خلاصة تجربتي من زواجه علي ونصايحي للزوجات الاوليات (زوجات ناجحات)

[احبةb]

الله يوفقك

 

[كنت احلم]

صباح الخير على احلى حريم

الله ينور يومكم بنور صباحه
ويجعل لسانكم بذكره لهجا دوما
ويجعل يومكم سعيد أحلى من العسل

.........

صحيح يا اوليات


ما لاحظتوا ان سبحان الله بعد هالازمه الي مرينا فيها

صرنا اقرب الى الله سبحانه وتعالى

ان شاء الله سابقا كنا نحافظ على ذكر الله والاستغفار والصلاة

لكن لاحظت سبحان الله بعد الازمه

وكثير مريت على مواضيع الاوليات

حسيت انهم اقرب من العبادات واقرب من ذكر الله

والكثيرات ما شاء الله تبارك الله

داومت على قراءة سورة البقره
وايضا داومت على قيام الليل

لعل الله يطفئ نار قلبها وتزيل همها بذكر الله

من ثاني يوم بديت اني اتقرب الى الله سبحانه وتعالى اكثر واكثر

وكأن الدنيا ما عادت تهمني ما عدت اشوف فيها شي يستحق اني اعيشها

غير عيالي الله يخليهم لي ان شاء الله

حبيباتي الغاليات

اخطأت بعد ثالث يوم وليتني ما سويت الي سويته

اني طلعت من البيت على الساعه الخامسه فجرا

ركبت سيارتي وانا بعز انهياري

كنت مخلصه من صلاتي

وحسيت بكتمه حسيت اني خلاص بموت

غلطت لما ركبت السياره ورحت لأقرب مقبره

والله ما حسيت بروحي

الجو كان مغيم ومغبر بنفس الوقت

وسبحان الله قبل اكتشافي زواجه

كنت احلم ان بيتي يقلعه الريح والغبار كان مالي الجو

لكن بالحلم كنت ما اشعر بالخوف

خواتي انا اكبر جبانه من المقابر والاموات

انا اكبر جبانه من الجن وقصصهم

لدرجة اني ما كنت اقدر انام لحالي يوم واحد

كنت احس ان لو شي مثل صوت غريب ممكن ان يسبب في وفاتي

بعد الازمه سبحان الله سبحان الله

صرت ما اخاف صرت على يقين ان الله الي كاتبه لي بصير لا محاله

آمنت اكثر واكثر بقضاء الله وقدره

ما راح اقول لكم اني مو مؤمنه سابقا بالشي ذاه

لكن بعد الي صار , صار فيه رابطه قويه بيني وبين الله سبحانه وتعالى

ولله الحمد اتمنى اني اواصل اني اخلي عباداتي وصيامي وقيامي متواصله

لاني فعلا ارتحت .... ارتحت من همومي ومن تعبي

ارتحت اني ارجع شريط ذكرياتي السنتين الي فاتوا

الي ياما كنت اقول ليه متغير ؟؟

لما وصلت المقبره دخلت وقعدت امشي

والله اني كنت بحالة ما يعلم فيها الا الله سبحانه وتعالى

والله اني كأني كنت نايمه بس امشي وابكي بين القبور

الين ما حصلت على كرسي بعيد عن القبور

قعدت وانا اقول

يالله عفت الدنيا والناس
عمري ما حسدت احد على شي
جايه الآن احسد الاموات على راحتهم
يالله قد ايش محظوظين

حتى لو عندهم ذنوب
حتى لو كانوا يتعذبون بقبورهم

يكفي انهم تحت رحمة رب العالمين
افضل من رحمة بني البشر

ايه والله الي عطيته عمري وشبابي وصحتي وراحتي

ايه والله ما رحمني

لو كان واحد من عياله الي شلته ببطني تسع شهور

عشان يقول له يبه ما شفع لي انه يرحمني وما يخون

ليت بس اموت وارتاح
يارب خذ امانتك ريحني ما اقدر اعيش هالوضع

ما اقدر عن جد احس قلبي بيوقف احس كل ما اتذكر

وليتني ثانيه ما اذكرهم ليتني ادخل غيبوبه واريح راسي

حتى نومتي ما عدت ارتاح احلم فيهم وكوابيس

ورجعت البيت ويمكن ما تذكرت اني رحت هناك الا

البارحه بس وانا اكتب لكم ..

فعلا نسيت اني رحت ..

الشعور الي نحس فيه

ان ودنا نصرخ ونصرخ ونصرخ

لكن خايفين من الناس لا يسمعون

احيانا بدون سبب نحس بغصه نحس ودنا نهج

من كل مكان من اي مكان اهم شي نروح لمكان محد يعرفنا

كنت كل يوم اصحى الصباح

لمجرد اني احط رجولي على الارض

اقول خلك اقوى وراك عيال قومي جهزي الفطور
قومي وديهم لمدارسهم

مالهم غيرك

يا رب اعني ودي اني اكون منهاره على طول

ودي اني ما افتح عيني واشوف هالبيت ولا اسمع اي صوت

لكن ...

حس الامومه حبنا لعيالنا يخلينا نوقف كل يوم

نمحي العبوس ونخلي محله الابتسامه لاستقبالهم وتوديعهم

كنت لما اوصلهم المدرسه اروح للبحر

واختار مكان ما فيه احد

وش تتوقعون من يروح البحر الساعه ست ونص

اقعد بالسياره واقفل على نفسي

وابكي واصرخ واصرخ الين ما احس اني طلعت الكبت الي فيني

وارجع البيت واسوي لهم احلى طبخه

تناقض ببداية ايامنا وشهورنا

بين تصرفاتنا وغربتنا ووحدتنا
وبين تحمل المسؤوليه رغم آلامنا

حبيباتي واصلت بالحاله هذي يمكن اسبوعين

رغم اني اتقرب من الله سبحانه وتعالى اكثر واكثر

لكن كنت برضوا اطلع حرتي وقهري بالصراخ

كنت خايفه ان يصير فيني شي من الكبت

افكر لا مستحيل خذت الرجال مستحيل تاخذ عيالي بعد ما امرض وتربيهم

مستحيل اخليها تمثل انها الزوجه الاب الحنونه

مستحيل اخلي عيالي تذكره لها لقربها لزوجي وتقدير جهودها

اكثر شي ساعدني يا خواتي

اني كنت اقرأ السوره الم يشرح لك صدرك
السوره كنت اقرأها مئة مره كنت احس براااااااحه

ولما كنت استغفر باليوم الف مره واحيانا الفين

والله ان يرجع ويجي يداريني وياخذ بخاطري

هذي الاشياء ساعدتني كثير والله

وبعدها تدريجيا بديت اشوي اشوي احس روحي اهدأ

بديت افكر كيف اصلح حياتي معه

بس عمري ما فكرت كيف اصلح نفسي

لان ماااااااااااافيني شي يحتاج لتصليح

ولا وحده من الاوليات فيهن شي

لو كانت وحده فيها شي

مستحيل الرجل يستحمل زوجه ما كانت شايفه واجباتها

والله حنا بزمن ان الوحده صارت كيف تحبب زوجها بالعشره معها

صرنا اثقف صرنا اقوى صرنا نجاهد اننا نتعلم كل جديد نتفنن بكل شي

ما عاد فيه اعذار والله ما عاد فيه اعذار

غير الغرائز الشيطانيه الي فيهم

هذا السبب
تجديد
حب التجربه
مغامره
نزوه
اثبات للرجوله
متعه بين هذي وتلك
وكأن هو يقول ايوه
الآن يتسابق السابقون علي
كل وحده بتسوي لي وبتقدم لي
حبها واهتمامها على طبق من ذهب
بكون شهريار زماني

لا تهينين نفسك بعد الآن

سوي له الي ودك تسوينه

بس انتظري لا تدلعينه من اول شي

وكأنك تكافئينه على فعلته الجميله الي سواها

راجعه وودي اتكلم عن العيال كيف تتصرفين معهم

بعد ما يعرفون بزواج ابوهم ...

 

[مهههاوي]

قسم بالله اني صرت اكره الرجال احس مافيهم الصاحي بس همهم حالهم ولايفكرون لابيت ولااولااد الله ينصرنا عليهم اف مرتفع ظغطي

 

[Ms. cappuccino]

الله يجزاك خير ويجعل هذا الموضوع في موازين حسناتك ​

 

[متفائلة باأحلى]

يكفي انهم تحت رحمة رب العالمين
افضل من رحمة بني البشر

ايه والله الي عطيته عمري وشبابي وصحتي وراحتي

ايه والله ما رحمني

لو كان واحد من عياله الي شلته ببطني تسع شهور

عشان يقول له يبه ما شفع لي انه يرحمني وما يخون

...

كلمة قوويه ومؤثرة جدا الله يربط على قلبك

 

[جمانةالحنونة]

قسم بالله احس ان كبدي توجعن وانا اقرا كلماتك احس بنار دااااااااخلي حطيت نفسي بمكانك
لكن قولي اااااااااااااامين
الهي السموات والارض رب العرش العظيم
الحنان المنان الحي القيوم انه يرجع لك زوجك وتبقييييييييين وحيده بحياته ومايشاركك احد فيه ويسخخخخخخخره لك ولعيالك ويشوفك اجمل نساء العالم وتشغلين باله وتفكيره وتصيرين كل شئ بحياته ويسعدك ويوفقك دنيا واااخره ويقر عينك بعيالك وزوجك ويفتح لك ابواب الرزق والهنا ويعينك على الطاعه والصلاح ومايجعل حاجه بنفسك الاقضاها ولاذنب الاغفر لك وطهرك منه
ويختم لك بصالح الاعمال ويرزقك الجنه وكل خواتي المسلمات


والله لايجيب الساعه اللي يتزوج فيها زوجي

ااااااااااااااااااااااااااممممممممممميييييييييييييييييييييييييييييييين

 

[جمانةالحنونة]

اسال الله العظيم رب العرش العظيم الواحد القهار الرحمن الرحيم ان يرد لك زوجك ردا جميلا حميدا عاجلا غير اجل ويجعلك الاولى والاخيرة بحياته يارب مايشوف غيرك ولايحب غيرك ابدا الله يشغلك بطاعته ورضاه ويجعلك من احبابه واوليائه الصالحين وكل زوجة اولى زوجها متزوج عليها يارب اممممممممممين

 

[كنت احلم]

رجعت يا خواتي

ولو تدرون انا وين ؟؟

انا بالمستشفى انتظر دخولي لغرفة العمليات انتظر بالغرفه الخاصه ومعي اللاب توب

وزوجي رايح جاي علي ولسه ما تحدد موعد عمليتي تحت الانتظار وصايمه وقاعده افتر بالمواقع على احلى الطبخات هههههه

وانا ودي بس يغيب عشان ارجع لكم واكتب

حبيباتي ..

ان كان الزوج من النوع الي يحب عياله ويهتم فيهم

فتطمني يالغاليه ما راح يظلمهم

كل زوجه تعرف مدى اهتمام الاب بأطفاله

لا تشيلين هم وتقولين زوجته الجديده بتغيره على عيالك

يمكن يتغير من ناحيتك ويميل لها بالطقاااااااااااااااق

ما راده الا بيرجع وين بيروح

اتذكر وحده كبيره بالسن ظلمها ولما تزوج عليها ما جاها ولا سأل عنها

وهالمسكينه كانت عقيم

ولما كبرت وجتها المنيه

وعلى فراش الموت

جاها ركض قال لها حلليني حلليني

قالت موعدنا هناك عند رب العالمين

وماتت احلى موته وهي متوضيه وعلى فراشها ورافعه صبعها

سبحانك يا رب

وحده ثانيه كمان صبرت على زوجها رغم ان يجيها ويصرف عليها

لكن كان مايل للثانيه الصغيره الجميله

ورغم انها الاوليه لكن كانت بصحتها

تحتاج لعطفه لحبه للعلاقه الزوجيه الخاصه

لكن ما وفر لها احتياجاتها الي الله سبحانه وتعالى امر الرجل فيه

حفاضا على المرأه وعلى شعورها

سنين وهو يسافر مع زوجته الجديده من بلد الى بلد

وهي مركونه تنتظر يوم يدخل عليها وله يسأل عنها

لما يجي يجيب لها المقاضي ويدق الباب ويركض ينحاش

خايف من زوجته الجديده

دعت رب العالمين بحسن الخاتمه دعت ان الله ينولها الي تتمناه

انها بس تحج بيت الله

وفعلا بعد مرور سنين طويله

جاها بدون سابق انذار

حلليني سامحيني ...

قالت له على شرط ابي احج ودني معك

ووداها ولما خلصت الله الله ماتت هناك وهي ساجده

امنيتها تحقق رغم كل آلامها ما دعت عليه دعت بحسن الخاتمه

دعت ان الله يرضى عليها رغم عذابها ولوعة اشتياقها لقرب زوجها يوم او ساعه يدق بابها

جاها بعد ما ملى الشيب راسها

جاها بعد ما توفى ولده الكبير بحادث

احيانا ما نقدر نصحي الانسانيه الموجوده ببعض الرجال

لكن الله سبحانه وتعالى يسخر الاسباب عاجلا ام آجلا

قصص كثيره قرأتها وسمعتها وعشتها لما كنت صغيره من ناس ما يقربون لي

نرجع للعيال يالغاليه

اياك يا اختي تكرهينهم بأبوهم

بالعكس اوقفي معهم ان دروا بالموضوع

قولي هذا شرع الله وانا راضيه

حاولي تصلحين امورك معه ولا تتناقشين معه ابد قدامهم

خلي حياتك طبيعيه قدامهم

لا تعقدينهم

تراا بالاول والاخير

حنا بنصبر للاجر

ما نبي نخرب على نفسنا اننا نملي قلوب يالابرياء بالحقد على اعز الناس لهم

هو سندهم هو معيلهم رغم المشاكل الي بينك وبينه

حتى لو ظلمك وما عدل

اتركي كل شي كل شي على الله سبحانه وتعالى

وان الله ليس بظلام للعبيد

اقعدي معهم واوعديهم ان ما في شي تغير

وحاولي انك تحتوينهم زي ما تسوي كل الامهات لعيالهم

انسى همومك باللحظات الي تكونين جمبهم

اركني احساسك بالقهر والغيره

وخليك قويه تراهم يستمدون منك القوه

ويثقون فيك لو كانو صغار او كبار

لمجرد ان الام تكون قويه العيال يكونون اقوى من ظروفهم

علميهم كيف يستقبلونه بالاحضان والقبلات

علميهم كيف يحترمونه ويوسعون صدره بالاخبار الطيبه حتى يشتاق للمتكم

ثابري انك ما تخلينه يفضل بيت على بيت ثاني

مهما يكون لعل بعض الازواج فيهم رحمه على الاقل على عيالهم

وانتي قاعده ذكريه بايام طفولتهم

تفرجي معه على ألبوم الصور وذكرياتكم

رسخي بباله فكرة ان العشره غاليه رغم الظروف

وان كنتي ببداية مشوارك مع تعدد الزوجات

قعدي معه او لميه وقولي له انا اثق فيك

انك ما عمرك راح تظلمني لا تعانديه لا تكسرين رجولته وتهينيه

صدقيني هالشي هذا راح يخليه يتعلق فيك

يوعد نفسه ان عمره ما يقصر عليك بشي

قولي له ان هو عزوتك وسندك وسند عيالك

قولي له الله لا يحرمنا منك

هالكلام الطيب يجذبه لك

حبيباتي احيانا العناد وترك البيت وكل المشاكل ما ينفع

الرجال بطبيعته لمجرد ان يكون عنده بديل راح يهرب من النكد

صدقوني نفعت معي ونفعت مع الي اعرفهم من الزوجات الاوليات

والاهم انك لا تجيبين سيرتها ابد ابد ابد

يالله كم مره قلت لكم اعتبريها ميح مهي موجوده اساسا

قاعده اكرر الكلام لان والله هذا السر

سر السعاده الي حصلتها بعد ما كنت اعاني معه

بكل وقت اذكره بخيانته بزواجه علي

ألومه حتى بالفراش اذكره وابكي

الآن بعد ما قريت النصايح والله وفقني اني اطبقه

يالله ارتحت والله ارتحت وهو ارتاح

بالعكس احس روحي عروس من جديد

صاير يحب جلستي

تدرون ليه يمكن لان هي ما تطبق الي انا تعلمته

وما عندها شي تخسره كثري

تخسر زوجها او تحصل على الطلاق

لكن انا بخسر الكثير

تعبنا وحنا نبني بيوتنا ونأسس حياتنا الزوجيه مع بعض

ونربي العيال ويصير لنا روتين يومي ..

ما نقدر نخسر كل هالاشياء

ما نقدر ننحرم من عيالنا لو وحده قالت باخذ عيالي معي بيت اهلي

والله ما تدرين بعد كم سنه وش راح يصير

كيف تقدرين تربينهم

صحيح ان الام تربي لكن الاب له هيبه كمان

لو تأخر ولدك الين نص الليل

محد راح يدور عليه الا ابوه

فكري ببكره البنت بتكون تحت نظرك لكن الولد كيف

عيالنا لما يكبرون وش يدريك ان محد منهم يلومك انك ما صبرتي

بالعكس لو تلاحظون عيال زوجات الاوليات هم انجح بكثير

تدرون ليه

لانها عرفت قيمة العيال ولا كانت تبي تخسرهم ولا تخسرهم مستقبلهم

لانها عرفت انها تربي وتقعد وتصبر لاجلهم

لانها تبي كل واحد يوقف على رجليه بعد ما يكبر

حطت لنفسها اهداف

لكن نجاح هالاهداف انها تنزع الغيره وتعتبرها مو موجوده

وتشيل من بالها فكرة انه تزوج علي ما فيه خير

صحيح اني ذكرت عن مدى حزني بالسابق بالاضافات السابقه

عشان امشي معكم بالتدريج ونفس الوقت

الزوجات الاوليات الجديدات يعرفون انهم مو وحدهم حسوا بالاحساس هذا

لكن بعدها صرت افكر بشكل منطقي مب عاطفي

حاولي غاليتي الين ما تنجحين

اما ان كان الزوج من النوع الي يعمل مشاكل بالبيت ويذكر زوجته كثير

قدام عياله

هذا يعني ان ما يحترم عواطفهم وناسي كل شي بعد ما جرب الزواج

يالغاليه وقتها احسمي الموقف مع عيالك

قولي لهم هذا ابوكم رغم كل شي

لكن ابيكم احسن الناس ابيكم تعوضوني عن كل شي

ابيكم تنسوني كل شي انا عايشه لكم

وابيكم ترفعون راسي فوق وتبذلون جهدكم تطبقون

ما تتعلمونه بالتربيه الصحيحه تذاكرون تساعدون بعض

تكونون يد وحده ..

حبيباتي كل عمر له اسلوب بالكلام وانتي ادرى بمدى ادراك اطفالك لوضعك الحالي

بس الاهم انك ما تكسبين ذنب انك تقوينهم على ابوهم

لي رجعه ان شاء الله ان ما دخلت غرفة العمليات

 

[كنت احلم]

واخيرا بيدخلوني الآن غرفة الانتظار الثانيه عشان العمليه

اشوفكم على خير

ادعوا لي يا خواتي اني ارجع من غير شر لعيالي

طبعا اليوم مااقدر اكتب اكيد بكون تعبانه من بعد التخدير والله يعيني ويشفيني ويشفي كل مريض

راجعه لكم ان شاء الله بعد ما اقدر اني اكتب لكم

دعواتكم الطيبه لي يالغاليات

 

[ام جود2009]

اسال الله ان يقومك باسلامة ويعافيك ويسخرلك زوجك

 

[المشاعل *]

يارب تشفيك وتردين لعيالك معافاه

 

[M!SS BEAUTY]

الله يشفيج وتعودين بالسلامة لعيالكم

 

[أم نهيان*]

مازلت اتابع =)

 

[أم نهيان*]

الله يشفيج ....يارب

كثروا الاستغفاااار

 

[الكسوف]

اللهم اشفها وأرفع عنها وامدها بالصحه والعافيه

وارجعها لاولادها سالمة غانمه معافاه

والبسها لباس العافيه يارب ياكريم

اجر وعافيه يالغاليه

 

[taqwa.m]

و الله ما تدرى قد ايه كلامك مؤثرررررررررررررررررررررررررر !!

ربنا يشفيكى يا رب و تقومى بألف ألف سلامه إن شاء الله .....

إنتى جوهره و الله .. الله يحفظك لاولادك و يسخر لك زوجك و يرده لك ردا جميلا...

طيب انا شاكه .. مش عارفه إذا كانت عشيقته و مسوى معاها علاقه جنسيه ؟؟ و الا متزوجها ؟؟ أعمل ايه ؟؟ اعمل نفسى مش عارفه ؟؟ و الا اضغط عليه لحد ما يقول انه متزوج فى السر ؟!!!!!!!!!!

 

[وفية زمن]

اسال الله الكريم رب العرش العظيم ان يمن عليك بالشفاء ويردك لعيالك سالمه وبصحه وعافيه ويرزقك عظيم الاجر

وصلى الله على اشرف الخلق حبيبنا محمد عليه افضل الصلاة والتسليم ~

 

[lmis]

الله يشفيك ويبارك لك في عيالك وزوجك

 

[**sunset**]

ما شاء الله كلام مرتب...

ومتدرج ...

وينبع من شخصية واعية ومحيطة بكل اللي حواليها...

عجبني موضوعك جدا جدا

يعطيك العافية وأهنيك....​

 

[راجية الغفران]

الله يقومك بالسلامه ويردك لصغارك يارب ويفرح قلبك فيهم
ويبلغك امانيك