والله قطعتي قلبي وما الومج. بس اذا انتي بجد بترتاحين اسمعي كلامي.تعرفين اتطنشين العالم كله ؟
طنشيه هو وياهااا. شتبين فيه.انسان وشفتيه بعينج يزني معاها وتحبينه؟ ليش هالاذلال لنفسج؟انتي محتاجه علاج نفسي,المفروض ماتروحين لها وتقولين لها يكلم غيرج . هي ما يهمها لو يكلم مليون غيرها لانه مو بدائرة اهتمامها. هي اهم شي عندها نفسها ووناستها. تزوجته يمكن عشان فلوس, او عشان متعه ....الخ وكل واحد فيهم عارف الثاني عدل وعرافين شنو يبون من بعضهم. انتي صرتي اضحوكه بينهم. مو شايفينج شي. انتي كشفتي اوراقج لها وانج تعبانه نفسيا منها . بينتي لها علاقتج معاها من خلال كلامج معاها يبين انج مو مرتاحه . عشان جذيه قامت تشتغل عليه لا صار عندج.
بعدين تروحين لزوجج وتقولين له طلقني وانتي مو قد هالكلام لييييييييييييييش فديتج؟ اذا انتي قد هالخطوه قوليها له . واذا انتي قصدج عشان تعرفين غلاج عنده شوفي حبيبتي اللي يحبج ما يجرحج. ياما حنا انجرحنا. انا وحده اخذت خط رجعه بحياتي من كثر ماانجرحت . كنت احط الجرح قدام عيني عشان ما انسى واذل نفسي. اذا انتي بنت حماد صج انسيه وحبي نفسج . لا تروحين لها ولا تدقين عليه حتى لو محتاجته خليه يبلش فيها. ولا تدزين له مسجات ولا تقولين له احبك . تدرين شنو تسوين؟ حبي نفسج اللي ذليتيها لهم. حبي عيالج . اذا جا عندج البسي قصير تحت العبايه واكشخي وقولي عن أذنك عندي مشوار مع صديقاتي بس ممكن تدير بالك على عيالك لين ارجع؟
ولا تقولين له وين تروحين وين تجين. واذا سألج قولي عندك بيت ثاني مو محتاجني. اذا جا عندج وارسلت له مسجات طنشي ولا كأنج سمعتي ولا تسألينه عنها ابد. اذا اتصلت فيه قولي لو سمحت كلمها برا البيت عندي لاااااااااااااااااااااااا. والا ترى مالك الا عيالك تشوفهم بالمجلس وانا مالك شغل فيني اعتبرنا منفصلين وما بينا غير العيال. وبعدين فديتج خلاص ريحي نفسج من الحمل الله يخليهم لج . زوجج يبي جنس ما يبي عيال. روحي سوي عملية تضييق. ولا تعلمينه. عشان مايروح يقولها. غيري اسلوبج بالكلام لا تصيرين حنانه. ونفسج في طرف خشمج من الهم اللي تشوفينه منهم. تدلعي البسي اشياء تبرز انوثتج. ولا تقلدينها بالجلابيات واذا قالج البسي جلابيه قولي غيري يلبسها ياحرررررررام لانه متان حيل ومايلبق عليه اللبس القصير والبنطلونات والسترتشات مثلي. وقولي انا اكبر من اني اقلد غيري. لاني انا الاحلى وانا الاصغر , واذا انت مو شايفني شي غيرك يشوف. اثيري غيرته . خليه يركض