بسم الله الرحمن الرحيم
اتذكر يومها اجتمعت داخلي مشاعر غيض على اخواني و كره لنفسي لأني حسيت من داخلي اني رخيصة و لأني سويت شي ضد مبادئي, و مشاعر ثانية كثير كان نتيجتها اني قررت ان باجر بيكون اخر يوم بحياتي لو مهما صار و نمت و انا دموعي على خدي
قعدت الصبح و رحت المدرسة و كنت متكدرة و دمعتي على الباب طبعاً امي شافتني الصبح مهمومة بس ما سألت, و انا في المدرسة منى كانت طول الوقت تحاول فيني تبي تعرف شنو فيني لكني كنت ساكته و ما اتكلم و بعد عدة محاولات يأست مني منى, و بعد الدوام رحت البيت و تغديت و على الغدا كنت افكر طيب كيف بنتحر اكل حبوب؟؟ وله اقطع شراينين نفس الأفلام؟؟ وله ارمي نفسي من السطح؟؟ و كانت في بالي 100 طريقة و طريقة و لما خلصت الغدا امي طلبت مني اني اشيل الصحون و احطهم بالمطبخ و انا رايحة المطبخ و الصحون بأيدي كان معاهم سكين, و انا اشوف السكين قلت في داخلي
* هند: يا ترى متى بانتحار؟ انا كأني قاعدة انتظر الانتحار يجيني على طبق من ذهب, لازم اتحرك, امممم هالسكين شكلها حادة خلاص انا بنتحر فيها .. يا ترى اغرسها بقلبي و له اقطع شرايني؟ لا .. لا اذا غرستها بقلبي بتعورني خلني اقطع شرايرني اسهل بس بعد بيعورني مو مشكلة بتحمل كلها دقايق و بتخلص من العذاب اللي انا فيه و بطلع من هالدنيا .. بس بروح النار لان اللي ينتحر يصير خالد مخلد بالنار .. آآآآآآآآه يا خالد يا ترى بتفتقدني, ركزي يا بنت انتي بتنتحرين خلاص وصلتي المطبخ يلا (و مسكت السكين و وجهتها ناحية قلبي) لا لا انا بغرسها بقلبي اسرع و الموت مضمون, بس يريت لو في شي ثاني احسن انا ما ابي اروح النار .......
و انا واقفة قطع تفكيري صوت امي و هي تقول:"هنووووووووووود و وجع بالتقسيط تشيلين الصحون" خفت و طاحت السكين من ايدي و شلتها و قررت اني لما ارجع بكمل اللي بديت فيه, لكن و انا راجعه للمجلس كانت امي قاعدة تطالع التفلزيون على مسلسل صعيدي و اتذكر كلام الممثل اللي كان يقول:"دي لو انتحرت كان ارحم لينا" شدت انتباهي الجمله و رفعت راسي على الشاشة عشان اسمع كلام الممثل بتركيز اللي كمل على جملتة و قال:"دي وطت راسنا في الأرض بالعار اللي قابتهولنا لكن و اللهي انا مش حسيبها لازم اطلع روحها بايدي ديه زي ما مسحت شرفنا بالأرض مش حيكفيني الا موتها"
* هند:لقيت الحل و اخيرا انول الشهادة و بنفس الوقت اتخلص من هالعالم يا سلااااااااااااااام و جاني الحل على طبق من ذهب و انا اللي كنت اقول يعور و ما يعور الحين بيجيني الموت بدون ما احس فيه يا سلام صج ربي رحيم بعبادة.
ما ادري وقتها شنو اللي جاني يعني اي شهادة و انا بسود وجه اهلي و شلون ربي رحيم بعبادة و انا بسوي جي ما ادري بس انا متأكدة وقتها ان مخي ضرب لأني كنت مصممه اني اموت و جاني شي نقذني يعني بقول لكم شي عني انا عنيدة عنيدة عنيدة حتى لو على موتي و دام اني حطيت سالفة الأنتحار ببالي يعني انا اكيد بنتحر لو شنو يصير و الحين جاني عذر اقدمة حق نفسي عشان ما انتحر يعني كنت مثل اللي محكوم عليه بالأعدام و مرة وحدة جاله عفو هذي كانت حالتي باختصار و اتذكر اني من الفرحة قمت اناقز من المطبخ لي غرفتي و على طول نقزت على سرير و انا اقول في قلبي
* هند: الحين لازم اخطط شلون اخلي اهلي يعرفون اني اكلم اولاد و بعدين انا للحين ما كلمت الا خالد بس امممم جاتني فكرة بكتب اهداء ثاني اليوم و بشوف شنو يصير معاي لازم اجمع اكبر عدد ممكن من الاولاد عشان اتمتع شوي قبل ما اموت, الحين انا قررت قرار نهائي خلاص سالفة خالد هذي بتستمر و عناااااااااااااااااد انا راح اكلم اولاد لغاية ما اشبع و اذا ما صادوني اهلي كيفهم و اذا صادوني بموت شهيده, بس لحظة شلون شهيده و انا بكلم اولاد .. بس اهلي الي جبروني انا ما لقيت الحنان في البيت و اخواني كانو يتمسخرون علي و ربي اكيد بيتفهم لي و على العموم انا قررت خلاص ان شاء الله الحين بنام شوي و المغرب بعد الدراسة ببتدي في تنفيذ الخطة هههههههههههههاي وناسة.
و نمت شوي و بعدين صحيت و درست و عقب الدراسة وقت المغرب كالعادة توجهت للكمبيوتر بس هالمرة ما حطيت كرسي ورا الباب لأني خلاص الموضوع صار بالنسبة لي حياة او موت
و اول شي سويته دخلت الموقع و كتبت اهداء ثاني نفس الاولاني و بعدين فتحت المسن و لقيت خالد كالعادة اون لاين و نطرتة يكلمني لكنه كان مطنش
* اميرة القلوب: هلا و الله باللي يتغلى.
* امير القلوب: خير اختي بغيتي احد؟
* اميرة القلوب(خافت و قالت منو هذا؟ اكيد مو خالد): اييي بغيت صاحب هالأيميل وينة؟
* امير القلوب: انا صاحب هذا الأيميل خير بغيتي شي؟
من الخوف سكرت الجهاز بسرعه و استخبيت في سريري و بعد ربع ساعه من الخوف و التوتر و الرجفه قررت اني احاول بعد مرة لاني ما راح ايأس و بالفعل رديت على الجهاز مرة ثانية و انا ايدي ترجف من الخوف دخلت المسن و لقيته للحين اون و قبل ما اكلمة
* امير القلوب: زين اني شفتك قبل ما اعطيك بلوك, تأمريني بشي هنود؟
* اميرة القلوب(بكل خوف): انا اسفة و الله ما كان غصدي اسوي لك مشاكل مع اهلك اصلاً انا ما ادري من اللي كلمتة بس اكيد هو قرأ اسمي اميرة القلوب و سوا لك سالفة اسفة و الله اسفة.
* امير القلوب: من اللي عمل لي سالفة؟ انتي وش اللي تتكلمين عنه؟
* اميرة القلوب: ما ادري مساعه قبل شوي كلمت واحد يقول انه صاحب الأيميل هذا ما ادري منو اكيد يعني هو اللي سوا لك سالفة؟؟ عشان جي انت تبي تعطيني بلوك.
* امير القلوب: هههههههههههههههههههه الله يرجك, و الله انك دوم تضحكيني و تخليني اسامحك غصب عني.
* اميرة القلوب: ؟؟؟؟؟؟
* امير القلوب: انا اللي كلمتك قبل شوي مو حد ثاني, انتي غصدك يوم اقول لك اختي صوح؟
* اميرة القلوب: اي صح, ليش تسوي جذي فيني حرام عليك خرعتني.
* امير القلوب: ليش اخرعك؟
* اميرة القوب: و الله قعدت اصيح و خفت و قلت اكيد سببت له مشاكل و انا ما احب اسبب لأي احد مشاكل.
* امير القلوب: احسن .. تستاهلين عشان مرة ثانية ما تعملي هالحركات البايخة.
* اميرة القلوب: احسن و استاهل ما توقعتها منك و شنو هالحركات اللي استاهل بسببها هالكلام القاسي منك؟ <<<< تستعطفه بغباء
* امير القلوب: لا و لاشي ابد بس انصدم اني جالس لوحدي اتكلم و انتي خرجتي عني حتى بدون ما تقولي لي باي هذي حركات عادية مو حركات تقهر و تجيب علل العالم كلها, لا و فوق هذا كله امس ما تدخلين و تخرعيني عليك.
* اميرة القلوب: و الله اسفة و الله العظيم اسفة بس انت ما تدري شنو ظروفي.
* امير القلوب: الكهربا طفت عليكم قبل امس كمان؟؟؟ طيب و امس ليش ما دخلتي استمرت الكهربا مقطوعة لغاية اليوم؟؟؟؟؟
* اميرة القلوب: تطنز .. تطنز لأنك ما تدري شنو اللي صار من حقك التمسخر .
* امير القلوب: طيب قولي انطقي وش فيك؟
* اميرة القلوب: انا قبل امس يوم اطلع امي دخلت علي و هاوشتني و ما خلتني اقعد على الكمبيوتر وايد لاني كنت وايد مريضة فيني سخونة و استمرت معاي و امس زاد علي المرض لأني قعدت وايد على الكمبيوتر و ارهقت نفسي في اليوم الي قبله (تبي تحسسة بالذنب) عشان جي ما قدرت ادخل امس و اليوم صرت احسن شوي من جي قدرت ادخل و يوم اشوفك بدل ما تقولي سلامات تتمسخر و تبي تعطيني بلوك مو مشكلة مشكور ما ابي شي تقدر تعطيني بلوك انا ادري اني ثقيلة عليك.
* امير القلوب: وش ثقيلة و خفيفة و شهالكلام اللي تقولينه الف سلامة عليك يا بعد قلبي انتي جعلني اروح لعيونك فدوه.
* اميرة القلوب: بسم الله عليك لا تقول هالكلام.
* امير القلوب: تخافين علي؟؟
* اميرة القلوب: اي و ما ابي يصيدك شي من اللي صادني لأني بجد كنت تعبانه.<<<< عايشة الدور الاخت
* امير القلوب: معقوله خايفة علي يا بعدي انتي بس بعد ما بسامحك الا لما تعطيني بوسه كبييييييييييييييرة.
* اميرة القلوب(و بعد تردد): طيب :5: :3: :5:
* امير القلوب: ههههههههههه فديتك انا, الا ما قلتي لي انا بصراحة مو مطمن عليك كذا لازم اتواصل معك بطريقة ثانية.
* اميرة القلوب: شلووووون؟؟؟؟
* امير القلوب: ابي رقمك الجوال.
* اميرة القلوب(مصدومة): بس انا توني متعرفه عليك.
* امير القلوب: اجل انتي قاعدة تلعبي علي كمان اليوم انا متأكد انك راح تخرجي فجأة و بتقولي لي شي الله و اعلم ايش هوا عشان كذا انا ابي رقمك عشان اتطمن عليك و بعدين انا ما بتصل لانك قلتي لي انك محترمة و بنت ناس انا كل اللي راح اعملة اني اتواصل معك بالمسجات لا أكثر و لا اقل ما ابي اسمع صوتك بس ابي اتطمن.
* اميرة القلوب(حست ان الفرصة جاتها بس خايفه ولكن لازم تسوي هالشي): طيب انا رقمي ........ و شوف من الحين اقولك لو اتصلت علي انا ما برد عليك الموضوع بس مسجات اوكي.
* امير القلوب: اوكييين مو اوكي واحد ههههههههههههه.
* اميرة القلوب: هههههههههههه.
* امير القلوب: طيب انا راح اعمل لك رنة الآن و حفظي رقمي عندك اوكي.
* اميرة القلوب: اوكي.
وكلها دقايق الا جوالي يرن بس طبعاً كنت مخليته صامت اخاف احد يسمعه مع ان عادي في هالوقت ممكن تتصل علي صديقتي و له اي احد من اهلي يعني مستحيل احد يشك فيني بس سبحان الله لاني كنت عارفة ان اللي اسوية غلط و اول ما رن و شفت تلفوني يولع و يطفي(وقتها كنت غيرته و شريت سوني ايركسون بس شاشته زرقا للحين ما نزلوا التلفونات اللي بالألوان) و من الخوف اخذت التلفون بأيديني الثنتين و خبيته عند قلبي و ظليت صامته على هالوضع كم دقيقة لغاية ما رجعت اطالعه مرة ثانية الا كان خالد مسكر الخط طبعا سألني خالد بالمسن اذا وصلت الرنة وله لا و انا خبرتة انها وصلت واستمر الحوار و هالمرة انا قررت اني اقول له مع السلامة قبل تناديني امي و اسكرة بوجهه و استغرب اني استأذن منه لكن ما قال شي و اول ما قفلت الكمبيوتر قعدت على السرير و تلفوني جمبي
و وقتها كنت سرحانه بخيالاتي و احلم بخالد طبعا من بعد ما شلت الصامت و خليت تلفوني بالوضع العام جلست افكر و اتخيل و شوي شوي انبطحت على الفراش و مرة وحدة رن تلفوني خفت و نفضت من مكاني و شفت الرقم الا خالد متصل مت من الخوف و الفرح و ما كنت عارفة شنو اسوي ارد وله اطشن و بين هذا و ذاك سكر خالد التلفون بعد ما رن دقيقة كاملة و شوي الا يرجع يتصل و صادتني نفس الحالة لكن هالمرة ما خليته يرن وايد لأني سكرتة بوجهه و على طول بحركة سريعه رديت التلفون صامت و تنفست الصعداء وقلت في قلبي :"آآآآآآآآآآه الحمد لله ما انفضحت ههههههههههههههه" و رجع خالد يتصل و يتصل و انا منبطحة على فراشي و اطالع التلفون و عيوني تلمع بفرح انتظرة يوقف عشان ارسل له مسج و لكن للأسف خالد ما خلاني لأن عقب ما اتصل علي 7 مرات ارسل لي مسج
* خالد: امممممم انا اسف اذا احرجتك بس كنت حاب اتطمن عليك.
* هند(رديت عليه بمسج): لا ازعاج ولا شي بس انت قلت لما اطلع فجأة و انا اليوم ما طلعت فجأة.
* خالد: طيب انا اسف و اوعدك ما تشوفي رقمي مرة ثانية بحياتك ابد الا لما انتي تطلبي او لما تخرجي فجأة.
* هند: و هذا اتفاقنا من الاول و مرة ثانية اقولك ماله داعي الأسف.
* خالد: اوكي تصبحين على خير.
* هند: و انت من اهله.
وقتها طرت طير من الفرح و حسيت الارض مو شايلتني و قلت في قلبي:"معقولة انا الحين عندي حبيب و رقمة بتلفوني وااااااااااااااااو مو مصدقة" و طبعا يا فرحة ما تمت صرخت امي و هي تناديني على العشى نستني اسمي مو فرحتي و بس, و كالعادة رحت لها اسرع من الصاروخ من الخوف لكن يومها اتذكر اني ما نمت ابد من الفرحة و كان طول الوقت في بالي صورتي انا وخالد على الكوشة و شنو بنسوي و شلون بيوكلني الكيكة و يعني انتو عارفين احلام المراهِقات.
و الصبح رحت المدرسة و انا طايرة من الفرح كنت اشوف العالم بمبي بمبي على قولة سعاد حسني هههههههههه, و لما دخلت الصف لقيت منى بعد فرحانة مثلي و كانت مو طبيعيه و في قلبها كلام لكن الشلة كانو مو مخلينها بحالها و بالفسحة كانت عيون منى تراقبني مثل ما كانت عيوني تراقبها و بلحظة فزت منى من مكانها و قالت حق الشله:"سمحوا لي بنات اليوم بسرق هند منكم لان عندنا كلام بروحنا" و سحبتني وياها وسط اعتراضات من الشله على ان كله انا وياها بروحنا و ليش كله نتوشوش و لكن منى ما كان هامها
* منى:و اخيراً قدرت اخذج بروحنا بموت ابي اتكلم وياج شوي وه حشة صج ان هالبنات لزقة.
* هند(بخجل): هههههههههههه, يلا هذا احنا صرنا بروحنا تكلمي قولي اللي بقلبج.
* منى: اللي بقلبي شيين واحد بخصوصج و الثاني بخصوص محسوبتج.
* هند(بخوف و حذر): و و و شنو اللي بخصوصي؟
* منى: امس كنتي حزينة و ذبلانة و اليوم فرحانة و تناقزين من مكان لي مكان يا ترى شنو الي صار من امس لليوم و سبب لج هالتغير المفاجئ؟؟؟؟؟
* هند(بارتباك): هاااا و لا شي, انا ما فيني شي.
* منى: شوفي لا تقعدين ترقعين لي انا بعرف شنو فيج يعني بعرف يا تقولين لي الحين يا يويلج مني؟
* هند: و لاشي بس امس كنت متهاوشة مع اخواني و اليوم رضيت و خبرج هواشي مع اخواني قلب علي المواجع من جي كانت نفسيتي مو لي هناك اما اليوم راضوني بشي عليه القيمة من جي فرحانه, ما علينا انتي شنو موضوعج؟؟ <<< تغير الموضوع
* منى: وه يا هنووووووووووود احـــــــــــــــــــــــــــــــــبــــــــــــــــــــــــــــــــه اموت اموت اموت اموت اموت اموت فيه.
* هند(بخجل و خدودها وردت عقب ما طرى عليها خالد): ههههههههههههه يا هالسعود اللي محنا خالصين منه.
* منى(تغير وجهها): شسعوده انتي بعد قال سعود قال.
* هند(باستغراب): منو عيل؟؟؟؟؟؟؟؟؟؟
* منى: فيكتور يا هنود فيكتور.
* هند: هههههههههههههههه لحول اكيد مسلسل من مسلسلات المكسيكية, و الله انج مو طبيعيه.
* منى: اي مسلسل انتي شفيج جنيتي اقول لج احبة تقولين لي مسلسل مكسيكي؟
* هند(مستغربة و بشدة): اي فيكتور انتي بعد وين قاعدين احنا؟
* منى: الصراحة .. الصراحة هنوده انا مليت من سعود ما يدري عن هوا داري و فيكتور كل يوم اشوفة عند المدرسة لغاية ما جا يكلمني امس و انا طالعه بروح البيت و اعترف لي انه يحبني, هذي القصة كلها.
* هند: و انا اشوفج من ما تتكلمين عنه صار لج جم يوم بس انا قلت يمكن الله هداج و بعدين تعالي هني شلون فيكتور شنو اصله اهو؟
* منى(خجلانة): هاااا, حلفي ما تتمسخرين علي اول.
* هند: و الله ما بتمسخر.
* منى(بتموت من كثر الخجل): اهو امه فلبينيه و سمته على اسم خاله اللي توفى لما كان فيكتور في بطن امه بس ابوة بحريني.
* هند: هههههههههههههههههه من صجج تحبين فلبيني؟؟؟؟
* منى(بخجل): هنووووووود انتي حلفتي و الحين حلفج راح بالهوا.
* هند: اسفة و الله اسفة بس فلبيني يا منى و بعدين اللي كنتي تقولينه لي عن سعود يخليني متأكدة مليون بالمية انج مخلصه له شلون تكلمين واحد ثاني.
* منى: هذا اللي صار شسوي بعد؟ و بعدين فيكتور انتي قلتي فلبيني شنو ابي فيه بتم وياه شوي و بعدين بتركة بس بشعلل سعود شوي و عقب بتركة.
* هند: اهااااااااا, الله يهديج.<<<< نست تشمل روحها بالدعوة
و ظلت منى تسولف عن فيكتور اللي ظلت امس طول اليوم وياه ووصلها لغاية بيتهم و توعدها اليوم انه يوصلها نفس امس و كل يوم لان فيكتور من مدرسة الصبيان الثانوية اللي جمبنا
يا ترى من فيكتور هذا؟
و هل منى مخلصه لسعود؟
و شنو قصتها؟
و هل هند بتستمر مع خالد على هالأسلوب وله بيتغير شي في حياتها؟
انتظروني في الجزء القادم و السموحة ما قدرت انزل جزئين اليوم ان شاء الله بحاول بكرة :37:
