زوجي وخادمتي

[تشكرات]

الله يعينك ويساعدك صراحة المشكله في زوجك مو في الشغاله .بس لازم تسفريها بسرعه عشان ماينخرب بيتك وانتي دبري امورك الباقيه ولبي طلبات زوجك لا تخليه يروح لغيرك ..رددي باستمرار اللهم اهدي زوجي واجعلني قرة عين له..

 

[كفوف خضراء]

ياندى لو علي ماجلست عنده قلت لك انا ما ابيه ما احبه شخص ما احد بهالعالم يتحمل قرفه
فهمتيني كيف تبيني اهتم انه له علاقات برى والا لا؟
انا اكلمك عن مرحلتي الحالية بعد 6 سنوات صراع معه
الحين انا ما بي اصلح شي فيه الا اني اقوم بواجباتي معه ولا اردة لو ايش يبي مو عشانه لا عشان ربي ما يعاقبني ولا يوم اندم
اقوم بطلباته كلها من يوم يدخل الين يطلع مايشوف الشغالة حتى اكله انا اللي اطبخه واهتم بلبسه ونظافته شوفي رغم كل شي
النا مو جبانه
انا مقيدة
تخيلي فرس مقيدة وش تبينها تسوي
من هنا بناتي وعلاقتهم الجميلة مع ابوهم
ومن هنا بيتي وملكي ووظفيتي
اهلي بمنطقة بعيدة واخواني قد دخلتهم بمشاكلنا وكانو يبوني اتركه لمدة كذا شهر لكنه تمسك حتى كان بيبكي من قهره يبينا ولا يتخيل نفسه من دوننا
لان مافيه احد يتحمله بالعربي
حتى اهله متوذين منه ومن اسلوبه وعصبيته ويقولون وش نسوي فيه
الله يعظم اجري

 

[الشتاء الدافئ]

ياعزيزتي شكل شغالتك طايحه الميانه بينها وبين زوجك
ولا يضمها رجال مايحل لها وتبكي او تتباكى بمعنى اصح ...
الشغاله النظيفه تصرخ تعض تدف مو تستسلم وتتباكى ...
خدمتها لك معميه عيونك عن الحقيقه ..اكيد بتخدمك بعيونها مادامك موفره زوجك لها ...
زوجك بيبك تسفرينها لانه يخاف يقع في الزنا
او مايبي يخسرك وهو عارف ان اخرته لك والفايده منك مو منها ...
انا كلما سفرت شغاله شلت هم وقلت وين القى مثلها
والحمدلله بالدعاء والتوكل على الله تجيني احسن من اللي قبلها ...
قدمي سيلانيه ومن البدايه اذا مارتحتي لها بدون تردد غيريها ..
واذا هي مروحه خليها بريحتها بس المشكله زوجك راعي حلال ومتعود على الروائح الله يهديه !..
قولي له بحط كاميرات في البيت اراقب الشغاله الحاليه والجديده لاني مااثق في احد
وفعلا حطي كاميرات وقولي له بعض الناس يحتاجون مراقبة البشر لانهم جعلوا الله اهون الناظرين اليهم ...
الله يعينك ويربط على قلبك وانتبهي على نفسك من المرض بسببه والقلق اللي معيشك فيه ..دعواتي لك

 

[سلام 111]

بالعكس دامها بنت فهذا افضل ..لان المتزوجات ياكلن ادوية تحرر..ومعروفة...عنهن الشئ ذا لا ويستمر اكثر من سنه فيها..وبعده تقل الرغبة..لديها..
بس قسم ناس اعرفهم زين قبل كم شهر سفروا شغالتهم حامل من ولدهم واصل حملها الشهر السابع...
والشغالات يدرن بس عندهن تعاون ويتكتمن على بعض ويعتبرن هذا انتصار علينا ..
لا في فلوبهم حقد بدون سبب..

 

[سلام 111]

زوجك...والله اعلم مرض نفسي...الفصام....
خليه على الاقل يتعالج شعبيا بالكي...شفاه الله...وحفظه لبنات...الله يخليه لهن...ويرزقك..الولد الصالح...
بس ما يمنع تاخذي اجازة...
وتصبري على نفسك...كم شهر قبل تولدي افضلك يمدي تعلمينها كل شئ...
فرج الله همك..ورد اليك زوجك..اللهم آمين..

 

[رياح الكفن]

مدري وضعك جدا صعب بس حبيبتي ماعندكم بالمدرسه حضانه تاخذين شغالتك وبناتك معك كل يوم او اقولك حل مافي الا انك تخلين بناتك والشغاله في غرفه وحمام وتقفلين عليهم وعندهم اكلهم وتلفون تتطمنين عليهم لين تجين من المدرسه وهو خليه يدج بالبيت كله ويسوي قهوه له ولا اصحابه ولاتهتمين لكلامه هذي شغالتك بفلوسك وانتي حره فيها

 

[تاج راسه]

تقولك خلي ثوبي
هذي مو ساحرتك انت بس الا ساحرة بناتك والدور جاي على زوجك وانت يا غافل لك الله
انت لو تسمعي قصص السحر اللي يسووه الشغالات كان تحرمي تجيبي شغالة اندونيسيه
وهم انفسهم يقولو كذا يقولو احنا نسوي هذا عشان ماما بابا يحبو انا
ولو تفتشي حقيبتها راح تنصدمي بس قبل ما تفتشيها خذي بناتك وروحي لشيخ يكون ثقة وقوليله على كل شي
لا تستهيني بالموضوع

 

[ماسه حمراء]

انا رأيي من راي البنات دخلي بناتك حضانه وروضه
وجيبي من الشغالات الي بااليوم

والله يوفقك لما فيه الخير

 

[قلبي نفسي]

ليش ما تحطين كميرات بالبيت...؟؟؟؟تخوفينه وتخوفينها لو من بينهم شي..


شوفي مهما الرجال غلط ابدا ابدا كا بيرتاح دااام مافي ثقه او انه مراقب 24 ساعه


علشان جذيه تشوفينه عصبي وشال الدنيا

 

[كفوف خضراء]

لا مافيها حظانة ومدرستي تبعد 180 كيلو وانا اجلس بالسيارة مايقارب ساعتين ونصف وين اشيلهم معي

والمطبخ داخل بالبيت
والغرفة اللي بحمام غرفتي بس والتلفزيون مايستغنون عنه بناتي وهو بالصالة بس عادي اجيب لهم تلفزيون بس مدري صعبة شوي اخليهم بغرفتي

 

[راحةالقلوب2]

الله يكون في عونك

 

[أم الهام]

حطي كاميرات مراقبة من غير مايدري

 

[lovely-1]

يأنك تستغنين عن الوظيفة والهم والقرض زوجك يسدده

أو تستغنين عن الشغالة وتستعينين بالمؤقتات وفكي عمررك من الهم والذنوووب

 

[كفوف خضراء]

انا كل بعد فترة افتش شنطتها ما عمري حصلت شي والله يستر

 

[كفوف خضراء]

لازم اقوله ان فيه كاميرات بس هي ماني معلمتها
لاني ما ابي انصدم اكثر

 

[كفوف خضراء]

وزوجي مستحييييييييييييييل يسلفني عشرة ريال مو يسدد مليون
الله يهديك ماعرفتي صفاته وشخصيته بعد كل اللي ذكرته لك

 

[كفوف خضراء]

اشعر برااااااحة
بتفاعلكم الكريم يالله كم كنت اتنمى يكون عندي خوات
اجمل شعور الله لايحرمني من تعاطفكم وحلولكم

 

[ضبيى]

مشاء الله عليك مشاء الله عليك انتي صبوره والله لويحب مطاة رجليييني مااسمحه عندوجهي بعد والله لويبكي دم ما اسمحه يوووه مششاء الله عليك متحمله الاكثير ان شاء الله لك اجر

 

[ندى 1983]

لا حول ولا قوه الا بالله
ما ادري واش ارد
انا حاسه من طريقه كلامك
انك ماتبينه
لاكن قاعدة عنده عشان العيال يحبهم
وبيتك ووظيفتك
بس انتي مش مقيم الامور صح
ابوهم عنده صفة مو زينه ابدا والله لو شايل
بناته عن الارض
ما ينقعد عنده طفل وكمان بنت واخرتها
يعني

احد مايقدر الله ويحاول يفعل كبيرة من الكبائر
وتقولين الحل الجدار بينهم انتي تسمعي كلامك ولا لا
العيال ما يبون اب ما يخاف الله
والوظيفة اي المال الله اللي يجيبه
من ترك شي لله عوضه خير منه بس وين الايمان اللي بالقلوب اللي تصدق تعويض وهو مش موجود الان
اما الشغاله امرها عندي غيب ما اعرف بامرها او امر اللي راح تجيبها اي الجديده
الله اللي يعلم بالغيب اذ اهي له دور او لا
بذنب

بس زوجك انا حاسم امره واضح
انتي شوفتي
وبنتك اكده
واهو اعترف

الوضع صعب
والحل عندي ان لاتتواجد شغاله بشكل مطلق بالبيت وانتي لست موجوده
والبنات اما في روضه او عند احد تأتمنيهم عنده
وش هالزواج اللي تقولي انك مربوطه فيه
يالمهره
كوني شجاعه لاجل ذاتك وبناتك

ترى الله ما كبر حق زوج الا اقرئي جيدا
لما يفعلة من دور داخل الاسره والمجتمع
لان دوره عظيم كان لابد من حقوق عظيمه
وزوجك لا دور له
يارب يهديه ويحسن اخلاقه
ترى لاتيأسي من روح الله
لاييأس لا القوم الكافرين
وعسى اصلاحه على ايدك

 

[أم فهودي]

الله يعينك ياقلبي ورأي من رأي الأخت مزايا إنسانه
وهذا هو حال كثير من الموظفات وعلى فكرة أنا جربت نفس فكرتها وريحت نفسي من الهم صحيح في تعب جسدي عليك بس راحه نفسيه أحسن بكثير فأستخيري الله في الموضوع والله يختارلك الخير وييسره