انا اللي مسكت ريلي وعشيقته في العزبة

[نبضات زهرة]

الله يعينك و يصبرك يالغالية أبغيك تمشين ورى هالخطوات و ربي يعينك :
1 @ صلاة الليل و الإستغفار مهمة ضروري و الدعاء أكيد لك و له و لعيالك و اتركيها في حالها و الله ربي يسخره لك و أصلا أبغي أسألك لو دعائك وافق ساعة الإستجابة إيش تكون دعوتك : هل يا رب رد زوجي لي ردا جميلا و ألف بين قلوبنا و اجعل بأسنا على عدوك و عدونا ؟ أو الله يشيلها و الله يصيبها و الله ياخذها ؟
طيب لو راحت هي بتجي غيرها و الحريم ملي الديرة

2 @ اجتهدي على نفسك و اتعبي الله يكون في عونك و لا تحطين في بالك عشان تدمريها لا بالعكس خلي نيتك إنه زوجك و لازم ترضينة

3 @ ألبسي و اكشخي وادفعي في نفسك و غيري أطباعك و سوي زيها و أحسن سوي حنة و مكياج و جلابيات و خصصي وقت لعيالك لما يجي و قولي باقي الوقت لي و لك وحدنا خليه يلمس التغير ما عليك

4 @ اتركي النكد و لا تحنين عليه الرجال يكرهون الحنانة و اللي تاكل الراس و ما عليك اكسبية بالكلمة الحلوة و الصوت العذب و الله الزوج يكره البيت المزعج اللي تحن فيه الحرمة


5 @ لا تسمحين له يصرخ عليك أو يضربك أبدا أبدا أبدا إنتي في النهاية تملكين قلب و إحساس

6 @ أتركيها في حالها تكبري في نظره و اعتبري نفسك الوحيدة في قلبه و لا تقابليها حتى سواء في بيتها أو عند أم زوجك و حتى لو شفتيها خرجت مع واحد قدام عينك لا تتكلمين إلا عندك ما يثبت من صوت أو صورة لكن كلام على الهواء بتروحين إنتي فيها و حتى الشرع ما يقبل , و لو حصل ذلك ربك يعاقبها و ليس أنت

خليها هي تتعب و تفقدك و هي تجيك تتحرش فيك هذيك الساعة زوجك يقول إنتي المظلومة و الطيبة

7 @ استمري حتى لو ما شفتي نتيجة من البداية و اتوكلي على الله و اسأليه يعينك و أهم شيء أخلصي النية

الله يعينك ندرك إنك في ناااااااااااار و مواجهة النار بالنار الحرق بالعكس اطفيها قد ما تقدرين و الله يسخر لك زوجك و يبعد عنك كل مكروه

 

[بنت حماد]

بنات اناابي اطلع في اللي في قلبي
انا مهتمة في عمري وكله البس عالموضة ومافيني كرش شراتها
وهي تلبس جلابيات والحنا ماتفك من ايديها وميك اب اوفر خصوصا عيونها عمري ماشفت عيونها بدون ميك اب وريلي مايحب الميك اب الثقيل بس فيها كل شيء غير تنقلب الاية
وكله تشتري من نعومي وريلي مايخليني اشتري من هناك يقولي بلدي
احس مرات مسويتله سحر
والله اكرهها واكرهه

 

[يمنية ماركة]

الصراحة احس انج مول ما تستفيدي من النصائح الي قاعدين نقولج


من كلامج يبين انج مطلعة روحه بالزن والحنة

لاتحسبين ان نحنا مش حاسين فيج والله حاسين

بس اسلوبج هذا غلط

 

[بنت حماد]

شسوي يا يمنية ماركة
ماينفع معه الطيب ولا الغصب
عيالي كاسرين خاطري وماسكيني من ايدي اللي تعورني

 

[قمررى]

نفسي افهم تلاحقينه وتحسسينه انه مهم ليه وهيه ماالومها لو وثقت في نفسها زياده اعطيتيها اكبر من حجمها حبيبتي هي حرمه وعارفه نفسها وعارفه انك احسن منها في كل شي باخلاقك وبشكلك بس بينتي غيرتك منها بزياده طنشيه وطنشيها معاه وخليك ساكته واكتمي غيرتك وادا جاء اسبوعك بعدي عنه ولاتكثرين مشاكل وبيني ان وجوده زي عدمه وحسسيه انك مبسوطه سواء جاء ةلا راح صدقيني هي بتنقهر وبتبدء تدور وراك وبتفتعل المشاكل ولا تنسين ان ماضيها اسود وزوجك مااظن بيكون متمسك فيها ادا كانت راعت مشاكل تكفين سلميها دورك وانتي ارتاحي قصدي المشاكل والغيره والملاحقه صدقيني من كثر كلامك عنها حسستيه انها مهمه وفيها شي مميز

 

[ميميته]

اختي المشكلة فيج
الدين و الأخلاق ما لهم قيمة كبيرة عندج و الدليل فرحتج بالمهر و الألماس و تجاهل الشرب من اول ليلة
الي صار صار و الرمسة ما تفيد..
بس ما زلتي مب فارقة وياج مسألة الدين و الأخلاق! همج ريلج يرد لج و بس!
هي انسيها تماما بيتركها بس انتي لا تتكلمين فيها و لا تتحرشين ابها . تراها الطيبة الزينة حاليا انتي الي تسبينها
اذا طنشتي لشهور بيي وقت اهو بروحه بيفكر و بيشك بسلوكها المعفن.
انتي اشتغلي بنفسج و زيدي قرب من ربج واضح انج بعيدة
و ريلج حببيه في الصلاة
اقري مشكلة ام الغلام و كيف حولت بيتها جنة هادية يشتاق لها زوجها و ترك عشيقته و صار راعي صلاة
كله بالهدوء و التقرب من الله
زوجج صايع الله يهديه.. حلي هالمشكلة قبل ما تفكرين بالعشيقة.

 

[رجاء و أمل]

صبر جميل والله المستعان طالما انتي رضيتي ترجعي تعيشي معاه اصبري على كل مافيه وحاولي تكوني ذكيه وتكسبيه في صفك مو تتحرشين فيها وتفتني عليها عندو ترى ماراح يصدقك لانو عشقها لا يغرك الشكل الحرمه عمرها ماكانت بجمالها الحرمه بذكائها وتعرف كيف تخطف الرجال تعلمي منها شوفي هيا ايش قاعده تسويلو بدون ماتحس عليكي اسحريه بجمالك واسلوبك وذكائك واسحبي البساط من تحت رجلها وربي يرد لك زوجك

 

[قمررى]

عابره في الحياه الله يسعدك موتيني ضحك احسك دايما معصبه وما عنك يمه ارحميني بس يابنت حماد لا تسمعين كلامها كفايه المشاكل الي عندك بس طنشيهم وبس

 

[شذا الليل]

عزيزتي ليش تركضين وراه مب احسن لج لو عشتي حياتج من دونه اذا كنت تبغي اسم ريال تراه موجود لكن ما اتوقع انج ميتة عليه للهدرجة الي يخون مرة يخون ألف مرة والي يروح بالحرام مرة يروح الف مرة الا اذا رحمة من عند الله

ما تخافين ينقل لج امراض

عزيزتي عيشي حياتج واستانسي

الفرق بينج وبينها انها هي مطنشته وعايشة حياتها على الآخر ومرتاحة وانت ما راح تجيبين لج الا السكر والضغط من افكارج ومن كثر ما تفكري فيها وفيه

لو أنا منج بسجل في دورات تربوية وتعليمية وبثقف نفسي وعيالي وبروح وياهم وبطلع وبتفرج على الدنيا والله ولا تهمي نفسج

حاولي ترتقي باسلوبج شوي ترى برغم انج مظلومة لكن اسلوبج يضغط ويخلي الكل يبتعد عنج

نصيحتي لج تقومي افكارج

تقللي كلامج واحاديثج

تطنيشه ولا تتصلي فيه نهائيا لو ما اتصل شهر

اذا ما جا يبغيج لا تسألي فيه

اذا اهتم اهتمي شوي مب وايد وتاذا ما اهتم بيعيه بدرهم

اهتمي بنفسج وبعيالج وضحكي وياهم وعلميهم

اجلسي على النت واستكشفي وانسي انه لج زوج من الاساس

باختصار

انسيه

وراح يرجع زاحف على رجوله لك

تحياتي لك

 

[ميميته]

يالعابرة نصايحج حرام و تخرب بيوت
الحرمة تقدر تطلعها من حياتها بدون هالحركات الي تودي السجن و تاخذ اثم عليها
ما بتخسر آخرتها هي عشان عشيقة اصلا اخرتها اعوذ بالله

 

[الحيا طبعي]

حبيبتي انتي معطيته كل عقلك طنشيه عيشي حياتك الرجال مو كل شي ابدعي ابتكري خلي لك بصمه في حياتك اللي تركض وراء الزوج تتعب

 

[ميميته]

فيه تعليق مهم نسيته

عشيقته غلبتج في نقطة تعتبرينها انتي ضدها..
لبس الجلابية و المخورات!
هي استوعبت ان ريلج ابدوي و راعي بر
بالتالي بالنسبة له ما يشوف الجمال الا بحشمة و اناقة الجلابيات..و انتي كحضرية بالنسبة لج الاناقة هي بالسبور و الملابس الغربية بالتالي ابدئي بهذا الجانب
اذا يحب طقوس البداوة و الحنا و غيره تفنني.
و لا تنسي ان تقربيه من الله بالحسنى و الكلام الطيب و الدعاء

 

[ضوء القلب]

اهتمي بنفسك وعيالك بس واذا على اولادك الي زعلانه عشانهم اعتبيريه مسافر سفر طويل وتراهم صغار يعني لو فهمتيم انو مسافر ما يسببو مشكله حتى لما يجيلك اعتبريه جاي من سفر .
اشتغلي على نفسك وانتو اكييد عندكم دورات في فن الحوار وطرق ضبط النفس روحي وتعلمي كيف تكسبي نفسك وبعدين زوجك .
لا تعطيها اكبر من حجمها ولا تفكري تروحي لها لانها عارفه كيف انتي ضعيفه وتحبيه وهي قدرت تستغل هذا الوضع .

 

[ملكة بدون عرش]

زوجك يحب الثقل والدلع اثقلي مره مره مره جا يا هلا بس ماتهتمين زياده راح مع الف سلامه


حتى زوجته طنشيها عااااااااااااااااااااااااااااااااااااااااااااااااااااااادي



ولاتسوين ولاتزينين انتبهي لنفسك واهتمي بنفسك وعيشي لنفسك

 

[A انا احبه A]

اذا انتي بالامارات روحي عند الدكتوره ناعمه مادام انك تقولين حالتكم الماديه زينه ط

خلي عيالك عند مربياتهم وروحي عندها

هذا افضل حل

 

[طفلة الريف]

يا بنت حماد

انا مب متزوجه لكن انقهرت عليك ،،

ليه عايشه معاه للحين ، زوجك فااااسد معليش على هالكلمه وبعدين يا حبيبتي دامه نام معها قبل الزواج معناه انه زاني ، يعني تعدا حقوق الله وهذا لازم يقام عليه الحد ، انا استغرب من البنات اللي ينصحونك تكسبينه او تحاولين معاه او تطنشينه وهو بيرجعلك
ليه والله ما يستاهل ، انتي اشرف منه ومنها هاذا ما يستاهل ظفرك

لا ترخصين عمرك ، لا ترخصين كرامتك ، ابعدي عنه هذا نهايته معروفه الله يكفينا ،
اذا كان بتكلمينه انصحيه بالتوبه وخليه يرجع لربه قبل لا يفووووت الفووووت

 

[طيف الود]

اللة يكون فى عونك وينصرك عاجل غير اجل

 

[وحيده في دنياي]

الله يفرج همك

 

[رازيا]

البنات ما قصروا

 

[النفوس الحائره]

الله يكون بعونك وماودي احط بذمتي يمكن الرجال مسحور ترى الله يكفينا الشر كثرالسحر واللي مايخافون الله يسوون كل شي