من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك
آشتركي معنا الآن !ѕωєєт ℓσνє;3428583 قال:مشكلتج حبيبتي محصورة في ضعفج .. الضعف عمره ماكان طيبه او حنان ... كلنا طيبين بس مانرضى احد يذلنا او يهيننا او يقلل من قيمتنا .... انتي للأسف تنازلتي عن حقوقج من اول مره .. ماقدر الومج أكيد ماعندج خلفية عن الزواج او الرجال .. وكنتي تتصورين ان الزواج مثل الي تشوفينه في الافلام او القصص ...
ترى البنت الضعيفة يشمئز منها الرجال وعمره مايحس بشي صوبها .... تبينه يحبج ... كوني قوية .. ترى الدنيا ماتوقف عليه .. ولاتركضين وراه بهالصورة المهينة بالمسجات والمكالمات .. لاتحسبين مسجاتج او مكالماتج بتحنن قلبه او بيحس فيج الا بتزيده نفور منج وكره ... صدقيني والله ..خليه يحس انج تقدرين تستغنين عنه وانه هو الخسران.. ولاتقعدين تحنين على سالفة الطفل او الخدامة .. طريقتج فيها تسول له.... الحين هذول اهم من قيمتج واحترامج ؟؟؟؟ اطلبي الإحترام والتقدير اول شي منه ومن اهل بيته ... وخليها اهم شروطج و بعدين اطلبي الي تبينه ... وانا ابي افهم ليش انتي تصرين على موضوع الأطفال وهو للحين ماستعدل معاج ويعاملج بهالطريقة ..ترى اذا ماغيرتي من نفسج وصرتي قوية راح تعيشين بمعاناة اكبر وانتي عايشه معاه مع طفل .... حتى راتبج ليش تعطينه .. مو هو عامل نفسه رجال وانه البطل .. خلاص هذا دوره في الحياة ... اذا اني مجبورة تغسلين هدومه وتطبخين ... خلاص هو مجبور يشتغل ويصرف عليج ... لاتعطينه ولا فلس ولا ريال من راتبج .. راتبج لج بروحج دلعي نفسج فيه ..
لازم تتعلمين شلون تاخذين حقج وتفرضين احترامج على غيرج هو او حتى امه ... مو من حقها تعاملج بهالطريقة ... انتي بنت ناس .. مو مقطوعه من شجرة .... وحتى لو ماكنتي مرتاحه بيت اهلج .. لاتحسسينه بهالشي وان خليتيه يعرف .. خلاص دووم حسسيه ان سبب عدم راحتج في بيت اهلج هو لظروف بعيدة كل البعد عنهم .... وخليه دووم يحس انه وراج اهل تحبينهم ويحبونج وبيتهم مفتوح لج اي وقت ....
لاترضين على نفسج ... انتي مو مجبورة يصحيج من النوم عشان امه ... انتي مو ملزومة فيها .. وهالشي مو من حقه ... قولي له امك على عيني وراسها احترمها واحبها لكن مو بهالطريقة ... تعلمي شلون تردين عليهم باحترام وبقوة ....
حاولي تتعلمين من المنتدى
اذا بتمين جذي عمرج ماراح ترتاحين صدقيني .... ادعي ربج دووم انه يعطيج القوة والثقة .. واستغفري واقري قرآن .. والله يصلحج ويهديج .. واتمنى من ربي يصلح حاله ويسخره لج .. :icon26: