~ في ظل غياب الرقابة .. اعاني لوحدي ~

[قطوه قطر]

بصراحه اختي انا متابعه لكل مواضيعك فهالقسم وووشدني ووووايد اسلوبج ماشاء الله وايد حلو وانا متابعه لكل رواياتج والله يوفقج حبيبتي

بانتظار التكمله على احر من الجمر

 

[جرح عميييق]

السلام عليكم محبة الطاعات .اسعدتيتا بجديدك مسنتريين عندك للنهاية باذن واحد احد​

 

[جرح عميييق]

السلام عليكم محبة الطاعات .اسعدتينا بجديدك مسنتريين عندك للنهاية باذن واحد احد​

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

ام اسارين

السموحة منج حبيبتي كان ودي اني اكمل بس صارت عندي ظروف طارئة

و ما قدرت اكمل و ان شاء الله الحين الجزء الجديد بالطريج

و مشكورة حبيبتي على المرور الرووعة :37:

قطوة قطر حبيبتي مشكورة ابوي على الرد الراقي

فديتج انا مشكورة على الروح الأيجابية اللي عطيتيني اياها :5:

و الجزء الجديد بعد شوي ان شاء الله

جرح عمييق

عليكم السلام و رحمة الله و بركاتة

مشكورة حبيبتي على الرد الذووق و ان شاء الله البارت الجديد بعد شوي :5:

و اللي حابة تعرف شنو الظروف اللي أخرتني حياكم على هالرابط

v
v
v
v
v

http://www.niswh.com/vb/showthread.php?p=7894098#post7894098​

 

[ام اسارين]

يالله حبيبتي بماانك اشتريتي جديدوريناابداعك فيه بسسسسسرعه

 

[محبة الطاعات]

بسم الله الرحمن الرحيم​

بعد شهر​

كنا في المدرسة و بالتحديد اكثر كانت حصة فراغ (المدرسة كانت غايبة) كنا قاعدين انا و منى و الشلة و منى كانت مو طبيعيه من اول اليوم و انا ملاحظة عليها و بالفسحة ما قدرت تقول لي شي لان الشلة كانو معانا, قعدنا تقريباً اول خمس دقايق مع الشله و بعدين منى سحبتني و قالت لي انها تبيني بموضوع مهم و طبعاً انا لما منى تقول لي شي اكيد يتم لو شنو تبغي
​

* منى: اووووف هنود انا من مساعة ابغي اكلمج بروحنا بس الشله مو مخلينا.
* هند: و انا بعد ملاحظتج مو طبيعيه شنو فيج؟
* منى: الصراحة انا عندي سر خطيييييير و ما اقدر اقول حق اي احد الا انتي لأنج اعز صديقة عندي.
* هند: احم .. احم و انا افتخر اني اكون اعز صديقه عندج, اكييييييييييييد قولي انا بروحي ابي اعرف شنو فيج؟ <<< الأخت متحمسة ما تدري بالقنبلة للحين
* منى: الصراحة انا اليوم شفت حبيبي واااااااااااااي فديته هنوده و فديت قلبه و الله احببببببه اموت اموت اموت فيه الله يخليه لي يارب.
* هند(منصدمه و فاتحها فمها على آخرة و بعد ما استوعبت شوي): اي حبيبي!!!!!؟؟؟؟؟؟؟
* مني(سرحانه و هيمانه): حبيبي سعوود ايه عليه فديته آآآآآآآآآآآآآآآه احبه.
* هند(بعصبيه): منى اي سعود اي خرابيط انتي شنو قاعدة تقولين؟ منى انتي مجنونة تحبين و انتي لسه ما كملتي الـ 15 سنة على الاقل؟؟؟
* منى(بدفاع): هنودة انا قلت لج من قبل البنت قلب و انا قلبي مع سعود حبيب قلبي و حبيب حياتي الله يخليه يارب.<<< و رجعت للسرحان اللي هي فيه
* هند: مناوي حرام عليج نفسج و الله حرام الحب غلط و احنا المفروض ما نسوي الشي الغلط انا انصحج لله ترى و الله انا اخاف عليج يعني لو اخوانج دروووا شنو بتكون ردة فعلهم ها؟؟؟؟
* منى: اصلا اخواني يدرون يكون بعلمج احنا عائلة الحب عندهم شي عادي و عشان تعرفين ترى سعود صديق اخوي و اخوي يدري عن كل شي و حتى جدتي و اصلا امي خذت ابوي عن حب.
* هند(منصدمة): طـ..ـطـ..ـطيب و ابوج؟
* منى(بحزن): ابوي الله يرحمة.
* هند: انا اسفة منى و الله ما كان غصدي اذكرج.
* منى: انسي .. انسي المهم ما سألتيني شلون شفته؟
* هند(حست بالذنب لأنها ذكرتها بأبوها و حب تجاريها): شلون؟
* منى: سعود ولد جيرانا و انا اجي المدرسة مشي عاد يوم مريت جنب بيتهم استغربت ان شباك غرفتة كان مفتوح و طولت و انا اطالع الشباك و شفته طالع من الحمام و كان لابس فوطة (منشفة) و شعره كان مبلول وااااااااااااااو هنوودة شكله كان يجنن تدرين خفت عليه ياخذ برد و ناديته و اصلاً قبل ما انادية كان هو جاي على الشباك شكله شافني تعرفين ابتسم لي و ابتسامتة تجنن سرقت قلبي واااااااااااااي فديته و قالي "فديت القمر الي طالع الصبح و رايح المدرسة" .:5::5:
* هند(تتصنع الملل و لكنها تبي تعرف اكثر): ايــــــــــــي انزين كملي.
* منى(كملت): انا جنيت يوم قال لي قمر حسيت اني خاطري اروح له و اضمة لكن سويت نفسي مطنشة و مشيت و رجع قالي"بغيتي شي مناديتني خير؟؟" ما قدرت ما ارد عليه لان صج انا مناديتة فرديت عليه" لا و لاشي بس بغيت اقول لك سكر الشباك" و رجع قال"اممم هذا خوف على صحتي و له غيره علي من البنات"و غمز لي, هنووووووووووووود انا ذبت يوم انه غمز لي. :5::5:
* هند(و مو قادرة تخفي اهتمامها بالموضوع): و بعدين شنو صار كملي.
* منى: و انا من الخجل صار لوني احمر و مشيت :5: و تعرفين رجع ناداني و قال لي" راح اسامحج هالمرة لأنج صرتي حمرة اما المرة الثانية ما تمشين الا ببوسة انتي فاهمه؟".
* هند(قاطعتها): بووووووسة؟؟؟؟؟؟؟؟؟؟؟؟
* منى(مطنشتها): انا هني تمنيت الارض تنشق و تبلعني هنووود اول مرة يصرخ جي جدام الناس فشلني فديته. :5:
* هند(و معاييرها بدت تتلخبط): انزين و بعدين؟
* منى: بس و مشيت و خليته بروحة واقف بس اذا شفته و انا راجعه بزفة عشان لا يوقف بالشباك و الجو بارد اخاف ياخذ برد. :5:
* هند(تفكر): عادي يعني تكلمينة و اهلج يدرون؟
* منى: هنودة خلي اهلي عنج انا خايفة يزعل مني ليش اني كل يوم اروح مع صديقتي و يوم اللي مشيت بروحي شافني :5:.
* هند(بعصبية): و هو شدخله بروحج وله مع صديقتج انتي حرة من يكون اهو عشان يعصب عليج؟
* منى: حبيبي .. يكون حبيبي و له حق علي اني اطيعه و اسمع كلامة.
* هند(رجعت لعقلها): انتي اللي تسوينه غلط و بيجيج يوم و بتندمين و بتقولين اني ما قلت.
* منى: تصدقين هنودة على هالمواعظ اللي تعطيني اياها انا متأكدة انج تحبين واحد و ما تبين تقولين لي لكن انا وراج و الزمن طويل و مردج بتقولين لي و بنشوف.
* هند: ههههههاي اكيد بنشوف لأني واثقة من نفسي حبيبتي انا اخر شي بحياتي افكر فيه الصبيان.
​

و بعد هالحوار و بالتحديد بعد ما رجعت البيت ظليت افكر و اقول معقولة منى تحب سعود و اهلها يدرون يعني معقولة ان الحب شي عادي طيب ليش انا فهمت من امي انه شي غلط و ظليت افكر و افكر
​

​

لغاية ما رحنا بيت نوف بزيارة في نفس اليوم و نوف خذتني لغرفتها و جلسنا نسولف و كنت متحيرة اقول لها عن منى و له لا خلوني اقول لكم عن حديثنا احسن​

* نوف: هنوده و حشتيني.
* هند: و انتي بعد.
* نوف: تعرفين هنودة انا خاطري نطلع انا وياج السطح ترى حدة عجيب و تشوفين منه كل بيوت المنطقة.
* هند: بس انا ما احب اقعد بالسطوح.
* نوف: بس هنودة القعدة فوق تجنن و حدها وناسة.
* هند: اوكي انا وياج بس ما ادري ليش انا ما ارتاح او بمعنى اصح حاسة روحي ما برتاح.
* نوف: طيب انتي جربي هالمرة و بعدين انا بقول لج سالفة و اخاف احد يدخل علينا لكن فوق بنكون بعيد عن الباب و لو احد دخل بنغير الموضوع و محد بينتبه.
* هند(مو مرتاحة): اوكي يلا مشينا.
* نوف(بقمة الفرح): مشينا.​

و بعد ما طلعنا للسطح ​

* هند: يلا نوف قولي السالفة عشان نرجع.
* نوف: و شفيج مستعجلة .. تو الناس.
* هند: انا ابي اعرف الموضوع الحماس ماخذني.
* نوف: طيب بقول لج زمااان لما كنا في بيتنا اللي قبل هذا اللي باعة ابوي الحين, كنت احب السطح واااااااااااايد لأن كنت اصعد و اطل مثل الحين و كانوا صبيان فريجنا رايحين و جايين و رايحين و جايين و الي يضرب هرن(جرس السيارة) و اللي يأشر لي بمنديل و تعرفين كنت حدي استانس لما حد يسوي لي جي.
* هند(ثاني صدمة): انزيــــــــــــــــن؟؟
* نوف: بس كان خاطري اقول لج لأني بصراحة احس انج اعز وحدة من الأهل و الصراحة خاطري اقول لج على اسراري. <<<< و تغمز لها
* هند(و هي تفكر): طيب و امج ما لاحظت؟؟
* نوف: الصراحة لاحظت بس ما قالت شي و انا يوم قلت لها بس طبعاً بغشمرة(بمزح) كملت معاي الغشمرة(المزح) يعني اكيد انا ما سويت شي غلط لأني لو مسويه شي غلط كانت امي هاوشتني وله شرايج؟
* هند(سرحانة و في عالم ثاني): ايــــــــــــي اكــــــــــــيـــــــــــــد.
* نوف: تعرفين هنودة انا افتقدت ذاك الشعور و ودي ارجع له.
* هند: انزين اذا امج راضية ليش تقولين لي؟
* نوف: لأ انا اقول لج لأني محتاجة احد افضفض له عن اسراري و حبيت استشيرج ارجع وله لا؟ يعني مجرد ابي اعرف رايج في الموضوع.
* هند(كانت تفكر و مو معاها بالموضوع): اي .. اي اوكي كيفج.
​

طبعاً عقب هالموضوع ظلينا واقفين انا و نوف لغاية ما تكسرت ريولنا و انا قعدت و هي ظلت واقفة و تكلمني و كلها شوي الا و فعلاً سيارات الصبيان ظلت رايحة و جاية و انا مستغربة من تصرفها و من ردة فعل امها اللي قالت لي عنها و كيف تكون ردة فعل امها جي و هي خايفة ان احد يدخل علينا و يسمع كلامنا معقوله تكون كذابة او يمكن امها موافقة بس نوف خايفة من الناس و كلامها عنها؟ ما ادري و الله, المهم ان ظل هالموضوع في بالي, و قلت في قلبي"ليش امي انا بس هي اللي رافضه هذا الموضوع مع اني اعرف ان امي خذت ابوي عن قصة حب (طبعاً خالتي سعاد هي اللي قالت لي) كيف العالم كله يقول ان الحب و العلاقة مع الطرف الآخر صح و انا الوحيدة اللي اقول انها غلط يعني منى و نوف و اهلهم يقولون انه صح بس لحظة لحظة انا امي قاسية اكيد امي ما تبيني الاقي الحب عند احد ثاني عشان لا اكرهها بس انا ما بكرهها انا بس ابي احد يحسسني اني محبوبة, انا شنو قاعدة اقول اكيد انا مينونة هالموضوع غلط و انتهي النقاش فيه", و بعد طول تفكير في هذا الموضوع حتى بعد ما رحت البيت و حتى و انا على فراشي ما قدرت الاقي حل و نمت بعد عناء طويل مع افكاري
​

لكن ظل عقلي يتسأل كل يوم عن هذا الموضوع و يا ترى وين الصح مع منى و نوف و اهلهم او مع امي و اللي اشوفة من تصرفاتها انه ينفي هالأفعال و بعدين عقلي الباطن يقول لي ان هالأفعال غلط لكن انا قاعدة امشي عكس التيار ليش انا بروحي اللي قاعدة امشي عكس التيار؟؟؟ و بعد مدة مو بسيطة اكتشفت ان وحدة من الشله لها علاقة بشاب و يتكلمون عن الزواج لكن هالبنت من عمري يعني 13 سنة و هذا كله زاد من حيرتي و تفكيري و عقلي كان باقي له شوي و يطير لغاية ما جاء اليوم اللي كانت فيه اكبر صدمة بحياتي صدمتي بمنى صديقة عمري
​

​

يا ترى شنو فيها منى؟
و ليش انصدمت منها؟​

بنعرف مع بعض بالجزء الياي ان شاء الله ​

انتظروني :37:​

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

هههههههههههه ام اسارين فديتج حسيتج وايد مستعيله

سوري طولت بس خبرج اللاب يديد و لازم اتعود عليه شوي

مشكورة الغالية على الرد​

 

[حلا شرقي]

مبروك مبروك الاب توب الجديد تستاهلين كل خير وبانتظار البارت الجديد خنشوف شبتسوي هالهبله هند ...............

 

[ام اسارين]

حلوالجزء واجد واسلوبك الاحلى بانتظارك

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

ههههههههههههههه حلا شرقي ضحكتيني يوم تقولين هالبهله

ايه عليج ههههههههههههههه بجد فطستيني ضحك على فكرة الهباله مو البارت الجاي بتطلع

للحين البارت اللي عقبة بتشوفين هبالتها صح تو الناس

و الله يبارك فيج و يسلمو على المرور الراقي​

ام اسارين

عسى ربي يحلي دنياج ان شاء الله

و البارت الجاي بكرة ان شاء الله

يسلمو على المرور الذووق​

 

[قطوه قطر]

حدددددددددي متحمسه كملي حبيبتي وبليز طولي البارت شوي

بانتظارج *_*

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

قطوة قطر

غالي و الطلب رخيص :22:

ان شاء الله بطول البارت من عيوني

و البارت الجديد بعد شوي بينزل

و مشكورة على المرور:37:​

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

قطوة قطر

غالي و الطلب رخيص :22:

ان شاء الله بطول البارت من عيوني

و البارت الجديد بعد شوي بينزل

و مشكورة على المرور:37:​

 

[محبة الطاعات]

بسم الله الرحمن الرحيم​

​

بعد مرور الفصل الدراسي الأول و دخول الفصل الثاني زادت علاقتي بمنى و نفس الشي زادت علاقتي بنوف الي صارت عندها عادة كل ما اجي بيتهم نطلع السطح و انا اقعد على الأرض و هي تستعرض نفسها للي رايح و اللي جاي, المهم خلونا بمنى الحين بعد دخول الفصل الثاني بدت منى تسولف لي كل يوم عن سعود و مواقفها معاه و في يوم من الأيام و كان يوم اربعاء(كانت ايامها الأجازة خميس و جمعه في البحرين) و في الفسحة تحديداً

​

* منى: هنودة اليوم ما تتصورين شكثر انا فرحاااااااااااااانه.
* هند: ليش؟؟ فرحيني وياج؟
* منى: اليوم بطلع ويه حبيب قلبي فديته انا, هنوده تصدقين انا قاعدة انطر اخر الدوام على احر من الجمر.
* هند(مصدومة و فاتحه فمها على الآخر): تطلعين وياه؟؟؟؟؟؟؟؟؟
* منى: اي شفيج؟؟ بطلع وياه فديته اهو عزمني انا و اخوي على المول و بعدين بنفتر شوي بسيارتة و بنروح نتعشى حتى اخوي قال بيجيب حبيبته عشان تحلى الطلعه و ما يصير مثل العزول بينا.
* هند(الدنيا بدت تدور فيها من هول الي قاعدة تسمعه): .........
* منى(و هي تصحي هند): هييييييييييي هنودة .. هنودة .. اصحي .. اصحي .. وين رحتي؟؟؟؟؟ <<<< قامت تهز هند من كتوفها
* هند(بدت تفوق شوي): هلأ .. هلأ.
* منى: هنودة خرعتيني عليج .. شفيج حبيبتي؟
* هند(للحين حاسة انها مفجوعه من اللي سمعته لأن اول مرة تسمع مثل هالكلام): منى بتطلعين وياه و اخوج وياكم شلوووووون؟
* منى: اي شفيها يعني انا قلت لج ان اخوي يدري بموضوعنا و لما يشوفني اتكلم وياه بالفون يدخل عرض و لازم يسلم عليه.
* هند(رجعت انصدمت مرة ثانيه): مناااااااااااااااوي فون بعد من صجج انتي واااااااااااااي؟
* منى(بعصبيه): هنودة شفييييييج؟ ترى كرهتيني بروحي انا مب اول و لا اخر وحدة تكلم ولد بالفون؟ و بعدين اهلي كلهم يدرون يعني مب مسوية شي من وراهم و المهم انهم يدرون ان الشي اللي اسوية بالعلن يعني مو غلط.
* هند: بس منى هذا غلط و انا متاكدة انه غلط امي تقول انه غلط.<<< كذابة امها ما قالت انه غلط بروحها استنتجت انه غلط
* منى: شلون غلط و انتي تقولين انها خذت ابوج عن حب هااااا؟
* هند(محتارة): صح .. صح بس انا متأكدة انه غلط.
* منى: على العموم انا كنت فرحانه و انتي خربتي فرحتي مشكورة.
* هند(خافت تفقد علاقتها بمنى): خلاص مناوي حبيبتي انتي, انا اسفة هذي حياتج و انتي حرة فيها, قولي لي وين بتروحون بالضبط ابي اعرف. <<< حبت تبين لمنى انها مهتمه عشان تسامحها
* منى: بنروح مول الـ.... و بعدين بنفتر بالسيارة و اخر شي بنروح نتعشى في مطعم ........... الكشخة تعرفينه؟
* هند: واااااااااااااو يعني سعود غني؟
* منى: اي فديته و سيارتة كشششششخة, بس انا يهمني سعود مو فلوسة.
* هند: واااااااو يا حظج.
* منى: هنوده لج خاطر .. ادور لج على واحد مثله؟
* هند: منى مالج خص فيني رجاءاً انسيني.
* منى: اي نسيت ان انتي اخلاقج عالية ما تخليج تكلمي صبيان. <<< و هي تقلد صوت هند
* هند: اي و بعدين خليج في نفسج و فكري شنو بتسوين و وين بتروحين و اخرتج نار جهنم.
* منى(عصبت على الاخر): هنودة لو سمحتي مالج خص فيني كيفي و اللي انا اسوية مو غلط.
* هند: ليش عصبتي ها؟ اكيد انتي عارفة ان اللي تسوينه غلط.
* منى(بقمة العصبيه): هند قلت لج الي اسوية مو غلط خلاص عاد.
* هند: هههههههههههه خلاص خلاص انا هذا اللي ابيه عشان تتركيني بحالي هههههههههههه فديت المعصبين انا.
* منى(روقت): ههههههههههههه يا الدبة عرفتي شلون تغيرين مزاجي, اوكي بخليج بحالج بس هالمرة لكني وراج وراج و الزمن طويل.
* هند: هههههههههههه اوكي.

​

و نجحت اني اغير الحوار و لكن مو لوقت طويل لأن يوم الأحد رجعت منى تقولي على الي سوتة مع سعووود و ليتها ما قالت لي, في فسحة يوم الاحد كنت ملاحظة على منى انها مو طبيعيه و كله هيمانه و سرحانه و تضحك بروحها و ما قدرت اصبر و ما اعرف شنو فيها خذيتها بروحنا و قعدنا نتكلم


​

* هند: مناوي شفيج؟ مو طبيعيه كله سرحانه و تضحكين بروحج شالسالفة؟؟
* منى: ههههههههههه هنودة انتي قلتي لي لا تفتحين الموضوع و الحين انتي اللي تسألين؟؟؟
* هند( عرفت ان الموضوع بخصوص سعود و ودها تعرف بس تتصنع انها ما تبي تعرف): لا .. لا خلاص هونت.
* منى: بس انا شايفة في عيونج فضول؟
* هند(حدها متحمسة و بدلع): خلاص عاد.
* منى: اوكي بسوي روحي ان انا اللي ضغطت عليج عشان اقول لج و لو اني شايفه في عيونج فضول المهم.
* هند(بعصبيه و الحماس قتلها): اذا ما تبين تقولين خلاص لا تقولين مللتيني ترى اوووف.
* منى: لا .. لا بقول لأني بموت لو ما قلت لج.
* هند(تتصنع الملل): اوكي قولي.
* منى: طلعنا و استانسنا و تمشينا و رحنا المول و كان حده فن و صديقة اخوي كانت بتاكل سعود اكل بعيونها و تعرفين انا ينيت من الغيره بس كنت احاول اخبي لكن عيوني فضحتني و سعود طول الوقت كان ماسك ايدي يبي يهون علي الغيرة و انا لو ما كان سعود ماسك ايدي كنت قتلتها.
* هند(انصدمت و قاطعتها): ماسك ايدج؟؟؟؟؟؟؟؟؟؟؟؟؟؟؟
* منى(مطنشتها): اقول لج و بعدين رحنا المطعم كان حدة كشخة و الحقيرة صديقتة اخوي كانت تبي تفتح اي موضوع عشان تتكلم مع سعود فيه لكن سعود كان ماسك ايدي و مطنشها على الاخر و يطالعها مثل الحشرة و يوم جينا بنزجع البيت سعود نزل اخوي عند البيت و اخذ فيني فرة بروحنا بالسيارة و لو تدرين على الي حصل يوم كنا بروحنا.
* هند(للحين مصدومة و فاتحه فمها على الآخر): شنو حصل؟؟؟
* منى: اعتذر لي اذا كان بدر منه شي و ان مو بأيدة ان البنت هي الي كانت تلاحقة و اخر شي باسني:5::5:.
* هند(انفجعت و حست الدنيا بدت تدور فيها): من صجج؟؟ باسج؟؟ معقولة؟؟ شلون؟؟
* منى: تخيلي باسني على شفايفي فديته. <<< و اشرت على شفايفها و ضغطت عليهم باسنانها و وجها صار احمر
* هند: على شفايفج؟؟؟ يييييييييع شلون خليتيه؟
* منى: شنو ييييييع انتي بعد, حبيبي وين بيبسوني يعني؟
* هند(بكل براءة): يبوسج على خدج؟
*منى: ههههههههههه شوي و بتقولين لي خل يبوسج على راسج مو امه انا مثلاً؟
* هند(وجها صار احمر): منى من صجي انا شلون خليتيه وييييييييييييع لاعت جبدي.
* منى: هنودة شفيج كأنج اول مرة تدرين ان الحبايب يبوسون بعض جي مالت عليج شقول كمخة.
* هند(بعصبيه): انتي كمخة انا اصلا احسن منج لأني ما اعرف هالسوالف.
* منى: ههههههههههه احسن مني اوكي بنشوق لي تزوجتي شبتسوين لما يبوسج زوجج و انتي ما تعرفين تبوسينه.
* هند: اصلاً من قال لج اني بتزوج.
* منى: انزين انزين اصلا كل بنت مردها تتزوج و لازم تكون تعرف هالأشياء عشان تقدر تمشي امورها لما تتزوج و انتي صدقيني بتتطلقين من اول يوم لانج مييييح (يعني ما تفهم شي).
* هند: ميح ميح و لا اني اضيع مبادئي.
* منى: ههههههههههه اي مبادئ اي خرابيط, كل البنات في هالزمن يحبون و انتي الوحيدة اللي ماشية عكس التيار و انا اقول لج من الحين لو ما حبيتي ما بتتزوجين.
* هند: ما ابي اتزوج و اصلا عقب الكلام اللي قلتيه لي كرهتيني بالزواج و طارية تدرين سكري الموضوع لأني بجد عصبت و تنرفزت. <<<< و صار وجهها احمر بشكل ملفت جداً جداً جداً

​

الموضوع تسكر و منى من يومها ما قامت تكلمني بهذا الموضوع و من يومها انا ارتحت لكني ما قدرت انام يومها قعدت اتسائل " ليش الزواج جي كريه؟ ليش كل مصايب الدنيا وراها الزواج؟ ليش الناس يتزوجون دام ان الزواج جي مدمر؟ يريت لو ما في شي اسمه زواج و لا في شي اسمة صبيان جان زين الدنيا كلها بنات يعني انا الحين مجبوره اني اترك منى لانها انسانة مو زينة الا اذا ما قعدت تحن علي باني لازم احب "
منى تركت الموضوع صج و ما قامت تقول لي عنه بس لليوم و هي بين كل فترة و فترة تحاول لكن من اصدها توقف عند حدها

و خلص الفصل الثاني و سافرنا في الاجازة و رحنا عشان نشوف اهلنا و قعدنا تقريبا شهر, و في هالشهر حصلت وايد امور منها ان اخواني عطوهم موبايلات كان هديه من خالتي سعاد بمناسبة انهم نجحوا, و صار عيد ميلادي و صار عمري وقتها 14 سنة و هدية عيد ميلادي كانت كمبيوتر و ما تتصورون شكثر فرحت فيه بجد كانت احلى هديه كانت من زوج خالتي سعاد, و كنت قاعدة على الكمبيوتر 24 ساعه كله العب بالالعاب اللي فيه, كنت وقتها للحين ما اعرف له زين و خالتي سعاد ما قصرت علمتني عليه و على النت و على اشياء وايد و كنت فرحانه فيه ما تتصورون لأي درجة لأن صار عندي تسلية جديدة و شي اضيع عليه الوقت بدل الملل اللي انا فيه بس ما كنت اقدر اخذه وياي البحرين خبركم الشحن و الحوسة و امي كانت تشوف ان مالي حاجة فيه من جي ما كانت تبي تجيبة البحرين ويانا, عشان جي صار خاطري في تلفون نقال نفس اخواني لان بقدر اخذه وياي بس ما كنت ابي اقول حق احد, و على فكرة ترى خالتي سعاد كانت مربيتني ويه امي صج انها فضولية و ملقوفة هههههههههه بس كانت تفهمني من عيوني ما اخفي عليكم انا احبها لانها تفهمني من اول نظرة و لأنها عوضتني عن حنان امي القاسية المهم في مرة كنا متجمعين في بيت جدتي ام امي و كانوا اخواني جالسين يم بعض كل واحد يعلم الثاني على موبايلة و انا كل ما اروح حق واحد يطردني لغاية ما قعدت بعيد عنهم و من القهر قعدت اصيح و شافتني خالتي سعاد

​

* سعاد: هنودة حبيبتي شفيج تصيحين؟
* هند(و تحاول تمس دموعها): هاااا .. ما فيني شي.
* سعاد: على ماما سعاد؟؟ انا اعرفج اكثر من روحج شفيج حبيبتي. <<< و خذتني في حظنها
* هند: اهئ اهئ اهئ احمد و عبد الرحمن كل شوي يكشوني مو مخليني اشوف موبايلاتهم.
* سعاد: وه وه وه فديت البنات الحلوين اللي يصيحون انا (و باست هند على خدها و بدت تمسح دموعها) ابوي انتي فديت قلبج انا, من باجر بجيج لج احلى و اكشخ موبايل جم هنودة عندي انا؟
* هند(انصدمت): بس انا ما ابي موبايل انا ابيهم يخلوني اشوف وياهم.
* سعاد: هنوووودة قلت لج مو على ماما سعاد, من اول ما صار عند اخوانج موبايل و انا شايفة في عيونج انج تبين واحد و انا ما اقدر اشوف حبيبتي تبي شي و ما اعطيها.
* هند: بس انتي تدرين ان الموبايل يخرب البنت اذا خذته و هي صغيرة و انا للحين ما احتاج الموبايل انا ما ابيه انا ابي العب فيه و بس ما بحتاجة حق مكالمات نفس اخواني.
* سعاد: فديت قلبج بس انا عندي ثقة فيج مثل ما كلنا عندنا ثقة فيج و بعدين انا ما شريت لج هديه نجاح نفس اخوانج.
* هند(بفرحة بس تحاول تخبي): بس انا اخاف خالتي؟
* سعاد: فديت البنات اللي ما يبون يطووون راسنا بالأرض ايه عليج (و باست هند على خدها الثاني) تدرين عيل دام جي, انتي اساساً ما عندج اصدقاء وايد في البحرين انا بشتري لج خط هني عشان تستخدمينة هني لان انتوا ساعات تروحون السوق و انتي تروحين تتمشين بروحج الموبايل بيفيدج عشان لا تضيعين و بعد عشان تتصلين على صديقاتج هني. <<<< ما تدري انها ما عندها صديقات اصلاً غير في البحرين
* هند: فديتج انا :3: احبج .. احبج .. احببببببببببببببج.
* سعاد: ههههههههههههه ايه عليج حبيبة قلبي بس شوفي تاخذينه وياج البحرين عشان تلعبين فيه هناك مو تنسينة هني و تقولين نسيت يويلج.
* هند: ههههههههههه لا تخافين بيكون عندي 24 ساعة صج اني ما بقدر اتصل منه هناك بس بعد بخليه بأيدي 24 ساعه عشان خاطر عيونج.:26:
* سعاد: هههههههههه عسى عيونج سالمة ياربي يلا شوفي انا بقول حق امج ان باجر انا وياج بنطلع عشان ناخذ لج الموبايل اللي تبينه.
* هند: هييييييييييييه و اخيراً بصير من اصحاب التلفونات و الله اني خطيرة.
* سعاد: هههههههههههه.

​

في اليوم الثاني طلعنا و خذت لي خالتي اجدد موبايل بالسوق و كان وقتها الكتل هههههههههههههههههه صج انه كان موضه وقتها​

​

و رجعنا البحرين و قلبي كان مع الكمبيوتر اللي هناك لأن ما اخفي عليكم كنت مقهورة ان اخواني يتكلمون بالفون و انا ما اقدر اتكلم فيه بس كنت اقول احسن عشان لا انحرف لأني بصراحة ما اخفي عليكم كان في داخلي اسد يزأر و هو المراهقه و فوره الهرمونات و كنت جانه ابي اعرف شلون علاقة الولد بالبنت لان منى و نوف ما قصروا فيني لكن الحرمان كان ضابط اموري و كنت اتخبى تحت شعارات زائفه اقولها من ورا قلبي و هي ان علاقة الولد بالبنت غلط و ان انا عمري ما بتكون لي علاقة و من هالكلام
لكن مع مرور الأيام

تدرون نكمل البارت الياي

يا ترى هل بيطلع هالأسد و بينطلق ؟
و هل بجرب علاقة الولد بالبنت و شلون بجرب؟

انتظروني :37:​

 

[مهر الجنان]

الله يعطيج العافية

 

[ام اسارين]

الله يعين عليك ياهندوه وش بتسوين اكملي الله يخليك

 

[قطوه قطر]

متااااااااااابعه بقووووووووووووه

كملي حبيبتي صج ان الردود شوي بس الكل متابع *_*

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

​

مهر الجنان

الله يعافيج حبيبتي و مشكورة على المرور :37:

​

ام اسارين

بعد شوي بنزل البارت الجديد و بتعرفين شنو بتسوي :22:

​

قطوة قطر

و الله انج جبيتيها جيييييب و ان الردود شوي :33:

بس انتو فيكم البركة

و ما يهون علي اني اكدر خاطركم و الطمع مو زين :35:

لقيت نفسي فاضية و انتو تطالبوني بارت مال التأخير الي قبل عاد

قلت انزل البارت الجديد الحين :26:

مشكورة على الرد الغالية :5:​

 

[محبة الطاعات]

بسم الله الرحمن الرحيم​

مع مرور الأيام و في المرحلة النهائية من الاعدادي (3 اعدادي) و في الفصل الاول تحديداً منى رسلت لي رساله و عطتني اياه بالصف و حلفتني ما افتحها الا بالبيت و الله ان هالرساله لليوم عندي تدرون شنو كان مكتوب فيها كلام مفادة ان البنت لازم تحب و ان انتي راح تحبين يعني راح تحبين, ما ادري ليش هالرساله اثرت فيني و يمكن كانت هي البداية لعقلي الباطن عشان يبرمج نفسه على علاقة جديدة ما ادري, الله و اعلم لكن اللي ادري فيه ان لليوم اشوف الرساله و ودي اقطعها 100 قطعة لكن ما اقدر ما ادري ليش يمكن مخليتها تحذير لنفسي و تذكير بالنقطة السودة اللي بحياتي عشان ما اعيد الكرة يجوز, في هالفصل زاد شعوري بالملل و زاد وقت الفراغ عندي و ما عندي احد وياي لا اخت و لا ام فاضية لي و نوف ما اشوفها الا بطلوع الروح يعني ملل x ملل و اتذكر اني في هالفصل بدت البحوث و بدوا المدرسات يطلبون منا بحوث كبيرة و انا ما كان عندي نت اقدر اطلع منه فكانت امي توديني لمحل الانترنت اللي جنب بيتنا اسوي بحثي و اطلعه بس كان مصرف عليها و كانت كل اسبوع تقريباً توديني و تجيبني فقررت انها تجيب كمبيوتري البحرين و آآآآآآآآآآآآآآآه يا كرهي لليوم اللي دخل النت فيه بيتنا لان هو سبب البلاوي كلها المهم في اجازة الربيع رجعنا سافرنا لاهلنا و امي شحنت الكمبيوتر معانا البحرين, لكن و احنا هناك في يوم من الايام كنا زايرين خالتي سعاد​

* هند: خالتي سعاد طلبتج؟
* سعاد: امري عطيتج؟
* هند: ابي اشتري خط بحريني و ابيج تساعديني على امي.
* سعاد: ليش تبين تشترين خط بحريني؟ و ليش امج مو راضيه؟
* هند:اممم انا ما قلت حق امي بس انا اخاف تزفني انتي تدرين امي عصبية و على اقل شي تضربني و بعدين انا ابي الخط البحريني عشان افتك من هواشها لي تخيلي لما اتصل من تلفون البيت اكلم صديقاتي تزفني تقول لي انتي وايد تطولين و لين نتصل على احد مكالمة تقعد على راسي و ما تخليني اسولف براحتي بس لما يكون عندي خطي اسولف براحتي و محد يقول لي شي.
* سعاد: طيب صبري بناديها.
* هند: اوكي.
* سعاد: ام احمد .. ام احمد تعالي بغيناج.
* ام احمد: هلا سعاد بغيتي شي؟
* سعاد: اي بغيت اطلب منج طلب و ما ابيج ترديني. <<< هند انخشت ورا سعاد من الخوف
*ام احمد: خير شنو الطلب انتي تأمرين.
* سعاد: نبي خط بحريني حق هنودة.
* ام احمد(تطالع هند بغضب): و ليش خط بحريني اهي مو عندها خط هني مو كفاية المصرايف اللي عندي بعد تطلع لي مصاريف مكالماتها الاخت.
* سعاد(غطت هند عن امها): بس البنت ما تقدر تكلمنا براحتها و احنا نبي نكلمها براحتنا و غير جي صديقاتها كلهم عندهم موبايلات الا هي.
* هند: لأ .. لأ خلاص خالتي كفاية انا ما ابي شي هونت هونت.
* سعاد(و تسحب هند من ايدها): لا تبين شنو ما تبين لعب يهال اهو و بعدين اذا امج ما تقدر على التكاليف انا بدفع لج المكالمات.
* ام احمد(استحت من كلام سعاد): لا شدعوة مو لهذي الدرجة بس انا اقول ما لها سالفة بالتلفون.
* سعاد: بس انا اقول البنت محتاجة تلفون خليها تتعلم على المسؤولية من الحين.
* ام احمد: خلاص شورتج و هداية الله بناخذ لها خط بحريني.
* هند(و هي تناقز فرحانه): يــــــــــــــس مشكورة يما .. مشكورة خالتي سعاد احبكم.:3:​

طبعاً يوم رحعنا البحرين امي خذت لي خط عجيييييييب ​

​

بس لحظة قبل ما نرجع البحرين حصل موقف لازم اقول لكم عليه انا عندي عمة مو متزوجة في ذاك الوقت اتذكر ان هالعمة كانت عايشة حياتها و كانت تروح و تجي على كيفها و مدلعة نفسها على الأخر موبايلين و سيارة اخر مديل و اثاث غرفتها تجددة كل كم شهر المهم مرة كنا رايحين لهم و خذتني وياها الغرفة و دخلت على النت و على غرفة من غرف الدردشة و طبعاً انا حفظت الطريقة لكنها حذرتني اني ما اسوي هالشي بروحي بس لما اكون وياها اوكي و قالت لي بخليج تكلمين صبي و قالت لي اختاري اسم اتذكر الاسم اللي اخترته كان سوسو للحين هالأسم محفور في ذاكرتي لأنه بداية الخراب و للحين متذكرة كل كلمه قلتها للولد في المحادثة و طبعاً خالتي كانت جنبي و هي الي اختارت لي الصورة, و فجأة جاتني محادثة خاصة و كانت من مخاوي الليل​

* مخاوي الليل: فديت القمر الي يوم انه اكتمل دخل و نور هالشات.
* سوسو: انا قمر؟؟؟
* مخاوي الليل: و احلى قمر بعد.
* سوسو: احترم نفسك.
* مخاوي الليل: انا محترم نفسي و ما قلت شي بس ودي اعرف القمر من وين؟
* سوسو: انا بحرينيه عايشه في .......
* مخاوي الليل: و النعم بالبحرين و اهلها شوفي الصدف انا اموت بالبحرين و انا ...... يعني مو معقولة انا كان ودي اتعرف على وحدة من البحرين بس انا ما اقدر اجي البحرين سبحان الله تقوم البحرينيه تجيني لي مكاني.
* سوسو: شنو غصدك بتجيك لي مكانك؟
* مخاوي الليل: اول قولي لي كم عمرج؟ و انا اقول لج شنو غصدي.
* سوسو: انا 16 سنة. <<< عمتي هي اللي كبرتني
* مخاوي الليل: فديتج انا و الله العمر كله يا الغالية و انا 20.
* سوسو: تسلم.
* مخاوي الليل: انزين نرجع لموضوعنا انا غصدي ياطويلة العمر شريف و ابي اشوفج ممكن؟
* سوسو(مفجوعة): تشوفني في وين؟؟ <<< و هذا اخر شي كتبته و من بعدها عمتي استلمت الموضوع
* مخاوي الليل: انا باجر بروح السينما شرايج نروح فلم .......
* سوسو(طبعاً عمتي اللي تكتب الحين): بس انا ما ابي اروح السينما ما اقدر انا باجر بروح البحر شرايك نتلاقى هناك؟؟
* مخاوي الليل: لأ يا قلبي انا اليوم راجع من البحر, انزين مكان ثاني؟
* سوسو: امممم شرايك نروح .....
* مخاوي الليل: اوكي.
* سوسو: اوكي عيل نتلاقى هناك, بس ما قلت لي شنو بتلبس عشان اعرفك؟؟
* مخاوي الليل: بلبس جينز كحلي و تي شيرت احمر و تراني ابيض و طولي 180 و جسمي رياضي و شعري اسود و وسيم بتعرفيني لأني بشيل وردة حمرا و انتي جيبي وياج وردة حمرا عشان اعرفج. <<< كانت موضة الوردة الحمرا في ذيك الايام
* سوسو: اوكي انا بجيب وردة حمرا و تراني بيضة و طولي ****** و شعري اسود طويل و بلبس تنورة حمرا قصيرة و قميص ابيض. <<<< كذابة
* مخاوي الليل: طيب اوكي يا حياتي انتي, لا تنسين بنتلاقى عند الباب على الساعه 7 و انا الحين بترخص منج بروح استعد حق باجر يلا :3:.
* سوسو: اوكي ان شاء الله نتلاقى عند الباب على الـ7 يلا بااااااااااااي.:3:
* مخاوي الليل: باياااااااات.​

الحين خلوني انقل جزء ثاني انتو ما شفتوه من الموضوع و هو حواري انا و عمتي من بعد ما استلمت الكمبيوتر و تمت تتواعد معاه​

* هند: عمتي شفيج اخذتي مني الكمبيوتر؟؟
* عمتي: صبرييييييي بتواعد وياه خلنا نلعب عليه شوي.
* هند(منصدمة من افعال عمتها): من صجج بتتواعدين مع صبي.
* عمتي: اييي بعطيه مواصفات غلط خلنا نتمسخر عليه شوي هههههههههههه.
* هند(بحماس): يعني من صجج؟؟ هههههههههههه وناااااااااااااسة.
* عمتي: الا وناسة و باجر بنشوفة و بنضحك عليه لين ما نقول بــــــــــس, خله مع وردتة الحمرا عشان بتادب و ما يغازل مرة ثانية.
* هند(مصدومة): بس انتي وعدتيني باجر بتوديني البحر؟؟؟؟ شلون بتروحين له؟؟؟؟؟؟
*عمتي: اولا بنروح له بعدين عادي هالمكان جنب البحر بنمر شوي بس بنشوفة و بنضحك شوي و عقب بنروح البحر, البحر ما بيطير البحر خله ينطر شوي.
* هند(متحمسة): هههههههههههه اي اي عندج اياه عشان يتادب هههههههه ونااااااااااااااسة متى ايي باجر.
* عمتي: هههههههههههههه.​

و بالفعل في اليوم الثاني رحنا له في المكان الموعود و نطرنا تقريبا لي 7 و ربع يعني ربع ساعة و ما جا و رجعنا بخيبة امل و رحنا البحر و طول الطريج و طول ما احنا بالبحر كنت افكر في هالموضوع و عمتي كانت تسولف و تسولف و الموضوع مو هامها و لا كأنها سوت شي تدرون انا للحين اتسائل يا ترى هذي اول مرة عمتي تسوي هالشي وله سوته من قبل و هل يا ترى قابلت شباب قبل هذا و طلعت معاهم وله لا ما ادري الله و اعلم, اللي ادري فيه ان الموضوع هذا دلني على طريج الخراب عدل و على فكرة نسيت اقول لكم ان يمومها عمتي علمتني على الأيميل و سوت لي واحد و علمتني على المسن و شلون اتعامل وياه و ضافتني عندها عشان لما اروح البحرين اتكلم وياها فيه و للأسف ما تدري انها جي سلحتني و جهزتني للخراب بأحسن طريقة ممكنة​

رجعنا البحرين و مثل ما قلت لكم اول ما رجعنا امي خذت لي خط بحريني و ليتها ما اخذت لي, المهم بدا الفصل الثاني و بدت الدراسة و انشغلت معاها لاني وايد احب الدراسة و وايد احب الكتب لكن الفراغ وراي وراي و منى و نوف بعد وراي وراي و في يوم من الايام كنت زهقانة اتصلت على عمتي هذي اللي قلت لكم عنها توني على فكرة عمتي هذي كانت اقرب وحدة لي من عماتي و احبها وايد خصوصا بعد ما تزوجت و الله ستر عليها زاد حبها في قلبي لانها تدينت و الحمد لله المهم اتصلت عليها و معا السوالف قلت لها اني ابي موقع العاب حلو لاني زهقت من العاب الكمبيوتر و اذكر انها عطتني موقع للحين اتذكرة و حافظته عن ظهر قلب ركضت على مذكرتي اللي اكتب فيها كل شي يخص الكمبيوتر و سجلت الموقع فيها و سكرت الخط من عند عمتي و قلت حق امي توديني السوبر ماركت عشان اشتري لي بطاقة انترنت فيها وقت كفاية لاني كنت ناوية اقعد على الموقع قعدة عدله يعني بالساعات عشان اتعرف على الموقع زين و بالفعل امي جابت لي البطاقة و كنت فرحانة فيها​

الموقع عبارة عن موقع فيه عدة مواقع منها العاب و منها دردشة و منها جرايد و منها بطاقات و اشياء وايد و اتذكر اني يومها فحصت هالموقع شبر شبر لغاية ما دخلت على موقع بطاقات تهنئة و الذي منه و كان في الموقع شريط اهداءات من تحت يمشي و كانو فيه ناس يكتبون كلام و فلان يسلم على فلانة و فلانة كاتبه حق فلان احبك و فلان يرد عليها و انا امووت فيج و قلت انا في خاطري​

* هند: و الله انهم ما يستحون على وجههم كيف فلانة تتجرا و تقول لفلان جي استغفر الله شهالاوادم (و جربت ضغطت على اسم فلان و طلع لي ايميله و على طول سكرتة) استغفر الله لا و كاتب ايميلة بعد صج انهم ناس جليلن الحيا بس انا خاطري اجرب خاطري اعرف شنو شعورهم يا ترى وناسة؟؟ وله لا .. لا, طيب ليش ما اجرب بس اكتب رساله اني ابي اتعرف و اني من البحرين محد بياكلني بطلع و برجع ادخل عقب شوي بشوف شنو رادين علي الا شوي انا عمتي قالت لي لا تدخلين غرف دردشة مو اهداءات عادية.
​

و في لحظة ضعف كبلني فيها الشيطان و انقدت وراء شهوتي و تركت المجال لنفسي الأمارة بالسوء انها تسوي اللي تبيه كتبت مسج من الأهداءات و كان مطلوب مني اني احط اسمي و كتبته و مطلوب اني احط ايميلي و بعد كتبته و مطلوب اني اكتب رساله و كان مضمون رسالتي " انا هند من البحرين ابي اتعرف" في لحظة ضربت فيها بكل مبادئي بعرض الحائط و رميت عبائة الحيا خلف ظهري و تجردت من تربيتي الي كانت طول عمرها ساترتني لكن ما هي الا لحظات و الخوف يغلبني و وجهي يصير احمر و على طول سكرت الكمبيوتر و سكرت النت و ارتميت في حظن سرير ابكي على هاللحظة اللي كانت بداية لمشوار عذاب و آآآآآآآآآآآآآآه من هاللحظة​

يا ترى شنو صار مع هند؟​

احداث جداً مشوقة في البارت الياي انتظروني ​

خاطري اتشرف بردودكم بليز محتاجة تحميس شوي لكن اوعدكم حتى لو ما شفت ولا رد بعد بكمل :37:​

 

[مهر الجنان]

بعد قلبي هنودة
عورت قلبي
كنت اتمنى إنها تكون أقوى من جذيه جدام الغلط
ترى الغلط بكل مكان
الله يهديها عمتها فتحت عيونها على اشياء و علمتها عليها

ناطرين و بقوة
الله يستر عليها آمين