"عرســـــــــي مــهـــزلة " !!!

[نايس هواوي]

لاترجعيييييييييييييييييييييين له هذا انسان مريض وانت ضحيته تكفين لاتغلطين وترجعين له
احمدي ربك انك مو حامل اتركيه غير مؤسوف عليه

 

[مون الليل]

انا اقولج هذا الرجال ما يستاهل تقعدين معاه ولا دقيقه
لان حياتك معاه ما تسمى حياه

اصلا انتي شلون كنتي تسكتين عنه يقعد يتامر عليج .. باتي في بيت اهلج وكل يوم على كيفه
ليش جذي

اتي بالاساس مو شايفه معاه الحياه الحلوة

وبصراحه تعامله معاج بوقاحه

اقولج ان هذا الرجال واضح ان وراه بلاوي
خيانات و وووو..... والله اعلم
ولاكن

نصيحه

انفصلي
بدون
تردد

وانتي حره

 

[ورود30]

أختي العزيزة

مشكلتج مهمة علينا
وقاعدين نحاتيج حيل


ياليت نسمع منج خير
ونطمن عليج





إختج ورود

 

[شوبارد قطر]

بصراحه انتي زين صبرتي عليه .. انسان جدا غريب .. والغريب ان وايد مكتم على موضوعه ... وانتي انسانه على نياتج .. لهذا السبب ماكتشفتي شو السر اللي مخبيه ...
بس على فكره هله عارفين الموضوع علشان جذي هم يقولون لج صبري وكلميه بس في وجهة نظري علىى كبر سنه وعلى المرض اللي فيه ... مافي امل يصلح ...
اذا الله كتب لج الحياه معاه اصبري وخليه في حاله ولا تدخلين فيه و حاولي في هذي الفتره تعرفين شو فيه ودورين الحل من غير ماتحسسينه
واذا الله كتب لج البعد عنه استري عليه وادعي له بالشفاء والهدايه

 

[عيون عزيز]

شمووووووووووخ ياقلبي عليج بقيام الليل والاستغفااااااااااااااااااااااااااااااااااااااااااااااااااااااااار....لا تستعجلين الطلاق ولا تطلبينه..ربج يغير من حال لحال في طرفة عين..في وحدة نفس حالتج وزوجها نزلها بيت أهلها وبدا باجراءات الطلاق..وتمت تستغفر فاليوم أكثر من3000 مرة وبعد 3أشهر ويوم الجلسة دخل عليها بطقم ذهب وطلب رجوعها له ..كل هذا من قيام الليل والتذلل لرب العباد الي وحده قادر يسخره لج ويحنن قلبه عليج..استخيري فموضوع الطلاق ..وكثري من الاستغفااااااااااااااااار.. والله بدعيلج اليوم في صلاتي... عسى ربي يفرج كربتج فهاللحظة انه على كل شي قدير سبحانه..

 

[gara3]

طيب قعدي معاه قعده وفهمي منه اهوا ليش ايعاملج بهالطريقه الغريبة اهيا وحده من الثنتين يا الريال معقد

نفسيا او انه عنده خرابيط وسوالف حريم وانتي مو هامته بالمره ، بس حاولي اتكلمين بدون صراخ وركزي على كل كلمه ايقولها علشان تعرفين شالسالفه

وانا من رايي انج هالفترة ما تكلمينه ولا ترديله

 

[تحيه للعلم]

شموخ الله يحفظج انتي اسم الله عليج مسميه ومصليه وحده خايفه ربها وراجيته وخساره بصراحه تكونين

زوجته بس يالله شنقول عند النصيب وهالغلطه راح تتعلمين منها مستقبلاً انج ماتوافقين على احد الا انتي

سائله عنه عدل مفصصته تفصص واحد امثال زوجج مال تتغدين فيه قبل لا يتعشى فيج آآآآآآخ بس لو تبردين قلبي

وترفعين انتي قضية طلاق هذا مو مال واحد يتأمن عليه بنت ناس مثلج يطردج تالي الليل وين الرجوله؟؟

وين القوامه؟؟؟

وين الغيره؟؟؟

زوجتك شرفك تطردها نص الليل ؟؟وعشان شنو؟؟؟ عشان راده بيتج مو مستأذنه؟؟؟؟؟؟؟؟؟؟؟؟؟؟؟

تكفين شموخ بردي جبدي فيه هذا مال اخوانج يكفخونه ويلسبونه بالعقال لين يتسنع ويعرف انج بنت ناس

جليل الحيا جليل الذات على شينه قواة عينه ..استغفرالله ترا هذا ماله خاطر بالبنات ياشموخ الظاهر استغفرالله

انه له خرابيط مع ربعه استغفرالله مابي اضيق خلقج بس هذا الواضح لانه الرياييل الطبيعيه اذا شافوا المره

مايصبرون حتى لو بينهم مشاكل عادي مو اللي عندج الله يحفظج منه وفكج بس ..

طيعيني استخيري وشوفي لج محامي شااااااااااااااطر انا اعرف محامي شاطر اذا تبين وتوكلي على اللي خلقج

ورفعي عليه قضية طلاق قولي حق القاضي على كل اللي قلتيه هني والله يوفقج ياقلبي

 

[وردة تذبل]

كل اللي اقدر اسويه ادعي لك

 

[آه يازمن]

اختي تبين نصيحتي استخييييري أهم شيء علشان ماتندميييين والله يكتب لك اللي فيه الخيرة

 

[مياو مياو]

باختصار وبدون مقدمــــــــــــات ..

هو رجل تجرد من معاني الرجووله والاحترام ...إما ان يكون مريض !! او شــــــــــــــــــــاذ جنسيا !! وهذا ما ارجحه أخيتي ..

والحمدلله ما حملتي منه .. بعدين سؤال فكري به زين .. حنا طلعنا من بيت اهلنا عشان نرتاح ونكون اسره ونعيش الرومانسيه بكل تفاصيلها [ بالحلال] وهذا مانفعت معه اي اسلوووب !! وش اللي حدك!! ماعتقد انك امداك تحبينه واصلا وش بتحبينه عليه !


المرأه القويه هي اللي يحترمها كل الرجال !! وهالشخص عديم الرجوله فـ اقل حاجه تسويها . [ ترجعين كرامتج] :

ارفعي عليه دعوة طلااااااااااق ولاتنتظرين يطلقج لانج منتي غلطانه وكيف تبين السالفه تنتهي بسهوله وهو ماخسر شي اقل حاجه دامها خاربـــــه .. انج تحرينّه شوي وتعلمنيه قدره!!
بليـــــــــــــز !! عشان نفسج بسسسس

 

[alo]

سؤال صريح لو بيرجعك انتي تبينه ولا خلاص ماتبينه انتي بينك وبين نفسك و تبين! انا من رايي اذا طلقك فهو احسن لك شوفي حياتك لانه مو طبيعي وافتكي منه لان ماعنك عيال والله يكتب الخير للجميع

 

[أم الأصيل]

فيه رجال كذا شخصيتهمز.. مو مبين إنه مريض ... استخيري وبترتاحي

 

[سكر زماني]

احسه يامريض نفسي او ماخذك بس كذا لايبيكي ولا شئ
يابنت الناس احمدي ربك ماجبقتي عيال منه وافتكي ابرك لك

 

[ترانيم الألم]

والله ياحبيبتي لو كان فيه بصيص أمل أو حتى بارقة أمل كان قلت لج قعدي معاه عسى ويعل تتعدل الأمور من بينكم..........بس المشكله مافيه ولا حتى شي بسيط يدل على أنه متمسك فيج أو يبي يكمل معاج........وبصراحه المقدمات دائما تدل على النتائج يعني زي مانقول بالعامي الكتاب مبين من عنوانه...........والاستمرار مع شخص مثل كذا على أمل أنه ينصلح حاله مجاااااااااااااااااااااااااااااااازفه بمعنى الكلمه.....لأنه كلما مر الوقت كلما كان اتخاذج لقرار الانفصال أصعب وأصعب..........الله يوفقج ويبدل سؤ حالج بحسن حاله.................

 

[ترانيم الألم]

وأنا أؤيد رأي الأخت الي قالت انه احتمال يكون شاذ جنسيا والله أعلم.....................لأنه مبين من كلامج أنه لا عنده عاطفه ولا ميل ولا رغبه اتجاهج..............

 

[نجوى المغربية]

لا حول ولا قوة الا بالله

شكل زوجك اختي كان مغصوب على زواجك مو طبيعية تصرفاته ,,اختي نصيحتي مدام لس ما جبتو اولاد صلي صلاة الاستخارة و شوفي ربي ايش يسهلك يا تكملين وياه حياتك يا تنفصلين,,
و الله سبحانه و تعالى هو الرزاق العليم

الله يهديه و يرده للطريق المستقيم و يجمع شملك معاه في اقرب وقت يااااااااا حنان يا منااااان

متابعة معاك اختي و اي جديد بشرينا

لا حول ولا قوة الا بالله

 

[نحو المستقبل]

الشي غلط وغرييييب من الاول ليش مايبي يتكلم معك او يتواصل
باين انه مو طبيعي بالمرة
اهم شي ما تحملين ولا ترجعين له
هدا و قدرك ابدا وش لك فيه؟؟؟؟؟؟؟؟؟؟؟؟؟؟؟؟؟

 

[ام ميثانه]

الله يعينج يارب والله القصة تعور القلب

والحمدلله على كل حااااال ...

بس الريال شكله مب في خاطره العرس من البداية بس يمكن عشان خاطر امه اتزوج ..

وبعدين المفروض من اول ماعرفتي انه مب اجتماعي ابدا كنتي ترفضينه ..

لأن هالشخصية واااايد متعبه في التعامل والمعاشرة..

 

[مرو]

اله يعينك اختي ويسهل امرك يدبر لك مافيه الخير ...

 

[مس رسم]

لا يابعد قلبي لا يصير خاطرك الا طيب
مادام انه واضح من البدايه مهزله
ترا اللي مافيه خير فراقه خير
الله يعوضك باللي أحسن منه
أختي مثلك بالضبط بس ربي عوظها بأحسن منه