يوم خطبتي لم اعرف ما البس ولا كيف اسرح شعري ولا مكياجي . . . كنت احتاج الى مساعده ليت لي اخت تكبرني تساعدني , , , يا الهي ما اجمل هذا اليوم .. . .. امي بعثت الخادمه : ماما يقول انتي الحين ينزل يالله , , , نزلت و قدماي ترتجفان سلمت على ام حمد و اخت حمد و جلست بقمة الهدووووء ولا اتكلم الا عن طريق هز رأسي فقط كنت خجولة جدا , , , و تم الموضوع على خير . . . امي : شكلهم ناس زينين و شايفين خير اشيبون فيج ؟ ؟ :crazy: انا : يمه اشفيج من صجج انتي مستكثرتهم على بنتج قالت : لأ بس انا اتوقع لو يسألون عن ابوج يهونون ولا يرجعون بعد مره ثانية ....
سكت و قلقت و لكن امي بحكم انها لا تكلم ابي قالت لخالد ان يقول لأبي . . و ابي رفض من دون اي مبرر . . . فقط لأ . . اخي سأله لماذا ! قال من وين يعرفها و وين شافها اكيد بينهم شي و طعنني بشرفي و قال يمكن اختك حامل اعوذ بالله كل ذلك لأنه زميل دراسة و لأننا ناس على قد حالنا و عايلته احسن من عايلتنا فأكيد في ان ولا اختك من يبيها !!!!! لا حول ولا قوة الا بالله . . . طبعا هذا علمت به لاحقا لم تخبرني امي عن شيء كلما سألتها تقول : نطري لازم نسأل عن الناس , , , و في يوم لاحق اتصل حمد باكرا جدا بصوت مختنق : انا شفيني ترفضوني ؟ ؟ قلت : منو رفضك ؟ قال : اهلج ليش ما يبوني انا شفيني ( وسط ذهولي كنت افكر شنو صار متى كل هذا انا ويني و كنت احاول الاستيعاب ) قلت : حمد منو قال هالكلام ما صار شي ليلحين , , قال : امي اتصلت على امج و قالتلها الله مو كاتب و ماكو نصيب والله يرزقه ابنت الحلال , , ,, انا : اوكي دقايق بس افهم من امي و ارجع اكلمك . . . ذهبت الى امي كالمجنونه : يمه من صج انتي رفضتي حمد ! قالت : لأ ابوج ما رضى و قال و قال وقال انا وسط ذهولي و نحيبي ليش ؟ انا شنو ذنبي ليش تعاندون بعض فيني الله لا يحللكم حسبي الله و نعم الوكيل . . بكت امي و خرجت مسرعه الى المطبخ اريد ان اشرب ماء , , , رأيت ابي قال لي : ها تبكين على ال .... اللي ياي خاطبج ! ليش تبجين خايفه من الفضيحه ؟ قلت له : لو سمحت لا تكلمني و خاف الله انا انظف من مخك ما الومك انته ما تعرفني ولا ربيتني حسبي الله و نعم الوكيل فيك . . . قال : تدعين علي ؟ ؟ قلت : و ادعي على كل من يحاول يطعني بشرفي . . . اول مرة يذهب دون ان يضرب
كلمني خالد : قولي الصج بينكم علاقة قلت : من اللي براسك لأ قال : تحبينه ! سكتت و لم اعطه جواب . . . مسك كتفي و قال : انا طول عمري معاج و واقف معاج الا في هذي اذا تحبينه انسي تتزوجون و انسيه . . قلت : شنو هالمنطق اللي عندك ؟ قال : بس ولا كلمة روحي ابجي لين تموتين ماكو حبيبتي زواج لو على قص رقبتي . . . انا : خالد انت تقول جذي ليش والله ما بينا شي والله . . .قال : انا ما جذبتج بس ماكو حبيبتي انسيه , , , رجعت الى غرفتي بعثت هذا المسج : حمد انا اسفة انته ما فيك شي و الف وحده تتمناك بس الله ما كتب نصيب و صدقني مو عيب فيك والله الشاهد ما عليك كلام وانته عارف نفسك بس اللي الله كاتبه لازم يصير . . . . لحظات اتصل حمد لم ارد و لم ارد و ايام و لم ارد و مسجات و لم ارد الى ان رأيته في الجامعه .. .. ذابل الوجه نظر لي و انا انزل من السياره فقد كنا نقف في نفس الموقف لمدة سنتين عندنا تخرج كنت انا اركن سيارتي في نفس المكان لم اغيره ابدا الى ان تخرجت . . . . اتصل : الو انا مو مصدق كنت احلم بهاليوم من زمان ممو معقوله اللي صار ليش ما تبين تقولين لي السبب , , انا : حمد والله من غير سبب ليش اجذب عليك ! ! قال : مو معقوله ترفضوني شفيني شككتوني بنفسي اخاف احد متكلم عني بالشينه ظلم او سمعتو كلام مو صحيح , , ,قلت : لا والله و رجعت الى سيارتي و جلست فيها و انا احادثه في الموبايل و هو في سيارته . . . حمد خلاص هذا اللي صار و اهلي ما يبون و انا ما بيدي شي اسويه انا مجبورة انا بنتهم و ما اطلع عن شورهم . . حمد : من طلب منج تطلعين عن شورهم ؟ اقنعيهم حاولي ما تبين تعطين من نفسج شوي !! قلت : انته ريال و انا بنت و شوري بيد اهلي و الله العظيم خلني اروح البيت مافيني حيل احضر اليوم انا تعبانه قال : يعني خلاص , , قلت : ئي خلاص و بكيت و بكى لبكائي و هنا كان الفراق . . . .