انا اللي مسكت ريلي وعشيقته في العزبة

[حزينه حد الجنون]

الله يلعمك الصبر ياقلبي الله ينصرك عليها يارب

 

[رازيا]

ما شاء الله البنات ما خلولي شي اقوله الله يبارك فيكم وينصر صاحبة المشكلة امين

 

[زوجةاسير]

الله يفرجها لك حاولي انك ماتحتكين فيها ولا تكلمينها اصلا الاشكال هذي ارفعي نفسك عنها ولا تتكلمين مع زوجك عنها عيشي حياتك لك ولااولادك وبيتك ولا تنسين اهم شيء الدعاء والالحاح على الله وكثرة الاستغفار بنية تكفير الذنوب لالشيء معين

 

[ملكة بدون عرش]

اختي قي شي كنت بعلق عليه بس لازم تكونين صريحه مع نفسك

كيف علاقتك مع الله---------- لمن شفتي زوجك معها انقهرتي لنفسك ولا لان شرع الله ينتهك

مهم يا اختي بعض المصايب تجي عشان تصحينا من غفلتنا وكلنا بشر وكلنا خطاء ومحد فينا معصوم

لمن عرفتي انه يشرب وهذي معصيه كملتي المشوار معاه ------------------ وهنا غلطي بعد

وبعدك تركضين وراه والمفروض انك تشمئزين منه ومن زوجته ------- الحمد الله الذي عافانا من مابتلاهم به وفضلنا على خلقه-الزنا مو هين وهي كبيره


في كل هذي المواقف زعلتي لنفسك وتغاضيتي عن خطاء كبير وتحاولين تنتصرين لنفسك


حبيبتي انا ما اقولك انا مانغلط وانا كاملين كلنا ذنوب ومثل ماقلت احيان ربي يبلينا بمصيبه عشان نرجع ونتوب

شوفي علاقتك با امك والدك كيف

من هنا اقلك هو اختار طريقه خليه اتركيه وانتي اختاري طريقك طريق السعاده طريق النجاة والفوز

ابكي على سجادتك وادعي لاتدعين ربي رده لي لاكن ادعي ربي اهديه واصلحه قبل اي دعوه

عيشي مع الله تئتيك الدنيا طوعا

اتركيه معها بكرى يفوق ويركض يلاحقك لمن يشوفك حطتيه في اخر الاهتمامات

 

[سلفرادو]

تذكرتك يا ام حماد وتذكرت قصتك اللي تقهر من جد
بس بقولك حاجة نسيتيها انتي تسبي بنت الناس وتقولي عليها صايعه وانه تكلم غيرة ترى لاتحطي بذمتك بعدين ربك ينتقم منك ترى اعراض الناس مش لعبة
بعدين يمكن البنت طيبة وزوجك لعب في مخها وخلاها تعطيه الحامل والمحمول قبل الزواج ويمكن زوجك شاف فيها انسانه تنفع تشيل اسمه بالرغم انها نامت معه قبل الزواج ولا كيف بدوي ياخذ واحده نايم وياها ...البدوي اذا كلم وحده قبل العرس قال عليها فلتانه مابالك نام معاها !!!!! مش بس البدوي الرجل الشرقي بانواعه
ومب شرط انها كانت عشيقه زوجك يعني انها صايعه ومن كلامك الكل متقبلها ويشوفها مسكينه الا انتي اسمحيلي فوقي لنفسك
ومن قالك ان الجلابيات والحنه والميك اب اللي تسويه دايما وملابس نعومي البلدي ان زوجك ما يحبها??? بالعكس يحبها بس مايحبها فيكي
حبيبتي تعلمي منها ادلعي روحي البسي جلابيات سوي حنه نفسها سوي ميك اب نفسها لاتنسي ان زوجك بدوي ويحب البداوة وبقولك اياها اذا زوجك قالها اضعفي بتضعف عشانه وبتسحب البساط من تحتك وانتي بتندبي حظك كالعادة,,,,
انتي قاهرتني تتحرشي في بنت الناس وخليتي زوجك
ولا وحدة من العضوات تنصحها انها تخلي اخو صاحبتها يطلع معاها سوري انتي وين عايشة ولا اشدعوة هي بترد على اخو صاحبتها بالعكس بتعطي الرقم زوجها اللي هو زوجك ويمكن يعرف انه انتي ورا القصه ويذبحك
طنشيه وحتى لو ماجرا وراكي انتي نفسيتك بترتاح منه وربي بيخلصك من حبه
ياخي اهم شيء الكرامة طز فيه والله والحياه مليئة بالخيارات والله لو منك من زمان وانا مطلقه وفي بيت ابوي بكرامتي وبعيالي اللي ربي بيحفظهم لي
الله ينزع محبته من قلبك التعبان امين

 

[فجر123]

لا تعطيه وجه

وبيركض وراش


والبسي وتحني


وخلي اسلوبك زيها ومشيتك غيريها


مو اقصد تكلمين لا اقصد لاتهتمي فيه واذا راح عندها خلك فرفوشه واطلعي وانبسطي بالعكس فرصه لايظل صالون ولايظل مناكير ولا بديكر ماتسوينه روحي حق ربعش وخلييهم يجونك مشي امورك طبيعيه

عيشي حق نفسك وعيالك


وبين فتره وفتره رسلي له رساله .....وزي كذا

اذا تأخر لادقي عليه طنشيه وه بيجي لحاله

دلعي نفسك وعيالك وسوي تغيرات بسيطه بالبيت


والله يوفقك يارب

 

[ابي اسجل وبسس]

الله يعينك
طيب انتي طنشيه وهو من نفسه راح يرجع لك
بس لا تحسسينه انه هو وزوجته كل همك
عيشي حياتك لين ربي يهديه لك

الله يسخره لك ياااارب

 

[البلقيسيه]

الاخت عابره فى الحياه
معضم كلامك ..جميل ولاكن ارفض وبشده
الفقراات ..التاليه
8خافى الله وش هالنصيحه
10
11
14
16
19

 

[ملكة بدون عرش]

وينك طمنينا

 

[بنت حماد]

انا قاعده اقرا كل الردود وبستفيد واللي تدافع عن الخطافه اللي خطفت ريلي اقولها انتي ماشفتيها عسب تدافعين عنها وبفوق على نفسي والله ياخذه وياخذها انا خلاص ما ابيه بس اسب ريلي من اللي يسويه وصرت مااتصل عليه صرت كارهته
تدرون لما يكون عندي تقعد تطرش له صورها القبيحة وصور ملابسها اللي تلوع وهو يتبوسم ويستانس ولما اطالعه يغلق التلفون ويفره بعيد ويلعب ويا عياله يقهرني وااايد ادعي عليه بالموت من حر مافيني
اقول يمكن اذا مات ارتاح استغفر الله العظيم
انا الحين في الدوام اتصلت به عشان شغلة ضرورية مارد عليا طرش لي مسج خير? في اوقح من جذا عقب مسكت عمري ومارديت عليه ولا انا خاطري اطلع حرتي فيه وهو من يكون اسبوعي يقعد يتصلها حبيبي وينج? كل ساعه ويطرش لها مسجات يقولها تحبيني وانا اشوفه يارب انتقم منه
بس حلفت اني اعز نفسيا وكرامتيا ويارب كرهني فيه ​

 

[ملكة بدون عرش]

والله حاسين فيك طنشي انتي اكبر من انك تحطين عقلك بعقولهم طنشي انسي ان عندك زوج انسي واذا احتجتي شي خلي عيالك يدقون الي نبي نوصله انك تخليه يحس انه خسرك وانك انشغلتي عنه ولك حياتك الخاصه وفي اشياء افضل منه تخليك تهتمين فيها دامك موظفه ادخلي فتجاره واشغلي بالك فيها وطوري نفسك

 

[بستان زهور]

السلام.عليكم.
اختي.الدعاء.الدعاء.واهتمي.بعيالك.ولا.تعيريه.اهتماما.لعله.يشتاق.اليك.
لان.كل.ممنوع.متبوع.
اللهم.اصلح.حال.اختنا.وحالنا

 

[قلوب منسية]

اسمعي يا بنت حماد ولا تزعلين مني ترى ما اكتب هالكلام الا لمصلحتج تعرفين ليش يركض وراها ومطنشج لانها ثقيله وانتي لززززقه طنشيييييييه طنشششيييييييييييييييييييييييييييييييييييييه كل البنات قالو لج هالكلام واذا ما طبقتيه عاد انتي بكيفج .

 

[بنت حماد]

يا قلوب والله اني اطنشه بس مب عارفه هو من اي عجينه
خاطري اعرف شو اللي شاف فيها وليش خذاها هي مع انه عرف وحب غيرها وايد اشمعنا هي
هاللي ذابحني وليش كله ينافق انا احب الجمال شكل الرياييل كلهم منافقين ومامنهم امان انا الحين قاعدة اطنشه امي تقولي مسحور اقري عليه انا غصب عني اكتب لكم احس اذا ماطلعت اللي في قلبي بيوقف قلبي مب اني مااسمع نصايحكم بالعكس قاعده اطبقها نصيحة نصيحة​

 

[قمررى]

لالالالالالالاتكفين لاتقلدينها في لبسها وحناتها ومكياجها تري بيضحك عليك هو وزوجته واذا سويتي زي ماقالو البنات لاتتوقعين بيرجع بسرعه مو من اول يوم او اسبوع يبغالك صبر قصتك تدكرني بقصه لناعمه الهاشمي بس نسيت اسمها لو قريتيها بتستفيدي كثييييييييير تكفين يابنت حماد ادا تحبين زوجك سوي الي قالوه لك البنات

 

[-موج-]

لا حول ولا قوة الا بالله...حبيبتي عندي شغلك واطفالك ..وزوجك خليه وره ظهرك..اعتبريه راس حاجه...الله يصبرك يا قلبيوالله يعينك..وحسبنا الله ونعم الوكيل من كل رجل خائن...

 

[الملاحه]

اولا الله يعينج على بلواج سكير وزاني بس شو تسوين فوضي أمرج لله والله انا قريت ردودج وانا مع امج يمكن يكون مسحور حاولي تقرين سورة البقره في ماي وتعطيه يشرب منها بدون ما يحس وطلعي آيات السحر وارقيه يمكن تكون عاميه سمعة وبصرة عنج وهذيل الهايتات تراهن ما يخافن ربهن يلصقن في حيالله ريال عشان هذيك الشغلة (......) في هذي الفترة كثري من الدعاء في جوف الليل وقراءة البقرة كل يوم واتركيه في هالفترة والتفتي لنفسج وعيالج ولا تخلين زوجج وحرمته كل اهتماماتج لا تمرضين ولا حد بيسال عنج حافظي على نفسج وانسيه فترة لا تعبريه ولا تعبرينا تراها هي تبا تقهرج وانت مب حاسه يالسه تنكد عليج على نار هاديه وانت تربعين وراء رضى زوجج اللي مب حاس فيج والله يصبرج عزيزتي

 

[الوردهـ الخجوله]

الله يربط ع قلبك حبيبتي

 

[بنت حماد]

مشكورات على المرور والنصايح​

 

[رمقة وفا]

معليش بدون زعل زوجك غلط والله يصبرك بس شكل زوجك رومنسي وانتي لاهيه عنه بالحمل والولاده اللي ورا بعض مما سهل على العشيقه المهمه بعدين لاتصيرين وراه وراه اثقلي شوفي كيف تعلق فيها ومواصفاتها اقل منك جذبته باسلوبها وثقلها. الله يرده لك رداً جميلا.