سوالف زوجات الجنوبيين..

[شمالية شرقية]

مساء الخيرات انا زوجى جنوبي شرقي وانا شماليه شرقيه ايش الحل؟؟
ههههههههه

افضل شي هالشخصيتين واكثر تجاذب يكون بينهم
بس افهميه وحبيه واحترميه واشكريه على كل شي يسويه
اتركي الاعمال الثقيله عليه مثل سحب الاثاث تركيب اللمبات
لا تلسقين فيه ابتعدي عنه سوي روحك تشتغلين بترتيب درج او طبخه او شور يعني اذا موجود اقعدي اشوي معه وانشغلي عنه اشوي


كوني مبتسمه واضحكي وخل شكلك دايم فرحه عشان تقدرين تغريبنه يقعد بالبيت
زوجه حبابه وكشخه شنو يبي الجنوبي غير جذيه
موفقه ياعمري :icon26:

 

[شخصية قيادية]

مساءالخيراخواتي زوجات الجنوبيين اناوحده منكن بس عندي استفسارمهم(يمكن بالنسبه لي بس...)كيف اتغلى بالفراش وماأحسسه بحاجتي له مع انه يبيني جريئه كيف مادري وهل تجدن صعوبةفي اختيارملابس النوم مثلي

 

[Black Pearl]

بسم الله الرحمن الرحيم

كلامكم واايد حلو....والجنوبي صح شخصيه تدوخ الواحد...وبالفعل كلامج ملاذي أنا كان عندي هذا المبدأ
لا تنفيذ للمطالب = قلة احترام وحب
لكن شوي شوي بديت افهم نفسيته والمشكله انه يريد طولة بااااااال ...يعني لو كنتي مثلي سريعه وبسرعه تستفزين ....راح تكون المشاكل ملازمتنكم...الحين أقولج كوني مثل مستغربه بالفعل يعني كووووووول والدلع (اعرف انه صعب ،،بس حطي في بالج اذا عندج هدف لازم تحققينه بالحيييله...يعني تمثيل في تمثيل ...الين تحصلين الشي وراح اتعجبج السالفه ...وطول ما الأهداف موجوده الحيل موجوده...واشطبي من قاموسج العصبيه)...

امرأه لا تنسى وين الموضوع الله يجزاج الجنه

 

[الحلوة زعلانة]

الحلوه زعلانه
سلبيات زوجك عاديه ما احسها سلبيات بمعنى الكلمة
اذا انتي ماتبينه يضمك بالشارع انتي الوحيده الى تقدرين توقفينه بأخذ موقف جاد من هالحركات
لانها مخجله بالذات قدام العيال

احاول بس احس انة يزعل اذا منعتة

اما سالفه عدم الترتيب والحوسه فكل الرياجيل جذيه
بس زوجك هل هو نظيف بلبسه وانيق او دايم حوسه ؟
لان الجنوب شرقيين
غيورين حيل ومرتبين

شفتي هذا اللي محيرني كيف انة غيور ومب مرتب بس لبسة وايد يهتم فيه ومظهرة باقي الشياء لا
وشي ثاني ان الشرقي يكره المبادرة بس ريلي يحبني اكون المبادرة(بالعلاقة الخاصة)
وهو مب بليد نفس الغربيين حازم ويخطط قبل لا يبدا بشي مرات بس يكتب الخطط غالبا ما يكتب
يعني ما عرفت في شوي من الشرق وشوي من الغرب ..(حوسة يعني)هه
بس انة جنوبي متاكدة لان كل الصفات واغلبها فيه


شكرا على ردج (شمالية شرقية) الله يسعدج ويوفقج

 

[سماصافى]

تحياتى

السلام عليكم اخواتى الغاليات ......انا مشتركة من فترة قصيره ......واحب اشكر الاخوات القائمين على هذا المنتدى الرائع الشيق ..........وادعو لهم بالخير والحب والسلام ....والله يزدهم من نعمائه ويعم الجميع بالخير والصلاح .....من جد وبصراحه بارك الله لكم فى توعيتنا وتثقيفنا ...فلقد كنا غافلات متغافلات عن جاده الصواب ولم نكن نعى شىء ممانحن فيه الان من ثقافة حتى ولو تبدو للبعض بسيطة .فابنسبه لى هنا وجدت مطر منهمر من الثقافة التى طالما كنت ابحث عنها لتفيدنى مع زوجى وهذى غايتى لاارتقى معه وبه لصحبه حلال فى الدنيا لاارضى بها ربى واريح بها نفسى وزوجى ....ولكن يا اخواتى حفظكن الله .....انا لااعرف هل زوجى شمالى جنوبى شرقى ايش ما اعرف ولا اعرف انا هل انتمى للشمالى ام ؟.....؟.......؟ الخ.....ارجو من الاخوات الذين اعطاهم الله الهام بتلك العلوم تدلنى ولها بها حسنه .....فانا لا اعرف اتعامل مع زوجى مطلقا وتعبت بس بصراحه انا ازهق بسرعة ..ولا احب اللت والعجن .......احب اسمع النصائح وتعجبنى بس ما اسوى الا اللى فى راسى واعرف انه اجدى وانفع ........اما زوجى كل ما طلب منى شىء يقلى فورا اعملى كذا فورا نفذى كذا ويزعل بسرعه وعصبى بس الحمدلله كريم وبصراحه اليوم اللى يقلى فيه كلمه حلوة اطير من الفرح ولكن لا يلبث قليلا وقد تغير ياااااااا الله احس انى ما اقدر ارضيه الا فى الفراش ....وانا اناشد اكثر من الفراش اريدة بمعنى اصح خاتم اهيم به فى اصبعى ولكن كيف ومن اين ابداء وانا اعتبر نفسى لا علم لى بمختباءت الامور.......الاءمور التى تجعل المراءة تلف زوجها بين طياتها حتى لا ينظر لغيرها ؟؟؟؟؟؟ نفسى اكون سعيده معة انا ارضيه وهوة متقلب المزاج مع انى من صفاتى تقلب المزاج ولكن مع زوجى اخذ انا دفه الامور وهذا يسويلى ظغط نفسى .....احيانا لا احتمل ولكن اضغط على نفسى لكى اعيش حياة هانئة باءذن الله ........ارجو من اخواتى افتائى فى امرى واعلامى من اى الصفات انا ومن اى الصفات زوجى ......على فكرة زوجى اذا راسلنى كلامه شهد انا اذوووب فى كلاماته واذا زعل انا اراضيه اشوفه احيانا متكبر بس دوم يطلعنى انا غلطانة واذا يوم اتصل ما رديت يقلى عشر مرات اتصل مافى جواب مع انه مرة وحدة اتصل عليا بعد ما ينشف ريقى حتى فى البيت لمن يبغى حاجة منى يتوددلى هذا اللى احسه والله اعلم ويالطيف على عصبيته وشتمة قوى عليا يسبنى ويلعن اللعان اعوذبالله على طول على لسانه استغفر الله مع ان الامر بالنسبه لى ما يحوج وهو يشوفه يالطيف بس الله يسامحة ويسعدنا مع بعض دنيا واخرة ويسعدكم جميعا واسفة على الاطاله .......ردووووووو على بالله عليكم اختكم فى الله سماء:clap:

 

[اشرقي يا شمس]

انا بعد احس ان زوجي جنوبي. انا مشتركة جديدة في المنتدى . ابي اعرف اكثر عن الجنوبيين. المشكلة ماقدر احضر الدورات لاني في امريكا. زوجي حنون، حساس، دايما يفكر قبل لايتكلم، عكسي انا دايما كلامي عفوي وعشوايي عشان جذي يتضايق ويهاوشني. يحب الرومانسية والشعر والهدايا والمفاجأت. ويا ويلي لو قلت كلام مو مكانه او جارح من دون قصد ،يتقبل الاعتذار ويقول ماحب حد يعتذر لي، لأن ينحرج بس ماراح ينسى. بين فترة والفترة يذكرني في الكلام اللي قلته. ذبحني. يحب الرشيقات والنعومة والانوثة والدلع ووحدة تهتم فيه. انا احب اهتم فيه، بس احب اكثر شي الريال يهتم فيني واكون دلوعته. هل هو جنوبي؟

 

[دفء الشتاء]

انا زوجي جنوبي غربي حبوووووووووووووووووووووووووووووووووووووب مرررررره الله لايحرمني منه لي عوده مع المواقف​

 

[بدون جراح]

يامرحبا بعالم الحنوبييييييييييين الحوسه )) احسن كلمه

انا جنوبيه شرقيه وهو جنوبي غربي الحمدلله بينا تفاهم كثثثثثثثثير بس عاد الكمال ندور عليه )) مالكامل الى الله

بس فيه حاجه اعاني منها ولا تقولون عاديه

يعني زوجي لما يكون مشتاق لي ما يقولي انا مشتاق صح يبين بحركاته بس الي ينرفزني انه يقول شكلك مشتاقه لي

ولا واضح انك ذايبه يعني يتكلم عن نفسه بس يقولها على انه انا واذا حنا بعاد من بعض دايم كلامه واتصالاته اش تبغيني

اسوي لك اش تتمنين يعني ياخذ راي في العلاقه دون الاهتمام للي يتمنى وكأنه يقول انا خلقة لراحتك ولا انا مرتاح بس

بطريقه لطيفه احيانا احسس اني غير حنوبيه بس اغلب الصفات فيني ويمكن صفات القوه او العقلانيه الي فيني لاني

شرقيه الحمد لله على جميع النعم وعلى الحياه الي بدون جراااااااااح

 

[حـور]

أخيرا" عرفتك يازوجي الحبيب!!!!!:a200:
صار جنووووووووبي شرقي!!!!
الامبالاة....ذابحتني فيه.....
يقدس أخته.....لانها قياديه...ومستغنية عن زوجها....
تأجيل أشغالي ..ينرفزني...
والغيرة......ياساتر حدث ولا حرج...لكن بس في لبسي...
لايطلع صدرك...انتبهي لساقك...غطي نقابك...
أول ماشتري تنورة فيها فتحة سييييييدا للخياط يسكرهااااااا...:bleh:


بس حنووووووون وكريم على الناس...وأنا يحاسبني على القرش....
سواليفه قليله معي.........ومع أهله هذرة تصكهم روسهم من لسانه......:busted_red:

مستحييييييل يعتذر ... لاني دائما" غلطانه!!!!


الله يطوووووول بالنا عليهم....من جد نحسد على إيش!!!!!

 

[سالي 33]

ايه والله يامن لاتنسى وأخواتي الفاضلات كيف اخلي زوجي الجنوبي الشرقي يجبلي هدية لما بيهديني يعطيني فلوس ونفسي نفسي يشتريلي جوال جديد ليه 9 سنوات متزوجة وكل ما أطلبه جوال يعطيني جواله القديم ويشتري لنفسه جديد ودايما أزعل ولا حياة لمن تنادي وجيت بالدلع ونفس الشي والحين اشترى جوال سويت عباطة وقلت شكرا حبيبي هذا لي قال ايه ووجهه اصفرررررررررررر وبعدها على طول قلي خليه معايا كم يوم حزنت وقلت طيب ولحين لو شهرين ماعطاني اياه يستخسر فية الجديد مادري ليه ؟؟؟؟ وسؤال آخر يسدح نفسه هههههههه كيف اتعامل مع خيانة الجنوبي الشرقي بلللللللللللللللللللللللللللللللللللللللللللللللللللللللللللللللللليز ردو علي ياربي شكثر أعاني..

 

[حـور]

ليه راح الموضوع؟؟؟؟
وينكم؟؟؟؟

 

[الرائعه في الحب]

عموما نصيخه من عندي الرجل الجنوبي دائما حاولي تقترحين عليه وحاولي دورين حلول لمشاكلكم يعني انت القائد دائما ولكن بطريقه مستتره وخليك رقيقه معه ولا تجرحينه واذا بغيت شئ مادي

 

[انتقام الورده]

مساء الخيرات اخواتي
انا الصراحه لسى ماحللت شخصيه زوجي نمطه يعني بس اتوقع من كثر اللي اقراه عن الجنوبي احسن انه جنوبي وبقوه بعد

زوجي يموت بالنظافه والترتيب واذا مسك شي سوا بالشغل او بالبيت لابد يتقنه ولما يشتري اي شي لازم يكون اصلي ومايهمه سعره بس اهم شي تكون اصلي وفيه اشياء كثيره بعدين ارجع لكم

 

[وردة’عسل]

الجنوبي

في اذا احتجيه يرووووووووووووووووووووووح

يعني ديروا بالكم لا تعتمدون عليه

 

[وردة’عسل]

مستحييل بعتذر


اه اه اه


انا الي متعبني انه زعوووووووووووووووووووووول زعووووووول تعبت منه


وحساس حييييييييييل اي موقف بسيط يقلبه علي

 

[Lovely Princess]

انا رأي ما في اسهل من التعامل مع الجنوبي
لأن صفاتنا تتشابه وبعد حسيت فيه تغيير كبير عن بداية زواجنا

بداية فترة زواجنا كنت وايد اصيح وابجي لاسباب انا اعتبرها كبيرة وهو العكس
فكان اذا زودتها بالبجي يعطيني ignore :crazy: لكن الحين طبعا انا خففت دلع من هالناحية والحين من تنزل الدمعه يركض يمسح على راسي ويهديني
ما شاالله :msn-wink:

الجنوبي يا بنات حنون لاخر درجة بس اذا عرفتي شلون تتعاملين معاه
جربيها ، اذا اكون تعبانه ازودها شوي بس بصورة معقوله والمسكين ما يعرف شيسوي ما يخليني اقوم حتى ارتب المكان

قولوا ما شالله:msn-wink:

 

[Lovely Princess]

هلااا فيكم بنات

حبيت اشرككم بتجاربي مع زوجي الجنوبي

خخخخخخخخخ

كنا رادين من دبي طبعا طلعاتي معاه ما اطلبها منه كل المطلوب مني اني اكون حلوة دلوعه ما اتكلم وايد وهو ايي لي عندي يسالني وين تبين تروحين ؟؟؟

لوووول

المهم

زعلني بالطريق

ودخلنا محطة البترول هو راح يصلي وانا ما علي صلاة قمت الف

الا اشوف هذاك اللي لابس جاكيت اسود ومسبل عيونه وحاط ربطه حمرا على راسه ويطالعني

لوووووول

عجبني موووت :shutup:

ههههههههههههه

وقلت بشتريه

ادري راح فكركم بعين

بس انا اقصد القطو جارفيلد كان منه لعبه فرو ايجنن شكله ويحر :bleh:

شلته ويوم يا زوجي قالي شو هذا

جان اطالعه بدلع واتقمص شخصية اليهال قلتله هذا صديقي

ابتسم ابتسامه عريضه قالي شووو؟؟

قلتله هيه هذا صديقي ناداني قالي بسبس
بعدين قالي الله يخليج شليني وياج انا حبيتج واااااااااااااااايد

وجان ابوسه وخليته عند اذني كانه يصاصرني قالي شو يقول وهو يضحك من الخاطر
قلتله يقول انا احبج وما بزعلج ويا ويله اللي بيزعل حبيبتي

ههههههههه

طول الطريق وهو مقهور منه ويبا يفره من الدريشه

وينقهر اكثر يوم يدخل الغرفه ويلاقيه على السرير جنبي

امس مسكه وسوا نفسه يبا يخنقه بالمخده هههههههههههههههههه

انشالله تعجبكم الطريقه

طبقوها فعاله

مستغربة حبيبتي

هذه المواقف تتكرر على طول معاي
اذا كنت زعلانه منه دائما احاول اثير غيرته واقول له ما ابيك انته كله تزعلني ما احبك واتصرف مثل اليهال عشان يذوب ويراضيني :msn-wink: على طول ينجح المفعول جربوه يا بنات
انا بروح اشتري لي دبدوب عشان استخدمه في الزعلات

 

[في قلب حبيبها]

بنات ماحسيتوا بشي ان اكثر الجنوبيين يحبون التصوير مثل ماقالت الاستاذه ناعمه وانهم دائما يمدحون نفسهم انهم حلووين وجذابين

 

[حبووبه]

انا متابعه بصمت
الله يعينا عليهم

 

[حـور]

وااااااي صدق يحبون المدح...
واذا ما أقنعه وأشبعه مدحك هو بدا يمدح روحه......