بسم الله الرحمن الرحيم
بعد ما قطعت سالفتنا البنت ظليت حيرانة و افكر في منى يا ترى شنو بيصير لها؟ هل معقولة بيصدها شي, المهم رحت البيت و كلمت كالعادة خالد بس هالمرة بس بالنت و وليد بعد كلمتة و لكن منى ما طلعت من تفكيري لغاية اليوم الثاني
في اليوم الثاني لما رحت المدرسة استانست يوم شفت منى و رحت لها ركيييييييييض و حظنتها و بوستها و كنت فرحانة انها بخير و بعد ما سلمت عليها لاحظت خلود قاعدة بعيد و في عيونها لمعة حزن و قهر على منى و تطالعها من بعيد لبعيد و لما انتبهت اني اطالعها شغلت نفسها بالاوراق الي على طاولتها, رجعت اطالع منى اللي كانت فرحانة و بتطير من الفرح و طلبت منها ان نتكلم بروحنا و اول ما جلسنا لوحدنا لقيت خلود جاية ركييييييييييض و ساحبة كرسي و جالسة معانا
* خلود: يلا قولي لها عن سواد ويهج؟؟؟
* منى: انا افتك من هند تطلعين لي انتي؟
* هند: احم .. احم اقول ترى هند وياكم قاعدة, شصاير شفيكم؟
* خلود: خلي الهانم تتكلم و تقولج على اللي صاير جليله الحيا.
* هند: خلود شوي شوي على البنت خلينا نعرف الموضوع.
* منى: ما عليج منها اهي محترة مني ليش اني امس طلعت مع فيكتور حبيب قلبي.
* خلود: ويييييييييييييه اخر عمري احتر على سالفة فيها واحد فلبيني.
* منى(بعصبية): قلت لج مو فلبيني لا تسبينه احسن لج, فيكتور بحريني غصبن على الكل.
* هند(تحاول تمنع الهوشة و بصوت عالي): بــــــــــــنــــــــات خلوني افهم لا تتهاوشون رجاءاً.
* خلود: انا ما ابي اتهاوش انا خايفة على هذي المينونة, فعاليها مو فعايل عاقلات بتجنني تهئ تهئ تهئ. <<<< و بكت خلود و جلسنا نسكت فيها انا و منى
* منى: يا حبيبتي يا خوخو لا تخافين علي انا ما فيني شي اكاني جدامج انتي شايفة فيني شي؟
* خلود: اليوم ما فيج و باجر فيج تكفين وعديني ما تكررين هالموضوع؟
* منى: طيب بوعدج اذا كان راي هنودة نفس رايج اوكي.
* خلود: و انا من الحين متأكدة ان رايها نفس رايي.
* منى: طيب خليني اقول لها الموضوع.
* هند(محتاره و تايهه): يا بنات وشفيكم و شصاير؟ فريتوا راسي ترى.
* منى: سمعي يا طويلة العمر, امس انا و فيكتور طلعنا بدون ما اقول حق اهلي و هذي اول مرة اسويها لأن قبل امس يوم اقولج فيكتور مسوي لي مفاجأة المفاجأة كانت عبارة عن دراجة رياضية شكلها كشخة اهو شاريها و يومها ركبت وياه و افترينا شوي و بعدين رجعني البيت و طلب مني اليوم الثاني اللي هو امس اني اغيب عشان نطلع انا وياه.
* هند: طيب و انتي مو اول مرة تسوينها انج تطلعين مع صبي, انت سبق لج و ان طلعتي مع سعود.
* منى:بس هذي اول مرة اروح مع صبي شقة و هذا اعتراض خلود.
* هند(فاتحه عيونها على اخرها من الصدمة): شــــــــــــــــقــــــــــــــــــة!!!!!؟؟؟؟؟؟؟؟؟؟؟؟
* خلود: شفتي شلون و انا اقول لج قلبي ناغزني شوفي الاخت وين رايحة؟؟
* هند(اللي تغيرت نظرتها بمنى): صبري خلود خليني افهم من منى شنو سالفة الشقة هذي.
* منى: لا سالفة و لا شي انتو ليش مكبرين الموضوع كل ما فيها ان فيكتور حبيبي قالي بيطلعني مجمع و ما يبينا نطلع بملابس المدرسة, عشان جي رحنا شقة صديقة عشان نبدل ملابسنا و ما طولنا و بعدين رحنا المجمع و عقب رجعنا الشقة بدلنا ملابسنا و رجعني البيت بس هذي السالفة كلها لا تكبرون الموضوع رجاءاً.
* هند(بحدة و صوت غاضب اول مرة تسمعه منى): لا ليش نكبر الموضوع اللي اهو اساساً كبير انتي مجنونة وله من صجج؟؟ .. انتي تدرين اقل شي كان ممكن يسويه فيكتور لما تدخلون الشقة يغتصبج و بعدين يقتلج و التهمه تلبس صديقة لأن انتو في شقة صديقة و هو يعيش حياته و يتزوج و يتهنى و انتي الله يرحمج .. او تدرين ليش يقتلج يسوي فيج نفس اللي نسمع عنهم بالجرايد و الاخبار يحبسج بالشقة و يغتصبج وقت ما يبي و يروح و يجي عليج و يعزم ربعه بعد و اهلج ما يدرون عنج و اكيد اهلج للحين ما يدرون عنه و انتي خلاص تروحين فيها.
* منى(انفجعت من الموضوع هذا لانها ما كانت حاطته في تفكيرها): بس انا ما صار لي شي الحين.
* هند(بنفس الحدة): الحين ما صار لج لان ربج رحمج و ستر الموضوع لكن المرة الجاية انتي ما تدرين شنو يصير و بعدين انتي شنو الي ضمنج في فكتور هذا و انتي تقولين ان توج متعرفه عليه هااااا؟
* منى: ها ما ادري ما ادري.
و رن الجرس ليعلن بدأ يوم جديد من الحصص و الدراسة
* هند: شوفي الحين الجرس رن لكن بالفسحة لي كلام ثاني معاج.
* منى(الي تغيرت معالم وجهها من الخوف و الرعب): اوكي.
و طول الوقت منى كانت سرحانة في عالم ثاني, المدرسات كانو بعالم و منى بعالم ثاني عالم توها تستوعب و حشيته و غدرة و كنا انا و خلود نتطمن على منى كل شوي, لغاية ما خلصت اول 3 حصص و بعد ما رن الجرس ليعن بدأ وقت الفسحة سحبنا منى انا و خلود و اعتذرنا من الشلة و قلنا لهم ان عندنا موضوع مهم جداً و الشله لما شافوا وجه منى اللي مخطوفة معالمة سمحوا لنا نعتزل عنهم, و اول ما جلسنا احنا الثلاث بروحنا
* خلود: ها منى حبيبتي بشري شنو قررتي؟؟
* هند(بعصبيه): شنو قررت يعني اكيد خلاص هالموضوع انتهى و ما بيتكرر صح منى وله لج راي ثاني؟
* منى(بخوف داخلي و جرئة خارجية): اي انتهى و ما بيتكرر بس هذا مو معناته اني بترك فيكتور.
* خلود+هند(بعصبيه): عيل؟؟؟؟؟؟
* منى: انا مراح اتركة لو شنو يصير لأن اهو كان بامكانة يسوي اللي قلتي لي عليه يا هند بس ما سوا لي شي يعني هو امين علي و مستحيل يتخلى عني عشان جي انا مستحيل اتخلى عنه.
* هند(بعصبية زايدة): هو ما سوا لج هالمرة بس شنو يضمنج المرة الثانية ما يكون في نيته يسويها؟
* منى: طيب ان اما قدر اتركة الحين لاني حبيتة و مستحيل اتركة انا كل اللي بسوية اني ما بقابلة بروحنا مرة ثاني و شوي شوي بتركة و برجع على سعود اللي تعرفة احسن من اللي ما تعرفة.
* هند: طيب سعود وايد ارحم على الاقل تطلعين معاه و مع اخوانج ابرك من هالأختراع اللي تحبينه. <<<<< قررت تترك منى لأنها خافت منها و قالت في قلبها اللي تسوي جي تقدر تسوي اكثر
* خلود: اي عفية على حبيبتي مناوي شطورة ما عليج من فيكتور هذا على الأقل سعود نعرفه و نعرف اهله و الكل يدري عنكم.
* منى: بس انا ما ادري ليش مو مرتاحة لسعود احسة مطنشني هالأيام.
* خلود: ما عليه حبيبتي صبري عليه اكيد بيرجع لج.
و استمر الحوار و النقاش و اخر شي اقتنعت منى انها تترك فيكتور هذا و بالفعل بعد اسبوع جاتني منى فرحانة انها تركت فيكتور و انه خلاص ما عاد له مكان في قلبها و السبب تخويفي لها منه و قالت لي:" سبحان الله صج انج قدرتي تكرهيني فيه" طبعاً انا فرحت ان الله هداها لكن ما اخفي عليكم انا من داخلي كرهتها شوي و طاحت من عيني على اللي سوته و ما كنت ادري ان الدنيا اصلا بتفرقنا عن بعض لأن منى دخلت في الثانوي ادبي و انا دخلت علمي لكن ظلينا نتوصل مع بعض و نطلع مع بعض, ما نسيتها و هي لغاية اليوم صديقتي و نتواصل بين كل فترة و فترة المهم ما علينا نرحع لموضوعنا منى في اخر السنة جابت لي خبر صدمني و كان يومها في وقت الفسحة
* منى: هنوووووود ما قلت لج؟؟
* هند: خير؟؟ شنو؟؟ شصاير؟؟
* منى: امس الشرطة كانو في فريجنا.
* هند: يماااا الشرطة لييييش؟؟
* منى: اول شي ما لاحظتني صار لي فترة ما اتكلم عن سعودوه.
* هند: اي بس قلت يمكن الله هداج, ههههههههههههه.
* منى: ههههههههههههه لا بس كرهته, المهم الشرطة كانو ياين ياخذون سعود.
* هند: ليش؟ شسوى سعود؟
* منى: الحقير كان ينام مع خدامتهم ويييييييييع.
* هند: استغفري ربج اقول.
* منى: تصدقين طحت من عين نفسي يوم اني اطلع هالأشكال استغفر الله.
* هند: هههههههههههه الحمد لله, يعني الله هداج الحين.
* منى: ههههههههههههه و الله تصدقين احس قلبي فاضي و محتاجة امليه, اوووووووف امتى اعرس و افتك.
* هند: ههههههههههههه ان شاء الله تعرسين جريب و نفتك من ويهج.
* منى: هههههههههههه انتي تدعين لي و تدعين علي.
* هند: خخخخخخخخخخخخ امزح يا الدوبة.
و على قولت المثل المصري:"يموت الزمار و ايدوو بتلعب" كلها اسبوع و رجعت منى تبشرني بواحد جديد منضاف للستة هع هع هع و مع منى الحياة حلوة كل يوم واحد
خلونا الحين نرجع لقصتي مع خالد و وليد طبعاً خالد ما اتصل فيني من عرفته الا بالكثير 5 مرات اما وليد فقصتة قصة ثانية خلوني اقولها لكم طبعاً انا بقول لكم شي انا سالفة اني دبدوبة كانت مأثرة على نفسيتي وايد و كانت مخليتني من اتعرف على واحد اقول اول شي اني دبدوبة عشان اذا ما يبيني يقولي من الأول و ما أعور قلبي معاه و خالد ما عطاني ردة فعل على الموضوع اما وليد فقالي ان الشكل ما يهمه و ان اللي يهمه القلب خلوني الحين اقول لكم قصتي مع وليد مرة من المرات كنت اكلمة كالعادة على المسن
* وليد: هنودة تصدقين خاطري في شي.
* أميرة القلوب: خير امرني؟؟
* وليد: خاطري اسمع صوتج.
* اميرة القلوب(مصدومة): صوتي!!!!!؟؟؟؟؟؟
* وليد: وليش احسج مستغربة؟؟؟
* اميرة القلوب: طيب مو يمكن انا ما عندي فون؟؟
* وليد: لو ما عندج اشتري لج افا عليج.
* اميرة القلوب: طيب و شلون بكلمك انا ما اقدر امي وياي اربع و عشرين ساعه. <<<< كذابه بس ما تبي تكلمة عاملة نفسها مخلصة لخالد
* وليد: طيب ما تقدرين ابد ابد.
* اميرة القلوب(بعد ما فكرت و غيرت رايها): انا اقدر بس مسجات شنو قلت؟
* وليد: بس انا قلت ابي اسمع صوتج مو مسجاتج.:8:
* اميرة القلوب: اممم طيب خلها بالأول مسجات بعدين صوت.
* وليد: طيب موافق .. اممم بس ما سألتيني ليش ابي اسمع صوتج؟
* اميرة القلوب: ليش؟
* وليد: لأني بسافر السعودية كم اسبوع.
* اميرة القلوب: وليش بتسافر السعودية .. خير فيكم شي؟
* وليد: لا تخافي الموضوع ان ابوي قالي اتابع حلالي اللي هناك و انا بصراحة افكر استقر هناك و اجيبك تعيشي معي, لأني ادري وحدة مثلك ما تقدر تعيش باليمن ابد.
* اميرة القلوب: ليش و شفيها اليمن مو بلد مثل باقي البلاد؟
* وليد: انا مو غصدي جذي لا تفهميني غلط انا اللي اقصدة ان حلالنا بالشرقية و انتي تعرفين الشرقية جمب البحرين مقارنتاً بباقي السعودية و احنا عندنا حلال هناك فأنا بجيبك تعيشي معي بالشرقية عشان تكوني قريبة من اهلك و اليمن بعيدة عن البحرين و بتكوني فيها لوحدك فهمتي علي.
* اميرة القلوب: اها بس شوف خلي في بالك انا ما اقدر اتزوج الا لما اخلص تعليمي.
* وليد: اكيد يا قلبي و تاخذي الشهادة الجامعية بعد, انا ابي حبيبتي تكون مثقفة زيي لاني انا جامعي و ما اقبل بوحدة اقل مني ههههههه.
* اميرة القلوب: طيب انت لما تروح السعودية ما بتقدر تكلمني بالنت ابد.
* وليد: للأسف لأ لغاية ما تستقر اموري شوي يعني لأن انا اول شي بسكن في فندق بعدين بشتري لنا فلة هناك و امي بتجي تعيش معاي فيها و بدور لي بيت حلو عشان نسكن فيه انا و انتي بس طبعاً بعد ما اضبط امور الفله لأمي و لأبوي و لاخواني و بعدين بفضى للنت.
* اميرة القلوب: و ليش احنا ما نسكن في الفلة مع اهلك؟
* وليد: يا قلبي ما تبي يكون لك بيتك لوحدك و بعدين انا ان شاء الله على ما تخلصي دراسك الجامعيه بشتري لك فلة لان مو حلو نسكن في فلة كبيرة لحلنا انا و انتي بس.
* اميرة القلوب: و عيالنا؟؟
* وليد: اي عيال؟؟ ما في عيال الا لما تخلصي دراستك عشان تفضي لهم اما طول ما انتي تدرسي انسي العيال انا ما انكر ان قلبي متقطع عليهم بس لازم نصبر يا حياتي.
* اميرة القلوب: اهاااا .. طيب على العموم بقولك انا ابي رقمك قبل ما تسافر لاني مو انا اللي بعطيك رقمي انت اللي بتعطيني رقمك.
* وليد: ليش ما تعطيني انتي؟؟
* اميرة القلوب: لأني ما اقدر اكملك جدام اهلي و انا بسوي لك رنة اول و بعدين انت تتصل .. و بالليل, لأني اخاف احد يدري عني.
* وليد: ههههههههههه حسستيني اني قاعد اكلم قائد الجيوش في ثكنه عسكرية و ليش كل هالتعقيد يا قلبي عطيني رقم ابوج و انا اتصل و اخطبك منه و يصير كل اللي بينا رسمي و لا رنة و لا هم يحزنون خصوصاً و ان كل اهلي يدرون اني بخطب وحدة بحرينية يعني اموري كلها ميسرة.
* اميرة القلوب: قلت لك ما اقدر انطر علي شوي, شوف وعد علي اول ما ترجع للنت مرة ثانية و تستقر امورك بالشرقية اعطيك رقم ابوي اوكي.
* وليد: آآآآآآآآآآآة يا قلبي معقولة انطر كل هذا, يلا مو مشكلة امري لله, يلا سجلي رقمي الحين و حفظية في تلفونك.
* اميرة القلوب: لما تقرب تروح السعودية عطني اياه.
* وليد: و انا بروح السعودية قريب بعد اسبوع ان شاء الله.
* اميرة القلوب: معقولة !!!!!
* وليد: وله بنظرج انا ليش اليوم مفاتج بالموضوع, المهم رقمي ........... يلا اعملي لي رنة.
* اميرة القلوب: اوكي,(و بعدي ما عملت له رنه) تلفونك مقفول!!!؟
* وليد: بس وصل رقمج اكيد لما اروح السعودية بشوفة.
و استمر الحديث بينا كل يوم لغاية ما جا اليوم اللي سافر فيه وليد و يومها عطاني رنة اول ما وصل فكرت انة يمكن يبي يكلمني لكن كنت ما اقدر اتصل عليه لأني كنت قاعدة مع امي نسوي العشى و سوينا العشى و تعشينا و انا قاعدة على نار ابي اتصل على وليد, و على ما خلصت رحت ركييييض على غرفتي و اتصلت و كان التلفون يرن و قلبي يرن معاه و بعد مدة وقف الرنين و حسيت ان في احد على الخط لكن محد تكلم و نطرت شوي و قلت:"الووووو" لكن بعد محد رد علي و ثواني الا اسمع :"توت توت توت توت" عرفت انه سكر التلفون بوجهي و صادتني خيبة امل و قلت يمكن نايم خلني انتظر لي بكرة اتصل عليه.
و في اليوم الثاني ما اتصلت عليه قلت بنتظر لليل و بكلمة و لكن المغرب و انا قاعدة على النت انصدمت انه دخل اون لاين
* وليد: السلام عليكم.
* اميرة القلوب(مصدومة): عليكم السلام!!
* وليد: كيفك؟
* اميرة القلوب: بخير و انت؟
* وليد: الحمد لله تمام.
* اميرة القلوب: انت للحين باليمن؟؟
* وليد: لا مو باليمن انا بالشرقية الحين بس داخل من نت الفندق.
* اميرة القلوب: اها .. بس انت قلت لي انك ما تقدر تدخل النت.
* وليد: اي انا قلت هالكلام بس انا الحين داخل عشانج.
* اميرة القلوب(منصدمه): عشاني!!؟؟؟
*وليد: اي عشانج لأني امس شفت انج متصله علي و الصراحة ... ما ادري شنو اقول لج.
* اميرة القلوب: خير خرعتني وليد فيك شي؟؟؟
* وليد: لأ ولا شي لا تخافين بس انتي امس لما اتصلتي علي انا كانت قاعد انتظرج بس لما تأخرتي علي شكلي غفيت و ما ادري شنو قلت لج لما اتصلتي.
* اميرة القلوب: ههههههههههههه لا تخاف ولا شي.
* وليد: ليش اخاف؟؟؟ كل الموضوع اني كنت خايف اني اخلص رصيدج.
* اميرة القلوب: اها .. هههههههههه لا ما خلصتة اصلا و لا تكلمت معاي اول ما قلت لك الو سديت الخط بوجهي.
* وليد: هههههههههههه انا اسف يا حياتي كان بودي اسمع صوتج بس ما قدرت.
* اميرة القلوب: ههههههه مو مشكلة حصل خير على العموم حبيبي انا بخبرك شي الحين.
* وليد: خير امريني؟
* اميرة القلوب: انا بنقطع عنك الأسبوع الجاي و افضل ان علاقتنا تظل مسجات لغاية الأسبوع الجاي و لما ارجع بنتواصل بالفون اوكي.
* وليد: اوكي .. بس خير ان شاء الله ليش وين بتروحين؟؟؟
* اميرة القلوب: بروح عند اهل ابوي جم اسبوع و بعدين برجع البحرين.
* وليد: اها .. الله يوفقج, بس انتي ما عندج خط هناك.
* اميرة القلوب: لا. <<< كذابة
* وليد: تبين اشتري لج؟
* اميرة القلوب: شلون؟؟
* وليد: عطيني رقم بطاقة البنك مالتج و بحول لج فلوس المبلغ الي تطلبينه.
* اميرة القلوب: بس انا ما عندي.
* وليد: معقولة!!!؟؟؟؟
* اميرة القلوب: اي شسوي بعد.
* وليد: خلاص يا قلبي وعد اول ما اخطبج احط لج خط دولي و افتح لج حسابين بالبنك بعد امري؟
* اميرة القلوب: ههههههههههه شكلك بتخربني بالدلال.
* وليد: و الله تستاهلين يا الغلا, اخخخخخخ لو تدرين الحين شنو اتمنى؟؟
* اميرة القلوب: شنو؟؟
* وليد: اني اكون خطيبك و تكوني لي, طلبتك تكفين لا ترديني.
* اميرة القلوب: هههههههه, امر عيوني لك.
* وليد: ابي رقم ابوج تكفين ابي اخطبج و الله ابي اخطبج.
* اميرة القلوب(بدلع): ولـــــــــــيـــــــــــد قلت لك اول ما تستقر باعطيك اياه.
* وليد: اوووووف انزين .. انزين, على العموم انا بطلع الحين تامريني بشي؟
* اميرة القلوب: وين تو الناس.
* وليد: تو الناس من عمرج يا الغالية بس ابي اروح اجيب لي شي اكله قبل ما انام لان اليوم رجولي ورمت من المشاوير تعرفي في البداية لازم الاقي صعوبة.
* اميرة القلوب: اها الله يوفقك يارب و الف سلامة عليك.
* وليد: الله يسلمج يا الغاليه, يلا مع السلامة.
* اميرة القلوب: الله يسلمك, في امان الله.
* وليد: في امان الكريم.
و كان هذا اخر وصل بيني و بين وليد و ظلينا على المسجات لغاية ما سافرت بالاجازة ولكن اللي حصل بالاجازة كان مصيبة كبيرة
قبل ما اقول لكم عن اللي حصل في الأجازة خلوني اخبرك عن نوف يعني اللي حصل بيني و بين وليد ما قدرت اخبيه خصوصاً و اني كنت مقتنعه ان خلاص انا و وليد لبعض لدرجة اني في اخر الأيام كنت ناوية احذف عزيز و بدر و خالد من قائمتي لأني خلاص تفكيري صار كله مع وليد المهم في يوم من الأيام كنا زايرين بيت خالتي ام نوف و كنا انا و نوف بالسطح و نوف كانت وايد متحمسة تبي تعرف الموضوع اللي ما قلته لها عنه غير اني ابيها في موضوع و اول ما صعدنا السطح
* نوف: يلا هنوووود ابي اعرف الموضوع حمستيني وايد.
* هند: هههههههههه طيب طيب اول شي ابيج تباركين لي.
* نوف: مبرووووووووووووووك على شنو؟؟
* هند(بخجل): على اني قريباً جداً ان شاء الله بنخطب. :5: :5:
* نوف: شنووووو؟ بتنخطبين؟ و من اللي بيخطبج؟ و شلون؟ من طرف ابوج؟ وله من طرف امج؟ تكلمي نطقي.
* هند: هههههههههههه شوي شوي علي صبري بقولج القصة كلها. :38:
* نوف: و انا كلي اذان صاغية.
* هند: سمعي يا طويلة العمر انا من فترة تعرفت بالنت على واحد و علاقتنا تطورت و طلب مني رقم ابوي بس انا رفضت و هو للحين يطلبة مني بس انا رافضة, يعني كنت حاسة بعدني صغيرة بس اول ما ادخل اول ثانوي بعطيه الرقم بعد ما نرجع من الاجازة ان شاء الله و بعدين اهو بعد محتاج شوية وقت لان حاليا توة منتقل للشرقية بالسعودية و قاعد يرتب امورة و بيشتري لنا بيت و بيضبط امورة عدل اهو لو عليه يبيني اليوم قبل باجر بس انا اللي مأخرتة.
* نوف(منصدمة و فاتحه فمها على آخره): يعني اهو سعودي؟
* هند: لا يمني بس عندة جواز سعودي.
* نوف: انتي من صجج تاخذين واحد يمني؟؟
* هند: وشفيها اذا كان يحبني و حنون علي و اهله يدرون عني و فوق هذا مليونييييييييييير.
*نوف(منصدمة و غيرانه): مليونيييييير .. من صجج انتي؟ 
* هند: اي و ليش بجذب عليج يعني؟
* نوف: بس .. بس اهو يمني و اكيد بياخذج اليمن و اليمن بعيدة شلون بتعيشين هناك بروحج؟
* هند: لأ اصلا اهو ما بيخليني اروح اليمن لأن اصلاً اهو و اهله بينتقلون للشرقية و اهو يبيني اعيش بالشرقية عشان اكون قريبة من اهلي.
* نوف: بس مهما يكون بعد انتي ما عندج اهل بالشرقية بعد بتعيشين بروحج, لأ .. لأ لا تاخذينة.
* هند: بس انا احبة و اي مكان معاه جنة.
* نوف: هند سمحي لي انتي مجنونة.
نوف كانت معارضة على زواجي من وليد مو عشان شي عشان هي حست ان مخططاتها راح تتخرب لو انا تزوجت شنو مخططاتها بتعرفون بعدين
المهم في الأجازة جلسنا عند بيت خالتي سعاد اللي كان عندها كمبيوتر و كانت خالتي سعاد مدمنة العاب بالكمبيوتر نفسي و وقتها علمتها على موقع العاب اللي العب فيه و عشان تخليني ادخل النت كنت اراويها اللعبه اللي بالعبها و كانت تتركني مع الكمبيوتر لحلنا و هي تروح تنام عني و كنت اسهر لغاية اذان الفجر و كنت كل يوم اسهر و طبعاً سهري كان على المسن مو على الألعاب و اللي كان مخليني اسهر هالوقت اهو بدر لأن بدر كان يدخل النت بالليل على ال9 مساءاً لغاية الساعه 9 الصبح و حتى عزيز كان يدخل كل كم يوم تقريباً بس بدر هو اللي كان ماخذ كل وقتي و كان كل يوم يقولي قعدي معاي شوي بس شوي لغاية ما نسيت وليد و اهله كلهم, بدر اخذني لعالم ثاني عالم اول مرة ادخله بدر كان مثل باجي الأولاد اللي يقول للبنت احبج و يحسسها انها الوحيدة في حياته و عمرة ما يجيب طاري الزواج منها لكنه يدعي انه يحبها و بطريقتة يجبرها انها تستمر معاه و هو مقضيها معاها تسليه, ما كنت ابي اتركه و لا كنت ابي ازعله و اي شي يطلبه مني مجاب و كنت انتظر انه يقولي بقوم شوي عشان انا اركض اروح انام قبل ما احد يشوفني كنت متضايقه لأني كنت حاسة اني قاعدة اخون وليد الوحيد اللي طلب انه يتزوجني و كنت وقتها احس انه بدر يحبني بعد و لأني لسه جديدة بالعالم كنت متوقعه ان بدر بيسوي نفس وليد و بيطلبني للزواج و لكن بدر ما طلب مني هالشي و بدل ما يطلب مني الزواج طلب رقم تلفوني عشان نسولف و ندردش بالبداية انا عطيتة و ما كلمتة الا مرة وحدة بس بعدين لما حسيت انه يلعب قررت اني اتركة مثل ما تركت خالد لأني كنت مع خالد احس اني انسانة رخيصة بطريقة كلامة معاي المهم لما كنا في اخر السفرة و في اخر الأيام امي قامت تدخل علي فجأة و نظراتها كلها غضب لي و انا على الكمبيوتر و كان كلامها معاي كله بغضب و كانت حاسة ان موضوع الكمبيوتر فيه ان و هذا بعد كان شعور خالتي سعاد و في اخر يوم لنا و كان هو اليوم اللي بنسافر فية كانت خالتي سعاد قاعدة مع امي في غرفة بروحهم و امي طلعت من الغرفة تطالعني بنظرات غضب و انا كنت اسوي روحي مطنشة احاول اخفي الخوف اللي في داخلي منها و قالت لي امي:"هنووووود قومي خالتج سعاد تبيج في الغرفة تبغي تكلمج في موضوع" انا هني قلبي نغزني و لكني ظليت راسمة نظرة التنطيش و الملل على وجهي و رحت لخالتي سعاد اللي كانت تنتظرني على احر من الجمر
* سعاد: هنود حبيبتي ابيج في موضوع.
* هند(للحين راسمة الملل على وجها): اي قالت لي امي خير؟؟ شصاير؟؟
* سعاد: الألعاب الي تلعبينهم بالنت وايد حلوين.
* هند: اي مشكورة خالتي ترى انا حطيت لج الموقع في الفيفورت عشان لما نروح تلعبين فيهم على راحتج.
* سعاد: بس انتي كل يوم ما تلعبين و بس انتي تسوين شي ثاني بعد صح؟
* هند(انرعبت و بين عليها): شي ثاني مثل شنو؟؟
* سعاد: يعني تكلمين اولاد مثلاً؟
* هند(و دموع الندم بدت تسيل على خدودها): هاااا لأ اي اولاد.
* سعاد: هنووود حبيبتي عيونج قالت كل شي قبل ما تنفين و بعدين انا ما ابي منج الا الصج احنا عارفين كل شي من زمان.
* هند(و زادت دموعها): من متى؟
* سعاد: من زمان.
* هند(و دموعها تزيد اكثر و اكثر): و تدرون عن التلفون؟
* سعاد(منصدمة): ليش انتي تكلمين بالتلفون بعد؟
* هند: هاااا لا لا (و حست ان ما في مفر من قول الصج) اي بعد اكلم بالتلفون.
* سعاد: من هذا الي تكلمينة و شسمة و ولد من؟
* هند: هذا واحد سعودي بس جي اكلمة. <<< ما حبت تقول عن الباجي و اعترفت بخالد و بس
* سعاد: طيب و ليش تكلمينة يا حبيبتي؟
* هند: اصلا اهو متزوج و اكلمة بس جي. <<<< كذابة
* سعاد(منصدمة): و متزوج بعد .. شتبين في واحد متزوج انتي ما تدرين ان هذا غلط و البنت اللي تكلم بنت مو زينة و انتي هند البنت الهادية اللي كلنا نحبها لكن شوفي من اليوم و رايح احنا ما بنحبج و بنعاقبج على فعلتج و انا بخبر امج و ما ادري شنو بتكون ردة فعلها على هذا الموضوع, تحملي كل اللي بيجيج منها.
* هند(حست بتحطيم الدنيا كلها و حست بالموت قرب منها و قالت في قلبها اكيد خالتي سعاد ما جابت شي من عندها انا كره اهلي لي راح يلازمني طول عمري): ........
* سعاد: طيب الحين انتي طلعي و نادي لي امج و انا بتفاهم وياها.
وقتها الدنيا صارت سودة بعيوني و طلعت من الغرفة و حسيت روحي زهدت الحياة و خالتي طبعاً نادت امي و خبرتها بالموضوع و احساسي قالي ان امي بكت و حست بخطأها بقسوتها علي لكن للأسف ما تعلمت منه و طول الطريج و احنا رادين البحرين امي ما كلمتني ولا كلمة و انا بعد و كانت دموعي هي الشي الوحيد اللي كنت اسوية و هذا كله غير الطريج الأسود اللي جدامي يا ترى اهلي بيقتلوني وله بيخلوني اعيش؟ يا ترى شنو بيصير لي؟ يا ترى بيحبسوني في غرفة و بيحرموني من التعليم؟ ما كان عندي نظرة للمستقبل وقتها و كل اللي كنت اشوفة اسود x اسود
يا ترى شنو بيصير مع هند؟
و شنو بيكون مصيرها؟
احداث مشوقة بنعرفها في الجزء القادم
انتظروني:37:
