زوجة ثانية بس والله العظيم اني أنا المظلومة..شوفو واحكمو؟؟

[ضيفة]

خواتي في فرق بين زوجة ثانية وزوجة ثانية
اللي كانت قاعدة ببيت اهلها تنتظر الزوج وجاها هالمزوج مالومها
لكن مثلك انتي ياصاحبة الموضوع قلتي تزوجتيه عن حب ممكن توضحين يعني شنو عن حب؟
وسؤال بعد اذا زوجك حب وحدة ثالثة عادي عندك وبتسلمين عليها وبتعاملينها احسن مماعاملتك الاولى
لاتدعين المسكنة لانتي مظلومة ولا شي واذا كنتي ماخذته مثل ماقلتي عن حب فانتي ظالمة بعد

 

[المراءه الذهبيه]

انا لا اقصد ان اسيئ لك شخصيا ولا تفهمي من كلامي الا مجرد تفريغ حاجه بنفسي
ولكن انتي اتعستيها كثير وفرقتي بينها وبين زوجها وابكيتيها ليالي واعلم ان زواجك قسمه ونصيب
ولكن على من تكون زوجه ثانيه ان تتوقع اسوء الامور

 

[الامومه]

الله المستعان

 

[سنية وافتخر]

هذا نصيبك ياعمرررري واذا بغيتي ترتاحي عيشي بعيد عنها ولاتحتكي فيها ولاتزورك ولاتزوريها وريحي وارتاحي مع اني زوجة اولى بالتوفيق

 

[زهرة ماتذبل]

شوفى اختى اي رجال بيتزوج على زوجته يحط فيها الف عذر لانه انانى يفكر بنفسه وبس وانتى بصراحه هدمتى حياتهم لانج كنتى على علاقه مع واحد متزوج ولما طلبج للزواج ما فكرتى بشعور زوجته الاولى انا ادرى ان كل شى قسمه ونصيب لكن صدقينى يبقى الحب كله للزوجه الاولى مهما كان بينهم عشرة عمر ويمكن تكونين انتى نزوه فى حياته وتنتهى

غلطانة حبيبتي موشرط -- المعاملة بالحسنى هي اللي تفرض الحب

وهي ماسوت شي غلط هذا شرع الله -- والله يسعدهم ويهنيهم :shiny:

 

[زهرة ماتذبل]

ياحلوة هي الاساس وراس المال وام العيال لازم تحطين هالكلام حلقه في اذنك لا تزعلين من معاملته لها لانها هي الاولى لو ياخذ بعدها عشر
انتي دخلتي حياتهم تحملي اللي راح يجيك , ولا تقارنين نفسك فيهم ابدا والا راح تتعبين

واضحه الغيرة من اسلوبك -- ليش تحاولون تجرحونها وتبينون انها سوت جريمة لازم تتحمل نتيجتها !!

سبحان الله -- ترا هي زوجته على سنه الله ورسولة ومن حقها تغار مثل زوجته الاولى

ولو لاقي السعادة مع زوجته الاولى على قولتكم اللي اهي ام العيال وراس المال والحب الاول كان مادور غيرها -- بس اكيد الرجال لاقي فيها نقص اكتمل بالزوجه الثانيه --

اتمنى انكم تنسون انكم زوجات لما تردون على احد -- ترا حرام والله

 

[ولدي انفاسي]

مرحبا حبيبتي,,,
انا زوجه ثانيه وحاولت اتقرب اكثر لااهله واقدر زوجي اكثر عشان اكسبه اكثر منها لكن صدقيني اكتشفت اني خطأ اهله وقرايبه مااضغط على نفسي الواجب ااديه واحترم امه واخواته وهو بعد احترمه عشان ربي وعشان نفسي صدقيني لما اقتنعت اني مااخطأت لما تزوجت وصرت ثانيه وشلة احساسي اني بصير طيبه انا بس احترم سواء زوجي او اهله او زوجته فقط اللي يحترمني الطيبه اللي تفسرها زوجته وهو واهله ضعف تركتها ولااسمح احد يوطىء على طرف لي كذا اقسم صرت شيء مقدس من جهته وجهت اهله وزوجته لما صرت كذا صارت تتخبط بالخطأخسرت اهله وخسرته كل يوم مشاكل وانا شلتها من لساني مااذكر اسمها مهما سوت ولاكنها موجوده ولاتسمحي بيومك اللي المفروض يكون عندك يأخذه لغيرك خليك حازمه,,,
وبعدين يأاخوات الاخت ماارتكبت فاحشه استغفر الله نصيبها كذا,,واعتقد اننا مسلمين ماحنا نصارى نأخذ العهد على الزوج بالكنيسه مايتزوج غيرنا,,انا لو يتزوج مليون مو وحده علي انا عارفه ان عندي شيء يريح زوجي ولو لف بيرجع دام انا عندي ثقه بنفسي ,,,
بس اختي خوذي نصيحه لوكان مرتاح معاها اويحبها كان مااتزوج عليها,,,فلاتصيرين انتي نكد وبذلك تصبحين نزوه,,,اجعلي بيتك جنه ولاتذكري اسمها امامه مهما فعلت وصدقيني بتسحبين البساط منها,,

 

[زهرة ماتذبل]

وكمان انا تضايقت من ردود الأخوات لما يقولوا ما الحب إلا للحبيبي الأولي!!! طيب
هو يحبها ليش يتزوج عليها ؟؟؟؟؟ المفروض يراعي شعورها وما يكسرها !!! مو هذا الصحيح؟ جاوبوني...

الله يصلحكي
ياما يرجال يبوسوا التراب اللي تحت رجول حريمهم الاولات وفوق كذا متزوج اثنين وثلاث واربع
زواجه مو دليل انه مايحبها كل له ظروفه ووقته اللي خلاه يتزوج
او الله وهبه حب للحريم مع حبه الاصيل للولى بس يحب الحريم فياخذهم بالحلال ازين من الحرام
شوفي اللي ماليين البارات والمراقص او اللي عندهم عشيقات ممكن يموت على زوجته ومايبيها تدري عن مصايبه بس يحب الحريم ويحب ينوع فيلجأ للحرام
لكن اللى يخاف من ربه مايروح الا للحلال وهذا الحل الصحيح

الله يسامحك على التشبيه -- من الافضل ان تختاري التشبيه الاليق !!
ولاتنسي ان تاريخنا يشهد بالزواج الثاني والثالث والرابع ولااحد شبه الزواج بمثل هذا التشبيه القبيح --
لايمكن ان يحب رجل امراته حب بمعنى الحب ويتزوج عليها -- لانه بيحافظ على مشاعرها ويخاف يجرحها -- لكن دام انه تزوج فتاكدي ان في العلاقة خلل سواء من الزوج او الزوجه

 

[ѕωєєт ℓσνє]

بنات شفيكم هاجمتوا البنت ... انا زوجة اولى فقط نعم .. ولا ارضى زوجي يتزوج علي ... بس خلاص هي تزوجت على سنة الله ورسوله .. ليش تلومونها وتسمونها ( دخيلة ) ... ترى بعض الردود جداً سلبية وفيها حقد وغضب .. خلاص البنت تزوجت ماسوت شي حرام... مو لازم تجرحونها وتهاجمونها ...

شوفي حبيبتي بالنسبة لمشكلتج ... لازم ياقلبي الحين حطين في بالج انج لما خذتي واحد متزوج ..شي طبيعي تلقين هالحساسيات سواء من زوجته الأولى او من اهله ... لازم تعذرينها حبيبتي على تصرفاتها .. مهما كان .. انتي تزوجتي زوجها حبيبها .. مهما كانت المشاكل بين الزوجين مافي وحدة ترضى زوجها يروح يتزوج عليها ...
ومسألة الغيرة هذا شي طبيعي انها تغار ... وانتي بعد شي طبيعي انك تغارين .. بس انتي خلج متفهمة اكثر تعرفين ليش .. لانج خذتيه ومعاه زوجة يعني لازم تتنازلين شوي هالفترة من هالناحية وتعذرينها ... غاري بينج وبين زوجج بدلع مو بطريقة تحسسه انج حاقده عليها .. خليه يشوفج كبيرة بعينه ...
بالنسبة لمعاملته معاها .. ياحبيبتي هي الي جايه عندج .. شي طبيعي راح يعاملها بهالطريقة يمكن يحاول يراضيها جدامج .. بالعكس انا اشوفها طيبة منه وحسن في التعامل .. قدري هالصفة في زوجج ...
وانصحج يالغالية لاتسوين مقارنات بينج وبينها .. أو تقللين من قيمتها في شكلها او لبسها او جمالها ... ولا تتنافسين معاها في شي عشان ماتتعبين ... انتي سويتي الي عليج .. سلمتي عليها استقبلتيها .. احترمتيها ... وبالنسبة لموضوع اهله .. انا اشوف لهم بعد العذر هي الأولى يبون يراعون مشاعرها بس مب كره فيج او حقد .. لا ياحبيبتي .. احسني الظن بالي حولج ... وكوني واثقة من نفسج .. واعطيها دايماَ اعذار وارحميها وادعي لها .. ترى فديتج ماعتقد انه شي كان سهل عليها ...ولاسهل على اي وحدة ... زوجج مطلوب منه العدل بينكم لاتحاولين تغيرينه عليها او تتكلمين عليها بسوء او تحسسينه بهالشي ... في نفس الوقت لاتتنازلين عن حقوقج في المصروف او المبيت .. هذا حقج عليه مثل ماهو حق الأولى .... فكري عدل بينج وبين نفسج ولاتخلين الشيطان يدخل بينكم ....

الله يعينكم ويصبركم ويحنن قولبكم على بعض ..:icon26:

 

[ممددة بالصالة]

كل عام وأنتم بخير ياحبيباتي اتمنى انكم ماتكتبون الكلام الا وانتم عاملين حسابه المراءة جايه تستشيركم بمشكلتها وانتم هبيتو فيها ترا الزوجه الثانيه ماسوت جريمه واتقوالله لاربي يخليكم تتمنون انكم تصيرون ثالثات او رابعات يعنى هي ماتتمنى انها تكون وحيدة زوجها بس يمكن ظروفها والعمر يمشي ماراح تقعد لحد مايجيها واحد مو متزوج وأكيد انها ماراح تتمنى ان الحريم يطلقون والا يموتون حريمهم علشان تاخذ ارجالهم
والله سبحانه ماأحل للرجل الزواج الا لحكمه الله اعلم بها لاتعترضون
وياقلبي يلزوجه الثانيه عاملي اهل زوجك بأصلك من احترام وصله علشانهم اهل اعيالك واحضري مناسباتهم زيك زيها وماعليك منها انت ماسويتي جريمه وبالسنين بثبتين وجودك وياقلبي ليش تذلين نفسك لها مو هي المسئوله عن لقمتك عامليها بإحترام ولاتشوف منك شر وبس
واهم شئ ام زوجك عامليها بما يرضي الله والله بيرضيك

 

[عيون عزيز]

السلام عليكم
حبيبتي صاحبة المشكله
اولا/اعلمي ان هذا قضاء الله وقدره و لاتهتتمي بصغائر الامروثقي بنفسك كثيرا

ثانيا/ نذكر الاخطاء لتلافيها
غاليتي انت ارتكبت عدة اخطاء في حق نفسك وهي اصرارك للسلام عليها وهي لاتريدك انا لااعني ان لا تسلمي عليها ولكن اذا صادف وان رايتهافي مكان عام اومناسبه قولي صيغة السلام عليكم بصفه عامه او فقط مصافحة ولالالالالا تكرري غلطتك بالانحناء وتقبيل راسها حبيبتي اعز ماتملكين هي نفسك فلماذا تهينيها

لاالومها عندما انكرت زيارتها لك (حسب مافهمت من كلامك )لانها عزت نفسها عن ذلك وترفعت لانها تعتبرها اهانه لها فعل ذلك
وقد بان ضعفك لها لعدم تزينك بل بينت لها انك اقل منها بفعلتك هذه ولماذا لم تنادي زوجك بحبيبي وحياتي عندما كانت تفعل ذلك اعلم انك ستقولين حتى لا اضايقها ولكي ارضي زوجي وابتعادا عن المشاكل

حبيبتي
اكبررر خطأ ارتكبتيه عندما تنازلت عن ليلتك لها
اااااااه ماأغفلك كيف تنازلت عن حقك هذا حتى زوجك استصغرك لفعلتك هذه لانه ظن انها تحبه اكثر منك والدليل انها تريده عندها طول الوقت
لقد فتحت المجااااااااال لها واقنعت زوجك بضعفك لان زوجك والله اعلم انه يحب المراة ذات الشخصية القويه والا كيف انساق ورائها واتبع كلامها



حبيبتي ساقول لك شيئا ارجوووووووووووك ان لا تكرري الاخطاء ذاتها ولاتبيني انك اقل منها لاتقولي احتراما لها لالالامجال للاحترام هنا


عزيزتي كما انه زوجها فهو زوجك ايضا


أبدأي صفحة مضيئة ومشرقه من الان لالالالا تتنازلي عن اي شيء من حقوقك ولو كان صغيرا في نظرك واعتبري انك انت الزوجة الوحيدة لزوجك ابدا لاتذكريها لا بخير ولابشر عند زوجك او عند اي شخص اخر عيشي حياتك مارسي هواياتك واصلي اهلك وصاحباتك اهتمي بنفسك وببيتك كوني دائما انت الافضل وقبل اي شي لاتنسين واجباتك الدينيه واكثري من الاستغفار وذكر الله والله انه ليصنع العجب العجاب
اعيد واكرررر لا تتنازلي عن حقوقك واعلمي ان سهااااااااااام الليل لاااااااااااااتخطيء

اخيرا اعتذر وبشدة ان جرحتك بكلامي ولكن والله انه لمصلحتك كما انصحك بالانضمااام الى دورات الدكتورة ناعمه الهاشمي والله لن تندمي باذنه

ياليت كل الحريم بكبر عقلج يا بنت السعودية.....كلامج صح وعين العقل....
وبعدين شهالردود اللي تسد نفس الواحد,,,,المرة في لحظة ضعف وتبي من ينصحها حاطين عليها ليش خذت الريال من زوجته؟؟؟
ليش التعدد حرام ولا هي سنة سنيتوها انتي وياها؟؟؟؟
شكل اللي هاجموا صاحبة المشكلة ريايلهم معرسين عليهم أو على وشك....أسألوا اي رجال فالشارع متزوج على حرمته ليش تزوجت بتحصلون له اسبابه...مب متزوج فراغة عين...لو الحريم مشبعين أزواجهم ما فكروا يعرسون عليهم....وناعمة الهاشمي تقول الريال ان عرس على مرته فكأنه قاعد يقول لها ((صلاحيتج انتهت يا حلوة )) وانتم طايحين لنا وما الحب الا للحبيب الأول...
تقصون على من يا شيوخ.....؟؟؟؟
المهم حبيبتي راعية المشكلة شلي حادج تسلمين على ضرتج أو تعزمينها في بيتج..؟؟؟ فكري بنفسج وريلج والثانية ابعديها عن حياتج نهائيا وأظن هالشي مب حرام,,,أهم شي راعي الله في زوجج وعياله من الثانية ...
جي بترتاحين ولا تعورين راسج,,,,ومبارك عليج الشهر....

 

[ام الفيصلي]

العنوان اكبر من الموضوع

سوي اللي عليك وراعي الله في كل شي

وطيعي زوجك لان اذا استمريتي على هالموال راح تخسريه
اذا هو مايبغى يوديك لاهله احسن ريحك بصراحه لان غالبا اهل الزوج مايتقبلون الزوجه الثانيه يعني حتى لو رحتي لهم ما راح يهتمو فيك فصكي على نفسك بيتك وزاوري اهللك وبالنسبه لزوجته ان س ي ه ا فهمتي انسيهاااااااااااااااااااااااااااااا ولاتجيبي سيرتها ابدددددددددددد عيشي حياتك واسعدي زوجك

 

[ميوسه]

************

مايصير تتكلمي عن الاولى بسوء


مسكينه ماضرتكم في حالها


لاتطلعو عن الموضوع


وابتعدو ياوجات ثانيات عن سب الاولى لابالعمر ولا بالشكل


ظروفكم هي اللي حدتكم على الزواج من زوج متزوج

واللهم لااعتراض على سنة الله ورسوله عليه السلام

اتمنى الوعي بالردود

 

[كاتياباسل]

أنا زوجة أولى وبالتأكيد مابرضى زوجي يتزوج علي ،،،،،
بس ياليتنا يابنات قبل مانرد على حد نحط نفسنا مكان صاحب المشكلة والله بكذا راح نساعد بعض بذمه وضمير
ونرتقي شوي بكلامنا وما نجرح حد
*****************************************
أدري أن البعض يتنرفز غصب عنه ويكره التعدد مع أنه حلال بس شنسوي نعترض على قضاء الله وقدره زوجها تزوج وخلاص
*****************************************
بس اللي حاز بخاطري كلام صاحبة الموضوع أنو كان بينها وبين زوج الضحية حب(هههه صارت جريمة)
يعني ياحبيبتي ليش تسمحي تكوني علاقة مع رجل متزوج وليش مافكرتي بزوجته وألمها!!!
****************************************
المهم أقول لصاحبة الموضوع دام زواجك على سنة الله ورسوله ولاراد لقضاء الله
فتوكلي عليه سبحانه ودعي الخلق للخالق
يعني خلي زوجته بحالها
وتفرغي بس لنفسك وزوجك ولاتلاحقي تصرفاتها وتفكري فيها وتحلليها
وأهتمي بزوجك ولاتذكري زوجته بسؤ
وخلي بيتك جنه وراحه لزوجك بس بشرط ماتكرسي كللل الأهتمام له وتنقلبي من زوجة وأم لخادمة لاااا نفسك أولا ثم زوجك ثانيا
*****************************************
والله يوفق الجميع،،،،،

 

[ورد الفل]

ليش ردي انحذف

 

[منيرة سليمان]

عيشي حياتك وبس ولاتقصرين مع زوجك ولاتتعدين على أحد فكل له حقوق

 

[ginger]

استغربت منك وانتي تقولين انك مظلومة!!!؟

وين مظلومة وانتي ماخذ ة رجال من زوجته واسرته لا وعن حب بعد!!

ماراح تحسين فيها الا اذا زوجك تزوج عليكي بوحدة على راسك عشان تعرفين الظلم زين

وصدقيني لو انا مكانها كنت سويت اكثر لانه شي طبيعي

واللي مو طبيعي هو انتي اللي سارقة زوجها منها ..

 

[رحيق11]

طيب شتسوي البنية مقهورة وتبي تفضفض والغلط مو منها من هالرجال اللي تزوج على مرته هي مالها دخل جالسة في بيتهم لاضربته على يده ولاا قالت له يخطب هو جا من نفسه ودق بابها يعني تظل البنية تعنس
وهذا حلااااال ومرته الاولى الله يكون بعونهاااا ويجبر بخاطرها

 

[Nona Bonbona]

انتي الله يهديك من البداية كنتي تحبينه ويحبك يعني علاقه حب بينكم وتعرفين انه متزوج!!
صح انكم اصلحتوا الغلط بزواج
بس توقعي اي معامله من زوجته الاولى...لاتحسبين انك اذا دخلتي حياتهم راح يتم هو البطل المغوار يدافع عنك كل ماغلطت عليك الاولى
حتى لو يحبها ويحترمها من حقها صح؟؟؟زوجته ولا مو زوجته؟؟
آآسفه لو كلامي ضايقك..بس الزوجه الثانيه لازم تتوقع ان حياتها ماراح تكون بالسهوله اللي هي تتصورها
الله يوفقك حبيبتي
ولاتغارين كثير..تذكريها يوم خذيتي زوجها وش كان موقفها

 

[فواحتي بلقيس]

ياصاحبة المشكلة خليكي من ردود بعض الأخوات اللي ماتبرد الكبد الله يهديهم (مايحس بالنار الاواطيها) لو هن بمكانك كن شعرن فيك للأسف تومادريت ان الزوجة الأولى لوعطاها اكثرمن حقها ماتشبع يعني اتوقع ماتقتنع بالعدل دايم تبي الأكثر والمرأه صراحه اذا عطاها زوجه وجه بزياده ودلعها تطمع زياده سوا زوجة اولى أو ثانية المفروض ان كل وحدة تراعي ضرتها ولاترضى بالزيادة لأن الدنيا دواره والله مايضيع حق احد والحال مايدوم على حاله يعني الدنيا مافيها أمان ...بعدين لو قدرالله مكروه لأحدى الزوجتين مالأولادها الاخالتهم...
وانتي ياصاحبة المشكلة لاتتنازلين عن اي شي من حقوقك وقوي شخصيتك بس لاتكثرين الجدل واللي مايجيك الحين يجيبه ربي لك بعدين واحتسبي ......