مشكوره ام البطه ...
لكن للاسف ما فهمتيني ...!:24:
التعب هذا حليناها والعمر يخلص وشغلنا مايخلص بس لما تعيشي تجربه على ارض الواقع يتغير كل شي خالتك عيالها اكيد بسن يقدرو يعتمدو على انفسهم ...ولا تقولي بعد زوجها شمالي اكيد فيه اختلاف بالظروف:20: ...
انا بالنسبه لي صعب اعتمد على شغاله وزوجي من النوع الى يكره وجود الخدامه بالبيت ...ولو حصل وجبت خدامه وانا جربت قبل كذا يقول الخدامه ماقصرت بينما لايمكن يقول انت ما قصرتي !!!
زوجي رغم اني احبه بس الى يسبب لي الالم من ناحيته انه يمتلك كل اساليب التحطيم بطرق عجيبه يحب يمارس الحرب النفسيه ما ني عارفه ليه
يحب يطري كل الى حوله ولا يمكن يطريني بشي حتى لو مجامله هذا الشي يئلمني
انا الحمد لله متميزه باشياء كثيره عن كل الى حولي بس لايمكن يطري هالشي
لي عشر سنين متزوجه ولا مره فرحت بكلمه مدح او ثناء او شكر رغم اني اشوف الرضى بعيونه بس ما يبغى يسمعني ....
انا اتبعت اسلوب الشكر له والثناء والمدح والامتنان واني اعتبر نفسي محظوظه فيه وانه متميز عن ازواج خواتي واخوانه وحنون وطيب من قبل ما اتعرف على البوصله الشخصيه لاني قدرت اعرف طبيعته مع العشره ....ابتعد دائما عن محاولة اثارة غضبه ..وبنفس الوقت ما ارضى انه يضايقني بكلمه تسيىء لي او لاهلى او حتى اطفالي لانه يحول بعض الاحيان يغيضني من خلالهم ...
اطالب بكل ما احتاجه وفي نفس الوقت اراعيه اذا كان يمر بظرف مادي ما يسمح ...احترم اهله واقدس امه وشقيقته الوحيده وهم يبادلوني نفس الشيء بفضل الله ثم بفضل اسلوبي الراقي في معاملتهم الى تليق فيهم كاهل زوج...اما المسجات فاحب ارسل شي من خاطرتي انا واما احب ارسل شي متبادل بين عامة الناس... كل جمعه ارسله دعوات ربي يشهد انها من قلبي مو مجرد مسج وخلاص ... ولايمكن ادق عليه وهو بالخارج ابدا اذا بغيت غرض ارسلت او بغيت استأذنه بشي ...ادق بس لما يكون في سفر عشان اسمع صوته واطمن عليه بس واطمنه علينا...وهذا الشي انا اتبعته من زمان مو بنصيحه من احد او هو طلب مني هالشي!
ما يحب زيارات اهلي اثناء تواجده وهذا الشي فهمه اهلي من غير اي مشاكل وتقبلوه بكل رحابة صدر ... وانحرم انا من زيارتهم لي فترات طويله ...في سبيل ارضائه ...
في نفس الوقت مايمنعني من زيارتهم ابدا...
احيانا يسخر مني قدام اهله او يمزح بطريقه انا انزعج منها واكلمه بيني وبينه ويترك هذي الحركات ويرجع مره ثانيه يعيدها ماني عارفه اش الدافع ...وانا واثقه انه ما فيه شي لافي تصرفاتي او هيئتي او كلامي يخليه يسخر مني لكن ماني عارف اش الداعي لهالمهزله.....انا تنازلت عن اشياء كثيره في شخصيتي وطباعي لانها ما تعجبه او ما تتوافق مع شخصيته ..رغم انها ماهي عيوب ...لكن حرصا على حياتي الزوجيه قدمت تنازلاتي ...
بالنسبه لي انا راضيه عن نفسي جدا... وراضيه كمان بحياتي معه وتقبلت شخصيته :32:
واداريه والبي رغبته..
اما حكاية اللبس والكشخه فأنا طبعا احب اختار الى يعجبني ويليق بانوثتي حتى لما يعلق على شي ماعجبه مثل صبغة الشعر او لون ملابس اجاوبه انه انا مودايما لما البس واكشخ عشان تشوفني كشخه انا بعد احب اشوف نفسي بالشكل الى يعجبني وهذي الالوان عاجبتني وانا مبسوطه بشكلي ...