اللي ضيعت زوجها بعد الولاده

[النايفه]

موضوع حلو وخصوصا انه فيه بنات مازالوا في نفاسهم على الطريقه القديمه

لكن البنات الحين تغيروا صار في اهتمام في نفسهم

بالنسبه لي بعد فترة الوحام اهتم بنفسي حتى الحمام المغربي اسويه

وقبل موعد الولاده وأكون عارفته لأني قيصري اهتم بنفسي من ازالة شعر جسمي واستشوار شعري

وفي المستشفى احط كريم خفيف خطة كحل وغلوس وعطر يعني يجي زوجي يشوفني امرتبه

بالنسبه للنفاس لازم تكون في بيت الأهل عشان زيارات الاهل والاصدقاء

وكل واحده تحاول اتشجع زوجها يجي يزورها ويبات عندها

وطبعا موضوع تحط احجاب على شعرها خلاص انتهت بالنسبه لي كل كم يوم تجي تستشور شعري واحده وطبعا السباحه عشان عمليتي كل يومين واحط عطورات عادي ومكياج خفيف جدا

بصراحه انا مازمالت من مؤيدين النفاس عند الأهل مع التغييرات الجديده الا اللي عندها اعيال اكبار ومدارس واختبارات تروح بعد اسبوعين عشان تقدر تضبطهم

مدري بعد النفاس احس انها مرحله جديده وعروسه جديده

وعلى فكره فيه بعضهم اخر اسبوع ترجع بيت اهلها عشان تتجهز وتطلع عروس

تحياتي للجميع

 

[وجدان ام سارة]

حبيبتى الدانا كلامك صحيح بالنسبة للنفاس الوحدة تقعد فى بيتها وماتتركة
بس مالك حق تتهزئين بشى معروف للجميع الى هو غذاء النفاس الحلبة والسفوف حبيبتى الحلبة والسفوف الى مو عاجبتك تراها من ايام ادم وحواء والحريم تاخذها ومايختلف علية احد وبعدين من قال ان الحرمة ماتستشم ؟ يمكن ربى حماك من الشمم وبعدين تعالى شوفى اليمانى والافغانى يشيل 4 اكياس اسمنت فوق ظهرة هذا من اكل الحلبة ولله
هذا طب عارفينة من ايام جدتى وجدتك ومحد انكرة وبعدين لاتقولين انى وش زينى اذ انتى ماتتبعين النظام عدل اكيد انتى متاثرة لاتقولين وش زينى شى بالعقل واخيرا لكى منى كل التقدير وشكرا على الموضوع

 

[sokar]

كلامك حلو ومنطقي بس مو تماما لاني الان في فترة النفاس واحس انو البعد عن الزوج شي جدا مفيد لانه ولاول مرة من تزوجنا اترك البيت وهالشي حسسه بقيمة وجودي فالبيت وكيف انه صار ممل وبايخ لما تركته ثانيا رجعتنا هالفترة لايام الخطوبة الحلوة يعني تليفونات وزيارات خفيفة وبس يعني رجعت الشوق واللهفة من جديد فا بلعكس انا اشوفها جدا جدا مفيدة خصوصا اذا كانت الزوجة اسلوبها حلو فالتليفون ومسجات الدلع وهالحركات وممكن يطلعون يتعشون برا ويتمشون والله تلاقينه يرجعها لبيت اهلها وهو بيموووت ويستنا اليوم الي تخلص فيه , عشان كذا البعد الجسدي \مو معناته بعد وجفاء فالمشاعر بلعكس ممكن يزيدها اذا عرفت الزوجة كيف

وبالنسبة للبس الي اقترحتيه بعد الاربعين اشوفه شوي صعب لان كلنا نعرف بعد الولادة على طول كيف يكون شكل البطن وما اظنه يسااعد ابدا لبس روب شفاف فقط او ملابس داخليه فقط انا عن نفسي افضل شي يغطي الاماكن الي تضررت بالجسم يعني يحليه الين ما يرجع جسمك لوضعه الططبيعي بعدها البسي الي تبين

وشكررررررررا عالموضوع الحلو

 

[ام سلامي]

تسلموووووووووووووووووووووووووووووووووووووووووووووون حتى ردودكم حلوه

 

[ريف قلبي]

انا من راي الأخت Sokar انا بعد زوجي كان حاس ان البيت مش حلو وكان يتريا نرجعله.. وانا بعد ارتحت شوي .. والله الصراحه أول فتره الوحده حتى ما تقدر تيلس على حيلها من الخياطه المؤلمه... مابالج تقوم وتتعدل وتترتب وتصبغ ظفورها بعد.. الوحده يبالها فتره ترتاح شوي.. انا كنت هلكانه وادور النوم والراحه. وتبين الصدق ماكنت أبدا أبدا ابغي زوجي شوفني على هالحاله.. كنت ابا اكون مترتبه حقه ومتعدله .. ويوم كان يزوني كنت اضغط على عمري والبس لبس حلو واتعدل شوي.. وهو كان مراعي اني تعبانه ودايما يسألني اذا استويت أحسن ولا لا.. يعني يا اختي هذي الفتره بالذات أصعب فتره في حياة الحرمه .. وصح مثل ما لزوجها حق عليها بعد هي لها حق عليه.. ماعليه مش مشكله تترتب وتتعدل وتحاول تكون جدامه بصورة حلوه.. بس والله هي مش ناقصه تعب عشان تيلس تحاتي وتخاف ينحرف ولا يخون ولا يسوي مصايب.. اللي بينحرف بينحرف سواء حرمته في نفاس ولا غيره.. ولا يكلف الله نفسا إلا وسعها..

 

[شموخ ورده]

يسلمووووووووووووو
والله استفدت من الموضوع والمناقشات

 

[الوردة الحمراء*]

تسلمين على النصايح الرائعه

 

[سعوديه]

كلامك عين العقل حبيبتي الدانة
وبصراحة ما احب حركات النفاس اللي 40 يوم في بيت اهلها لا في بنات يجلسون فوق ال40 زيادة كم اسبوع عشان تقدر تعدل حالها
والرجال مسكين ما احد يدري بحاله
لا وبعدين يجون يشتكون..

الف شكر يا قلبي

 

[هـايدي بلقيس^_^]

الله يجزاك الــــــــــــــــــــــــــــــــــــــف خير

 

[أم خالد99]

انا معك بكل الي قلتيه وكلامك كله درر

بالنسبه لنظافه هذا شي اساسي
الاستحمام يوميا
والجلوس في ماء دافئ مع الملح الخشن له فوائد كثيره منها النظافه وشد المنطقه وتعقيمها
حتى السلوليت يخف
هذا الي يصير معي
احب اشرب القرفه لانها تنظف مرةوهذا من تجربتي كان الدم يطلع كتل كانها كبده وكنت اخاف شنو هذا
وقالت لي الوالده ان القرفه تنظف الارحام من بقايا الدم
بالنسبه للعطور والبخور
والله العظيم اني كنت احس ان الخياطه تبي تتفكك من كثر الانتفاخ والتورم ولا ارتاح حتى اجلس بماء وملح خشن
يمكن كل امراة تختلف عن الاخرى من ناحيت الروايح

هذي تجربتي
وعندي اهم شي النظافه والاستحمام اليومي

ومشكورة على هالموضوع المفيد ان شالله نطبق ولو شي بسيط منه لاني بنهاية السابع والتعب والارهاق ماخذ مني كل قوتي
والنفسيه تحت مرة

 

[Um Maryam]

بصراحه أنا حتى لمن ربيت وكنت هلكانه فالمستشفى لبست ذهب وتمكيجت..وفترة النفاس اضطريت اني ايلس عند أمي لاني ما ربيت طبيعي فكنت محتاجه وجود أمي معاي بس لما كان زوجي يزورني كنت اتعدل وألبس ملابس فصلتها مخصوص لفترة بعد الولاده وكلها من الشيفون اللي ألوانه هاديه مع الدانتيل الرقيق..

 

[مليكة الحنان]

مههههههههههههم

يعطيك العافيه

 

[نبرة حزن]

مشكورة الشيخة الصراحة موضوعج وايد حلو أنا ما أترك زوجي في فترة الحمل والنفاس موجودة عنده في البيت مع أن الفترة الاولى في الحمل واايد صعبة
لا زم الحرمة أتكون مجابله ريلها عشان يحس بمعاناتها ويوقف وياها ويآزرها

 

[جـود]

يعطيك العافيه

 

[أطياف]

يالله هالموضوع قريته الاف المرات في اكثر المنتديات

وقلبي كان حاااس ان أساس هالموضوع في بلقيس

واحساسي طلع في محله وصاحبة الموضوع الدانه يالبي قلبها

والله يالدانه اني احبك في الله

 

[متفائلة]

كلام أختنا الدانة درر

من تستطيع الاقامة في منزلها واتباع نصائح الدانة كان بها

ولم تستطيع بامكانها البقاء لدي أهلها

مع حرصها على التواصل مع بعلها بطلة جميلة

ولا تحرمة من الحركات ...

كما بامكانك الخروج معا الي أحد المطاعم للعشاء

أو النزهة بصراحة آخر نفاس لي

استمتعت به رغم تواجدي لدي أهلي

يعني طلعات وجيات وحركات

ولو تشوفون الأجانب أمس حامل بكرة تشوفينها

مداومة زي الفل !

والا تشوفينها شايله بل معلقه ولدها ورايحه تشتري جريدة !

يعني المسألة تعتمد على المرأه نفسها ومدى قوتها بعد الولادة .

نحن بفكرة 40 يوم أعتقد بأنها عقاب جسدي ونفسي

لأن بعض النساء تطهر من أسبوع وأخريات من 10 أيام

وتصلى وتصوم ...

أما موضوع التوسيع والتضويق

وصي دكتورتك عند الولادة تقوم بتضويقك

ومن كانت تعاني من الوساعة الآن باستطاعتك عمل تلك العملية

ببنج موضوعي بمبلغ زهيد جدا

وتطلعين بعد ساعه بالكثير الى منزلك

ولكن لا يتم الجماع الا بعد شهر

ولا ننسى أبدا فضل تمارين كيجل ثم كيجل ثم كيجل

والا تيتي تيتي زي ما رحتي جيتي

موفقين

 

[la esperanza]

مشكوووره والله حبيبتي
هذا فعلا موضوع مفيد
اما عني انا ساكنه في الغرب
والدكتوره قالت لي اسبوعين وتحسين نفسك ارتحتي ومافي دم ولاخرابيط
اما عن فتره الحمل استغليت البشره النظره والشعر الصحي ماشاء الله فتره الحمل المرأه تتغير
تزيد بشرتها نظاره وشعرها يطول ويكون صحي ومنتعش...
صحيح النفسيه مش ولابد ولكن هذا مايمنع ان انتي تهتمي بنفسك
يعني اتعجب على نساء تقولك ماراح ازيل الشعر الا بعد الاربعين او ماراح ازيل الشعر وقت الدوره
ليش يابنات هي مو بس للرجل انما لنضافتك الشخصيه
حتى تكونين واثقه في جسمك في كل وقت

انا ضد رقود المرأه في بيت اهلها في الحمل او النفاس يمكن اذا لابد منها تكون اسبوع ومعاكِ زوجك كل يوم

تسلمي يا الدانه مواضيعك رووعه

 

[نورعيني]

انا الحمد لله في حملي ماتركته مع اني تعبت مره بس قعدت في بيتي وامي الي جاتني

وفي نفاستي قعدت بس اسبوعين عند اهلي

وبعدين رحت البيت وكنت البس وكل شي

بس بصراحه مااتنظفت الا بعد لالاربعين
والحين باصبغ هههههههه

لاني لسا توي لي 3 اشهر من ولدت

واحلمدلله على كل حال



مشكوره اختي

وكلامك حلو

 

[&Asrar&]

كلام رائع و نصائح ثمينة .... شكرا لك

 

[مرسى]

والله موضوع خطيييييييييييير وإحنا على بالنا إذا غبنا عنهم بيموتون من الشوق ولازقين في أهلنا لزقه بس والله مع ذلك ياقلبي فيه أشياء ماينفع تسوينها عند الزوج (( يعني الكريمات مثلا اللي كل ليله راح ادهن جسمي فيها 00 والحزام اللي مربوط على الكرش علشان نرجعها لسابق عهدها 00 البخور حق النفاس اللي ريحته تلوع الكبد بس فوايده معروفه )) ماادري حيرتيني بس عموما يعطيك الف عافيه