خلاصة تجربتي من زواجه علي ونصايحي للزوجات الاوليات (زوجات ناجحات)

[كنت احلم]

غالياتي ادري اني بين فتره وفتره انزل موضوع

استشيركم بالنسبه لزواج زوجي او بالاصح خيانته لي بعدين زواجه علي

شفت كم موضوع للاخوات تقول زوجي ملك وزواجه قريب

زوجي تزوج وسافر وش اسوي بإحساس المراره الي احس فيها

ووحده تقول ظلمني واخذ مني راتبي

والله احس ان كلامكم كله كله من اوله الى اخره بالموضوع كأنه يمس احساسي

والله ان محد يحس بالشعور ذأه الا الي مر فيه

ياما وياما قريت عن مواضيع زواج الزوج على الاوليه

وكنت احزن لحالهم لكن سبحان الله مو نفس الشعور الي احس فيه حاليا بعد ما جربت

الي تسأل تقول يا تراا هل بيظلمني بعد ما صار عنده وحده جديده

بقول لها نصايحي الي مشيت عليها على حسب نصايحكم وبرضوا افكاري الي طبقتها وريحتني مره مره

ومن هالنصايح قدرت بفضل الله سبحانه وتعالى اني اكون مو بس الاوليه الا الأولى بحياته زي قبل

بس قبل كل شي ابي اقول بعض الامور الي لفت انتباهي قبل ما اكتشف زواجه

اولا لو كنت ما دريت ومشى كل شي زي ما كان هو مخطط له ان يكون زواجه بالسر كان اريح لي نفسيا

ثانيا لو ما اكتشف لي زواجه علي كان ما شفت الدلال الي انا فيه ولا الاهتمام

لكن بكلتا الحالتين صعب

لو ما عرفت راح اعيش مغفله ونفس الوقت كان يظلمني لأن كنت الاحظ نظرة الشفقه بعينه لما يناظرني

ثانيا بما اني عرفت حسيت فيه ان بيسوي المستحيل بس ان ما يخسر بيته ويخسرني ويخسر عياله وبالتالي يسوي كل جهده عشان ما يحسسني بالفرق ابدا ما شاء الله تبارك الله

لكن هيهات القلب المجروح ينسى الخيانه الزواج شي والخيانه شي ثاني

حتى مع الدلال والاهتمام صرت افكر واربط الامور قبل زواجه وش صار

خصتا ان خيانته لي كانت مدتها سنتين واعتقد هالمده كافيه ان الواحد يفكر يا تراا كم موقف مر علي وهو ظلمني عشان عنده عشيقه

يا ترااا كم مره احتجت لعاطفته وهو للاسف ما عاد بقى كلام حلو ما قال لها وما له خلق يكرر ببيته نفس الكلام

راجعه لكم جتني ضيفه ابكمل ان شاء الله انتظروني

 

[أم بشورة]

بإنتظارك

 

[لهفة الأنفاس]

كملى ولله يربط على قلبك

ما اخذنا من الرجال غير لهم ولمرض

 

[كنت احلم]

اولا سواء العلاقه المحرمه والخيانه

او الزواج المسيار

هذا ما لاحظته من تغير وصدقوني مهما يكون الانسان ذكي اقصد الرجال طبعا

راح تحس المرأه اكيد لا محاله مهما يسوي مو معقوله ان بيكون نفس الانسان والشخص الي عرفتيه

ما ابي كلامي يدخل الشك بقلوبكم

لعل بعض الازواج يتغير من مشاغل عمله او غيره

لكن حس المرأه اكيد تعرف الامور الحساسه الي ممكن يتغير فيها

مو شرط ان تحسين فرق بالعلاقه الجنسيه يمكن عنده عشيقه بس ما وصل لدرجة العلاقه الجنسيه معها

ممكن حتى ان يكثر من علاقته الجنسيه معك لمجرد ان يطلع معها او يقابلها ويتحمس لكن ما يقدر يسوي شي معها

فيجي البيت ويطلع غريزته معك

ما ابي اتعمق اكثر لعل بعض الازواج ممكن وقت العلاقه الزوجيه يتخيلون انك انتي هي بس طبعا خياليا عشان يشبع رغبته الجنسيه بتجاها

اتمنى اني ما تعمقت كثير ولا ابي اشرح كثير

اما ان كان وصل معها لدرجة الخيانه الجنسيه

يقل تدريجيا مع الزوجه اكيد انه مو طرزان

حتى الزوج الي يكون دايما فيه رغبه اكيد راح تحس الزوجه من الكميه والعدد المرات ان فيه تغيير

انا لاحظت وكثير من الي دخلت مواضيعهم وكانو نفس حالتي

لما كنت اسأل يقول مشاغل الدنيا ضغط العمل وووو

الشي الثاني

دائما يشوف له ملجئ خاص فيه بالبيت يبعد عنك بطريقه غريبه

خصتا ان كان متزوج بالسر

خايف من اختلاطه معك بشكل مريب

خايف ان يطلع منه كلمه ويفتح الموضوع معك

خصتا ان فيه طرف ثالث بالتأكيد ضاغط عليه ويبي يطلع للنور ويعيش حياته حالها حالك الي هي الزوجه الثانيه

مع ضغطها المستمر يحاول يتحاشى جلوسه معك

يتحاشى الاختلاط

ونفس الوقت يقعد يفكر يا تراا كيف افتح معها الموضوع

بعض الزوجات حلاتي

تجي عاد هي تدخل عليه وتحاول قدر الامكان تستقصي عن حالته وتغيره

عسى ما شر طيب افتح موضوع نتناقش فيه زي زمان

اي كلام بس تبي تدخل بعالمه

وقتها لاحظت ان يلف ويدور ويلف ويدور

ويتكلم عن تعدد الزوجات

يتكلم عن الزوجه الثانيه لصديقه لاحد من قرايبه لشخص يعرفه معرفه سطحيه

بس يحاول ان يقيس النبض قدر الامكان

طبعا هذا اذا كان يهمه شعورك

اما البعض يالله والله ما ادري وش شعور الحرمه الي يدخل عليها زوجها

ويقول لها تراني ملكت

وله بتزوج وعندك خيارين لا ثالث لهم

بيت اهلك او بعدل ما بينكم

هذا معناته بايع بايع ويبي له شغل كثير عشان يرجع زي اول

او ان يمل من حياته الجديده

او ان زوجته ما تكون شاطره وقتها بيرجع لا محاله

ما اقصد بالرجوع ان يطلق

لا يمكن ما يطلق زي حالتي مثلا او حالة الكثير سواء يعدل او لا يعدل

بس الاهم ان يحس بقدرها ويرجع بيته وهو يحس بالفرق الشاسع بين حياته القديمه الهادئه الي بناها وتعب عليها وجاهزه الآن لراحته

وبين حياته الجديده الي لسه بينهم مشاكل بعدم التفاهم بسبب انهم شخصين ارتبطو ولسه كل واحد ما فهم الثاني

او كل واحد يختبر الثاني ومدى صبره

اما ان كانت الزوجه الثانيه انسانه داشه حرب وتبي هي الي تربح ولها مكايد

فهذا يعني انها راح تكون وبتكون رغما عن الجميع ان تبين له انها انسانه مسالمه صابره

تحبه تضحي تسوي له ليالي الف ليله وليله ولا كان يحلم فيها

وبالعكس بتسأل عن حياته القبليه وان كانت سابقا عشيقته فتأكدي ان بيكون عندها معلومات وافيه عن حياتك معه

بتسوي الاشياء الي تسعده والي ما كان عاجبه فيك بتتفاداه

لكن هيهات ابصم بالعشره

ان القناع ما راده الا بيطيح بالنهايه

لان الصبر ماله حدود

لكن التمثيل له حد معين وبتمل لو ان شاء الله تصبر سنين

لكن برضوا خلال هالسنين كم راح تخسرين انتي من صحتك ونفسيتك الله العالم

راح اقول لك كيف تكونين اشطر منها والله اني كنت بموت من البدايه من الهم

لكن الآن صحيح اني مجروحه لكن ما افتح فمي قدامه

لكن بالعكس ابين له العكس تماما

وهمسه بإذن كل زوجه اولى

تراهي كمان انسانه تحس وتنجرح وتغير

فتأكدي انها كمان تموت باليوم الف مره يوم الي هو عندك

انتي بيكون عندك اسباب لصبرك منها العشره والعيال والبيت الي تبين تحافظين عليه

والذكريات

اما هي ما عندها شي فاضيه وتتمنى بس ان يجي يومها بسرعه بسرعه

عندك اسلحه كثيره تقدرين تحاربين الوضع الي انتي فيه بس اشوي اشوي راح يرجع لك قوتك وتحسين بكل نقطه ممكن يعطيك قوة للصبر

راجعه اخياتي ..

 

[مرجوجه ع الأخر]

كملي حمستيني بالمره زوجي له اسبوع متزوج علي ولا شفته ولا اتصل فيني وحالتي الله يعلم فيهااا

 

[نور1199]

بانتظارك

 

[كنت احلم]

شفت موضوعك يالغاليه

واني ما كتبت الموضوع الا لك ولعيونك ولعيون كل من خانها وله تزوج عليها

اقسم بالله اني قريت موضوعك وردودك الين اخر صفحه وانا اقول يارب ان يصبرها

يارب ان يربط على قلبها ويبرد على قلبها و توقف على رجولها

ابيك تفهمين شي واحد من موضوعي

انك مو لحالك خواتك معك الي بنفس حالتك

انا تعرفت على زوجات اوليات كثار ما شاء الله

وما شاء الله الله سخرهم لي

لولا الله ثم هم كان ما قدرت اني اوقف زي قبل الا اقوى من قبل

خلك قويه وتابعي

وصدقيني ما راده الا بيرجع احلى من قبل

وانتي الي تستفيدين شوفي مواضيعي السابقه

راح تعرفين ان حالتك احسن من حالتي بكثير

ومقدار جرحي اكثر منك

ما اقلل من قدر جرحك لكن

تعلمي ان كل واحد يقرأ او يسمع هم غيره تهون عليه مصائبه

واي شي تراني بخدمتك والله ان اليوم تمنيت انك جمبي واحضنك وانسيك همك

لاني مريت بمرحله حسيت اني منهاره ولا لي احد زي ما قلتي انتي

حسيت بغربه بوسط بيتي

كرهة كل شي واي شي

كلنا حسينا نفس شعورك لكن كل مشكله لها حل

 

[وريفو]

كملي الله يريح قلبك ولاتخلين الزوج كل همك.

 

[مازال عندي امل*]

الله يقويك

صحيح ان مو متزوج علي لكن ما ادري موضوعك شدني

رغم احساس الحزن اللي بين الكلمات والاسطر

جبر الله كسرك ورزقك السعادة بالدنيا والاخره

 

[عاليه الصيت]

كملي بأنتظارك

 

[ginger]

موضوع جميل بانتظارك

 

[vdhq]

الله يقويك

بانتظارك

 

[غروري عزوتي]

الله يخليكي كملي انا اتزوج عليا وكل يوم ادمر شكل وربي شعري صار يطيح ويجيني الم في راسي مارتاح الين استفرغ وباخد حبوب نفسيه وتعبانه مرهواحس اني بانتهي رغم اني جميله ونحيفه بس ماستفدت شي اتزوج مغربيه الله يكافيهم حسبي الله ونعم الوكيل فيهم يارب

 

[مرجوجه ع الأخر]

تسلمين يا الغاليه احيانا تحسين انك لك اخت لو ما شفتيها ولا سمعتي صوتها ومن قريت ردك علي دمعت عيوني عشان احساسك فيني والله ورفعتي من معنوياتي يارب وفقها واجعل لها من كل هم فرجا ومن كل ضيق مخرجا ابي اسألك متى اطلع من الي انا فيه متى يكون الموضوع عادي

 

[البعد همي]

ربي يسهل اموركن ويبرد على قلوبكن لاتجعلن الرجل اكبر همكن وقارنن مشكلة التعدد بالاشياء الكبيره وبتهون مثل لاسمح الله مرضخطير او فقدان غالي لاسمح الله وصدقوني بتحسون انها دنيا وبتمر

 

[الزوجه الاولى]

حبيبتي كلامك صحيح ما يحس بنار الي في قلوبنا الا الي جربها اسال الله العلي القدير ان يصبرنا ويمسح على قلوبنا ويرد الينا ازواجنا ردا جميلا ويجعل همنا في طاعته ولا يكون الزوج هو همنا حبيباتي عليكم بدعاء الدعاء الدعاء والاستغفار فمع الايام سوفهتشعرون بلذت الطاعه في جميع امور الحياه

 

[المــهــا]

الله يفرجهاا علي وعليكم وعلى كل المسلمين يااحي يااقيووم

والله لقعت الزوجه الثانيه بالقلب وماتنسي حسبي الله الذي لاإله الا هو عليه توكلت وهو رب العررش العظيم

يارب يارب يارب يفرحناا برجعة رجالنا للأحضانا احسن من اوول وربي يسخرههم لنا ويسخرنا لهم ويبعد عناا كل الشررر وكل عدوو وحسوود ياحي يااقيووم

يارب يارب يارب اجعل لنا من كل هما فرجا ومن كل ضيق مخرجا ومن كل بلاء عافيه وارزقنا من حيث لانحتسب
يارحم الراحمين رد لنا ازواجناا ردا جميلااا وسريعاا برحمتك ياامغيييث

 

[جسدبلاروح]

الله يفرجها علي وعليك وعلى الزوجه الولى وكل وحده حست بنار الزوجه الثانيه جعل نارها بردا وسلاما علينا وارادهم الله لنا بحوله وقوته هو القادر على ذلك
الصبر الصبر لصبر والله والله ان فرج الحي القيوم قريب بمشيته عزوجل

 

[كنت احلم]

يالله قد ايش فرحانه من دعواتكم الطيبه

اللهم آمين لكل دعوه دعيتوها لي ولكل اخت فيها هم وضيقة صدر

............

من علامات الخيانه او الزواج بالسر

راح اكمل

لأن اشوف المنتديات مليانه اسأله كيف اعرف زوجي متزوج علي ؟؟

كتبت نقطتين بالنسبه للجنس وكمان انه يلتجئ لركن خاص فيه بالبيت عشان ياخذ راحته ويمكن حتى يتكلم معها او يرسل لها ويتواصل معها واحيانا لمجرد انه يكون بعيد فهو يحس بالامان ويحس ان سره محفوظ

لكن للاسف

المرأه مثل ما تربي اطفالها هي نفسها حافظه اسلوب زوجها وطريقته بالحياه معها بالبيت

لو ان شاء الله تكون معه سنه وحده فما بالكم بالعشره الي تمتد لسنين طويله حلوه ومره وحنا صابرات

النقطه الثالثه الي ممكن يثير الشك

اهتمامه بنفسه

لاحظت زوجي انه يهتم مو بس شكليا الا جسديا

مثل حلاقة المنطقه .... كل ثلاث اربع ايام

مثل انه يسجل بنادي صحي عشان يبي يخفف من وزنه

وصار يتمقل بروحه كثير يا تراا يا ام فلان كبرت

يالله طلع لي شيب وانا لسه ببداية الثلاثينيات

بعدها عاد يبتدي ...

يرجع لك ويحط حرته فيك

طبعا عشان يحصل له على اعذار لخيانته

يكسر ثقتك بنفسك

ليه جسمك كذا ؟؟

ليه انتي مو طويله ؟؟

ليه يطلع لك شعر بسرعه ؟؟

ليه ما تستشورين كل يوم ؟؟

ابقول لكم على شي ....

اياك واياك تكسرين احلى شي فيك

ثقتك بدون هالثقه ما تقدري تعيشي بوسط مجتمع ما يرحم

بدون الثقه عمرك ما راح تقدري تربي عيالك على الثقه بالنفس عمر الانسان ما يقدر يعطي شي وهو فاقده

هو اساسا ما قال هالكلام الا لأن شاف شي غير عن الي متعود عليه

واحد العشيقه عمرها اكيد ما راح تقابل الروميو تبعها الا مستشوره

لا عيال وراها ولا دين تحافظ عليه وش يشغلها الا الاستشوار والميكب

والموعد المحدد بينهم

اياك يا حبيبتي تحطين نفسك بنفس مستواها

انا اتكلم بالنسبه للعشيقه

اما الزوجه الثانيه هي توها باديه حياتها معه

اكيد راح تهتم بنفسها مثل ما كنتي تسوين انتي ايام بداية حياتك الزوجيه

بس ابقول لك على شي

عمرها ما راح تتم على حالها

ودوام الحال من المحال بالتأكيد

ما رادها الا بتحمل بتولد وان ما حملت اكيد بيحصل فتور بالعلاقه الزوجيه

يا حبيباتي الجنس هو الجنس ما فيه تغيير خصتا ان لو صارت العلاقه الجنسيه

لمدة طويله ما راح يحس ان هي هي نفسها الجديده العروس

مدري وش يقول المثل بس اعتقد لو دامت لغيرك كان ما وصلت لك ههههه

حبيباتي ابحثوا عن اي صورة لبنت جميله انتي على مقياسك الجمالي الي تشوفينه

ابحثي عن الجمال بأي صورة وقولي لنفسك اااااااااه اتمنى اصير نفسها

انسخيها وخليها على الدسك توب حقك

وتمقلي فيها ايام وليالي

صدقيني بيجي اليوم الي تقولين فيه

شكلها عادي جدا ما اشوف انها جميله

راح تملين من ملامحها راح تملين من جمالها وبيصير

عندك احساس بالشبع وكأنك حفظتي شكلها عن ظهر قلب

ما عاد يشدك عيونها ولا فمها ولا شعرها

الزوج هو نفس الشي حصل على شي جديد

عطيه فرصه يحفظ ويحفظ ويحفظ

اخر شي بتجي الفكره بباله

نفس الحكايه مع زوجتي الاولى تمنيت اجرب حرمه ثانيه

ونفس الشي ما عدت احس بنفس الاحساس ان الي عندي عروس جديده

تدرين وش الي يفرق عنده المعامله

المعامله الي مستحيل ينساها

من هالنقطه ابتدي ابني حياتك معه

المعامله الطيبه الي ما فيها ذل لك كإنسانه

اياك يا حبيبتي تحاولين انك تبينين له اني أعاملك كذا عشان ارجعك لعشك وترجع لي

لا حبيبتي عامليه معامله طيبه والسلام وخلي نفسك طيبه معاه

وان حصل ودك تسوين لك ليالي رومنسيه وحركات وكنتي من النوع الي ما اهتميتي فيه من قبل من هالناحيه

انصحك تتريثين اشوي مو بعد زواجه مباشره

انتظري مده طويله اشوي عشان ما يجي بباله الفكره الي سبق قلت اياه

اما الاهتمام بالنفس

اهتمي بنفسك وتكشخي بطريقه ناعمه مو مبالغه خليك ناعمه بكل شي بلبسك وبمكياجك

وحاولي لما يمدحك تقولين له شكرا وهذا من ذوقك , وتراني قررت اني اهتم بنفسي اكثر لاني سعيده واستاهل اني اقدم لنفسي الافضل دائما , خلي راسه يفتر على كلامك

لا تقعدين تولولين وتبكين و كل حركاتك المأساويه اتركيه على جنب خلاااااااااااااااص ما عاد ينفع

طاح الفاس بالراس

والله ان لو الوحده منا لا سمح الله يصير فيها شي

ما راح يأخر ولا يقدم شي

هو ما خطى هالخطوه الا وهو مصمم ان يبي يجرب

اجل وش يقولون عليه الناس

مو رجال , ما قدر على بيتين , ما قدر على رغبات هذي وله ذيك , جيبه ما كفاه

تراا الرجال يفكرون كذا

ممكن يطلق عند اول مشكله لما يكون زواجه بالسر

لكن دام انتي عرفتي اكيد ما راح يطلق بسهوله

لأن ما يبي يرجع وهو حاط تحت كلمة ذليل مليون خط

اكيد راح تقول ايه الآن عرفت قدري

ايه غلطت غلطت عمرك

ما يبي يكون بالموقف هذا

يهون عليه يشوفك تمرضين تبكين تهملين عمرك وله يوصل لمرض نفسي وجسدي وتكونين طريحة الفراش الله لا يكتبها على احد ان شاء الله

ولا انه يفكر يوم من الايام يجرح كرامته كرجل ...

لأن معظم الي يشوفونه الآن بياخذونه قدوه

وكل واحد يقول له ايه يا معدد اكيد مرتاح واكيد مدلعينك زين ما زين

وهو طبعا نافش ريشه

هذا هو عالم الرجال والفحوله بالنسبه لهم

الدليل على كلامي ان الواحد ما يفكر بالزواج ولا يفاتح زوجته

الا لما واحد من زملاءه تزوج على زوجته ام عياله يمكن هذاك عنده سبب

بس لمجرد ان يعرف انه تزوج معناته هااا تراهو رجال ويفكر فيه بطريقه غريبه ويشتاق لايام العرس والدلع بداية الزواج

نفس ما المرأه تشتاق للامومه وودها انها تخلف بعد ما عيالها يكبرون

ابيك تعرفين من كل كلامي الي قلته

تراااااااااااااااك ما فيك اي عيب

ولو فيك اي شي هو قاله

ترااا لا تتوقعين الي ماخذها بيكون فيها كل شي كامل

لا والله الانسان لو وش يكون

لو طالعه من احسن البيوت تربيه

لو كانت من اجمل الجميلات والكل يشهد لها

ترااا الانسان لازم يكون فيه نقص

راجعه غالياتي

 

[رنودة**]

الله يصبر قلبك حبيبتي ويثبتك