خلاصة تجربتي من زواجه علي ونصايحي للزوجات الاوليات (زوجات ناجحات)

[كنت احلم]

غالياتي

كنت احلم هذا اسمي

تدرون ليه ؟؟

لأن لما عرفت بموضوع زواجه علي ليلتها كنت اقول

لاااااااااااااا

لااااااااا

انهيار عصبي كنت اقول احلم اكيد احلم يا بو فلان قول اني احلم

ولما قعدت اول صباح بعد ما عرفت

كنت اقول كنت احلم كنت احلم

لكن لما طلعت اتمشى بين الغرف وشفت الاغراض الي كسرتهم وقت انهياري

عرفت ان الحلم واقع مرير راح اعيشه لايام ويمكن شهور ويمكن لسنين

انا الآن بحال احسن بكثير الحمدلله

لاني راضيه عن نفسي اولا

اما هو اعامله معامله طيبه وبس عشان لما اتقابل مع ربي اكون خلصت ذمتي من ناحية اداتي لواجباتي الزوجيه ان شاء الله على اكمل وجه

تغيرت كثير كثير كثير

واتمنى يا رب

اي وحده جديده على هالعالم الجديد من الآلم تسابق نفسها انها تداوي جروحها قبل فوات الاوان

لان محد راح يدوايك لا هو ولا احد ثاني

الا انتي ..

لانك تعرفين كيف تقنعين نفسك

ان الحياه

مو بس رجل

الحياه بالنسبه لي وللزوجات الاوليات

صار له معنى ثاني

معنى ان شاء الله جميل بقدر ما يحتويه من ذكريات مؤلمه الا ان عندنا امل

بغدا افضل ...

والخيره فيما اختاره الله لنا ...

كانت مداخله بسيطه وراجعه ان شاء الله

 

[ام سهررر]

نصايحك كلهااااااااااااا دررررررر اتمنى الموضوووووع يتثبت
بارك الله فيك

 

[شماليه متطرفه]

بصراحه كلامك حلو
الله يعطيك اللين يرضيك
كلامك درر
===

 

[شوق دلع وذوق]

الله يفرج هم كل وحده متزوج عليها زوجها

والله يرده لها ردا جميلا

الصبر * الصبر * الصبر * الصبر * الصبر


ولكي الجنه​

 

[كنت احلم]

ابقول لكم على شي مهم جدا جدا

عمرك يا حبيبتي لا تفكرين بالناس وله اهله ولا اهلي وش يقولون على زواجه علي

كيف اواجه الناس كيف اواجه صديقاتي واهله والمعارف

ايه طبعا هالمجتمع ما يرحم

اكيد كان فيها عيب

ان شافوك مخلفه بنات قالوا ايه ما تجيب اولاد

وان شافوك عندك الاثنين قالوا مطفشته هي وعيالها من الطلبات الين ما هج

وان شافوا الحرمه ما تجيب عيال وتزوج عليها يقولون ايه لانها ما تجيب

وكأن الخلفه والبنات بيد البشر حسبي الله ونعم الوكيل

على كل من يخلي الزوجات الاوليات حلى لمجالسهم

حسبي الله ونعم الوكيل على كل من تطاول على حريم ما كان لهم ذنب

غير ان الله سبحانه وتعالى احبها فأحب ان يبتليها ويمتحنها

اهم شي تسوينه يالغاليه

كبري عقلك وعمرك لا تنزلين نفسك لمستوى ان الناس يتولونك لضعفك الحالي

ايه حنا ضعيفات بالبدايه

بس لا مو دايما

حنا اقوى من كذا بكثير

سواء اهله وله اهلك وله معارفك

ان احد جه وكلمك بالموضوع وله قال وش اخبارك بعد ما صار الي صار

قولي هالكلام :

الله يخلي لي ابو عيالي مو مقصر معي الحمدلله ما حصل اي تغيير بحياتي

حتى لو مقصر الين النخاع

مو عشانه تقولين هالكلام

صوني نفسك من كلام الناس صوني عيالك

لا تخلين احد يشوفك بنظره الشفقه او يشوف عيالك بذيك النظره

لا تهيئين لهم اي فرصه انهم يعرفون عن حياتك الشخصيه وش صار وش تغير

يجوكي ناس ما شاء الله طيبه وتمثيل لدرجه انك تفتحين قلبك لهم

ارجوك يا اختي لا تحسبين الناس كلهم طيبين وله يسمعون من عندك ويحفظون سرك

لو كنتي من النوع الي اشتكت وقالت

فمن الليله غيري اسلوبك

منها انك تشتكين لربك وبس وهو العالم بحالك

ومنها ان الشكوى لغير الله مذله ايه والله مذله

بالنسبه لي انا بعائلتي وعائلته ما في احد معدد ولا فيه احد اعرفه معرفه شخصيه

تكون الزوجه الاولى

الا وحده بس لا تضحكون بس

شغالتي ايه والله كانت احن من خواتي علي

وصلت بأول ايام ازمتي وعذابي

ولا كانت تتكلم عربي

بس لما كنت انهار ولا اقدر امشي كانت تشيلني وتدخل عيالي الغرفه عشان لا يشوفوني

كانت تمسح على راسي وتقرأ علي

لدرجة والله يا بنات اني ما راح انسى لها كنت ارجع وتوديني وتسبحني

وهي كبيره بالسن عمرها بأواخر الاربعين ( كنت اقول اني برجعها لان طلعت اكبر من الي طلبتها ولكن خيره )

لما كانت تقول ايش فيك وش صاير

كنت بس بالاشاره اتكلم معها اقول لها وش فيني

الا تقول لي انا زوجي متزوج علي

وصبرت الين ما كبرت عيالي

ولما كبروا تركت الديره كلها وجيت هنا

تخيلوا كم سنه تمت على حالها صبرت هالمسلمه

ولما كبروا عيالها اتاري الجرح ما يبرد يا خواتي

فضلت الغربه وبيت الغرب على بيوت عيالها

ليه اقول محد يحس فينا الا الي جرب

لان هالمسكينه الي ما تعرف لي ولا اعرف لها

قاعده تبكي بحرقه على نفسها وعلي

والله ثم والله اني اقعد من نومي اشوفها جالسه على الارض

تناظرني وكاسره خاطرها

مع انها وقتها ما كانت عندي الا اسبوعين بس

حست فيني رغم الفرق الشاسع بين عاداتنا وكلامنا وكل شي

هذا حنا الاوليات نحس بالثانيه وش فيها وكيف حياتها ..

يارب ان يقدرني اني اعاملها بالمعروف يا رب مثل ما عاملتني كل هالفتره

ياما حطت الملعقه بفمي غصب تأكلني

ولما احد يجيني من اهله الود ودهم يشوفوني بحاله يرثى لها

تدرون ليه ...

لان هالوقت بالذات الي كان يحسدك على عيشتك وحاقد عليك

الي كان يشوف فيك الي ما فيه

الي كان يحسدك لتربية عيالك وعلى زوجك ومعاملته لك

بيجيك ويتعنى بس عشان يشفي غليله

ما اقول لكم ان راح يطيح عن وجوه الناس الاقنعه

ايااااااااااااااك تنهاري عند الناس

لا تشمتينهم فيك وان حصل لك هالموقف لا عاد تعيدينها

خليك اقوى من كذا

غيري اسلوبك مع الناس

قبل كنت اروح للجيران وانا متعدله

الا اااااااا الحين اروح وانا متكشخه

ايه والله اني ما اعطيهم فرصه

والي يجيب لي طاري زواجه علي

اقول يا هناي يا سعدي كان زين من زمان متزوج علي عشان يدللني كل هالدلال

لدرجة اني اقول لزوجي تدري الناس يحسدوني انك تدللني

مع انه وقته ما كان مدللني ولسه ما سوا لي شي

كنت اعطيه افكار الناس

اقول له الناس كانو يقولون لي ايوه تزوج عليك وخان العشره

اقول له تدري وش رديت عليهم

اقول لهم ما قصرت ولا راح تقصر

اعطيه رسايل غير مباشره

وكأني افهمه شي ببالي تراني ما تكلمت فيك مثل ما انت خليتني علك بحلوقهم

طبعا لا تذكرين له الي كتبته فوق

عطيه افكار عن الي انتي تقولين للناس عنه

كيف تصلحين فكرتهم عنه

كيف انك مرفعته ومخليته ملك وشخص كريم ويحب العدل ومدللك

وقتها صدقيني ما راح يتجرأ ان يسوي العكس

كملي مشوارك معه

على اساس انه مو متزوج

قولي لنفسك شي واحد

زوجي عمله تغير

يبات ليله بعمله وليله عندي

وكأنه بورديه

ههههه يشتغل بسكة الحديد هههه

ايه والله اني كنت اضحك من النصايح

اقول يووووه ابكذب على نفسي

يا تراا وش يسوي هالوقت معها

يا ترااا وش يقول لها

يا ترااا هل اسلوبه نفس الاسلوب الي يتبعه معها

واقعد طول الليل كذا

لكن لما تمعنت بالنصيحه اكتشفت ان فعلا ابشتري راحة بالي

طبعا كتبت موضوع عن زوجته انها تحاول تقرب لي ومن هالكلام

والحمدلله رب العالمين هي انهت الموضوع بنفسها

تدرون كيف ؟؟

غارت ايه والله انها غارت مني

تأكدي يا اوليه يا اولى امرأه عاشت مع رجلها واول مرأه حسسته برجولته

انها تغاااااااااااااااااااار لدرجة انها ودها تقطعك تقطيع هههههههه

لا تغارين منها

والله انها تغار منك على الذكريات الي مخزنتها بعقلك طول هالسنين انتي وياه

والله انها تغار على شبابه الي قضاه معاك انتي مو معها

والله انها تغار لانك اول مرأه مارس معها العلاقه الزوجيه

تغار لان اسمك اول وحده بدفتر العائله ههههه

تغار لان حتى بعقد زواجها مكتوب انك موجوده موجوده موجوده رغما عن انفها في حياته

يالله قد ايش حنا محظوظات

لكن كل شي يبي له صبر

وان الله مع الصابرين

ابتدي تفائلي ...

نصيحه للاخت مرجوجه

ان جاك زوجك كوني بأتم الاستعداد لاستقباله ولاحتوائه

اياك تبكين

هللي فيه وسلمي عليه

وخليك طبيعيه

وكأنه يوم عادي بحياتك

اعملي حلا وقهويه

وسوي الواجب افااا عليك هذا ابو عيالك

حطي على نفسك بالاول وصدقيني بيجي اليوم

الي هو بيحط على نفسه لإسعادك

بكره بتجيب سيرتك بالطالعه والنازله وتقعد تغير

انتي اعتبريه ما تزوج

لو ان شاء الله يغيب ايام كل ما يجي هللي به واحتويه

والله لو كان يبيها ملجئ ليرجع لك لانك تحتوينه

ابد ابد ابد لا تغارين منها قلت لك اساسا اعتبريها مو بحياته

وان جاب سيرتها قولي له كل بيت له اسراره رجاءا ما ابي اسمع

والله يسعدكم مع بعض ويسعدني معك انا راضيه واتمنى انك تحاسب على شعوري

وبس وصدقيني هو بيحترم نفسه وان جاه اتصال منها اطلعي من الغرفه لكن استأذني قبلها قولي ابروح اجيب قهوه اعمل لك شاي بشوف العيال اي شي

بس لا تطلعين وانتي مدرعمه عشان لا يفسرها انك ميته من الغيره

خليك طبيعيه

اما سؤالك يا اختي

متى راح احس بالراحه من هالاحساس

سبق وذكرت لك ان كنتي انتي تقدرين تشيلين نفسك

يا اختي صدقيني محد راح يقدر يغيرك الا نفسك

قوي ايمانك بالله غيرنا قدر ليه مو انا وله انتي ما نقدر

غيرنا رضى بقضاء الله وقدره

واحنا كمان ان شاء الله بنكون راضيات بالقسمه والنصيب

راجعه بس تعبت اليوم

احاول بكره ان شاء الله اكمل ان الله كتب

وان ما قدرت اعذروني لبعد بكره ان شاء الله

وادعوا لي بالستر والعافيه في الدنيا والاخره ولجميع المؤمنين ان شاء الله

 

[ام شوشو22]

ماشاء الله
الله يثبتك اختي ويكثر من امثالك

 

[وفية زمن]

اسال الله الذي قال وقوله الحق ادعوني استجب لكم ان يكتب لك الاجر العظيم في الدنيا والاخره ويرزقك من خيريهما

وكل زوجه مسلمه صابره محتسبه لما عند الله من اكبر جائزه الجنـــــــــــــــــــــــــــــــــه

(اللهم انا نسالك رضاك والجنه ونعوذ بك من سخطك والنار)

*تذكرت قول الامام الشافعي (( حينما علمت ان رزقي لن يأخذه غيري اطمئن قلبي ))


كلامك بلسم ودواء شافي لااسقام القلوب العليله كم من الاجر بإذن الله ستجنينه على كلامك الذي بمثابة الطبطبه طبطبة الام على ابنتها التي احست مافي صدرها لاحرمتي الجنه وجميع المسلمين والمسلمات الاحياء منهم والاموات

انه الولي والقادر على ذلك وصلى الله على اشرف الخلق حبيبنا محمد عليه افضل الصلاة والتسليم ~

 

[M!SS BEAUTY]

يا الله
ذكرتيني مرة كنا نسمع عن تعدد الزوجات في الراديو واحنا في السيارة قام يضحك ويقول شو تقولين فيني يا ام فلان لو تزوجت عليك بكون عادل بينكم
قلته لا طبعا
قال كيف لا
قلت لانك بتميل صوبي اكثر من الثانية فكيف بتكون عادل
قام يضحك وقال افحمتيني بهالرد
صدق الرياييل يحاولون يجربون اي طريقة لمعرفة ردود فعل المرأة قبل الاقدام على اي موضوع خطيييييييييير مثل هذا
الله يكون في عونج ويقويج ويصبرك
آآآآآآمييييييييييييييييييييييين

 

[smy]

انا الحمدلله مو متزوج علي ... لاكن مايمنع اننا ناخذ دروس تعرفين الدنيا تخوف

الله يجزاك خير ويجعل هذا الموضوع في موازين حسناتك

 

[برد الفؤاد]

أسأل الله العظيم رب العرش الكريم أن يزيل همك ويفرجك كربتك ..
وأن يرد لك زوجك ردا جميلا وجميع الزوجات المغدورات يارب يارب يارب..

 

[يارب اغفر لي]

الله يفرج همك ويرد لك زوجك ردا جميلا
ماشاء الله عليكي عاقله وتفكيرك منطقي
الله يسخر لك زوجك كما سخر الله لموسى البحر

 

[طايرتن بوهتي]

¤¤¤

اختي كلماتك بلسم شافي لكل مجروحه ودواء

انا لا اعلم هل هو متزوج ام ? ” الوساوس تقتلني والسكوت خير لي
لاني اخااف ان يكون ا?مر حقيقه

لكنك قلتي ان هناك دلائل تدل على زواجه »
هروبه مني وجلوسه بالدوام الى وقت متاخر حتى انه مايجي يتغدا ويذهب بعدها االى ا?ستراحه على حد قوله.

العلاقه الجنسيه احس انه يؤديها لغرض تمويهي

احياننا يصبح متعكر االمزاج ويصب غضبه على اتفه ا?سباب فيني


والله اني ماسكه قلبي وخايفه لايكون مسويها باالسر او مسيار

وبليس يلعب براسي \:

 

[جروح الروح]

الله يعينج يارب

 

[هامه العز]

قسم بالله احس ان كبدي توجعن وانا اقرا كلماتك احس بنار دااااااااخلي حطيت نفسي بمكانك
لكن قولي اااااااااااااامين
الهي السموات والارض رب العرش العظيم
الحنان المنان الحي القيوم انه يرجع لك زوجك وتبقييييييييين وحيده بحياته ومايشاركك احد فيه ويسخخخخخخخره لك ولعيالك ويشوفك اجمل نساء العالم وتشغلين باله وتفكيره وتصيرين كل شئ بحياته ويسعدك ويوفقك دنيا واااخره ويقر عينك بعيالك وزوجك ويفتح لك ابواب الرزق والهنا ويعينك على الطاعه والصلاح ومايجعل حاجه بنفسك الاقضاها ولاذنب الاغفر لك وطهرك منه
ويختم لك بصالح الاعمال ويرزقك الجنه وكل خواتي المسلمات


والله لايجيب الساعه اللي يتزوج فيها زوجي

 

[ام حمودي111]

ماشاء الله تبارك الله بالفعل كل وحدهمتزوج عليها زوجها تحس بمثل هذا الشعوروالناس في زماننا هذا ما ترحم اسأل الله العلي العضيم ان يرزقني والاخوات جنات النعيم افضل من الدنيا وما عليها

 

[متفائلة باأحلى]

يامشرفات ثبتوا الموضوع
عزيزتي كنت أحلم أسال الله في علاه في هذة اللحظات المباركة والساعة المجابة ان يجعل ماجرحك برد وسلاما على قلبك وان يأجرك على هذة المحنه ويعوضك مايثلج قلبك من خيري الدنيا والأخرة
انازوجي خانني وصديق عمره متزوج 3 يعني الفكرة حاظره بخاطره مررت بجراح كثيرة كثيرررررررةولكن اقنعت نفسي هذا الأنسا ن سأحرص على حسن التبعل له واطيع ربي وارضي نفسي بقوتي في عدم ضعفي امام الصدمات ولكن ان سمعت انه تزوج فبقرررريح مايستحق اتحسر عليه وهوجرحني وتنزل دمعتي دمعتي لانها عزيزة علي وانا عزيزة نفس يجرحني ويطعني بكبرئائي واقوم اولول عليه عز الله مايستاهل وقفت الدنيا عليه لا والله الا اعيش حياتي واستمتع مع اطفالي وافتك شوي من المسئولية نقاااهة اهتم بنفسي واشتغل عليها لراحتي وانشغل فوووق كل هذا بمن هو اعظم منه ربي جل في علاه
صدقيني الي جربت مرارة الخيانة او مجرد مشاريع الخطبة عليها تجي من الله يربط على قلبها وماعاد تفرق معاها والي يبدل ويبيع عشرتي بريال ابدله بهلله واشتري راحة نفسي وكأن ماصار شئ والحمدلله من قبل ومن بعد فما من نعمة نتمرغ فيها ورابطة جأش فمنه تعالى فله الحمد حتى يرضى يسعدني تواصلك.

 

[بحر الجواهر]

اسئل الله العظيم ان يجبر كل من صابها الهم والغم

 

[شربة من زمزم]

الله يسعد قلبك

ويعوضك جنات عدن

لي عودة لتكملة !!

 

[الامل المكلوم]

لا حول ولا قوة الا بالله..........

الله يفرج لنا ولك يااااارب

والدنيا ماتستاهل.......

 

[شامخه غصب عليك]

ياعمري والله اني اكتب ودموعي تسيل انا تزوج علي زوجي وقهرني قهر مايوصف والله العضيم ياما عانيت وبكيت وصحت يوصف زوجته لي ويقول كل شي ويقلد حتى حركاتها مع العلم اني احاول اني ماابين له غيرتي بس هو يسمع ان الحرمه اذا تزوجت عليها تئدبت ويطبق علي والحين الحمد لله كل شي انتها وكل واحد راح بطريق طلقها والحين انا ابرفع عليه قضيه بلمحكمه عشان يطلقني لانه رفض وتراى ماطلبت الطلاق عشان انه تزوج علي لالسبب ثاني
والله ماتدرين وشلون اثربي موضوعك و هيض جروحي الدفينه اااااااااااااااااااه ه ه ه ه ه ه الله يعين ويخلف لي خير منه قولو امين وبعد ابوي متزوج على امي وذقت المراره مرتين الله يسخر لنا جميعا ولكل من شاركت وواستنا ولو بكلمه اختكم شامخه غصب عليك