مشكورين استفدت منكم
انا استفدت من معلومه قالها لي اخوي
نفعتي جدا في حياتي الزوجيه وحبيت تستفيدون مثلي وتدعون لي
يقول: عقل الرجل يحتوي على صناديق كثيره
صندوق الزوجه صندوق العمل صندوق الاصدقاء
صندوق النت.......الخ
فإذا دخل في صندوق فإنه يحكم إغلاقه على نفسه
ولا يفتح أي صندوق آخر
انا طبقتها في حياتي ولولا الله ثم فهمي لعقل الرجل
كان صارت مشاكل مع زوجي
لان الرجل اذا انشغل بشغله او ركز واندمج مع شي
مايبي اي احد يشوش عليه
يحب يركز وينشغل فيه
وممكن لو اشغلتيه او حتى لو سولفتي معاه وبيده شغله مندمج فيها مثل تلفزيون او نت او جوال وسولفتي معاه بسالفه او فتحتي معاه موضوع
اما انه يغلط عليك او يتكلم بكلام مو مفهوم او انه يسولف ومايعطيك المفيد
عكسنا يالحريم لو كنا نطبخ مثلا او نكوي او بيدنا اي شغله نحب نسولف او ننشغل بشي ثاني
المرأه ممكن انها تمسك اكثر من حاجه وتنشغل فيها
بنفس الوقت وعادي عندها تتنقنهم كلهم
وتركز فيهم كلهم
اما الرجل لا يركز في شي واحد بس ولا يحب التشويش