هو طبيعي بيتخبط خاصة بعد سالفة الرقم خليك حذرة مسحي كل شي يمتسح في الجهاز
ذكرتيني بصديقتي سوت حركات مثل حركات الاتصال وأدبته أدب .. بس هذيج زوجها بعيد عنها لظروف عمله
خليك هادية ولا تحسي بتأنيب الضمير ولا الخوف .. هذي الأمور تحتاج هدوء بس اذا حسيتي لو من بعيد انه شك ان لك يد في هي السالفة خليك ذكية واصرفي تفكيره في شي ثاني وانتي انسحبي شوي شوي
هاااااااااااااااااااام ياقمر فيه برنامج يرجع كل شي محذوف حتى بعد الفرمته ورجعت لنا ملفات لنا واحنا فرمتنا الجهاز كثير لكن تخلصي من الهاردديسك كسريه وحطيه في الزبالةوحطي واحد جديد حالا لانه زوجك ماراح يجلس في محتار يستنى وحدة تحطم حياته بيدور عليها ويجيبها واذا عرف انه انت اللي خليتيه يخاف على رقبته في يوم نهايتك مؤلمة قولي له امي تحتاجني اليوم خاطري اروح لها وخلي اخوك يجيبلك واحد جديد ورجعي له ملفاتك الضرورية.......اتمنى تبادرين لانه الرجل يعشق التحدي وتحطيم من يحاول تحطيمه
رايي الان اذا حسيتي انه اتعظ كاااافي اتركيه ولاتردين عليه هو اكل درس قاسي ان شاالله بيتأدب لو اكتشف انه انتي تلعبين معاه بتصير العواقب وخيمة يكفيييه امسحي الملفات من جهازك اول باول وبعد ماتنهي القصةخلي احد من اهلك يساعدك على مسحها من الذاكرة الرئيسية عشان مايشك زوجك
انا اختى برايى انك تستمرين على المسنجر مده شهر اوشهرين مره قوليله انا تعبانه مانى قادره اطلع مره قوليله ان اان عيالى عندى ون اهلى ماهم به عشان اوديهم قوليله اصبر لشهر الجاى عشان زوجى يبى سافر لشهر الجاى عشان اودى عيالى لهلى واخذ حريتى نصير نتقابل كل يوم قوليله ياعمرى ياحياتى من ها الكلام لحد ما اتحسين انه تعلق فيك عدين اتفقى معه على مكان قابليه لان لبد تنتهى ها التمثيل عاله با المسنجر ابى اقولك شى استمرى ع قرأه صوره البقره ونتى راح تشوفين الفرق الله يوفقك
ام مريمي خلاااص انهي هاللعبه وافتكي وبلا عوار الراس زوجك ماتضمنين حركاته يمكن يحقد على هالعشيقه ويبي ينتقم ويدبر رقم الكومبيوتر حتى لو رد على الايميل لا تردين عليه مانبيه يحطك براسه انتي كزوجه عليك بانك تنسينه هالعشيقه لاتتعبين نفسج انتي ماتبينه يخونك على المسنجر لكن شوفي شلون وصلت الاوضاع كبرتيها وايد واحتمال كل شي يطيح فوق راسك انصحك بطلي هاللعب ونسيه العشيقه او اذا شاف العشيه ماردت عليه بيتم يخاف من المسنجر ويبطل خيانته وبنفس الوقت بينتبه لج انتي يالزوجه
هلا حبيبتي ام مريمي شدني عنوان موضوعك ومن دخلت وقريت كل الصفحات وكنت متابعه اخر التطورات افكار واجد ماشاء الله البنات قالوها لك منها الزين ومنها الي كان بدمر حياتك لو نفدتيها بس ماشاء الله عليك طلعتي واعيه وفاهمه وعندك قوة صبر وتحمل مااحسدك عليهم شوفي حبيبتي لحد الحين ماشيه صح ومن رأيي انك تنتظرين كم يوم واتشوفين زوجك برد على الأيمل او لا أدا صارت فترة وما رد خلاص قفلي على الموضوع ودي الجهاز فرمتيه وانتهينا بسلام ان شاء الله وبالنسبه الى تصرف زوجك انه كل حين يتصل ويقول لك من وين جاي وين رايح له سببين يا انه قاعد على خوف وكل حين يتصل يتطمن ان المعشوقه ماردت اتصلت لك وانفضح امره او انه مثل ما قالت الحلووة انه يبيك اتشكين وما تصدقين عنه اي شي بينقال من المعشوقه وفي كلا السببين يبين مدى خوفه من الفضيحه فمن رأيي انك ما تطرشين صور للمحادثات الي على المسنجر في ظرف على البيت لان يمكن صدق بدافع الأنتقام يدور على المعشوقه حتى لو اهو ما يعرف الى الكمبيوتر يمكن يطلب العون من ربعه وبتالي ينقلب السحر على الساحر والله يهدي زوجك ورجعه لك نادم وهو اصلا من البدايه بينتي له عن طريق المعشوقه ان الزوج الي دايم يهمل زوجته تلجا الى الخيانه فعشان كدا تغير ت معاملته معك للأحسن لانه في اعتقادي خاف انك تسوي نفس المعشوقه وتخونيه والسموحع على الأطاله عورت لك راسك
تحياتي دموووع2
صباح الفل على فلتنا شخبارج ام مريمي تقولين كل شوي يتصل عليج هذا شي طبيعي لا تخافين تراه خايف تكون بنت الماسنجر اتصلت عليج بس يبي يتأكد منج حد كلمج و لا لا فلا تحطين ببالج و ما دامه ما رد عليج في الماسنجر اقولج مبروك زوجج اتعلم الدرس و استوى تلميذ مؤدب الحين حبيبتي انهي الموضوع نهائيا و امسحي آثار المعركة فديتج و انتي خليج الزوجة الدلوعة اللي واثقة بريلها و الله يوفقج الغالية ويستر عليج دنيا و آخره و يتوب ريلج من هالسوالف و لا تحطين ببالج هذا ريلج حلالج ملكج انتي الصح لو ما سويتي جي عشان ريلج حق من بتسوينه و لا تزعلين عمرج حتى بعد ما تعدي السالفة على خير انشالله بنكون وياج و اللي تقولج الشك بيدخل بينج و بين ريلج أقولها بالعكس انتي الحين ارتحتي نفسيا و كل وحده تعرف ريلها شو و من ناحية التنبيش ورا الزوج فهذا شي عادي يعني الوحدة ما تكون نايمة في العسل و لا تدري عن زوجها الله يوفقج و نسمع الأخبار الحلوة
أم مريمي مساء الخير حبيبتي لا تستغربين مثل ما ماقالتlayle طبيعي انه بيسأل لأنه خايف عليك وخايف ينخرب بيته وخايف انتي لا تدورين وراه وتشكين فيه وخايف لا ينخرب بيته من تحت راسها خخخخخخخخخخخ بس على فكرة هو من تصرفاته الان انه يمر بحالة تخبط وعدم استقرار وعايش بقلق لا ينفضح قدامك وتضيع هيبته وهو ما يبي يخسرك لأنه يحبك ويحبك بجنون وإلاَ ما كان سأل عنك لذلك لمن يتصل عليك ويطمنك عليك لا تقولين له غريبة ليش متصل عادي جاوبيه بكل حب وبكل طيبة ورقه وقوليله انا مشتاقة لك ابيك مو كنك طولت برى؟؟ ومن هالكلام الحلو اللي يخليه يندم زيادة انه فكر يخونك
اما بالنسبة لفتاة المسنجر نصيحة مني اتركيها نهائيا ولا تفتحين الايميل الخاص فيها ..لأنه الان في مرحلة انتقام منها وبيبي يتغدى فيها قبل تتعشى فيه وما يدريك يمكن الان يكون يدور عليها ويعد العدة لها .. يمكن يستعين بإحد اصدقائة الفاهمين في الكمبيوتر علشان يطلعون معلومات عنها انتبهي تفتحين ايميلك حق العشيقة يمكن يرسل صورة او ملف لسرقة الباس وورد وتنكشفين يعني بإختصار لا تفتحين ايميل العشيقة نهائيا ولا حتى تراسلينه خلاص خلصنا من العشيقة وانتهت القصة وراحت فتاة النت في حال سبيلها خليه يعيش في حالة ترقب من المستقبل