهله حتى لو غلطت امه عليكي لاتردين

خلي الوساخات والهيافه للنفوس الدنيئة انتي اكبر وارقى من هذي السوالف

لاتنسي تقراين ورد يومي من القران وسورة البقرة باستمرار الله يوفقك ويبلغك في اولادك

طمنينا عليكي​

 

[تعبت من البشر]

انت انسانة ***************************************************************************

لا حول ولاقوة الا بالله

اترفع عن الرد عليك وللمراقبات الحكم

 

[رين]

أخواتي البلقيسيات​

أختنا تعبت منهم​

لم تكتب استشارتها هنا إلا لأنها تأملت فينا خيرا​

بأن ننصرها كأخت مسلمة​

وننصحها بالكلمة الطيبة​

ونشد أزرها في محنتها
​

أما الردود البذيئة الوقحة الخالية من التهذيب والبعيدة كل البعد عن ديننا الحنيف​

سيتم تأديب صاحبتها وفق ما يهديني الله لأراه مناسبا​

كالعضوة رباب محمد والتي سيتم حظرها قريباً إن شاء الله
​

أعانك الله أختي تعبت منهم ورزقك الصبر والسكينة وجعلك قرة عين لزوجك​

 

[تعبت من البشر]

جزاك الله اختي رين

والله ماقصرتي الله يبارك لك في عمرك
ويرزقك الفردوس ويجمعك بمن تحبين

 

[عطرالكلمات]

مابي ازيد عليك اكثر من التنبيه
لكن فيه نقطه انتي بعيده عنها مررررررررررررررره هي راحة بالك اتركي كلام اهله على جنب لاياثر فيكي اطلاقا
وانتبهي لزوجك وعيالك حتى حتى اذا سبهم قولي الله يساعدهم ولا تشيلين عليهم ابدا مهما سووو
ياااقلبي اسعدي زوجك بالي تقدرين عليه لانه يحبك اكسبيه وانتبهي تجبين طاري امك اختك اهلك انسيهم
قولي لعقلك انهم ماتو خلاص
صفحه جديده كلها راحه لك ولزوجك ولعيالك فقط
وبالنسبه للبيت انو راح وتركك ماااعطاكي شيء تراى هذا من اللخبطه والنكد الي براسه
لما يرتاح معك صدقين بيوفر كل شيء لك لانو مرتاح
زوجك مشابه لزوجي في مواقف
الله يسخره لك ياااااااااااااااااااارب

 

[تعبت من البشر]

بنات هو حسب كلامه انه باقي ماتزوج ملك بس وينتظر التصريح ويقول ماراح اتحرك الا فيه

هل فيه امل استرده


مع احساسي انه مصر هو لو يخسرني

انا غيرت اسلوبي وهو مبسوط منه ويقول انتي قويه وهالشي راح يخليك سعيده مع غيري

 

[عطرالكلمات]

يااااقلبي لاتيئسين وين انتي من دعاء الواحد الاحد
الله يسخره لك وتكوني احلى وحده بعينه

 

[غلبني بغلاه]

الله يكوون بعوونك

يالغاليه حنا خوواتك اللي مااجاابتهم امك

اسمعي يالغلا صعب بعد العشرره طلااق وعيااالك من بيهتم فيهم

بقوولك يالغلا طنشيه ولاتساالين عنه واهتمي بنفسك واولادك ودقي على احد من اخووانك يجي ياااخذك لاامك

اذا معك شهااده تووظفي لاتجلسين له

وقومي بوواجبك نااحيته ولاتقصررين

والله ياالغلا بيرجع لك ورجله فووق رقبته

<<<<معصبه

وترا الدنيا مااتستااهل صلي وادعي ربك واستغفرري وتصدقي

وربي يسهل اموورك

اختك ام غلا

 

[جراده شياكه]

عليك بالاستغفار وقراءه القران والصلاه والدعاء

 

[حب عذري]

حبيبتى اسئل الله ان يسخر لك زوجك
وهذا الكلام مش جديد عليك بس حبيت اذكرك
قوي علاقتك مع الله عزوجل صدقينى تلقائيا راح تتغيرين مع زوجك وتشعرين بالقوه تسري في دمك وعروقك
واسئل الله لك الثبات .........

 

[واثقة]

وش رايك بإجازه زوجيه منه لمدة شهر تاخذينها وانتي في بيته ما تروحين لأهلك


تتجاهلينه فيها وتهتمين بنفسك بس


دلليها قد ما تقدرين


اعتبريه بروفه لانفصالك عنه وعيشي حياتك


انسيه صدق مو تمثيل



لا تسولفين معه اذا سأل جاوبي على قد السؤال كلمه ورد غطاها




غيري من شخصيتك من الداخل .. من نظرتك للحياة


اعرفي حقوقك اكثر


اقرأي كل ما في مملكة بلقيس من النافع





طبعا هذي الاجازه تكون بعلمه .. يعني تقولين ابي نجلس شهر مثل الأغراب نفكر في حياتنا .. وفي القرار الصح

وحتى العيال خلال هذا الشهر انا مو مسؤله عنهم نهائيا

اعتبرني مو موجوده..

وجودي في البيت بس حتى ما نطلع مشاكلنا برا.. وحتى نرتب افكارنا وما نخطي الخطوه الا متأكدين منها..




وخلال هذا الشهر ابدي تنازلي عن مسؤلية عيالك

كل ما قالوا شي حوليهم لأبوهم


وخليك مع ربك بالذكر والدعاء والصدقه .. واجتنبي المعاصي كلها حتى لا تحرمين اجابة الدعاء


وربي يفرجها عليك