يالله ذكرتيني بزوجي اول ماجبت ولدي الاول ماخلاني عند امي غير اسبوع ولمن رجعت تصدقي يلعب مع الصغير بدفاشة واذا بكى يرميه ع السرير والله قلبي تقطع عليه اخذت صغيري وخرجت من الغرفة وانا ابكي معاه مره بكي بالليل تعرفي الصغار قام يزعق طردني انا وياه قال روحي الصالة نامي . حسيت انها غيرة
لاحظت بعدين ان ولدي دايما يبكي ما ينام زي الاطفال وشفايفة لونها ازرق ولون وجهه مسود , سافرنا عند جدته قال عمه وديه لوحدة حرمة تمرخ يمكن الولد عنده شي رحنا للحرمة قالت ولدك عنده فتاق ليش هو طاح قلت لا والله المهم مرخته وهو ياقلبي يبكي وجعني قلبي الله لايعيد هذيك الايام والحمد لله ولدي ارتاح بعدها ولونه رجع تمام ورجع ينام زي الاطفال . ابوه خفت حدته معاه وصار حنون ويسهر معايه في رعايته . تعرفي ليش ؟؟؟؟؟
اتاريه هو السبب لمن كنت اخليه معاه واشوف شغلي كان يمسكه من بطنه ويضغطة بقوة لغاية مايبكي مدري ليش كان يحب يبكيه دايما لا ويقرب فم ولدي عند اذنه يسمع صوته وهو يبكي . الحين اذا ذكرته يقول بالله لاتذكريني بهذيك الهبالة كنت غبي ومتوحش . الحين يموت فيه يقول هذا الولد روحي اللي تمشي ع الارض . مع الطفل الثاني الحمد لله صار مرة متفهم وبطل حركات الغباء اللي قبل .
ان شاء الله ربي يهدي زوجك قبل لا يحصل لولدك شيء المهم انتي فهميه وكلميه ومع الطفل الثاني صدقيني راح يتغير ان شاء الله
بالنسبة لاهل زوجك ما عليك منهم صحتك اهم من كل شيء عادي روحي لهم وسوي مثل ماقالو الاخوات تحركي بشويش وسوي اكلات خفيفة وانتي جالسة طبعا واذا دخلوا المطبخ تسطحي ع الكنبة وقولي ظهري ماني قادرة ومن هذي الحركات هم ماراح ينتظرونك لان المغرب باذن وانتي بعدك تسوين سلطة فيطفشوا فيقولوا لزوجك خلها بالبيت لا تجينا سوي نفس الحركات بالبيت فيطفش فيوديك لاهلك هاه وش رايك خخخخخخخخخخخخخخخ
الله يتمم لك حملك وتقومي لهم بالسلامة ويسخر لك زوجك انت وصغارك يارب .